Ես «Երկիր Ծիրանի» կուսակցություն չեմ ճանաչում, ճանաչում եմ 3 անզուսպ կանանց. Անի Զախարյան

Փետրվարի 13-ին Երեւանի ավագանու նիստում «Երկիր Ծիրանի» կուսակցության եւ ավագանու ՀՀԿ-ական անդամների միջեւ տեղի ունեցած միջադեպի շուրջ տասնյակ տարաբնույթ կարծիքներ հնչեցին: Միջադեպն ակտիվորեն քննարկում էին պաշտոնյաներն ու հասարակ քաղաքացիները, ակտիվ քննարկումներն ու կարծիքները նաեւ ֆեյսբուքյան հարթակում էին:

«Նոր քաղաքական մշակույթ» կուսակցության երբեմնի ակտիվ նախագահ Անի Զախարյանը, որը երեխայի ծնվելուց հետո պասիվացել է, ֆեյսբուքյան իր էջում կարծիք հայտնելով միջադեպի մասին, մեղադրել էր «Երկիր Ծիրանի»-ի անդամներին՝ Զարուհի Փոստանջյանի գլխավորությամբ. «Այն,որ Զառան միշտ պատրաստ է քաղաքականությունը վերածել զավեշտի, դա բոլորս գիտենք, սակայն երբ զավեշտը միտումնավոր հասցնում են այսչափ էժանագին փողոցային մակարդակի, դա արդեն ըստ իս չափազանց է: Եթե քաղաքապետարանը նուբարաշենցիներին տարիներ շարունակ ստիպում է գարշահոտություն շնչել, Զառան էլ տարիներ շարունակ հայ մի պրիմիտիվ փոքրամասնության կերակրում է ոչ պակաս գարշահոտ էժանագին շոուներով: Այնպես որ մեկը մյուսին չեն զիջում»,-գրառել էր նա: Գրառումից րոպեներ անց մեկնաբանությունների դաշտում մեղադրանքների տեղատարափ սկսվեց, որոնց ի պատասխան Անի Զախարյանը նշում էր, որ «ինքը խելացի կին է եւ նման դատարկ ելույթներով Զառայի նմանները իրեն չեն հիմարացնի», «ինքն անձամբ է տեսել Զարուհու փողոցային պահվածքը»:

Բուռն մեկնաբանություններից հետո հաջորդեց Անի Զախարյանի հաջորդ գրառումը՝ «Քանի որ երեկ իմ գրառմանը անորակ մեկնաբանություններ եղան, որոշեցի ավելի անկեղծ լինել և ասել. ես չեմ հարգում Զառային, ես նրա գործելաոճը համարում եմ էժանագին, իսկ իր ընկերուհիները փաստորեն իրենից սարսափելի էին: Զառայի փողոցային պահվածքի ականատեսը եղել եմ անձամբ, հիմա ինչ մի քանի հիմար մեկնաբանություններով ուզում եք ինձ համոզել, որ սխալվու՞մ եմ»:

Անի Զախարյանի՝ Զարուհի Փոստանջյանի մասին նման կարծիքներ հնչեցնելու պատճառները պարզելու համար, մի քանի հարց ուղղեցինք նրան. 

- Երեւանի ավագանու նիստի միջադեպի մասին Ձեր գրառումն ավելի շատ բացասական արձագանքներ ստացավ, ըստ ձեզ՝ պատճառն այն է, որ Զարուհուն ավելի շա՞տ են սիրում կամ հարգում, քան ձե՞զ: Ինչու՞ նման որակում տվեցիք: Կարելի՞ է , արդյոք, այդ մեկնաբանությունից ենթադրել, որ տասնյակ տղամարդկանցով մի կնոջ քաշքշել, խփելն ըստ Ձեզ նորմալ է, քանի որ կանայք սադրել են.

 -Գիտեք, մայրանալու ընթացքի հետ կապված ես մեր հայ իրականությանը կողքից դիտելու հնարավորություն ունեցա, հայ հասարակության որակը գնահատելու և իմ վերջին տարիների հեղափոխական պայքարում հայ հասարակության վերաբերմունքի վերլուծության հնարավորություն: Եվ պետք է, ցավով փաստեմ, որ մեր հայ իրականության մեջ գիտակից և առողջ դատողությամբ քաղաքացին, ցավոք, փոքրամասնություն է կազմում, դրա փոխարեն միայն էմոցիաներով ապրող, հասարակական-քաղաքական երևույթների նկատմամբ անառողջ դրսևորում ունեցողները բավականին շատ են: Ինչ վերաբերում է իմ գրառմանը, իմ գրառումը շատերը հավանեցին, իսկ գռեհիկ մեկնաբանեցին մի քանիսը և դա եղանակ ստեղծել չի կարող: Ես որքան գիտեմ վերջին ընտրություններում 15-ամյա չակերտավոր գործունեությունից հետո Զառան ընդամենը 25000 ձայն էր հավաքել, ինչը ՀՀ քաղաքացիների 0.1 տոկոսն է կազմում լոկ: Իսկ որքան են ինձ սիրում, դա ինձ այնքան էլ չի հետաքրքրում, ինձ համար կարևոր է, որ ինձ հարգեն և առաջին հերթին ես ինքս պիտի ինձ հարգեմ, հետո հասարակությունը: Ես չեմ կարող մյուս դեմագոգ քաղաքական դեմքերի նման իջնել ցածր խավի մակարդակին և հնչեցնել մտքեր, որոնք իմը չեն և չարտահայտել իմ կարծիքը, ես գիտական հանրույթ ներկայացնող գիտությունների թեկնածու կին եմ, ես պարտավոր եմ վեր կանգնել քաղաքական անառողջ դրսևորումներից: Ինչ վերաբերում է կոնկրետ այդ կանանց քայլերին, դրանք միայն սադրանք չէին, կինը պայքարում կարող է լինել կոպիտ, բայց երբ էժանանում է, դա միայն իրեն է վնասում: Բռնությունը եղավ երկու կողմից, թե այդ կնոջ, թե այդ տղամարդու, պատասխանատվությունն էլ պետք է լինի 2 կողմին: Այդ նույն ակտիվիստ կանայք ինչու չեն հետաքրքրվում, թե ինչ փուլում է գտնվում Խորենացի փողոցում տեղի ունեցած վայրագությունների մասով ՀՔԾ-ում հարուցված գործը: Կամ ինչու այդչափ բռնությունից ապշածները մի օր չեն հետաքրքրվում, թե ինչ եղավ Բաղրամյան պողոտայում քաղաքացիների նկատմամբ վայրագություններ կիրառածների ճակատագիրը, ինչով ավարտվեց այդ գործը կամ ինչ ճակատագիր ունեն քաղբանտարկյալները: Մի խոսքով, ես «Երկիր Ծիրանի» կուսակցություն չեմ ճանաչում, ես ճանաչում եմ 3 անզուսպ կանանց, ովքեր էժանագին քայլերով փորձում են այնպես անել, որ իրենց հայ հասարակությունը չմոռանա: Երբ մարդ գործ է անում, նա կարիք չունի նման բաներ կազմակերպելու, գործը արդեն իր ՓՐ-ն է, երբ գործ չկա, ՓՐ անելու նման տարբերակների են դիմում:

- Իսկ Դուք ինքներդ, Ձեր մի քանի տարվա գործունեության ընթացքում, ի՞նչ կոնկրետ հարցեր եք բարձրացրել ու ի՞նչ շոշափելի արդյունքներ ստացել:

-Գիտեք, մի քանի բառով ես չեմ կարող ներկայացնել այն արդյունքը, որը տվել եմ հայ հանրությանն ու հայ հասարակությանը: Ինձ թվում էր դա այնքան ակնհայտ է, որ կարիք չկա դրան անդրադառնալ, բայց եթե հայ հասարակության համար անհասկանալի է եղել իմ տքնաջան աշխատանքը հանուն երկրի ազգային շահերի և հայ քաղաքացու արժանապատիվ կյանքի, ուրեմն հատուկ տեսանյութով ՀՆՔՄՙ կուսակցության կողմից կներկայացնեմ այն ահռելի աշխատանքը, որ քիչ մարդկային ռեսուրսներով և սուղ ֆինանսական միջոցներով կարողացել ենք իրագործել; Այստեղ կրկին բախվում ենք նույն խնդրին, լուրջ գործը հայ հասարակության իրավագիտակցությունն ու կրթական մակարդակը թույլ չեն տալիս հիշել: Բայց ես կրկնում եմ, ես ինձ հարգում եմ և չեմ պատրաստվում դառնալ հասարակությանը զվարճացնող կերպար, որպեսզի իմ գործը նկատեն:

 -Այդ դեպում, Ձեր ցույցերը ինչու՞ երբեք աչքի չընկան մարդաշատությամբ: Ձեր աջակիցների թիվը ձեր ցույցերին չի գերազանցել տասնյակը, եթե ոչ ավելի քիչ: Ո՞րն էր պատճառը.

-Իմ քաղաքական գործունեության ընթացքում գործող համակարգի քարոզչամեքենայի միջոցով ամեն ինչ արեցին, որպեսզի այլ տեսանկյունից ներկայացնեն ինձ հայ հասարակությանը: Առաջին գլխավոր պատճառը դա է, երկրորդը մեր հասարակության մակարդակը, մեր հասարակությունը պայքարում է 7 դրամի, երրորդական երևույթների համար, բայց երբ պահը հասնում է լուրջ պայքարի մարդ չի մնում հրապարակներում: Եթե անգամ դուրս են գալիս փողոց կրկին չունեն վերջնական ազգային քաղաքական նպատակակետ, սպասում են թե ով ավելի մեծ բարձրախոս կմիացնի, որ ոչխարի հոտի նման գնան կանգնեն ու լսեն թե իրենց ինչ կասեն: Մոտ 1 տարի է ես չկամ ակտիվ քաղաքականության մեջ, հայ հասարակությունը որևէ ընդվզման գնա՞ց, որևէ լուրջ պահանջատիրությամբ հանդես եկա՞վ: Ոչ, Անին է եղել բոլոր լուրջ հեղափոխական իրավիճակների նախաձեռնողը, բայց երբ գիտակցում ես, որ քո ժողովուրդը համակերպվող տեսակ է, հասկանում ես, որ երիտասարդ լավագույն տարիներդ նվիրել ես անորակ սերմին: Լավ բերք ստանալու համար, լավ սերմ պիտի ունենալ, չկա այդ սերմը: Մեզ թարմ արյուն է հարկավոր, մեզ սերնդափոխություն է հարկավոր, որպեսզի քաղաքական պահանջատիրության գործընթացները ոչ թե արհեստական հրահրվեն, այլ բնականոն կերպով բխեն ժողովրդից:

-Կարծես թե նշմարվում է Ձեր վերադարձը, մի անգամ նշել էիք, որ անելիքներ ունեք, ի՞նչ ծրագրերով եք վերադառնում ու ի՞նչ կիսատ գործեր ունեք, առհասարակ, ո՞րն է ձեր գերնպատակը:

-Իմ նպատակները միշտ շատ պարզ են եղել՝ երկրում հաստատել իրավական ամուր համակարգ, որտեղ հստակ և անկողմնակալ գործում են իրավական պատասխանատվության մեխանիզմները, որտեղ բոլորը հավասար են օրենքի առջև: Սա մի ոլորտ է, որի խայտառակ իրավիճակի հետ համակերպվել են բոլոր քաղաքական ուժերն ու հանրությունը, ես չեմ պատրաստվում համակերպվել:

Տպել
12885 դիտում

17 կամուրջ, 2 թունել, 32 կմ ճանապարհ. Հյուսիս-հարավ ճանապարհի Քաջարան-Ագարակ հատվածի կառուցման մանրամասները

Վրաստանի իրավասու մարմինը բավարարել է ՀՀ միջնորդությունը. հետախուզվողը հանձնվել է Հայաստանին

Չայրել չոր խոտը, չնետել ծխախոտի մնացորդը. ՓԾ-ն հորդորում է տարվա այս շրջանում պահպանել հրդեհային անվտանգության կանոնները

Երևանում 11-ամյա երեխան շենքի բակում ծեծի է ենթարկվել, ուշագնաց եղել ու տեղափոխվել հիվանդանոց

ԲՏԱ նախարարն այցելել է Պոլիտեխնիկական համալսարան՝ շնորհավորելու միջազգային մրցույթում պատվավոր հորիզոնականի համար

Երևանի և 8 մարզի բազմաթիվ հասցեներում սպասվում են մի քանի ժամյա հոսանքազրկումներ

Սեփականատերերը պարտավոր են պահպանել հուշարձան-շենքերը. քաղաքապետարանը ԿԳՄՍ նախարարության հետ նոր գործընթաց է սկսել

Հայաստանի և Վրաստանի քաղաքացիները Երևանում առևանգել են ՌԴ քաղաքացուն և սպառնալով 650 հազար դոլար պահանջել

Քննիչ հանձնաժողովով ապացուցում են կանխավարկածը՝ ընդդիմությունն ուզում էր հունիսի 12-ին նոր Մարտի 1 ստանալ. Ալեքսանյան

Առաքելությունս նախ հայերենը սիրցնելն է, ետքը՝ սորվեցնելը. Բեյրութում Նազելին ճանաչելի է դարձնում ազգային արժեքները

Մենք պետք է ամեն ինչ անենք, որ ստանանք ստորագրված խաղաղության պայմանագիր. Վահագն Ալեքսանյան

Բասկետբոլի Հայաստանի Մ18 հավաքականը հաղթել է Մոլդովային. հաջորդ հանդիպումն Ադրբեջանի հետ է

Եթե Ալիևն ուզում է, որ մեր պատվիրակությունը գնա Բաքու, պետք է փաստաթուղթ ստորագրվի. Ստեփանյանը մանրամասնել է՝ ինչպիսի

Ավտոմեքենայում պայթյուն է տեղի ունեցել. այրվածքներ ստացած վարորդը տեղափոխվել է հիվանդանոց

Թմրամիջոցների և հոգեմետ նյութերի իրացման դեպքերով քննվող դատական պրակտիկայի վերաբերյալ հարցեր են քննարկվել

ՌԴ և Ադրբեջանի փոխարտգործնախարարները քննարկել են Հարավային Կովկասում տիրող իրավիճակը

Մեծ Սարիարի հանդամասում հրդեհ է բռնկվել

Այս տարի Սևանն ամբողջությամբ չի կանաչել, ինչով է պայմանավորված դա. ինչ խնդիրներ ունի Գեղամա գեղեցկուհին

Տևական ժամանակ ջուր չի լինի Արմավիրի և Արագածոտնի մարզերում. հասցեներ

Գագիկ Սուրենյանը եղանակի վերաբերյալ նոր գրառում է արել

Թրամփի դեմ մահափորձը մեծ ձախողում էր. ԱՄՆ գաղտնի ծառայության ղեկավարը հրաժարական է տվել

Երիտասարդը բարձրացել է տանիք և սպառնացել ինքնասպան լինել (տեսանյութ)

Ջո Բայդենը ուղերձով կդիմի ժողովրդին

Օշականի ձորում համագյուղացիների վեճն ավարտվել է կրակոցով. տուժածը հիվանդանոցում է (տեսանյութ)

Գերմանիայից ժամանած լրագրողներին են ներկայացվել Ադրբեջանի և Թուրքիայի հետ հարաբերությունների կարգավորման գործընթացները

Պե՞տք է արդյոք Բաքու մեկնել, երբ ՊՆ կգա ԱՄՆ խորհրդատուն ու ինչ կլինի հայ-ամերիկյան հաջորդ զորավարժություններին

Սևանում ափից նավակով հեռացած քաղաքացիները չեն կարողացել վերադառնալ

ՄԻՊ-ն անդրադարձել է Երևանի Պարույր Սևակի 5/1 հասցեում գտնվող բազմահարկ շենքի՝ պայթեցման եղանակով քանդման ահազանգերին

Գյումրու ավագանին արտահերթ նիստ կանցկացնի. ինչ առաջարկություններ է ներկայացրել ՀՀ գլխավոր դատախազությունը

Ադրբեջանը արհեստական խնդիրներ է ստեղծում և իրավիճակային դիվանագիտություն վարում, որի հիմքում ուժի կիրառումն է. դեսպան

Կասկածելի վարքագիծ ցուցաբերած վարորդի մոտ առանձնապես խոշոր չափերով թմրամիջոցներ են հայտնաբերվել. տղամարդը կալանավորվել է

Մերձավանում «Մեգաշին» ՍՊԸ-ն աշխատել է խախտումներով, գործունեությունը կասեցվել է. ում անունն է կապվում դրա հետ

Ամբողջությամբ դադարացվել է «Մեգա թրեյդ»-ի գազաբենզալցակայանի և նավթամթերքի պահեստարանի գործունեությունը

Կարևորվել է ֆրանսիական կողմի հետաքրքրությունը. ԱԽ քարտուղարն ընդունել է «Ֆրամատոմ» ընկերության պատվիրակությանը

Հրդեհ է բռնկվել գյուղի եկեղեցու մոտակայքում

Պապոյանը ՀՀ-ում ՄԱԶԾ մշտական ներկայացուցչի հետ զրույցում անդրադարձել է Հայաստանի տնտեսական աճի ռազմավարություններին

ԱԳ փոխնախարարները ամերիկյան պատվիրակությանն են ներկայացրել հայ-ադրբեջանական հարաբերությունների կարգավորման գործընթացը

Խաղաղության եվրոպական հիմնադրամն աջակցություն է ցուցաբերելու ՀՀ-ին, որոշման համար ամիսներ շարունակ պայքարել եմ. Լուազո

Երևան-Մեղրի ճանապարհին բեռնատարներ են բախվել. տուժածը հոսպիտալացվել է

Ինչ է հայտնի Գյումրիում 1 տարի առաջ կատարված և նոր բացահայտված սպանության դեպքից. ոստիկանությունը տեսանյութ է հրապարակել