Կասկածելի լավատեսություն. էս ի՞նչ փողեր են ֆռֆռում

ՀՀ կենտրոնական բանկը լավատեսորեն է նայում մեր տնտեսության աճի հեռանկարներին: Այդ լավատեսությունը հորդում է ԿԲ-ի՝ այս տարվա չորրորդ եռամսյակին վերաբերող «գնաճի հաշվետվություն» զեկույցում, որը հրապարակվեց օրերս:

Տնտեսությունը, ըստ ԿԲ-ի կանխատեսումների, աճելու է առաջիկայում: Եվ այդ աճը պայմանավորված է մի քանի գործոններով: Համաշխարհային տնտեսությունում իրավիճակը բարելավվում է: Ըստ ԿԲ-ի, բարելավվում է վիճակը նաեւ մեր հիմնական գործընկեր երկրում՝ Ռուսաստանում: Այս վերջին հանգամանքը հուշում է ԿԲ-ին, որ կավելանա արտահանումը Հայաստանից Ռուսաստան, ինչպես նաեւ կաճեն մասնավոր տրանսֆերտները այդ երկրից:

Մասնավոր տրանսֆերտների աճի սպասումները ԿԲ-ում ձեւավորվել են այս տարվա առաջին 9 ամիսներին արձանագրված ցուցանիշներով: Այստեղ իրոք, որոշակի աճ կա: Անցած տարվա 9 ամիսներին տրանսֆերտների զուտ ներհոսքը կազմել էր 518 միլիոն դոլար, այս տարի՝ 536 միլիոն: Այսինքն 9 ամիսների տվյալներով աճը 3.4 տոկոս է: Դե դա այնքան էլ շոշափելի չէ, բայց կարող է հույսեր ներշնչել, որ տրանսֆերտները կայուն աճի միտումներ են դրսեւորում: Սակայն հոկտեմբերին տարօրինակ բան է տեղի ունեցել: Տրանսֆերտների զուտ ներհոսքը այդ ամսին կազմել է ընդամենը 47 միլիոն դոլար, որը 10 միլիոնով պակաս է անցած տարվա նույն ամսվա ցուցանիշից:

Եվ հենց սրա հետեւանքով մասնավոր տրանսֆերտների ծավալը 10 ամիսների կտրվածքով կազմել է ընդամենը 1.4 տոկոս: Չնչին աճ, որը կարող է կասկածի տակ դնել լավատեսական սպասումները:

Ընդհանրապես, այս տարի տրանսֆերտների ծավալները ամիսների կտրվածքով խիստ տատանողական են եղել: Մի քանի ամիսներին գրանցվել է կտրուկ աճ, մյուս ամիսներին՝ կտրուկ նվազում եւ պաշտոնական որեւէ մեկնաբանություն չի հնչել, թե ինչով է դա պայմանավորված: Հաշվի առնելով մասնավոր տրանսֆերտների ծավալների հսկայական ազդեցությունը մեր բնակչության գնողունակության եւ ընդհանրապես տնտեսության վրա, այսպիսի տատանողականությունը պետք է որ անհանգստացնի կառավարությանը:

Մի ուշագրավ միտում է նկատվում վերջին տարիներին: Կտրուկ ու տարօրինակորեն աճում է տրանսֆերտների արտահոսքը Հայաստանից: Օրինակ, եթե անցած տարվա առաջին 10 ամիսներին Հայաստանից մասնավոր տրանսֆերտների «խողովակով» արտահոսել է 641 միլիոն դոլար, ապա այս տարի այդ ցուցանիշը հասել է 814 միլիոն դոլարի: Աճը մոտ 27 տոկոս է: Ընդ որում, Հայաստանից դեպի ԱՄՆ արտահոսքը աճել է ավելի քան երկու անգամ. անցած տարի արտահոսել էր 66 միլիոն դոլար, այս տարի՝ ավելի քան 136 միլիոն դոլար:

Ինչ փողեր են պտտվում Ռուսաստան-Հայաստան-ԱՄՆ «մայրուղում», միանշանակորեն դժվար է ասել: Ակնհայտ է, որ ԱՄՆ գնացած այդ հսկայական գումարները ամենեւին էլ ԱՄՆ-ում բնակվող մեր բարեկամներին ֆինանսական աջակցություն չէ: Ամենայն հավանականությամբ մասնավոր տրանսֆերտների տեսքով մեր հայրենակիցները ՌԴ-ից գումարներ են հանում, որոնք հետագայում նույն կարգավիճակով հասնում են ԱՄՆ: Դա, իհարկե, կապ չունի մեր տնտեսության հետ, սակայն այս շարժը կարող է ՀՀ տնտեսության հեռանկարների վերաբերյալ թյուր կանխատեսումներ անելու հիմք դառնալ:

Տպել
10190 դիտում

Երեւանի Բագրատունյաց պողոտայի շենքերից մեկի քարերը պոկվել, ընկել են

Այսօր Ծաղկազարդ է՝ մանուկների օրհնության օրն ու Ավագ շաբաթի մեկնարկը

Ջրաշեն գյուղի թռչնաբուծարանի մոտ ավտոմեքենան թեքվել է դեպի ձորը

Բակո Սահակյանի գլխավորությամբ Արցախում կորոնավիրուսի կանխարգելման աշխատանքների հանձնաժողովի նիստ է գումարվել

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան