Նորմալ չի, որ մարդը 5 րոպե ավելի կանգնում է, 5 հազար դրամ տուգանք է. Նիկոլայ Բաղդասարյան

Երեւան քաղաքի արտահերթ ընտրություններից հետո դարձյալ առաջ է գալիս նախկինում բողոքի մեծ ալիք բարձրացրած հարցերից մեկը: Խոսքը կարմիր գծերի մասին է: Քաղաքացիները իրենց ավտոմեքենան կարմիր գծերով նշված փողոցներում կայանելու համար պետք է տարեկան 12 հազար դրամ վճարեն: Դրանից ստացվող գումարները պետք է գնային Երեւանի քաղաքային բյուջե, չնայած հանրության մեջ գրեթե կասկած չկար, որ դա գնում է ինչ-որ անձանց գրպանները: Մի քանի օր առաջ Երեւանի նորընտիր քաղաքապետ Հայկ Մարությանը ֆեյսբուքյան իր էջում նշել էր, որ կարմիր գծերի մասով ճիշտ կլիներ հանրաքվեի միջոցով երեւանցիները որոշեն, թե ինչ լուծում պետք է ստանա հարցը: Իսկ լրագրողների հետ զրույցում Հայկ Մարությանը նաեւ նշել էր, որ կարմիր գծերի եւ այդ փարկինգների գումարները գնում են քաղաքային բյուջե, եւ ինչ-որ խնդիրներ են լուծվում դրանով։

«Պիտի քարտեզագրվի Երեւան քաղաքը, նախատեսվեն վճարովի եւ անվճար կայանատեղեր»,- այս մասին մեր զրույցում ասաց ՀՀ վարչապետի հասարակական հիմունքներով խորհրդական, փաստաբան Նիկոլայ Բաղդասարյանը, որն օրերս հրաժարվել է Երեւանի ավագանու իր մանդատից:

- Պարոն Բաղդասարյան, ի՞նչ կարծիք ունեք կարմիր գծերի մասին, դրանք պե՞տք է լինեն Երեւանոմ, թե՞ ոչ:

- Ես ուզում եմ հարցն ավելի ճիշտ շարադրել, կայանատեղեր Երեւանում պե՞տք են, թե՞ ոչ: Իհարկե, կայանատեղեր Երեւանում պետք են, եւ ոչ ոք չի կարող ասել՝ պետք չէ: Այլ հարց է, թե ինչ քաղաքականությամբ դրանք պետք է տեղադրված լինեն: Այն քաղաքականությունը, որն այսօր կա, կարծում եմ, սխալ է: Շատ սխալ է կազմակերպված, ես դրա մասին բազմաթիվ հրապարակումներ ունեմ: Այն բացարձակապես նախատեսված չի քաղաքի բնակիչների, քաղաք հյուր եկողների համար: Այսինքն, այն տրամաբանությունը, որը կա եվրոպական զարգացած երկրներում պահպանված չի: Խոսքը չի վերաբերում գնային մոտեցումներին, խոսքը վերաբերում է կայանատեղերի կազմակերպվածության մասին: Այսինքն, որտեղ անվճար կայանատեղերը բացակայում են, որտեղ կայանատեղերը այնպես են կազմակերպված, որ մեքենան կարող է գալ կանգնեցնել ու 5 տարի չշարժվել: Իսկ քաղաքացին այդ կարմիր գծերի համար ամսական վճարում է 12 հազար դրամ: Ազատ տեղեր ոչ միշտ կան: Այդ սերվիս ասածը բացակայում է ընդհանրապես: Շատ հարցեր կան դրա վերաբերյալ, մի հարց չի, որ ասեմ՝ այս մի հարցն է, սխալ են արել, դա կուղղեն, ամեն ինչ նորմալ կգնա:

- Երեւանի նորընտիր քաղաքապետ Հայկ Մարությանը ֆեյսբուքյան իր էջում նշել էր, որ կարմիր գծերի մասով ճիշտ կլիներ հանրաքվեի միջոցով երեւանցիները որոշեն, թե ինչ լուծում պետք է ստանա հարցը: Արդյո՞ք դա հարցի լուծման ճիշտ տարբերակն է՝ հաշվի առնելով, որ երեւանցիների մեծ մասը ավտոմեքենա չունեն եւ հետեւաբար՝ այդ գումարը վճարելու հետ կապված մտահոգություններ չունեն:

- Կայանատեղերի հարցն այն հարցն է, որ պետք է որդեգրեն նոր քաղաքային իշխանությունները: Դա տեղական հանրաքվեի հարց չէ: Այսինքն, քաղաքային իշխանությունները պետք է զբաղվեն եւ հենց այդ քաղաքականությամբ նոր կայանատեղեր ստեղծեն: Մեր ծրագրի մեջ կար դրա մասին նշումներ, ես անձամբ մասնակցել եմ այդ ծրագրի կազմակերպմանը: Շատ լավ պատկերացնում եմ՝ ինչպես դա կարելի է իրականացնել եւ չեմ կարծում, որ այդ հարցում ներքաղաքային իշխանությունները խնդիր կունենան:

- Այսինքն, դա ինչպե՞ս է լինելու, հանրաքվե՝ այո կամ ո՞չ:

- Տեղական հանրաքվեն լրիվ ուրիշ հարցեր է լուծում: Այն չի կարող հարց լուծել, որտեղ ավտոկայանատեղի լինի: Պիտի քարտեզագրվի Երեւան քաղաքը, նախատեսվեն վճարովի եւ անվճար կայանատեղեր: Իմ կարծիքով՝ պետք է տարբեր կայանատեղեր տարբեր ժամանակահատված ունենան եւ տարբեր գներ ունենան եւ կարեւորը՝ վճարման համակարգը պետք է վերանայվի:

- Այսինքն, ներկայիս գործող ձեւը փոխվելո՞ւ է:

- Ներկայիս համակարգը աշխատող չի: Այս համակարգը հարմարեցված է կոնկրետ սեփականատիրոջ համար, կոնկրետ փող աշխատելու համար: Այն բացարձակապես հարմարեցված չի: Մի օրինակ բերեմ. ձեւավորված համակարգով միայն մեկ ամիս կարող ես վճարել կայանատեղիի տարեկան վճարում, եթե այդ ամիսը բաց ես թողնում, էլ չես կարող տարեկան վճարել: Դա անտրամաբանական բան է, մարդը եթե այս ամիսը Հայաստանում չեղավ, վերջ, էլ չի կարողանալու տարեկան վճարում կատարել: Նման բան չի կարող լինել:

- Լրագրողների հետ զրույցում Հայկ Մարությանը նշել էր, որ կարմիր գծերի եւ այդ փարկինգների գումարները գնում են քաղաքային բյուջե, եւ ինչ-որ խնդիրներ են լուծվում դրանով։ Մենք գիտենք, որ նախկինում խոսակցություններ կային, որ այդ գումարները ինչ-որ անձանց գրպաններն են գնում, սակայն այստեղից մեկ այլ հարց է առաջանում: Ինչի՞ համար էին վարորդները պայքարում՝ ավելորդ վճարների՞, թե որ այդ գումարը բյուջե գնալու փոխարեն ինչ-որ անձանց գրպաններն էր գնում:

- Կոնկրետ իմ մոտեցումն այն է, որ նախկինում անհասկանալի էր՝ ինչի՞ համար էր այդ գումարները գնում ինչ-որ կոնկրետ սեփականատերերի, որովհետեւ այն բացարձակապես սպասարկում չի պահանջում: Ես չեմ տիրապետում դրա ֆինանսական կողմին, բայց իրավական կողմին տիրապետում եմ, ուսումնասիրել եմ: Այդ մոտեցումը օրենսդրությանը հակասում էր: Ցանկացած տեղ կարող էին կարմիր գիծ գծել եւ ասել՝ պետք է փող վճարել կայանելու համար: Այդպես չպետք է ամեն ինչը զարգանա: Մարդիկ այդ անարխիայի դեմ էին պայքարում: Ես ինքս էլ դեմ եմ, որ չկանոնակարգված ինչ-որ փող աշխատելու միջոց լինի ինչ-որ մարդկանց համար: Խնդիրը ոչ թե այն է, թե որտեղ գնաց գումարը, այլ այն է, որ այնպես կազմակերպեն, որ հարմար լինի:

Ավելի լավ է մի քիչ ավել վճարեմ, բայց խնդիր չունենամ կայանատեղերի, քան թե այսօր ես այդ գումարը վճարում եմ, բայց էլի չեմ կարողանում մեքենա կայանել: Մարդը շրջանից գալիս է, պետք է մեքենան կանգնեցնի, տեղ չկա կանգնեցնելու` անվճար:

- Այսինքն, խնդիրը նրա մեջ է, որ նորմալ ծառայություն չե՞ն մատուցում:

- Ճիշտ ծառայություն չի մատուցված: Ծառայությունը նա է, որ իրենք պետք է տեղ հատկացնեն մեքենադ կայանելու: Այդ տեղ հատկացնել մեքենան կայանելու ծառայությունը բացարձակապես ճիշտ չի կազմակերպված:

- Չնայած դուք հրաժարվել եք Երեւանի ավագանու ձեր մանդատից, բայց ամեն դեպքում, որպես իրազեկ մարդ, կասե՞ք, թե ինչ տարբերակներով պետք է քաղաքային նոր իշխանությունը այս հարցը լուծի:

- Որպես մասնագետ ձեզ ասեմ. առաջինը պիտի քարտեզագրվի քաղաքը: Պետք է քաղաքը քարտեզագրվի, քարտեզագրման արդյունքում կազմվի, թե որտեղ ինչ ձեւ է պետք ստեղծել: Այսինքն. որտեղ է անվճար պետք, որտեղ վճարովի, որտեղ պետք է խանութները վերանայվեն: Փողոցների կառուցվածքը փոփոխելու խնդիր կա կայանման համար: Սրանք հարցեր են, որ պետք է քաղաքապետարանը գծագրելու միջոցով հատ-հատ լուծի: Լիքը հարցեր կան, որ պետք է կետ առ կետ վերանայվեն, դա հանրաքվեի խնդիր չի: Պետք է ոլորտի պրոֆեսիոնալ մասնագետների միջոցով այդ հարցը լուծի:

- Իսկ գնային քաղաքականությունը վերանայելու կարիք կա՞, թե նորմալ գներ են:

- Նորմալ չի: Նորմալ չի, որ մարդը մարզից գալիս է, կանգնելու տեղ չկա: Նորմալ չի, որ մարդը 5 րոպե ավել կանգնում է, 5 հազար դրամ տուգանք է:

- Այսինքն, դրանք բոլորը պետք է վերանայվե՞ն:

- Այո:

Տպել
4948 դիտում

Իջևան-Նոյեմբերյան ավտոճանապարհին մեքենաներ են բախվել. կան տուժածներ

«Մի′ գուշակիր, արի՛ հետազոտվելու». հանրային միջոցառում Սպիտակում և Երևանում

Սպասվում է բարձր կարգի հրդեհավտանգ իրավիճակ

ՀՀ-ն ցանկանում է Ճապոնիայի հետ հարաբերություններին նոր որակ հաղորդել և փոխգործակցության նոր էջ սկսել․ Արմեն Սարգսյան

ՀՀ ԶՈւ գլխավոր շտաբի պետն ընդունել է ՀՀ-ում Բուլղարիայի ռազմական կցորդին

Արաբկիր, Աջափնյակ և Դավիթաշեն վարչական շրջաններում իրականացվել է ուժեղացված ծառայություն (լուսանկարներ)

Տոկիո-2020. Արթուր Դավթյանի փայլուն ցատկերը որակավորման փուլում. Տեսանյութ

Նիկոլ Փաշինյանն ու Աննա Հակոբյանը մասնակցել են Ջիվան Գասպարյանի վերջին հրաժեշտի արարողությանը (լուսանկարներ, տեսանյութ)

Աճյունների որոնողական աշխատանքներն այսօր կշարունակվեն Վարանդայի (Ֆիզուլի) շրջանում

Կատարվել են խուզարկություններ, զննություններ, բերման է ենթարկվել 5 անձ. ուժեղացված ծառայություն Արմավիրի մարզում

Տոկիո-2020. մարմնամարզիկ Արթուր Դավթյանը հաջող ելույթով մեկնարկեց Օլիմպիական խաղերում

ՅՈՒՆԵՍԿՕ-ն Թուրքիայից զեկույց է պահանջում մզկիթի վերածված Սուրբ Սոֆիայի տաճարի վիճակի մասին. «Արմենպրես»

Նորագյուղ թաղամասում նռնակ է հայտնաբերվել

ՊՆ 35-ամյա ծառայողը մեքենայով գլխիվայր շրջվել է և տեղում մահացել. shamshyan.com

Մի պապիկ եկավ, ասաց՝ հիվանդանոցում զինվորների մազերը կկտրե՞ս. լիբանանահայ Գրիգորը դա չնչին փոխհատուցում է համարում

Պատմական Արտաշատ մայրաքաղաքի տարածքում կիրականացվեն հնագիտական ուսումնասիրություններ

Հետախուզվողն օդանավակայանից ներկայացել է ոստիկանություն

Նախագահ Սարգսյանն առանձնազրույց է ունեցել կայսր Նարուհիտոյի հետ, անդրադարձել հայ-ճապոնական հարաբերություններին

Երևանում վերջին հրաժեշտն են տալիս մեծանուն արվեստագետ, դուդուկահար Ջիվան Գասպարյանին

ՊՆ պաշտպանական ազգային հետազոտական համալսարանում վերապատրաստման դասընթացն ավարտվել է

Կորոնավիրուսային հիվանդության 250 նոր դեպք է հաստատվել, մահացել է 5 մարդ

Երևանում ավտոմեքենա է այրվել

ՀՀ նախագահ Արմեն Սարգսյանը մասնակցել է Ճապոնիայի կայսր Նարուհիտոյի կողմից կազմակերպված ընդունելությանը (տեսանյութ)

ՔԿ-ն հրապարակել է փոխհրաձգության հետևանքով հրազենային վնասվածքներ ստացած զինծառայողների անունները

ՄԻՊ արտահերթ զեկույց անգլերենով. ներկայացվել են Երասխում բնակիչների իրավունքների վտանգներն ու խախտումների փաստերը

Երևան-Սևան ավտոճանապարհին մեքենաներ են բախվել. տուժածները հոսպիտալացվել են

ՀՀ-ում փակ ճանապարհներ չկան

Հայ-ադրբեջանական սահմանում կասեցվել է ԱԹՍ-ով ՀՀ օդային տարածք մուտք գործելու փորձը. ՊՆ

Թալիբները պնդում են՝ իրենք վերահսկում են Աֆղանստանի 50-80 %-ը. Տաջիկստանը պատրաստ է ընդունել 100 հազար փախստականի

Մաթեմատիկայի միջազգային օլիմպիադայում Ֆիզմաթ և Քվանտ դպրոցների սաները շահել են արծաթե և բրոնզե մեդալներ․ կա նաև խնդիր

Լոռի Բերդ համայնքում կիրականացվի հակակարկտային կայանների տեղադրում և գյուղգործիքների ձեռքբերում

Քոչարյանի շուրջ ձեւավորված փուչիկը տրաքեց հունիսի 20-ին. Ռուստամ Բաքոյանը՝ ընդդիմության հետ համագործակցության մասին

Զառիթափ համայնքում կկառուցվի արևային ֆոտովոտային կայան և կիրականացվի ջրագծերի հիմնանորոգման աշխատանքներ

Դիլիջանի ոլորաններում «Nissan X-trail»-ը ձորն է գլորվել. կա տուժած

Շրջակա միջավայրի նախարարության աշխատակիցների համար անցկացվել է «People management» թեմայով թրեյնինգ

Մալիշկայի գյուղապետարանի և մշակույթի տան տանիքներին կկառուցվեն արևային ՖՎ կայաններ և կիրականացվի մասնակի ասֆալտապատում

Քանի որ բաց տեսարաններ կան, շատ ծնողներ կարող են վատ արձագանքել. նոր ձևաչափով ներկայացումն ու դերասանների անկեղծ զրույցը

Գրքերի շնորհանդես Մայր Աթոռ Սուրբ Էջմիածնում

Զորամիավորումներում շարունակվում են նորակոչիկ զինծառայողների մարտական պատրաստության պարապմունքները

Ադրբեջանական ԶՈւ-ն կրակոցներ է արձակում Գեղարքունիքի մարզի Կութ, Սոթք և Ազատ գյուղերի հարևանությամբ. ՄԻՊ