Ջուլֆալակյանը դժգոհ է ԵԱ 2019 մրցավարությունից. տեսագրությունը դիտելով՝ սխալ որոշում են կայացրել

ՀՀ հունահռոմեական ոճի ըմբշամարտի հավաքականի գլխավոր մարզիչ Լեւոն Ջուլֆալակյանին դուր չի եկել Եվրոպայի 2019 թ. առաջնության մրցավարությունը: Այս մասին նա նշեց այսօր՝ ապրիլի 17-ին, լրագրողների հետ հանդիպման ժամանակ: Նա նշեց, որ ապրիլի 8-14-ը Բուխարեստում կայացած մրցաշարում մրցավարները մի շարք վիճելի որոշումներ են կայացրել մրցակիցների օգտին: Նա գովեց Կարեն Ասլանյանին ու Արսեն Ջուլֆալակյանին, որոնք պարտվելուց հետո բրոնզի համար պայքարելու շանս ստացան եւ նվաճեցին այդ մեդալները, սակայն մյուս կողմից նշեց, որ նրանց դեպքում էլ մրցավարների գործողությունների վերաբերյալ հարցեր առաջացան:

«Երկուսն էլ շատ լավ գոտեմարտեր արեցին: Սպասելիքներ կային, որ եզրափակչում հանդես կգան, բայց եղան խանգարող պատճառներ: Երկուսի դեպքում էլ եղան կասկածելի պահեր, որոնք հօգուտ մեր մրցակիցների տրվեց, բայց շատ մրցավարներ հետո զրույցներում համամիտ էին մեզ հետ, որ եղել են մրցավարական բացթողումներ»,- ասաց նա:

Ըստ մասնագետի՝ Արսեն Ջուլֆալակյանի (77 կգ) դեպքում, օրինակ, մրցավարները մրցակցի օգտին որոշումն են կայացրել նույնիսկ տեսագրությունը դիտելուց հետո: 1/8 եզրափակչում Արսենը պարտվեց գերմանացի Ռոլանդ Շվարցին: Մարզիչը բացատրում է, որ դրվագներից մեկում գերմանացին դուրս է եկել սահմանված գոտուց, բայց Արսենին միավոր տալու փոխարեն, նրան են տվել: Իրենք բողոքարկել են, սակայն նույնիսկ տեսագրությամբ պարզ տեսնելով՝ ինչ է տեղի ունեցել, հաշվի չեն առել: Մարզիչը նշում է, որ այստեղ պետք է նկատի ունենալ, որ գերմանացին պատահական ըմբիշ չէր, ու մրցավարական անձնակազմի ղեկավարը գերմանացի է եղել:

«Կարեւորը գերմանացին կարողացավ հասնել եզրափակիչ: Արսենն օֆիցիալ մրցումների 2 տարի չէր մասնակցել, միջազգային մրցաշարերի էր մասնակցել, մեդալներով էր վերադարձել, բայց օֆիցիալ մրցաշարն անհամեմատ կարեւոր է, որպեսզի մարզիկը նորից զգա, որ լիարժեք պատրաստ է, նման կարգի մրցաշարերում չի զիջում, եւ դա ապացուցեց»,- ասաց մասնագետը:

Պարտվելուց հետո բրոնզի համար պայքարելու շանս էին ստացել նաեւ Սլավիկ Գալստյանը (63 կգ), Հրանտ Կալաչյանը (72 կգ) եւ Մաքսիմ Մանուկյանը (87 կգ): Առաջին երկուսը պարտվեցին բրոնզի համար գոտեմարտում, Մանուկյանը՝ սփոփիչ գոտեմարտում: Ջուլֆալակյանը նշում է, որ Հիմնականում տակտիկական բացթողումներ են եղել: Մարզիչը հատկապես դժգոհ է մյուս քաշային կարգերի մարզիկներից, որոնք նույնիսկ բրոնզի համար մրցելու հանարվորություն չստացան:

«55 կգ քաշային կարգում Ռուդիկ Մկրտչյան, 60՝ Գեւորգ Ղարիբյան, 82՝ Սարգիս Քոչարյան եւ 130՝ Դավիթ Օվասափյան: Օվասափյանը դեռ երիտասարդ է, նոր առաջին քայլերը պետք է անի մեծահասակների հավաքականում: Մյուս 3-ից դժգոհ եմ, որովհետեւ նրանց հնարավորություններն ավելին էին եւ սպասելիքներն էլ էին ավելին»,- ասաց նա:

Եվրոպայի առաջնությունից հետո ՀՀ հավաքականի առաջիկա խոշոր մրցումն ամռանը Մինսկում կայանալիք Եվրոպական խաղերն են: ԵԱ-ում հայ հունահռոմեականնները նվաճել են 6 հնարավորից 5 ուղգիր՝ 60, 67, 77, 87 եւ 97 կգ քաշային կարգերում: Միայն 130 կգ քաշային կարգում ՀՀ-ն մասնակից չունի: Կազմի հարցում Ջուլֆալակյանը որոշում է կայացնելու մրցումից անմիջապես առաջ: ԵԱ-ի համեմատ՝ փոփոխություններ կլինեն: 99%-ով կմասնակցի օլիմպիական, աշխարհի եռակի, Եվրոպայի քառակի չեմպիոն Արթուր Ալեքսանյանը, որը ԵԱ-ն բաց թողեց, քանի որ նոր էր ապաքինվել վնասվածքից: Նա արդեն լիարժեք մարզվում է: Կարապետ Չալյանի (77 կգ) հարցում հստակություն կլինի առաջիկայում: Նա լուրջ վնասվածք ունի, դեռ հայտնի չէ՝ վիրահատվելու է, թե՝ ոչ:

Նախաօլիմպիական 2019 թ. ընթացքում հավաքականի համար ամենակարեւորը ստուգատեսը սեպտեմբերին Ղազախստանում կայանալիք աշխարհի առաջնությունն է, քանի որ օլիմպիական վարկանիշային է: ԵԱ-ից հետո սկսվում է հավաքականի նախապատրաստական շրջանը Եվրոպական խաղերի ու աշխարհի առաջնության համար:

Մայիսի 9-23-ը հավաք կլինի Երեւանում՝ «Օլիմպավանում», որին խնդրել են մասնակցել նաեւ Շվեյրցարիայի ու Բուլղարիայի ընտրանիները: Հետո որոշ ըմբիշներ կմեկնեն Ղազախստան՝ միջազգային մրցաշարի: Հունիսի 13-27-ը կրկին հավաք կլինի Երեւանում: Հետո մարզիկները կմեկնեն Եվրոպական խաղերի: Այնուհետեւ հավաք կլինի Ռուսաստանում: Դրանից հետո մարզիչները կընտրեն, թե Վրաստանում, Բելառուսում, Լեհաստանում ու Գերմանիայում կայանալիք միջազգային մրցաշարերից որին որ ըմբիշները կմասնակցեն: Հետո հավաք կլինի Մինսկում, ապա Երեւանում, որից հետո էլ հավաքականը կմեկնի աշխարհի առաջնության:

Տպել
1375 դիտում

ՀՀ ԱԳ նախարար Արարատ Միրզոյանը հանդիպում է ունեցել Իռլանդիայի ԱԳ նախարար Սայմոն Քովենիի հետ

Ռուսաստանը Կասպարովին ճանաչել է օտարերկրյա գործակալ և ներառել հատուկ ցանկում

ՀՀ ՊՆ-ն հերքում է ադրբեջանական դիրքերը գնդակոծելու մասին տեղեկությունը

Երկրում տիրող իրավիճակը դրամատիզացնել պետք չէ, օրինական ընտրությունները տվել են բոլոր հարցերի պատասխանները. Գրիգորյան

Վայոց ձորի մարզում արջը հարձակվել է բոխի հավաքող տղամարդու վրա. ճանկռոտել, կծել, ապա վնասվածքներ է պատճառել գլխին

Սփյուռքը լուռ էր, երբ խորհրդարանում գնդակահարում էին պետության գլուխներին, սպանում՝ խաղաղ ցուցարարներին. Բաբաջանյան

Շոյգուն Պուտինին զեկուցել է ուկրաինացի զինյալներից «Ազովստալ»-ը և Մարիուպոլը ամբողջությամբ ազատագրելու մասին

Միրզոյանը հանդիպում է ունեցել Սերբիայի ԱԳ նախարար Նիկոլա Սելակովիչի հետ. քննարկվել են տարածաշրջանային հարցեր (տեսանյութ)

Դեսպան Հովակիմյանը Չեխիայի խորհրդարանի Սենատի նախագահին է ներկայացրել տարածաշրջանում վերջին զարգացումները

Արարատ Միրզոյանը շնորհավորել է Ֆրանսիայի նոր արտգործնախարարին

Բրյուսելում Փաշինյան-Միշել-Ալիև եռակողմ հանդիպմանը որևէ փաստաթղթի ստորագրում նախատեսված չէ․ Արմեն Գրիգորյան

«Գազպրոմ»-ը դադարեցրել է ռուսական գազի մատակարարումը Ֆինլանդիա ռուբլով չվճարելու պատճառով

Պարոնայք գեներալներ, որտե՞ղ էիք, երբ բռնություններ էին գործադրվում տարբեր լեգենդար հրամանատարների նկատմամբ. Գաբրիելյան

Ծիծեռնակաբերդի խճուղին փլուզման հետևանքով երկկողմանի փակ է

Նախագահ Վահագն Խաչատուրյանը կմասնակցի Համաշխարհային տնտեսական համաժողովին

Գետափում դարձյալ բնակարանամուտ է նշվել (լուսանկարներ)

Միրզոյանը Բույար Օսմանիին է ներկայացրել ԼՂ հակամարտության խաղաղ կարգավորման՝ հայկական կողմի դիրքորոշումը (տեսանյութ)

Այսքան բացահայտ իրար ուտո՞ւմ են. Ստյոպա Սաֆարյանը՝ Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել