Հետո Ադրբեջանը չբողոքի, եթե հանկարծ պարզվի, որ շփման գիծը փոխվել է ոչ ադրբեջանցիների օգտին

Ապրիլյան պատերազմի տարելիցի օրերին արցախյան խնդրի նկատմամբ հասարակության ուշադրությունը, բնականաբար, եռապատկվում է։ Առավել եւս հիմա, երբ դրան նախորդեցին Փաշինյան-Ալիեւ հանդիպումն ու միջազգային կառույցների լավատեսական գնահատականները։ Բայց Հայաստանում գնահատականները հակասական են․ընդդիմադիր քաղաքական (եւ ոչ այնքան քաղաքական) շրջանակներն իրենց դժգոհությունն են հայտնում, թե նախ՝ Արցախն այդպես էլ չվերադարձավ բանակցությունների սեղանի շուրջ, եւ երկրորդ՝ Վիեննայի եւ Սանկտ Պետերբուրգի պայմանավորվածությունները «թաղվեցին», որովհետեւ դրանց որեւէ անդրադարձ չեղավ, հետեւաբար՝ Ադրբեջանը փաստորեն մարսեց ապրիլյան պատերազմը։

Ի՞նչ է տեղի ունենում իրականում, եւ ի՞նչն է փոխվել բանակցային գործընթացում վերջին ամիսներին։ Մինչեւ հիմա ամեն ինչ տեղի էր ունենում մոտավորապես այսպես․ բանակցությունների հերթական փուլից կամ բարձր մակարդակի հանդիպումից առաջ ադրբեջանական կողմը շփման գծում սրում էր իրավիճակը, ագրեսիվ հայտարարություններ էր անում, հայկական կողմն էլ դատապարտում էր դա ու կոչ անում պահպանել Վիեննայի ու Սանկտ Պետերբուրգի պայմանավորվածությունները։ Ընդ որում՝ կոչն ուղղված էր լինում միջնորդներին, նրա՛նք պիտի Ադրբեջանին ստիպեին պահպանել այդ պայմանավորվածությունները։ Իսկ միջնորդները դա տհաճությամբ էին անում կամ ընդհանրապես չէին անում։ Ինչո՞ւ։

Որովհետեւ այդ պայմանավորվածությունները (շփման գծում մշտադիտարկումներն ու հետաքննությունների մեխանիզմի ներդնումը) փաստացի կամրագրեին, որ ռազմաճակատի գիծն ըստ էության պետական սահմանի կարգավիճակ ունի եւ փոփոխման ենթակա չէ։ Իսկ միջնորդներն, ինչպես հայտնի է, ժամանակ առ ժամանակ դեմ են արտահայտվում ստատուս-քվոյի պահպանմանը։ Այսինքն՝ շփման գծին ըստ էության պետական սահմանի կարգավիճակ տալն այս պահին նրանց պլանների մեջ չի մտնում։ Այստեղից էլ՝ Վիեննայի եւ Սանկտ Պետերբուրգի պայմանավորվածությունները «մոռացության մատնելը»։

Իսկ ո՞րն է հայկական կողմի պատասխանը։ Դիվանագիտական ձեւակերպմամբ դա ԱՄՆ-ում հնչեցրեց պաշտպանության նախարարը՝ հայտարարելով, թե «տարածքներ անվտանգության դիմաց» բանաձեւն այլեւս չի գործելու, եւ դրան փոխարինելու է «նոր պատերազմ նոր տարածքների դիմաց» սկզբունքը։ Սա նշանակում է, որ ռազմական գործողությունների վերսկսման դեպքում հայկական զինուժը չի բավարարվելու միայն պաշտպանական գործողություններով, անցնելու է հարձակման եւ Ադրբեջանին տարածքային նոր կորուստներ է պատճառելու։ Ընդ որում՝ դրանք հենց այնպես, օդում ասված խոսքեր չեն։ Հայկական բանակը գերժամանակակից կործանիչներ է ձեռք բերել, համալրվում է հեռահար ճշգրիտ խոցման զինատեսակներով, զորավարժություններ են անցկացվում նաեւ հարձակողական սցենարներով, եւ այլն։ Այսինքն՝ փոխվում է ամբողջ տրամաբանությունը, որովհետեւ միայն արդյունավետ պաշտպանվելու ունակ բանակ ունենալը, պարզվում է, ադրբեջանցիները բավականաչափ ծանրակշիռ փաստարկ չեն համարում ավելի կառուցողական մոտեցում ցուցաբերելու համար։

Ասվածն, իհարկե, չի նշանակում, թե հայկական կողմը դադարեցնելու է ջանքերը հակամարտության խաղաղ կարգավորման ուղղությամբ եւ նոր տարածքներ է գրավելու ադրբեջանցիներին ավելի խաղաղասեր դարձնելու նպատակով։ Ոչ իհարկե։ Պարզապես մեզ վախեցնել փորձող Ադրբեջանը պիտի իմանա, որ նոր պատերազմից վախենալու առնվազն նույնքան հիմքեր ունի։ Եվ մենք դրան պիտի հասնենք ոչ թե խրոխտ հռետորաբանությամբ, այլ բանակի սպառազինության տրամաբանությունն ընդլայնելու կոնկրետ քայլերով։ Ինչը եւ իրականացվում է։

Պարզ ասած՝ հայկական կողմի ուղերձը մոտավորապես սա է․ շատ լավ, եթե գտնում եք, որ Վիեննայի եւ Սանկտ Պետերբուրգի պայմանավորվածություններն այնքան էլ կարեւոր չեն, ու շփման գծի փոփոխությունը կարող է նաեւ «լեգիտիմ» լինել՝ թող այդպես լինի։ Բայց հետո չբողոքեք, եթե հանկարծ պարզվի, որ շփման գիծը փոխվել է ոչ ադրբեջանցիների օգտին։ Վերջին հաշվով՝ իսկ ո՞վ է ասել, որ մշտադիտարկումներն ու հետաքննությունների մեխանիզմը մեզ ավելի են պետք, քան ադրբեջանցիներին։ Հայկական բանակն ի վիճակի է ե՛ւ մշտադիտարկումներ իրականացնել, ե՛ւ հետաքննել, ե՛ւ դրա արդյունքում պատժել հրադադարի ռեժիմը խախտողներին։

Եվ դա, ի դեպ, միայն մեծացնում է արդյունավետ բանակցությունների հավանականությունը։

Տպել
6767 դիտում

Դատապարտելի է այսօր ԶԼՄ-ների կողմից տարածվող մեր զորքի Ա կետից Բ կետ տեղափոխման մասին հրապարակումները․ Դավիթ Սանասարյան

ՄԻՊ-ը հորդորում է Հայաստանի սահմանների վիճակի հետ կապված չտարածել խուճապ առաջացնող ինֆորմացիա

Իսրայելի նավթամուղում հրդեհ Է բռնկել Գազայի հատվածից իրականացված գնդակոծությունից հետո

Կենտրոնի թաղապետարանում տեղի ունեցած միջադեպի հետևանքով պատճառվել է 1.5 մլն դրամի գույքային վնաս

Ադրբեջանական կողմը իր սադրիչ գործողություններով փորձում է ազդել մեր ներքաղաքական զարգացումների վրա. Տաթեւիկ Հայրապետյան

Վրաստանի վարչապետ Իրակլի Ղարիբաշվիլին ժամանեց Երեւան (լուսանկար)

Նար-Դոսում ինքնաձիգից օդ կրակած տղամարդը ձերբակալվել է. դեպքի վայրում 14 պարկուճ է հայտնաբերվել

Սյունիքի տարածքում մեկնարկած և ընթացող մարտերի վերաբերյալ տեղեկություններն իրականությանը չեն համապատասխանում. ԱԱԾ

«Երևանի ավտոբուս» ՓԲԸ-ն 75 մլն դրամ է պարտք վառելիք մատակարարող «ՍԻՓԻԷՍ ՕԻԼ»-ին. ինչու հանրային տրանսպորտը չէր աշխատում

«Հայաստան» դաշինքի շտաբը կղեկավարի Արմեն Գեւորգյանը

Իշխանասարում ոչ մի կրակոց չի հնչել, էլ ուր մնաց՝ մարտեր ընթանան. Վահագն Ալեքսանյան

Դատավոր Կարինե Պետրոսյանը ԲԴԽ-ին հրաժարականի դիմում է ներկայացրել

Երուսաղեմի հայկական թաղամասում և պատրիարքարանում կյանքն ընթանում է բնականոն հունով, անմիջական վտանգ չկա

Ադրբեջանցիները դիրքային աշխատանքների ընթացքում խախտել են մեր վարչական սահմանը, մերոնք միջամտել են. սյունեցի պատգամավոր

Խաբեության համար մեղադրանք է առաջադրվել Երևանի բնակչին

Երևանի բնակարաններից մեկում բռնկված հրդեհին հայտարարվել է բարդության «1 ԲԻՍ» կանչ

«Երեւանի ավտոբուս» ՓԲԸ-ի դիզվառելիքի մատակարարումը վերսկսվել է. Հակոբ Կարապետյան

Ադրբեջանական զինուժը փորձել է աշխատանքներ իրականացնել Սյունիքի սահմանին, այս պահին ընթանում են բանակցություններ. ՊՆ

ԿԸՀ-ն գովազդային վահանակների գովազդի համար կուսակցությունների դիմելու վերջնաժամկետ է սահմանել

Հայաստանի դատապարտյալների հավաքականը շախմատի միջազգային մրցաշարում զբաղեցրել է 3-րդ հորիզոնականը

«Գետերի ափամերձ տարածքների վերականգնում Հայաստանում» ՔՈՎԻԴ-19-ի արձագանքման ծրագրի շրջանակներում ուռենիներ են տնկվում

Նիկոլ Փաշինյանը շնորհավորական ուղերձներ է հղել արաբական պետություններին

Սեւանա լճի մակարդակը նախորդ տարվա մայիսի 11-ի նիշից բարձր է 16 սանտիմետրով

«Freedom House»-ն Ադրբեջանին կոչ է արել հայ գերիների մասին լիարժեք տեղեկատվություն տրամադրել ՄԻԵԴ-ին

Հաստատվել է կորոնավիրուսային հիվանդության 354 նոր դեպք. գրանցվել է 21 մահ

Կենտրոնի փոխթաղապետին ու գլխավոր մասնագետին մեղադրանք առաջադրվեց

Ավտոբուսները երթուղի դուրս չեն եկել, Երևանի քաղաքապետարանը փորձում է լուծել խնդիրը. Հակոբ Կարապետյան

27 տարի առաջ այս օրը ուժի մեջ էր մտել Արցախում կրակի լիակատար դադարեցման մասին անժամկետ եռակողմ համաձայնագիրը

«Սպուտնիկ-Վի» պատվաստանյութի երկրորդ դեղաչափն այս գիշեր հասել է Հայաստան

Գերիների հարցն ադրբեջանական իշխանություններն արհեստական ձգձգում են՝ իրավական գործընթացների բացահայտ չարաշահմամբ. ՄԻՊ

Այս ընտրություններին «Քաղաքացիական պայմանագիր» կուսակցությունը մասնակցելու է առանց դաշինքի

Նախկին բարձրաստիճան զինվորականը Ադրբեջանին է փոխանցել ՀՀ զորքի, հետախուզության տվյալներ. նախաքննությունն ավարտվել է

Արցախի «Զառին բաղ» կոչվող հատվածում մեքենա է կողաշրջվել. վարորդն ու ուղևորը հոսպիտալացվել են

Թել Ավիվի օդանավակայանը փակ է. Իսրայելի մշակութային ու տնտեսական կենտրոնի ավերածությունը՝ լուսանկարներով

Անցած 1 օրում ԱԻՆ փրկարարներն արձագանքել են տրանսպորտային պատահարների մասին 6 ահազանգի

Պաղեստինը հարվածում է Թել Ավիվին, Իսրայելը՝ Գազային. 2 կողմում հսկա ավերածություններ են, զոհերի թիվն աճում է (տեսանյութ)

Մայրաքաղաքում և մարզերում էլեկտրաէներգիայի մի քանի ժամյա պլանային անջատումներ կլինեն

«Ես Աստված եմ... ես սպանելու եմ մեծ քանակությամբ բիոաղբ». Կազանի դպրոցի հրաձիգի գրառումն ու ողբերգությունը

Իսրայելը հրթիռակոծվում է. հարյուրավոր հրթիռներ՝ Թել-Ավիվի ուղղությամբ. թիրախավորվել է օդանավակայանը (տեսանյութ)

Կոտայքի մարզպետը Չարենցավանի բժշկական կենտրոնում ծանոթացել է համավարակի դեմ պատվաստումային գործընթացի ակտիվությանը