Ազատության ջահից խեդվում էին, նյարդայնանում, խուճապի մատնվում, սրտնեղում, ոգեւորվում

Երեկ խորհրդարանում երկրորդ անգամ Քաղաքացիական պայմանագիր կուսակցության պատգամավորները ԱԺ ամբիոնից իրազեկեցին ապրիլի 13-ից Ազատության հրապարակում սպասվող շուրջօրյա հանրահավաքների մասին: Պատգամավոր Արարատ Միրզոյանը մոտեցավ ԱԺ ամբիոնին եւ հայտարարեց կայանալիք հանրահավաքի մասին, այնուհետ հանեց ֆայերը, վառեց այն եւ նշեց, որ սա «Ազատության ջահ»-ն է: Նրան միացավ նաեւ պատգամավոր Լենա Նազարյանը: ՔՊ-ի պատգամավորների այս քայլից հետո ԱԺ լիագումար նիստերի դահլիճն ամբողջությամբ ողողվեց գունավոր ծխով: ՀՀԿ-ական պատգամավորներից Էդուարդ Շարմազանովը հայտարարեց, որ շոուն չի ստացվել, իսկ ԱԺ կանոնակարգով սահմանված կարգով համապատասխան քայլեր կձեռնարկվեն: Մասնագիտությամբ մանկաբույժ, խորհրդարանի նախագահ Արա Բաբլոյանն էլ մեկ այլ մտահոգություն հայտնեց՝ հանկարծ աշխատակիցների առողջությանը վտանգ չսպառնա կամ հրդեհ չբռնկվի:

«Պատկերացնում ենք, եթե այստեղ հրդեհ լինի, 700 հոգու կյանքը կվտանգվեր: Ես սա ընդունելի չեմ համարում»,- ասաց Բաբլոյանը:

Մեր զրույցում Արարատ Միրզոյանը մեկ անգամ եւս նշեց, որ այդ նյութը անվտանգ, անվնաս է: Օգտագործվում է մարզադաշտերում եւ վաճառվում է ամբողջ աշխարհում: Մեր հարցին՝ ԱԺ նիստերի դահլիճում կարելի՞ է կիրառել, Միրզոյանը պատասխանեց. «Ազգային ժողովի դահլիճը բավականին ընդարձակ տարածք է եւ չի վնասի մարդկանց»:

ՔՊ-ի պատգամավորների այս ակցիան խիստ ջղաձգել էր ՀՀԿ-ական պատգմավորներին: Նրանք մասնավոր զրույցներում նշում էին՝ հատկապես նյարդայնացած են այն հանգամանքից, որ նախապես տեղյակ չեն եղել, թե իրենց ինչ «անակնկալ» է սպասվում: Այնուամենայնիվ, ՀՀԿ-ականները Միրզոյանին տեսնելով ամբիոնի մոտ արդեն հասկացել են, որ Լենա Նազարյանի նախորդ ելույթի տրամաբանական շարունակությունն է լինելու: Սակայն, երեկ օրվա վերջին ՀՀԿ-ականներից մեկը կրկին մասնավոր զրույցում նշեց, որ չէին էլ կարող պատկերացնել, որ նման բան կարող է լինել: Մեր հարցին՝ արդյո՞ք ապրիլի 13-ից մինչեւ 17-ը տեղի ունենալիք քայլերից էլ ՀՀԿ-ն անակնկալի կգա, մեր զրուցակիցը նշեց, որ պատրաստված են, բայց ավելորդ զգուշությունը ոչ ոքի չի խանգարի:

ՀՀԿ-ն միակ խմբակցությունը չէ, որ երեկ ՔՊ-ի երկու պատգամավորների նախաձեռնությունից անակնկալի եկավ: Բանից անտեղյակ էին նաեւ ԵԼՔ-ի Լուսավոր Հայաստանի թեւի ներկայացուցիչները: Նրանցից Գեւորգ Գորգիսյանն ավելի շատ նյարդայնացավ, քան ԱԺ փոխխոսնակը: Նա պահանջեց անգամ լրացուցիչ ընդմիջում հայտարարել, իսկ վերջում այլ ելք չունենալով թաշկինակով սկսեց պաշտպանվել ծուխը շնչելուց: Գորգիսյանն այնքան էր նյարդայնացել, որ դահլիճից դուրս գալուց խփել էր «Ազատություն» ռադիոկայանի լրագրողի բարձրախոսին, երբ թղթակիցը խնդրել էր մեկնաբանել իր դաշինքի պատգամավորների նախաձեռնությունը:

Լուսավոր Հայաստանի պատգամավորները նախապես տեղյակ չեն եղել ՔՊ-ի ակցիայի մասին: Մանե Թանդիլյանը լրագրողների հետ զրույցում նշեց, որ այս քայլը գործընկերային չէ եւ պետք է իրենք անակնկալի չգային:

«Իրականում այս ակցիայի մասին մենք տեղեկություն չենք ունեցել, եւ ես գտնում եմ՝ դա գործընկերային չէ՝ գալ այստեղ եւ առանց մեզ հետ քննարկելու նմանատիպ ակցիա անել: Ես, իհարկե, շատ ավելի կողջունեի, եթե այդ քայլը քննարկված լիներ: Այնուամենայնիվ, քանի որ դահլիճում հեգնական արտահայտություններ էին հնչում, ես կոչ արեցի գործընկերներին՝ չհեգնել իրավիճակը և ըմբռնումով մոտենալ»,- ասաց Թանդիլյանը:

Նկատենք նաեւ, որ Մանե Թանդիլյանն ավելի վաղ ԱԺ ամբիոնից հայտարարել էր, որ պետք չէ ՔՊ-ի այս գործողությանը հեգնանքով արձագանքել:

«Սա դրդված քայլ էր առ այն, որպեսզի կարողանանք հասկանալ Հայաստանում տիրող իրավիճակը, եւ սա կոչ է՝ ուղղված քաղաքացուն»,- ասաց նա եւ շարունակեց, որ նման կերպ իր գործընկերները փորձել են ուշադրություն գրավել եւ խնդրեց դրան վերաբերվել որպես ըմբոստության քայլ ու չհեգնել: Միաժամանակ նա համաձայնեց ԱԺ նախագահ Արա Բաբլոյանի հետ, որ միգուցե այս նյութը կարող է վնասել առողջությանը:

Անկախ հնչած կարծիքներից, Լենա Նազարյանն ու Արարատ Միրզոյանն Աժ-ում ակցիա անելուց հետո կրկին միացան քայլարշավին, իսկ քաղաքական դաշտը երեկ այդպես էլ չհանդարտվեց: Օրվա եւ ժամի բավականին տարօրինակ փոփոխություններով իշխող ՀՀԿ-ն ԳՄ նիստ հրավիրեց, որտեղ քննարկվեց վարչապետի թեկնածության հարցը, թեեւ առանձնապես նոր ասելիք չկար: Այստեղ միայն ուշագրավն այն է, որ ՀՀԿ-ն նախորդ օրվա փոխարեն այսօր պետք է նիստ հրավիրեր, իսկ երեկ հրավիրված նիստը երկու ժամ առաջ գցեցին: ՀՀԿ-ի այս շտապողականությունն ուղիղ կապ ունի ընդդիմադիրների գործողությունների հետ: Երեկ ԳՄ-ի նիստի մեկնարկից մոտ մեկ ժամ առաջ Մելիք Ադամյան փողոցը ոստիկանական խիստ հսկողության տակ վերցվեց: «Օպերացիան» գլխավորում էր Երեւանի փոխոստիկանապետ Վալերի Օսիպյանը, որը հրաժարվեց ՀԺ-ին պարզապանումներ ներկայացնել, թե ինչու են ոստիկանական ուժեր կենտրոնացնում ՀՀԿ-ի կենտրոնական գրասենյակի տարածքում:

ԳՄ նիստին զուգահեռ Մելիք Ադամյան փողոցի սկզբնամասում՝ Տիգրան Մեծ պողոտայի հատվածից սկսվեց բողոքի ակցիա: Ցուցարարները Սերժ Սարգսյանի ծաղրանկարներով թռուցիկներ էին բաժանում, ապա բարձրախոսի միջոցով միացրեցին Սերժ Սարգսյանի 2014 թվականի հայտնի ելույթը, որտեղ նա ասում է, որ վարչապետի պաշտոնին չի հավակնի: Ցուցարարներին չհաջողվեց առաջ գնալ, նրանք նպատակ ունեին շրջափակել ՀՀԿ-ի գրասենյակը, բայց ոստիկանական պատնեշը թույլ չտվեց առաջ ընթանալ: Նիստից հետո, երբ ՀՀԿ խոսնակ Էդուարդ Շարմազանովը հայտարարեց, որ վարչապետի իրենց թեկնածուն Սերժ Սարգսյանն է, ակտիվիստները երթ սկսեցին դեպի Բաղրամյան 26: Ճանապարհին նրանք փակեցին Մաշտոցի պողոտայի արագաչափ սարքերից մեկի տեսախցիկը, իսկ ԱԺ-ի մոտից, երբ ցանկանում էին քայլել դեպի Բաղրամյան 26, ոստիկանությունը փակեց նրանց ճանապարհը, որտեղ էլ երթն ավարտվեց:

Այնուհանդերձ, ՀՀԿ-ում կարծում են, որ փողոց դուրս գալով երկրում իրավիճակ չի փոխվելու, քանի որ խորհրդարանական ընտրությունների արդյունքում քաղաքացին կուսակցությանը 58 մանդատ է վստահել: ԳՄ-ի նիստից հետո Շարմազանովից հետաքրքրվեցին՝ արդյո՞ք հնարավոր չէ, որ ժողովուրդը փոշմանել է մեկ տարի առաջ կատարած իր ընտրության համար եւ հիմա փողոց դուրս գալով՝ փորձում է իրավիճակ փոխել: ՀՀԿ խոսնակն ասաց.

«Փոշմանելը քաղաքական կատեգորիա չէ: ԱԺ նախագահի տեղակալին նման սիրողական հարցեր մի տվեք: Եթե որեւէ մեկը փոշմանել է, ապա փոշմանել է այլ խմբակցությունում»,- ասաց նա:

Տպագրվել է «Հայկական ժամանակ» օրաթերթի ապրիլի 12-ի համարում:

Տպել
3325 դիտում

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից