Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

«Իմ քայլը» դաշինքի ցուցակը կազմվել է պրոֆեսիոնալիզմի, քաղաքական անցած ճանապարհի, քաղաքական պրոցեսների վրա ազդելու հնարավորությունները հաշվի առնելով՝ հանձնաժողովներում տեղ զբաղեցնելու հնարավորություններից ելնելով: Այս մասին «Հայկական ժամանակ»-ի հետ զրույցում ասաց «Քաղաքացիական պայմանագիր» կուսակցության վարչության անդամ, ՀՀ ԿԳ նախարարի պաշտոնակատար Արայիկ Հարությունյանը՝ անդրադառնալով «Իմ քայլը» դաշինքի համամասնական ցուցակին:

Մի առիթով Արայիկ Հարությունյանը լրագրողների հետ զրույցում ասել էր, որ «Քաղաքացիական պայմանագիր» կուսակցություն մտնելու, ինչպես նաեւ ցուցակում տեղ ունենալու համար «փորձաշրջան են» անցնում: «Մենք շատ լուրջ ֆիլտրեր ենք դրել, որովհետեւ անմիջապես հեղափոխությունից հետո հազարներով սկսեցին անդամագրվել «Քաղաքացիական պայմանագիր» կուսակցությանը: Հաշվի ենք առնում դիմողի մասնակցությունը նախկինում ՔՊ-ի գործունեությանը, թեկուզ ոչ կուսակցության անդամ, իր մասնակցությունը վերջին քաղաքական պրոցեսներին, այս ամեն ինչը հանգեցում է նրան, որ հեշտանում է»,- ասել էր Հարությունյանը:

Անդրադառնալով հարցին, թե, օրինակ, լրագրողներ Սիսակ Գաբրիելյանը, Թագուհի Թովմասյանն անցե՞լ են այդ քաղաքական ճանապարհը, նա արձագանքեց, որ մշտապես պրոցեսների մեջ եղած մարդիկ են այդ ճանապարհն անցնում: Ի դեպ, Թագուհի Թովմասյանը «Ժողովուրդ» օրաթերթի գլխավոր խմբագիր է:

ՔՊ-ի վարչության անդամ Ալեն Սիմոնյանից հետաքրքրվեցինք՝ արդյո՞ք ցուցակում խնամի-ծանոթ-բարեկամները, քավոր-սանիկները շատ են: «Ցուցակն այնպես չի լինելու, որ դուք հիասթափվեք եւ խնամի-ծանոթ-բարեկամ կապից դրդված որեւէ որոշում չի կայացվել: Կան մարդիկ, որոնց կարելի է հեռու ձեւով կապել, բայց նրանք լինելու են ռեյտինգային ցուցակներում եւ չեն անցնելու ծանոթության բերումով»,- ասաց նա:

Դիտարկմանը, թե ինչպես է թեկնածուների ընտրությունը տեղի ունեցել, Ալեն Սիմոնյանն ասաց. «Մարդիկ դիմել են, մեր կուսակցության եւ վարչության անդամները քննարկել են, նրանց հետ հարցազրույց ենք անցկացրել, քննարկումներ ենք արել»:

Այս պահին քննարկվում է, թե ՔՊ-ն իր քարոզարշավն ինչ մեթոդներով է իրականացնելու, ինչ ինքնատիպ գործողություններ է կատարում, ինչպես օրինակ 2017-ի ժամանակ էր, երբ Նիկոլ Փաշինյանն անձամբ բարձրանում էր տանիքներ: Տեղեկություններ կան նաեւ, որ «Իմ քայլը» դաշինքի թեկնածուները հնարավոր է՝ քարոզարշավի շրջանակներում քայլարշավ սկսեն Գյումրիից՝ ի նշան հայտնի քայլերթի: Ալեն Սիմոնյանը նշեց, որ ամեն ինչ քննարկման փուլում է եւ առաջիկայում պարզ կլինի բոլորին:

Իշխանությունը Երեւանի ավագանու ընտրությունների ժամանակ ուժերը բաժանեց սեւի եւ սպիտակի: Արայիկ Հարությունյանից հետաքրքրվեցինք՝ ՔՊ-ն քարոզարշավի շրջանակներում հայտարարելո՞ւ է, որ ՀՀԿ-ն սեւ ուժ է: «Տակտիկան կքննարկենք, կասենք, առայժմ քննարկումների փուլ է: Բոլոր ուժերն էլ մրցակիցներ են:
Խնդրում եմ սպասել, երբ սկսենք քայլել, չքայլել, թռչել, թռչկոտել, այն ժամանակ կմեկնաբանենք»,- պատասխանեց նա:

