Երևան
16 °C
searchclose
today
menuclose
Երևան
16 °C
«Սասնա ծռեր» խմբի 10 անդամների գործով այսօր Արմեն Բիլյանի եւ Պավել Մանուկյանի համար եւս մեկ նոր հանրային պաշտպան ներգրավվեց:
Պաշտպան Սեդրակ Մկրտչյանի ներգրավմանը, սակայն, Բիլյանն ու Մանուկյանը դեմ էին: Մանուկյանը մասնավորապես նշեց, որ ինքը պաշտպան ունի՝ Զարուհի Փոստանջյանը, իսկ Բիլյանն էլ հայտարարեց, որ հանրային պաշտպանները իր պաշտպանությունը պատշաճ չեն իրականացնում:
«Մենք բացարձակապես չենք կարողանում աշխատել այդ պաշտպանների հետ, նրանք իմ մոտ չեն գալիս, իմ կարծիքը չեն հարցնում, ուղղակի գալիս ներկա են ստանում ու գնում: Այս մարդը (նկատի ունի իր պաշտպան Վահե Եփրիկյանին,-հեղ.) մեկ ամսից ավելի է՝ եկել է, նախորդ պաշտպանը որ գնաց, ընդամենը մեկ անգամ է ինձ այցելել: Ես պետք է աշխատեմ, որ բացահայտվի կեղծիքը... պաշտպանը նրա համար է, որ պաշտպանություն ապահովի, եթե ուղղակի ներկա ստանալու համար պաշտպան են ուղարկում, ապա ինձ պաշտպան հարկավոր չէ: Հանրային պաշտանի գրասենյակի ղեկավարին ասեք, որ պաշտպան չուղարկի՝ առանց իմ կարծիքը հարցնելու»,- ասաց Բիլյանը եւ հայտարարեց, որ ինչպես նոր ներգրաված հանրային պաշտպանից, այնպես էլ իր մյուս հանրային պաշտպանից հրաժարվում է: Վահե Եփրիկյանը, սակայն, նշեց, որ Բիլյանի հայտարարությունը չի համապատասխանում իրականությանը: «Ամեն գործի քննության ընթացքում ամեն ինչ իր հետ համաձայնեցնում եմ, իր շահերին հակասող որեւէ գործողություն չեմ կատարում: Ինչ վերաբերում է վերջինս տեսակցելուն՝ աշխատանքային ծանրաբեռնվածությունից ելնելով չեմ կարողացել նրան տեսակցել, սակայն չի եղել այնպիսի հանգամանք, որ նա ցանկացել է ինձ հետ քննարկել եւ ես ժամանակ չեմ գտել կամ չեմ փորձել հարմարեցնել եւ զրուցել նրա հետ»,- ասաց պաշտպանը: Կողմերի դիրքորոշումը լսելուց հետո դատավորն, այնուամենայնիվ, որոշեց հանրային պաշտպանին ներգրավել որպես Արմեն Բիլյանի եւ Պավել Մանուկյանի պաշտպան:
Դատարանում այսօր ցուցմունք տվեցին գործով տուժող երեք ոստիկանները:
Մասնավորապես, ոստիկանության զորքերի ծառայող Փայլակ Մնացականյանը դատարանին հայտնեց, որ 2016 թվականի հուլիսի 29-ին ծառայություն է կատարելիս եղել Խորենացի փողոցում. ժամը 21:30-ի սահմաններում հրաման է ստացել դեպի Սարի թաղի ուղղությամբ շարժվելու, քանի որ, ըստ նրա՝ այնտեղ քաղաքացիներ էին հավաքվել եւ հնարավոր էր զանգվածային անկարգություններ տեղի ունենային: «Սարի թաղ չհասած առաջին եւ երկրորդ ոլորապտույտի միջնամասում մեզ մոտեցան բազմաթիվ քաղաքացիներ եւ սկսեցին քարեր, պայթուցիկներ, շշեր նետել, մենք պաշտպանվում էինք՝ վահանները պահելով մեր գլխավերեւում»,- պատմեց ոստիկանը: Ըստ տուժողի՝ որոշ ժամանակ անց ոստիկանության կողմից օգտագործվել են հատուկ միջոցներ եւ հաջողվել է անկարգությունները վերացնել, որից հետո ժողովուրդը ցրվել է: Մնացականյանի խոսքով՝ ժամը 22:30-ից 23:00-ի սահմաններում, երբ վերադառնալիս են եղել Խորենացի փողոցի կողմ, ՊՊԾ գնդի տարածքից կրակոցի ձայներ են լսվել: «Այդ ճանապարհին՝ գնդի մոտ հասնելու ժամանակ, զգուշացվեց, որ կրակոցներ են հնչում եւ հարկավոր է զգույշ լինել: Այդ հատվածն անցում էինք փոքր խմբերով, վազքով: Ես գնդի կողմից կրակոցի ձայն լսեցի եւ ցավ զգացի որովայնի եւ ոտքի հատվածում, չդադարեցնելով վազքս, անցա այդ հատվածը եւ մոտեցա մնացած ոստիկաններին ու օգնություն խնդրեցի»,- պատմեց տուժող ոստիկանը եւ նշեց, որ դրանից հետո իրեն են մոտեցել վաշտի հրամանատարը եւ գնդապետ Լեռնիկ Երանոսյանը (զորքերի նախկին հրամանատար Լեւոն Երանոսյանի եղբայրը,-հեղ.) եւ իրեն մոտեցրել շտապօգնության մեքենային: Դրանից հետո Մնացականյանը տեղափոխվել է «Էրեբունի» բժշկական կենտրոն, որտեղ նրան վիրահատել են եւ պարզվել է, որ կրակոցի հետեւանքով վնասվել է նրա հաստ աղիքը, որի միջից հանվել է փամփուշտի գնդակը: Ի պատասխան պաշտպան Զարուհի Փոստանջյանի հարցին՝ տուժողն ասաց, որ իր հիշելով՝ կրակոցն արձակվել է AKM տեսակի ավտոմատից եւ տեղյակ չէ՝ այն գտել են, թե՝ ոչ:
Ցուցմունք տվեց նաեւ ոստիկան Մայիս Հովհաննիսյանը, որը ՊՊԾ գնդի գրավման ժամանակ աշխատելիս է եղել Էրեբունու համայնքային ոստիկանությունում: Նա ասաց, որ 2016 թվականի հուլիսի 16-ին ծառայություն իրականացնելիս է եղել, երբ հրավառության եւ կրակոցի ձայներ է լսել: Դրանից հետո տեղակցել է, որ ՊՊԾ գունդը մի խումբ անձանց կողմից գրավվել է: Հովհաննիսյանի խոսքով՝ իր մեքենան, որը կայանված է եղել Էրեբունու բաժնին կից, ամբողջությամբ այրվել է: Թե ո՞ւմ կողմից եւ ինչ եղանակով է մեքենան այրվել, նա չգիտի: Տուժողը միայն նշեց, որ այդպիսով՝ իրեն մոտ 750 հազար դրամի գույքային վնաս է պատճառվել:
Գործով մյուս տուժողը Հրայր Հայրապետյանն էր: Նա դատարանին հայտնեց, որ 1993 թվականից ծառայում է ոստիկանությունում. դեպքի ժամանակ զբաղեցնելիս է եղել ՊՊԾ գնդի անձնակազմի գծով տեղակալի պաշտոնը, իսկ այժմ աշխատում է ոստիկանության մարտական եւ ֆիզիկական պատրաստականության բաժնի պետի տեղակալի պաշտոնում:
Տուժողն ասաց, որ 2016 թվականի հուլիսի 17-ին, առավոտյան ժամը 05:15-ի սահմաններում հեռախոսակապի միջոցով գնդի շտաբի պետից տեղեկացել է, որ գունդը գրավվել է, որից հետո անմիջապես գնացել է դեպի գունդ, փորձել մուտք գործել դրա տարածք, սակայն տեսնելով, որ գնդի դարպասների մոտ կանգնած են հրազենով մի խումբ տղաներ, ետ է քաշվել: Նրանցից իր մոտ տպավորվել է միայն մեկ տղամարդ՝ սպիտակ մորուքով, որը կանգնած էր իրենց ավելի մոտ եւ պահանջել ետ քաշվել: Հայրապետյանը նշեց, որ ամբողջ ընթացքում Խորենացի փողոցում է ծառայություն իրականացրել, միայն զինված խմբի դուրս գալուց հետո է մտել իր աշխատասենյակ: «Աշխատասենյակս թափթփած էր, աննկարագրելի վիճակ էր, այնտեղ ունեցել եմ հեռախոսաքարտեր, կրիչ, բայց ամենակարեւորը աշխատասեղանիս աջ կողմի դարակում գտնվող 336 հազար ՀՀ դրամն էր, որը նախատեսված էր 2-րդ կիսամյակի 02 շաբաթաթերթի համար: Դա 96 ծառայողներից յուրաքանչյուրից 3500 դրամ հավաքված գումարն էր, որը չկար: Շատ զարմանալի է, որ երկաթյա պահարանը, որը գտնվում էր իմ աշխատասենյակում, նույնպես այնտեղ չէր, այնտեղ ունեցել եմ համապատասխան փաստաթղթեր, իսկ ներքեւի մասում առկա էր իմ անվանական ՏՏ տեսակի ատրճանակը եւ Կոբրա տեսակի լապտեր: Նույն օրը հրամանատարիցս տեղեկացա, որ ատրճանակը հայտնաբերվել է գնդի դիմացի շենքի մասնաճյուղում, ինչպես նաեւ հայտնաբերվել է լապտերը: Օգոստոսի 8-ին ինձ տեղեկացրին, որ լազերային հրաձգարանում կա մի քանի երկաթե պահարան, որոնցից մեկը իրենն է եղել: Պահարանի վերեւի դուռը ջարդված էր, իսկ ներքեւինը՝ փակ. բանալիով բացել եմ ներքեւի դուռը, այնտեղից հայտնաբերել մուգ գույնի կտորից պայուսակ, նոթատետր եւ սկոչով փաթեթավորված ինչ-որ զանգված, կողքը՝ 1 միլիոն 116 հազար դրամ, երկու հատ մեկ դոլար եւ 50 ռուսական ռուբլի»,- ասաց Հայրապետյանը՝ հավելելով, որ հայտնաբերված պայուսակը եղել է ոստիկանության 4-րդ հատուկ գումարտակի հրամանատար Գեղամ Խաչատրյանինը: Տուժողի խոսքով՝ իրեն գույքային վնաս անձամբ չի պատճառվել, փաստաթղթերըմ գույքը չի վնասվել, այլ աշխատասենյակի դուռն է ջարդվել եւ մետաղական պահարանը վնասվել: Վարուժան Ավետիսյանի հարցին՝ հնարավո՞ր է, որ հայտնաբերված գումարը եւս պատականել է Գեղամ Խաչատրյանին, տուժողն ասաց, որ ենթադրում է, սակայն Խաչատրյանը նշել է, որ իր մոտ եղած գումարն ավելի շատ է եղել, որը գոյացել էր ավտոմեքենայի վաճառքից:
Սույն գործով հաջորդ նիստը տեղի կունենա մարտի 27-ին, որի ժամանակ կշարունակվեն տուժողների հարցաքննությունները:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
