Աքորու մանկապարտեզի վարձը 2500-ից դարձել է 5000 դրամ. երեխաներին բանան են տալիս

Լոռու մարզի խոշորացված Ալավերդի համայնքի կազմի մեջ մտնող Աքորի եւ Հաղպատ գյուղերի մանկապարտեզների վարձավճարը կրկնակի թանկացել է՝ 2500 դրամից դառնալով 5000 դրամ: Armtimes.com-ի հետ զրույցում Աքորու մանկապարտեզի տնօրեն Ռոզետտա Սիմոնյանը հայտնեց, որ ծնողները վարձավճարները արդեն թանկացած վճարել են մարտ ամսից, քանի որ հունվար-փետրվար ամիսներին մանկապարտեզը փակ է եղել. «Նախկինում, երբ Աքորին գյուղ էր, գյուղի ավագանու որոշմամբ տարիներ շարունակ վարձավճարը եղել է 2500 դրամ, իսկ խոշորացումից հետո դարձել է 5000»,- ասաց նա:

Աքորու մանկապարտեզ է հաճախում 61 երեխա: Տնօրենի խոսքով՝ չնայած վարձավճարների կրկնակի թանկացումը որոշակի դժգոհություններ է առաջացրել ծնողների մոտ, սակայն թանկացման պատճառով մանկապարտեզից դուրս են եկել մի ընտանիքի զույգ երեխաները. «Ծնողները մեծ դժվարությունով են բերում վճարումներ անում, սակայն բոլորը վճարում են, միայն զույգ եղբայրներ են դուրս մնացել, հիմա այդ ուղղությամբ աշխատանքներ են տարվում»:

Աքորու մանկապարտեզի տնօրենի խոսքով՝  Ալավերդի քաղաքի մանկապարտեզը քանի որ միշտ եղել է 5000 դրամ, ու իրենք քանի որ արդեն իսկ Ալավերդու կազմի մեջ մտնող թաղամաս են, հետեւաբար՝ վարձավճարը իրենց վրա էլ է տարածվել. «Քաղաքապետարանից պատճառաբանում են, որ պետք է Ալավերդի քաղաքի եւ նրա կազմի մեջ մտնող համայնքներում տարբերություն չլինի»:

Տնօրենը հայտնեց, որ վարձավճարների թանկացումներից հետո որոշ չափով փոխվել է երեխաների սննդակարգը. «Եթե մենք բանանը տալիս էինք տոներին, հիմա հաճախակի ենք տալիս, եթե տավարի միսը շատ քիչ էինք տալիս, ապա այսօր սկսել ենք նորմալ տալ»:

Վարձավճարների թանկացման պատճառով մանկապարտեզից դուրս մնացած զույգ երեխաները Մարգարիտա Կիրակոսյանի երեխաներն են, որոնց մանկապարտեզ հաճախելուն մնացել էր մի քանի ամիս՝ սեպտեմբերից դպրոց են գնալու:

Երեխաների մայրը, ով 3-րդ երեխային է սպասում, չնայած կարեւորում է մանկապարտեզի դերը, սակայն վարձավճարի թանկանալուց հետո ընտանիքը ի վիճակի չգտնվեց 5000-ի փոխարեն 10 հազար դրամ վճարել. «Մանկապարտեզում սովորում էին, շփվում էին, բայց էսօր ոչ ես, ոչ էլ ամուսինս աշխատանք չունենք, չենք կարող կրկնակի վճարել, դրա համար էլ հանեցինք»,- ասաց նա:

Տպել
2599 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)