Կրկին անդրադառնալով նախընտրական ցուցակին եւ պատասխանելով մեր այն հարցին՝ արդյո՞ք ճիշտ է, որ Նիկոլ Փաշինյանը պատռել է ՔՊ նախնական ցուցակը, քանի որ ով հասցրել՝ իր ծանոթ-բարեկամին էր այնտեղ տեղավորել, Արայիկ Հարությունյանը պատասխանեց. «2008 թվականին, երբ ավելի խորը քաղաքական պրոցեսների մեջ մտա, ինձ մոտ միշտ ծիծաղ էր առաջացնում նման հրապարակումը, երբ, ասենք, գործընկերներիդ հետ նստած մի շտաբում աշխատում ես, մեկ էլ մամուլը գրում է, որ նրանցից երկուսը միմյանց քիթ են կոտրել, կռվել են իրար հետ, բայց այդ մարդիկ քեզ հետ նստած են: Ցուցակի քննարկումները բավականին հարթ են անցել, եղել են, իհարկե, տարակարծություններ, բայց այդպիսի բան չի եղել»,-շեշտեց Արայիկ Հարությունյանը:

Արդեն լրագրողների հետ զրույցում Հարությունյանը պատասխանեց հարցին՝ արդյոք ճի՞շտ է, որ իրեն եւ Արարատ Միրզոյանին թիվ 3՝ Շենգավիթ, Մալաթիա-Սեբաստիա վարչական շրջաններն ընդգրկող ընտրատարածքում ռեյտինգային ձայներ ապահովելու հարցում օգնելու է պատգամավոր, գործարար Սամվել Ալեքսանյանը: Արայիկ Հարությունյանն ասաց. «Դուք ինչպե՞ս եք պատկերացնում, այսքան ժամանակ նման երեւույթ կամ դրսեւորում, համագործակցություն նման անձանց հետ տեսե՞լ եք մեր գործողություններում: Խոսում են, թող խոսեն»,-ասաց նա:

Որպես ԿԳ նախարարի պաշտոնակատար՝ Արայիկ Հարությունյանը վստահեցրեց, որ ուսուցիչներն ու տնօրեններն այլեւս պարտավորություն չունեն որեւէ կերպ ներգրավվելու ընտրություններին:

Խորհրդարանական մյուս քաղաքական ուժերը եւս հրաժարվեցին այս շրջանում խոսել իրենց քարոզարշավի մարտավարության մասին՝ առաջարկելով սպասել քարոզարշավի պաշտոնական մեկնարկին:

Տպել
2315 դիտում

Տոկիո-2020. Ըմբիշ Արսեն Հարությունյանը պարտվեց առաջին գոտեմարտում (տեսանյութ)

Տոկիո-2020. Արթուր Ալեքսանյանի և Սիմոն Մարտիրոսյանի պարգևատրման արարողությունը (տեսանյութ)

Տոկիո-2020. Սիմոն Մարտիրոսյան. Հավանաբար էլ չի ստացվում քաշ գցել

Տոկիո-2020. Սիմոն Մարտիրոսյանը՝ օլիմպիական խաղերի փոխչեմպիոն (տեսանյութ)

Տոկիո-2020. Ծափահարություններ մրցավարներին. Արթուր Ալեքսանյանը՝ օլիմպիական խաղերի փոխչեմպիոն (տեսանյութ)

Տոկիո-2020. Հեռացատկորդ Լևոն Աղասյանն ավարտեց պայքարը (տեսանյութ)

Ճապոնական կարգապահությունն ու Օլիմպիական խաղերը. հայացք Տոկիոյից

Տոկիո-2020. Մրցավարներն ըմբիշ Կարեն Ասլանյանից խայտառակ կերպով խլեցին կիսաեզրափակչի ուղեգիրը (տեսանյութ)

Տոկիո-2020. Հովհաննես Բաչկովը վստահ հաղթանակ տարավ ու դուրս եկավ կիսաեզրափակիչ (տեսանյութ)

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում