Գրտնակով, լոմով, թավով սրանց լխկել ա պետք, դե զենքով ապստամբություն թույլ մի տվեք. Բիլյան

ՀՀ ազգային անվտանգության ծառայությունը ոստիկանության ՊՊԾ գնդի գրավման օրերին գաղտնալսել է անգամ «Սասնա ծռերի» կողմից այդ օրերին օգտագործվող ռադիոկապերը:

Այսօր՝ Երեւան քաղաքի ընդհանուր իրավասության դատարանի Շենգավիթ վարչական շրջանի նստավայրում «Սասնա ծռեր» խմբի 10 անդամների գործով դատական նիստի ընթացքում մեղադրող դատախազներ Պետրոս Պետրոսյան եւ Արամ Արամյանը հրապարակեցին գործում եղած ապացույցները: Մասնավորապես հետազոտվեցին ձայնային ֆայլերում առկա տղամարդկանց խոսակցությունները: Ֆայլերում սակայն չի հստակցվել տղամարդկանց անունները, սակայն պարզ է դառնում, որ խոսքը «Սասնա ծռեր» խմբի անդամների մասին է, որոնք պարբերաբար իրար կապ են տվել՝ այդ կերպ տեղեկացնելով վիավորների, կրակոցների մասին, հորդորում զգույշ լինել եւ դիրքավորվել:

Մասնավորապես Արամյանի հրապարկած խոսակցություններում խոսվում էր Պավել Մանուկյանի եւ ոմն Գեւորգի (խոսքն ըստ ամենայնի Գեւորգ Իրիցյանի մասին է,-հեղ.) խոսակցությունները: «Պարոն Ավետիսյան, մի հատ Սարի թաղին դուխ չտա՞նք»,- դիմելով Մանուկյանին ասում է Գեւորգը: Ի պատասխան Ավետիսյանն ասում է. « Մի արա, մի կրակեք, մի կրակեք», «Տղերքին եմ ուրախանցում», - պատասխանում է Գեւորգը, «Ապրես, էլ մի արա, էլ պետք չի, ինչքան կա հերիք ա...»:

Այնուհետեւ ըստ հրապարկվածի՝ Պավել Մանուկյանը ռադիոկապով կրկին կապվում է Գեւորգի հետ եւ ասում. «Ուրեմն լսի, մի անգամ Ժիրոն ա քեզ զինանթափել, մի հատ էլ ես եմ զինաթափելու, եթե մի հատ առանց ասելու քայլ արիր հասկացա՞ր չէ»,- ինչին ի պատասխան Գեւորգն ասում է. «Թարգեցինք, թարգեցինք»: Ռադիոկապից արված գաղտնալսումներնում կրկին խոսվում է պատվերով խփված «սալյուտների» մասին. «Վարդան, կրկնեք կրկնողություն գիտության մայրն է»,- ըստ հրապարկվածի ասել է Արմենը (խոսքը ըստ ամենայնի՝ Արմեն Բիլյանի մասին է-հեղ.): Այնուհետեւ ռադիոկապով Պավել Մանուկյանին է կապ տալիս ոմն մայոր, որը ենթադրվում է ԱԱԾ աշխատակիցներից մեկն է: .«Պավլիկը հանգստանում ա, ասա ի՞նչ ես ասում,...ասածդ է՞դ էր, էլ կապի դուրս չգաս, սրանից հետո պարոն Մանուկյան, քեզ Պավլիկ չի, շատ փոքր մարդ ես, որ քեզ համար Պավլիկի լինի»,- Ավետիսյանի փոխարեն պատասխանել է խմբի անդամներից մեկը:

Այնուհետեւ ռադիոկապի միջոցով խմբի անդամները մեկը մյուսն փոխանցում են որ ՊՊԾ գդնի ճաշարանի կողմում կրակոցի ձայներ են լսվել, իսկ ավելի ուշ հայտնել են արդեն երկու վիրավորի՝ Հովհաննես Հարությունյանի եւ Աշոտ Պետրոսյանի մասին: «Կրակում են...Վիրավոր ունենք, տղերք, հասեք... Սաղդ դիրքավորվեք, բժշկի սումկենքը շտաբն ա...եկեք, վիրավոր ունենք»,- ասում է խմբի անդամներից մեկը: «Սնայպե՞ր ա խփել Աշոտին»,- հարցնում է տղամադրկանցից մեկը եւ դրական պատասխան ստանում: Այնուհետեւ Պավել Մանուկյանը ռադիոկապով կապվում է մայորի հետ եւ պահանջում բժիշկներ եւ պատգարակ ուղարկել: «Սկոռի ուղարկեք, երկու ծանր վիրավոր դուք հասցրիք, բժիշկներին ուղարկեք, թող գաք, տանեն», «Պավլիկ բերեք զոնտիկների մոտ»,- պատասխանում է մայորը: Պավել Մանուկյանն էլ ըստ հրապարկվածների՝ ասում է, որ պատգարակ չունեն. «Երկու վիրավորները ոտից ցխած են, շուտ արեք ցավազրկող գոնե ուղարակեք»: Այնուհետեւ մայորը Պավել Մանուկյանին տեղեկացնում է, որ «զոնտիկների» մոտ պատգարակ են թողել: Ի վերջո վիրավորներին պատգարակով գնդից դուրս են հանել:

Դատարանում այսօր հրապարակվեց նաեւ ՊՊԾ գնդի գրավման օրերին սպանված ոստիկանների՝ Արթուր Վանոյանի, Յուրի Տեփանոսյանի եւ Գագիկ Մկրտչյանի դիակի դատաբժշկական փորձաքննության եզրակացության արդյունքները:

Եզրակացության հրապարակումից պարզ դարձավ, որ ոստիկաններից երկուսի՝ Յուրի Տեփանոսյանի եւ ՊՊԾ գնդի հրամանատարի տեղակալ, ոստիկանության գնդապետ Արթուր Վանոյանի մարմնի վրա, բացի հրազենային վնասվածքներից, առկա են եղել նաեւ բութ առարկայով հասցված վնասվածքներ:

Ըստ այդմ՝ գնդի գրավման ժամանակ հրազենային վիրավորում ստացած եւ մի քանի օր անց հիվանդանոցում մահացած ենթասպա Գագիկ Մկրտչյանի մահը վրա է հասել կրծքավանդակի եւ որովայն շրջանում ստացած հրազենային գնդակային թափանցող եւ միջանցիկ վնասվածքից: Կրակոցի ուղղությունը հնարավոր չի եղել որոշել նկատի ունենալով, որ վնասվածք ստանալուց հետո Մկրտչյանը բազմաթիվ վիրաբուժական միջամտությունների է ենթարկվել, ուստի դրանց ուղղությունը պարզելու համար անհրաժեշտ է եղել փորձաքննության ենթարկել նաեւ Մկրտչյանի հագուստները:

Հիշեցնենք, որ Գագիկ Մկրտչյանը մահացել է օգոստոսի 13-ին: Նրա սպանության մեջ մեղադրվում է «Սասնա ծռեր» խմբի անդամ Արմեն Բիլյանը:

Ըստ դատաբժշկական փորձաքննության՝ Յուրի Տեփանոսյանի մահը վրա է հասել ողնուղեղի դիֆուզ վնասվածքային ախտահարումից՝ ողնաշարի պարանոցային հատվածի եւ գանգի դիմային հատվածի համակցված հրազենային, գնդակային, կույր վիրավորում ստանալու հետեւանքով, որն էլ գտնվում է ուղղակի պատճառական կապի մեջ՝ մահվան հետ: Հատկանշական է, որ բացի հրազենային վիրավորումից, Յուրի Տեփանոսյանի մարմնի վրա հայտնաբերվել է նաեւ սալջարդ, որը եւս պատճառվել է կենդանության օրոք՝ մահվանից անմիջապես առաջ սուր եզր ունեցող կույր առարկայով: Այս վնասվածքն առողջությանը թեթեւ վնասի հատկանիշներ չի պարունակել:

Փորձաքննության արդյունքների համաձայն՝ ոստիկանության գնդապետ Արթուր Վանոյանի կրծքավանդակի շրջանում ստացած վնասվածքը մահվան հետ անմիջական կապի մեջ է եղել: Վանոյանի մարմնին մեկ հրազենային վնասվածք է եղել, ինչպես նաեւ քերծվածքներ՝ նրա դեմքի եւ նախաբազկի ձախ հատվածում, որոնք եւս առաջացել են կենդանության օրոք՝ մահվանից ոչ շատ առաջ, ըստ փորձաքննության եզրակացության, հասցվել են բութ առարկայով եւ անմիջական կապի մեջ չեն գտնվում Վանոյանի մահվան հետ:

ՊՊԾ գնդի հրամանատարի տեղակալ, ոստիկանության գնդապետ Արթուր Վանոյանը սպանվել էր հենց գնդի գրավման օրը՝ հուլիսի 17-ին: Նրա եւ Յուրի Տեփանոսյանի սպանության մեջ մեղադրվում է «Սասնա ծռեր» խմբի անդամ Սմբատ Բարսեղյանը:

Ապացույցների հետազոտումից հետո «Սասնա ծռեր» խմբի անդամ Պավել Մանուկյանի պաշտպան Հարություն Բաղդասարյանը անդրադառնալով նախորդ նսիտին մեղադրողնեի կողմից հրապարկված այն գաղտնալումնսերիի որտեղ «Սասնա ծռեր» խմբի անդամները խոսում են ընդդիմադիրների մասին, ասաց. «Այն հայտարարությունները, որ Սասնա ծռերն անում են ընդդիմության ղեկավարների կամ ընդդիմադիրների նկատմամբ մեղադրանքի կողմը դա վերցնում է որպես մեղադրական նյութ դնում, մեղադրական եզրակացության մեջ: Այն հայտարարությունները, որ Սասնա ծռերն արել են քաղաքական իշխանության նկատմամբ եւ քանի որ իրենց գործողությունները քաղաքական էին, քաղաքական ապստամբություն դրա վերաբերյալ մեղադրանքի կողմը որեւէ ապացույց չի բերում: Դատախազի կողմից չներկայացված 5 ֆայլերի մեջ առկա էին կոնկերտ «Սասնա ծռերի»ս այն հայտարարությունները, որտեղ իրենք մեղադրում են քաղաքական իշխանությանը՝ այս կամ այն գործողույան մեջ»: Թե ինչի մասին էր խոսքը, Բաղդասարյանը չմանրամասնեց հույս ունենալով, որ հետո մեղադրանքի կողմն է հրապարակելու:

Հայտարարությամբ հանդես եկավ նաեւ Վարուժան Ավետիսյանը՝ խոսելով Հայաստանում ռուսական ռազմական ոստիկանության ստորաբաժանումների մասին: Դատավոր Մեսրոպ Մակյանը սակայն պարբերաբար ընդհատում էր Ավետիսյանին, հորդորելով հայտարարություններն անել հետազտոված ապացույցների վերաբերյալ: Սակայն, Վարուժան Ավետիսյանը շարունակեց․«Սա քաղաքական դատավարություն է, մենք ապստամբություն ենք կատարել, մեզ հանիրավի մեղադրում են չկատարած գործողությունների մեջ, մեր բոլոր քաղաքական հայտարարությունները այս գործին վերաբերվում են, մենք համատեսքստի մեջ ենք խոսում...։ Մեր ժողովրդին ուզում եմ ասել, որ համակարգը հիմա շատ թույլ է, գնալով թուլանում է...հարվածե՛ք ժողովուրդ, ժամանակն է»։

Արայիկ Խանդոյանն էլ հայտարարեց, որ իրենք չեն սխալվել, պայքարել են «տականքի դեմ»: Խանդոյանը փորձեց շարունակել հայտարարությունները, սակայն նախագահող դատավոր Մեսրոպ Մակյանը նախազգուշացրեց, որ զերծ մնա ինչ-որ մեկին վիրավորանքներ հասցնելուց, սակայն Խանդոյանը շարունակում էր խոսել։ Դատարանը որոշեց նրա նկատմամբ դատական սանկցիա կիրառել՝ հեռացնելով նիստերի դահլիճից։ Սակայն Խանդոյանը բարձրախոսոը ձեռքին շարունակում էր խոսել, ուղեկցող ոստիկանները, ուժով նրա ձեռքից խլեցին բարձրախոսը եւ նիստերի դահլիճց դուրս հանեցին:

Արմեն Բիլյանն էլ հայտարարեց. «Քանի օր ա հետեւում եմ լուրերին, ինչ-որ ղժղժոցներ ա գնում, հիստերիկ արտահայտություններ՝ թույլ չենք տա զենքով ապստամբություն: Հիմա լսեք թույլը չտալու պատասխանը, թույլ տվե՞ցիք հազարավոր անմեղ զինվորներ զոհվեն, թույլ տվե՞ցիք երկիր կորցնեն: Դուք փոքր եք՝ թույլ չտաք: Ժողովուրդ լսո՞ւմ եք՝ կնանիք, տղամարդիկ, գրտնակով, լոմով քլունգով, թավով սրանց լխկել ա պետք: Ես կոչ եմ անում, դե թույլ մի տվեք»: Բիլյանը դատարանի նկատմամբ անհարգալից վերաբերմունք դրսեւորելու համար դատավորը նրա նկատմամբ նախազգուշացում հայտարարեց:

Սույն գործով հաջորդ դատական նիստը տեղի կունենա ապրիլի 4-ին ժամը 11:00-ին:

Տպել
5475 դիտում

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտութուն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում