Նոր Արմավիրի գյուղապետը փորձում է զավթել խաղողի այգիս. 76-ամյա թոշակառուն հալածվում է

Արմավիրի մարզի Նոր Արմավիր համայնքի բնակիչ Հակոբ Համխիյանը հայտնվել է ծայրահեղ անօգնական վիճակում: 76-ամյա միայնակ թոշակառուն ՀԺ-ին դիմեց օգնության խնդրանքով, ասելով, որ այլևս իվիճակի չէ պայքարել գյուղապետի կողմից կատարվող անարդարությունների եւ հալածանքների դեմ: 

Հակոբ Համխիյանի խնդրին ՀԺ-ն անդրադարձել էր իր հոդվածներից մեկում, դեռևս այն ժամանակ, երբ քաղաքացին դատավարական խնդիրներ ուներ Նոր Արմավիրի գյուղապետ Արթուր Ավետիսյանի հետ: Համխիյանի խոսքով՝ նման ծանր վիճակի մեջ ընկնելու պատճառներից մեկն իրենց գյուղապետն է:

«Խաղողի այգուս ճանապարհը, որը թողել եմ իմ տարածքի հաշվին ու մուտքի եւ ելքի համար, Արթուր Ավետիսյանը երեք անգամ զավթել է, վարել, բոստան ցանել: Ճանապարհը մեկ անգամ հետ եմ վերցրել մարզպետի միջոցով, իսկ երկրորդ անգամ ոստիկանության միջոցով: Մշտական իմ տարածքն են չափում, ինչ ուզում ես արա՝ իշխանավորը անձեռնմխելի է, նրա տարածքը չեն չափում»,-մեզ հետ զրույցում ասաց Հակոբ Համիխյանը:

Վերջինիս վստահեցմամբ գյուղապետն է իր կնոջը՝ Ազնիվին, համոզել, որ բաժանվեն. «Արթուրը իր վենդետան ծրագրելու համար դիմել էր կնոջս, թե ամուսինդ մեր գյուղից չէ, բարեկամ, հարազատներ չունի, տարեց, թոշակառու, հաշմանդամ է, իսկ դու տասը տարով ջահել ես, թող հեռացի, մենք մի սենյակ կտանք իրեն, փողոցի կողմի լուսամուտից դուռ կբացենք: Այգին էլ ձեռքից կառնենք, տնամերձն էլ, մենք էլ կգանք, կուտենք, կխմենք, կգնանաք»,-պատմում է նա:

Երկրորդ կարգի հաշմանդամն ունի նաև տեսողության լուրջ խնդիրներ: Գյուղում միայնակ է ապրում եւ անօգնական: 38 հազար դրամ թոշակ է ստանում, հիվանդ վիճակում խաղողի այգին է մշակում, սակայն այգուց էլ պարբերաբար խաղողը գողանում են եւ նա օգուտի փոխարեն պարտքերի տակ է ընկել:

Ասում է՝ գյուղապետի հովանավորությամբ ամեն անգամ փորձում են իր այգին զավթել, բերքը գողանալ. «Երեք տարի է՝ բերքը գողանում են: Ոստիկանությունը 5 տոննայի գողությունը հաշվում է 150 կգ»: Համխիյանը պայմանագիր է ստորագրել «Արարատ կոնյակի - գինու-օղու կոմբինատ»-ի հետ, որով պարտավորվում է ամեն տարի բերքը ամբողջովին հանձնել ընկերությանը: Ասում է, որ 2015-2016 թվականներին գողության պատճառով չի կարողացել պարտավորությունը կատարել եւ պարտք է մնացել, իսկ 2017 թվականին 41 հազար դրամ ընկերությանն է պարտք մնացել:

Հակոբ Համխիյանից խլել են նաև տունը. հորեղբոր որդին համոզել է, թե ծեր հիվանդ մարդ ես, տունդ գրի որդուս վրա, մենք քեզ կնայենք, կխնամենք: Համիխյանը համոզվել է, տունը կտակել նրանց, եւ այսօր իր տան մեջ անօգնական ապրում է:

«Չորս տարի է՝ ներքևից վերև, այլ ատյաններ չմնաց, որ դիմեմ, գյուղապետը իմ ընտանիքի հանդեպ վենդետա է իրականացրել եւ պատճառ հանդիսացել իմ ընտանիքի եւ ունեցվածքի կորստին: Ընչաքաղցության եւ թալանի պատաճառով մնացել եմ մերկ ու անօգնական: Եթե թուրք հայակերները հանակարծ իմ վիճակը տեսնեին, զարմանքից  կգոռային՝ դու՛ք՝ գյավուրներդ, մեզ գերազանցել եք, ինչու՞ եք տանջում, սպանեք պրծեք»,-ասաց 76-ամյա ծերունին:

ՀԺ–ն կապ հաստատեց Նոր Արմավիրի գյուղապետ Արթուր Ավետիսյանի հետ: Վերջինս ժխտեց, որ երբևէ դատավարական խնդիրների մեջ է հայտնվել Հակոբ Համխիյանի հետ, սակայն նշենք, որ վերջինս իր հետ բերել էր դատավարական պրոցեսների հետ կապված բոլոր փաստաթղթերը:

Մեր հարցին՝ փորձե՞լ է ապօրինի ճանապարհով եւ բռնություն գործադրելով տիրանալ հողատարածքին, գյուղապետը ժխտեց՝ ասելով. «Ես չեմ ուզում շփվել նման մարդկանց հետ, ես այնքան հողատարածքներ ունեմ, ինձ ի՞նչ պետք են իր հողերը, ինքը հոգեկան անհավասարակշիռ վիճակում է գտնվում, կլյաուզնիկ մարդ է, բոլորի հանդեպ նման բաներ է անում»:

Մեր հարցին՝ թե սոցիալապես անապահով եւ հաշմանդամ թոշակառուին որպես գյուղապետ չի՞ կարող արդյոք որևէ աջակցություն ցուցաբերել կամ միջնորդել, որ կարողանա բուժում ստանալ, Արթուր Ավետիսյանն ասաց. «Թող գա, դիմում գրի կօգնեմ»: Գյուղապետն ասաց, որ օգնում է բոլորին, ովքեր իրեն դիմում են:

Տպել
11509 դիտում

«Նուբարաշեն» ԿՔՀ են փորձել տեղափոխել կանաչ, փոշենման զանգված

Մայր Աթոռում տեղի ունեցավ գիտաժողով` նվիրված Տ.Տ. Գարեգին Ա Ամենայն Հայոց Կաթողիկոսին

Իրանի դեմ սահմանված նոր պատժամիջոցները վկայում են Թրամփի վարչակազմի հուսահատության մասին. Ռոհանի

Արմեն Սարգսյանն աշխատանքային այցով մեկնել է Իտալիայի Հանրապետություն

Պուտինը կառավարությանը հանձնարարել է գումար հատկացնել Աբխազիայի բանակի արդիականացման համար

Վանաձորի մանկատան տնօրենի մրցույթը տեղի կունենա վաղը. 4 թեկնածու կա

Եղեգնուտ գյուղում ապօրինի 65 ծառ էր հատել. ոստիկանության բացահայտումը (տեսանյութ)

Օդի ջերմաստիճանը աստիճանաբար կբարձրանա 6-7 աստիճանով. Հայպետհիդրոմետ

Վաղը տեղի կունենա ՀՀ ֆուտբոլի սուպերգավաթի խաղարկությունը

Արա Սաղաթելյանն իմ 22 տարվա ընկերն է, որի մասին տեղյակ են բոլորը. Վանեցյանը՝ աղմկահարույց լուսանկարի մասին

Ի՞նչ պետք է իմանա իրավաբանական անձը ԵԱՏՄ անդամ չհանդիսացող երկրից Հայաստան ավտոմեքենա ներմուծելիս. ՊԵԿ-ի պարզաբանումը

Սյունիքում Իրանի քաղաքացու՝ հեղուկ գազ տեղափոխող բեռնատարի կցորդիչը 30մ գլորվել է դեպի ձորը. ԱԻՆ (տեսանյութ)

Արցախում զինծառայողը վիրավորվել է զենքի օգտագործման կանոնների խախտման հետեւանքով. նախնական տվյալներ

Եթե կա տեղեկատվություն, որը պետական գաղտնիք չի պարունակում, ապա պարոն Վանեցյանը պետք է հրապարակի այն․ Մակունց

Հնարավորություն կունենան ընդլայնվել. Արայիկ Հարությունյանն այսօր ընդունել է Հայաստանի ամերիկյան համալսարանի նախագահին

1,3 մլրդ եվրո արժողությամբ ներդրումային փաթեթ ու 178 ծրագրեր. Ավինյանն ընդունել է ՎԶԵԲ առաջին փոխնախագահին

«Գահերի խաղը» «Էմմի» մրցանակի է արժանացել՝ անկախ երկրպագուների դժգոհություններից

Ուշադիր ընթերցողը հասկացել է՝ ինչ նկատի ունեի ես. Վանեցյանը արձագանքել է Փաշինյանի հայտարարությանը. Hraparak.am

ՎՏԲ-Հայաստան բանկը և Armenian Assembly հ/կ-ն հուշագիր են ստորագրել

Սուրեն Պապիկյանի մարտահրավերը լրագրողներին. միասին անցնենք 48.3կմ երկարությամբ «Արփա-Սևան» թունելով