Երևան
21 °C
Մարտի 27-ին տեղի ունեցած «Արտավազդ» ամենամյա մրցանակաբաշխությանը «Լավագույն դերասան» անվանակարգում մրցանակը հանձնվեց միանգամից երկու դերասանի` Միքայել Վաթինյանին եւ Ավո Խալաթյանին՝ «Ռեւիզոր» ներկայացման համար: «ՀԺ»-ն զրուցել է Ավո Խալաթյանի հետ՝ ստացած մրցանակների, վերջինիս կողմից դրանց կարևորության, մասնագիտությամբ ապրուստի միջոց վաստակելու եւ Հայաստանում տիրող անցուդարձի շուրջ:
- Ավո, երեկ «Արտավազդ» մրցանակաբաշխությունում լավագույն դերասանի մրցանակի եք արժանացել, Հայաստանում մրցանակները սկսում են արժեզրկվել, վերջին տարիներին մրցանակներ հանձնելու բում է նկատվում: Շատերն ասում են, որ մրցանակ չստացած գործիչներն արդեն փոքրամասնություն են դառնում: Դուք ի՞նչ տեսակետ ունեք այս բանավեճում:
- «Արտավազդ» մրցանակաբաշխությունը զուտ թատրոնի տոնին նվիրված, նեղ մասնագիտական մրցանակաբաշխություն է, այս ոլորտում այնքան քիչ են մարդիկ: Չնայած նրան, որ ինստիտուտները լեփլեցուն են, այնուամենայնիվ, այդ ինստիտուտներում քիչ մարդիկ են դառնում դերասան: Սա իմ առաջին մրցանակն է, որի համար ես շատ ուրախ եմ, մի քանի անգամ առաջադրվել էի եւ չէի ստացել: Իսկ ինչ վերաբերում է մյուս մրցանակներին եւ ստացողներին, ապա ասեմ, որ հպանցիկ եմ տեղյակ վերջին ժամանակներս անընդհատ քննարկվող թեմաներից: Հատկապես սոցիալական ցանցերում քննարկումները ինձ շատ քիչ են հետաքրքրում, ուստի այդ թոհուբոհին չեմ մասնակցում: Այո, գիտեմ, որ շռայլում են մրցանակներ, որոնց մեջ կան եւ՛ արժանիներ եւ՛ անարժաններ, բայց ինչպես Համո Սահյանը կասեր՝ չեմ մանրանում:
- Համենայնդեպս, դուք գտնում եք, որ մրցանակ ստացածների կողքին կան մարդիկ ովքեր արժանի՞ չեն:
- Վստահ չեմ կարող ասել, կարծում եմ՝ իրենք այլ ոլորտների աշխատողներ էին, ես էլ գուցե չեմ իմացել, որ իրենք ինչ-որ աշխատանքներ են անում, կամ իմացել եմ մասամբ: Չեմ կարող դատել: Համենայնդեպս, եթե մրցանակի են արժանացել՝ թող ավելի ոգեշնչվեն եւ ավելի զարգանան:
- Ասացիք, որ սա Ձեր առաջին «Արտավազդ»-ն է, բայց դուք նաեւ վաստակավոր արտիստի կոչում եք ստացել, ինչպե՞ս եք վերաբերվում այս կոչմանը եւ մրցանակին:
- Երբևէ ոչ մի տեղ չեմ նշում եւ չեմ սիրում, որ բարձրաձայնեն մրցանակներս, ապա նոր՝ անուն ազգանունս: Մեդալների եւ մրցանակների մոլուցք չունեմ, բայց դրա հետ մեկտեղ շատ հաճելի է: Կոչումը իսկապես պարտավորեցնող է, զգաստացնող: Չնայած կարող եմ ասել, որ դրանից քո դերասանական որակը չի փոխվում, արտիստը տարիների հետ է հմտանում եւ վարպետանում:
- Այսօր Հայաստանում բոլոր ոլորտներում մարդիկ դժգոհում են ստեղծագործելու պայմաններից, ապրուստի միջոցներից, դուք ինչպե՞ս եք վաստակում ձեր ապրուստի միջոցը, մասնագիտական գործունեությամբ կարողանո՞ւմ եք տուն պահել:
- Զուգահեռ տիկնոջս (երգչուհի Նունե Եսայանի-հեղ.), որը գրեթե նույն մասնագիտությունով է զբաղվում ինչպես ես, կարողանում ենք բավարար միջոցներ ձեռք բերել: Կարծում եմ, ոչ մեկի համար էլ գաղտնիք չէ, որ պետական թատրոնը այն ոլորտը չէ, որի միջոցով կարողանաս լիարժեք ընտանիք պահել: Դրա համար կողքից կոմերցիոն հեռուստաալիքները, զուգահեռ համերգների եմ գնում որպես հաղորդավար, երգում եմ, այսինքն՝ անում եմ կողքից բաներ, որոնց միջոցով էլ ապրում եմ, եւ այո, բավարարում է: Իսկ թատրոնում աշխատելը ուղղակի իմ նվիրումն է, սերը թատրոնի նկատմամբ, դրա համար էլ ատամներով պահում ես եւ չես թողնում:
- Օրերս ՀՀ քաղաքացի Ասյա Խաչատրյանի եւ արցախցի ոստիկանների միջեւ տեղի ունեցած միջադեպը մեծ իրարանցում է առաջացրել Հայաստանում: Ձեր կարծիքով կարելի՞ է մարդուն մազերի գույնի համար տանել ոստիկանություն:
- Սա շատ ծիծաղելի պատճառաբանություն է, սակայն լսելով, որ մազերի գույնի համար են տարել, արդեն ուզում ես ոստիկանին լսել, թե արդյո՞ք մազերի գույնի համար է տարել: Վիդեոները ընկերներս փորձեցին ցույց տալ, բայց հրաժարվեցի: Այնուամենայնիվ, մոտավոր ծանոթ լինելով ընդհանուր պատկերին, կարող եմ ասել, որ շատ պրիմիտիվ ու զարմանալի պատճառ է մազերի գույնի համար աղջկան տանել ոստիկանության բաժանմունք: Ինձ համար շատ կասկածելի է մազերի գույնի համար աղջկան տանել, դրա համար նախընտրում եմ մյուս կողմին էլ լսել: Գիտեմ, որ աղջկան տարել են, հետը վատ վարվել, սեռական հայհոյանքներ են տվել, իհարկե սա անընդունելի է: Եվ եթե այս ամենը հաստատվի, կարծում եմ, ոստիկանները կկրեն իրենց պատիժը:
- Հետեւո՞ւմ եք, ՀՀ քաղաքական զարգացումներին: Ինչպե՞ս եք վերաբերվում օրինակ այն հանգամանքին, որ Սերժ Սարգսյանն ուզում է կրկին իշխանության ղեկին մնալ, ընդդիմությունն էլ պատրաստվում է թույլ չտալ դա:
- Քաղաքական իրադարձություններին շատ հպանցիկ եմ հետևում: Ընդդիմությունը նրա համար է, որ թույլ չտա, բայց ես չեմ կարող նման հարցին ճիշտ պատասխան տալ, որովհետև ինքս բացարձակ հեռու եմ եւ՛ բիզնեսից, ե՛ւ քաղաքական իրադարձություններից, եւ՛ բարձրագույն մաթեմատիկայից: Սերժ Սարգսյանին որպես նախագահ հավանում եմ, միշտ համակրել եմ, նաև Ռոբերտ Քոչարյանին եւ Լևոն-Տեր Պետրոսյանին: Ով էլ գալիս է նախագահ, ժողովուրդը բողոքում է, բայց վերջում մեր նախագահները ապացուցում են, որ իրենք իսկապես լավ նախագահներ էին:
- Դուք համարում եք, որ Սերժ Սարգսյանը լա՞վ նախագահ էր:
-Իհարկե: Չեմ ուզում համեմատվել եվրոպական ոչ մի զարգացած երկրի հետ, բայց պատերազմական երկրում ենք ապրել եւ նա լավ նախագահ է եղել:
- Իսկ ՞ինչ կասեք այն մասին, որ Հայաստանի քաղաքացիների մեծ մասը դժգոհ են Սերժ Սարգսյանի նախագահական տարիներից, ասում են, որ երկրում տիրում է ծայրահեղ աղքատություն, սոցիալական վատ վիճակ, անարդարություն, կոռուպցիա:
- Ես դպրոցական երեխա էի, երբ Ղարաբաղյան շարժումը սկսվեց: Ես հիշում եմ այդ ժամանակները, իսկ ե՞րբ էր լավ, այն ժամանակ էլ լավ չէր: Ժամանակի հետ, քիչ-քիչ, քարը քարի վրա դնելով եղավ: Ի՞նչ էր առաջ Երևանը, գրեթե ոչինչ չկար, հիմա մարդիկ գալիս ապշում են մեր քաղաքի գեղեցկությունից, պատմամշակութային կոթողներից: Այստեղ մարդիկ չեն ուզում աշխատել, մենք ունենք այդ հայի խասյաթը, որ շատերը ամաչում են մի քիչ ոչ պատվաբեր գործ անել, բայց չկա ոչ պատվաբեր գործ: Իսկ մարդիկ այստեղ աշխատելու եւ արարելու փոխարեն գնում են դուրս, արտագաղթում են: Ինչպե՞ս է լինում, որ գնալու գումարը միշտ ունեն: Դրսում պատրաստ են ավելի վատ աշխատանք անել, հարազատ չունենալով, հայրենիք չունենալով, սկայպների ու վայբեռների հույսին ապրելով գնում են: Միասնական չեն:
Աղունիկ Հովհաննիսյան
Հարցազրույցը տպագրվել է «Հայկական ժամանակ» օրաթերթի մարտի 29-ի համարում:
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
© 2024 Հայկական ժամանակ