Չընտրվելու դեպքում էլ պատրաստ եմ աջակցել հաղթողին. մենք պատրաստվում ենք միասին կերտել նոր Հրազդանը

Սույն թվականի հոկտեմբերի 21-ին Կոտայքի մարզի Հրազդան քաղաքում տեղի են ունենալու քաղաքապետի արտահերթ ընտրություններ: Քաղաքապետի թեկնածուները նախօրեից սկսել են իրենց նախընտրական քարոզարշավը: Հրազդան քաղաքում առաջադրված է 3 թեկնածու՝ Լեւոն Ստեփանյանը, Սեւակ Միքայելյանը եւ Դավիթ Քոչարյանը: Սակայն, մեր տեղեկություններով, Դավիթ Քոչարյանը չի մասնակցում քարոզարշավին:

«Հայկական ժամանակ»-ը զրուցել է Հրազդանի քաղաքապետի թեկնածու Լեւոն Ստեփանյանի հետ:

24-ամյա Լեւոնը տնտեսագետ է, սովորել է Հայաստանի պետական տնտեսագիտական համալսարանի միջազգային տնտեսական հարաբերություններ ֆակուլտետում, ապա ծառայել է ՀՀ զինված ուժերում: Հանդիսանում է «Մարքեթինգի հայկական ակումբ»-ի կազմակերպիչների խորհրդի անդամ, 2016թ.-ին հիմնադրել է «MYbookstore» առցանց գրախանութը, իսկ 2017 թվականից հանդիսանում է «Մայ քորնըր» ՍՊԸ-ի տնօրեն:

Ստեփանյանն իր նախընտրական քարոզարշավը սկսել է Հրազդանի Երիտասարդական թաղամասից. «Փողոց-փողոց, տուն-տուն շրջելով հանդիպել եմ քաղաքացիների հետ: Յուրաքանչյուրի հետ անհատապես, առանձին, ամեն փողոցին անհատական ուշադրություն դարձնելով՝ պտտվելու ենք բոլոր թաղամասերով, բոլոր շենքերով, բակերով եւ մարդկանց հասցնելու ենք մեր ասելիքը, ծանոթացնելու ենք մեր ծրագրին ու գաղափարներին»,-մեր զրույցում ասաց նա:

Ստեփանյանը հասցրել է լինել նաեւ այն թաղամասում, որտեղ ինքն է բնակվում՝ Կոճոռում: Ինչպես մեր զրույցում ասաց քաղաքապետի թեկնածուն՝ բնակիչների արձագանքները դրական են, մարդիկ անկաշկանդ են. «Բնակիչները հետաքրքրվում էին թե՛ ծրագրային հարցեր էին տալիս, թե՛ հետաքրքրվում էին մեր նպատակներով, թե՛ տալիս էին ինձ հետ կապված հարցեր: Բոլորի հարցերին պատասխանել եմ, բաց թողնված հարցեր չեն մնացել»,- «Հայկական ժամանակ»-ին ասաց Լեւոն Ստեփանյանը՝ նշելով, որ պատրաստ է մինչեւ քարոզարշավի ավարտն այդպես էլ շարունակել:

Ստեփանյանի խոսքով՝ բնակիչներին հուզում են տարբեր ոլորտներին վերաբերող հարցեր, ինչպես, օրինակ, Երիտասարդական թաղամասի բնակիչները բարձրացնում են իրենց գլխավոր ճանապարհի ասֆալտապատման հարցը, երկրորդական ճանապարհների բարեկարգման եւ այլն. «Իրենց հետաքրքրում էր նաեւ երկրորդական փողոցների լուսավորության, ինչպես նաեւ կոյուղագծի ամբողջական վերանորոգման հարցը, քանի որ դրա միայն մի մասն է վերանորոգված»,- մեր զրույցում ասաց Լեւոն Ստեփանյանը՝ հավելելով, որ բոլոր հարցերի պատասխաններն ու լուծումները առկա են իր նախընտրական ծրագրում:

Քաղաքապետի թեկնածուն առանձնացնում է երեք կարեւոր գործ, որոնք իր ընտրվելու դեպքում պատրաստվում է առաջնահերթ կատարել. «Նախ՝ ամենակարեւորը, որը պետք է սկզբում անենք, դա ուղիղ ժողովրդավարության ներմուծումն է մեր քաղաքի կառավարման մեջ: Մենք պետք է մեր քաղաքացիներին ներգրավենք քաղաքային օրակարգի հարցերը որոշելու գործում: Հաջորդը, որը պետք է արվի, դա հասարակական ակտիվի ներգրավումն է քաղաքի կառավարման գործում, համայնքապետին կից երիտասարդական խորհրդի ձեւավորումն է: Եւ երրորդը, որն անմիջապես իրականացնելու եմ, դա բիզնես եւ գործարար կապերի ստեղծումն ու ամրապնդումն է Հայաստանում եւ Հայաստանից դուրս: Պետք է ներդրումներ բերենք Հրազդան, նոր աշխատատեղեր ստեղծենք, որպեսզի մարդիկ զբաղմունք, աշխատանք ունենան»,- «Հայկական ժամանակ»-ի հետ զրույցում ասաց Ստեփանյանը: Նա նշեց, որ բացի այս կետերից շատ այլ խնդիրներ կան, որովհետեւ Հրազդանում գրեթե չկա ոլորտ, որտեղ մեծ բացեր չլինեն,- «Խնդիրներ կան թե՛ քաղաքաշինության, թե՛ տրանսպորտի, թե՛ կրթամշակութային ոլորտներում»:

Ինչ վերաբերում է տրանսպորտի հետ կապված խնդիրները լուծելուն՝ քաղաքապետի թեկնածուն մեր զրույցում ասաց, որ պատրաստվում են ուղիղ ժողովրդավարության միջոցով, հանրաքվեի միջոցով հասկանալ՝ քաղաքացիներն ինչպես են ցանկանում լուծել այս հարցը՝ առաջարկվող երկու տարբերակներից. «Առաջին տարբերակը հետեւյալն է. բաց, թափանցիկ մրցույթի միջոցով ներգրավել տրանսպորտային նոր օպերատորներ: Իսկ մյուսը տարբերակը՝ ներդնել կենտրոնացած տրանսպորտային համակարգ: Մենք համայնքի բյուջեով տրանսպորտի նախարարությանը ծրագիր կներկայացնենք, որի արդյունքում կունենանք քաղաքի կենտրոնացված տրանսպորտային համակարգ: Այսինքն՝ տրանսպորտը կպատկանի քաղաքապետարանին, եւ մեր մշակույթից վերջապես դուրս կգա գծատեր հասկացությունը»,- ասաց Ստեփանյանը:

Լեւոն Ստեփանյանն ասաց նաեւ, որ ինքն անձնապես քաղաքապետի մյուս երկու թեկնածուներին ավելի քան տասը տարի ճանաչում է, եւ իրենց մեջ բավականին մարդկային, քաղաքացիական լավ հարաբերություններ են. «Մենք պատրաստվում ենք միասին կերտել նոր Հրազդանը: Այսինքն՝ անկախ նրանից, թե ժողովուրդն ում կտա իր քվեն, ես՝ ինքս, իմ ընտրվելու դեպքում, պատրաստ եմ լսել նաեւ մյուս թեկնածուների ձայնը, մյուս թեկնածուներին քվեարկած քաղաքացիների ձայնը: Ինձ համար Հրազդանում չեն լինելու թաղամասային բաժանումներ, չեն լինելու ջրառատցի, վանատուրցի, կոճոռցի բաժանումները: Ինձ համար ամենակարեւորը հրազդանցու կերպարի ձեւավորումն է, որը պետք է միասին անենք, միասին գնանք դեպի նոր Հրազդան»,-մեր զրույցում ասաց Հրազդանի քաղաքապետի թեկնածու Լեւոն Ստեփանյանը:

Իսկ չընտրվելու դեպքում Ստեփանյանը պատրաստ է առաջինը շնորհավորել հաղթող թեկնածուին, այնուհետեւ որպես քաղաքացի ծավալել իր գործունեությունը՝ հանուն Հրազդանի, ինչպես արել է նախկինում. «Չընտրվելու դեպքում պատրաստ եմ ցանկացած ընտրված թեկնածուի օգնել, ակտիվ աջակցել՝ Հրազդան քաղաքը թարմ ու ժամանակակից քաղաք դարձնելու գործում»:

Տպել
6847 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում