Երևան
12 °C
Ավան եւ Նոր Նորք վարչական շրջանների ընդհանուր իրավասության դատարանում դատավոր Արտուշ Գաբրիելյանի նախագահությամբ լարված մթնոլորտում շարունակվում է «Սասնա ծռեր» խմբի գործով արտագնա դատական նիստը:
Լարված մթնոլորտ սկսվեց այն պահից հետո, երբ Արտուշ Գաբրիելյանը հերթական ընդմիջումից հետո սանկցիա կիրառեց սույն գործով պաշտպաններից երկուսի՝ Արայիկ Պապիկյանի եւ Մուշեղ Շուշանյանի նկատմամբ: Նշենք, որ ընդմիջում հայտարարելիս դատավորը դատավարության կողմերին չէր տեղեկացրել, որ հեռանում է խորհրդակցական սենյակ եւ ինչ պատճառով:
Դատավոր Արտուշ Գաբրիելյանը ընդմիջումից հետո վերադառնալով ասաց. «Փաստաբաններն անհարգալից վերաբերմունք են դրսեւորել դատարանի նկատմամբ եւ որոշվեց պաշտպաններ Մուշեղ Շուշանյանի և Արայիկ Պապիկյանի պատասխանատվության ենթարկել»:
Մինչ նման որոշում կայացնելը դատավոր Արտուշ Գաբրիելյանը հայտարարեց, որ արձանագրություն է կազմվել այն մասին, որ կարգադրիչը ձեռքի մետաղաորսիչ սարքով զննության է ենթարկել Արայիկ Պապիկյանին, որի ընթացքում սարքը մետաղական իրի առկայության մասին ազդանշան է տվել: Իր կողմից առաջարկ է հնչել ցույց տալ մետաղական իրը կամ ազատվել դրանից, սակայն վերջինս հրաժարվել է կատարել պահանջը: Ըստ նրա՝ նույն արձանագրության վրա առկա է նաեւ Արայիկ Պապիկյանի գրառումը, որի համաձայն՝ իրեն ապօրինի պահանջ է ներկայացվել՝ պայուսակից հանել ազդանշան արձակող բոլոր իրերը: Փաստաբանը նշել է, որ եթե դրանք արգելված են, ապա պետք է ներկայացվի դրանց ցանկը, ինչպես նաև իրավական ակտն արգելված լինելու մասին, այլապես պահանջը կամայական է, և խոչընդոտում է իր մասնագիտական աշխատանքը կատարելու հարցում:
Նմանատիպ արձանագրություն էր կազմվել այս անգամ Արեգ Կյուրեղյանի եւ Վարուժան Ավետիսյանի պաշտպան Մուշեղ Շուշանյանի նկատմամբ, որի համաձայն՝ դատական կարգադրիչը ձեռքի մետաղաորսիչ սարքով զննության է ենթարկել փաստաբանին, որի ընթացքում սարքը մետաղական իրի առկայության մասին ազդանշան է տվել: Առաջարկ է հնչեցվել ցույց տալ մետաղական իրը կամ ազատվել դրանից: Սակայն վերջինս հրաժարվել է կատարել այդ պահանջը: Ըստ դատավորի՝ արձանագրության վերաբերյալ Մուշեղ Շուշանյանի կողմից գրառում էր կատարվել, որի համաձայն՝ իրեն պահանջ է ներկայացվել բացել պայուսակն ու հանել մետաղական առարկաները, սակայն ինքը հրաժարվել է կատարել այդ անօրինական պահանջը: Ըստ Շուշանյանի՝ պահանջն ապօրինի է, քանի որ նրա կողմից չի վկայակոչվել այն իրավական հիմքը, որի ուժով դատական կարգադրիչն իրավունք ունի փաստաբանին խուզարկության ենթարկել՝ նրա պայուսակի պարունակությունը դատարկելու միջոցով: Փաստաբանը նշել էր, որ չկա իրավական ակտ, որը սահմանում է արգելված իրերի ցանկը, որոնցով դատարան մուտք գործելն արգելված է, դատական կարգադրիչի պահանջը կամայական է, չունի իրավական հիմք, դրա հետևանքով խախտվում է իր պաշտպանյալների պաշտպանության իրավունքը: Փաստաբանը դատարանից պահանջել էր միջոցներ ձեռնարկել իր եւ իր պաշտպանյալների իրավունքների խախտումը վերացնելու, եւ իր մուտքը դատական նիստերի դահլիճ ապահովելու նպատակով:
Փաստաբան Հրանտ Գևորգյանը հայտարարեց, որ Մուշեղ Շուշանյանը ոչ մի կերպ չի կարողանում հայտնվել նիստերի դահլիճում, քանի որ յուրաքանչյուր անգամ արգելք է դրվում նրա մուտք գործելու դեմ: Նա խնդրեց միջոցներ ձեռնարկել՝ փաստաբանի մուտքը դահլիճ ապահովելու համար: Դատավորը 20 րոպե ընդմիջում հայտարարեց, իսկ երբ նիստը վերսկսվեց, հրապարակեց որոշումները:
Դատավորի այս որոշման դեմ ընդդիմացան գործով մյուս ամբաստանյալների պաշտպանները: Մասնավորապես՝ Պավել Մանուկյանի պաշտպան Հրանտ Գեւորգյանն ասաց, որ իրենք դատարանին խնդրել էին լուծել պաշտպանի՝ դատարանում գտնվելու եւ ոչ թե նրա նկատմամբ սանկցիա կիրառելու հարցը: Դատարանի գործողությունների դեմ առարկություն էր ցանկանում հայտնել նաեւ պաշտպան Ինեսսա Պետրոսյանը, ում դիմելիս դատավորն ասաց. «պարո՛ն Ինեսսա», ապա ուղղեց իրեն՝ «տիկի՛ն Ինեսսա Պետրոսյան, նստեք, խնդրում եմ: Դատավորի գործողությունների դեմ փորձում էր հայտարարություն անել նաեւ Կարո Եղնուկյանի պաշտպան Տիգրան Հայրապետյանը, սակայն չէր կարողանում քանի որ վերջինիս բարձրախոսը չէր աշխատում: Հայրապետյանը բարձրախոսը թափահարելով հայտարարեց, թե ինչու են անջատել իր բարձրախոսը, ինչին ի պատասխան Արտուշ Գաբրիելյանն ասաց, որ թույլ չի տալիս հայտարարություն անել:
Փորձում էր հայտարարություն անել նաեւ Պավել Մանուկյանի մյուս պաշտպան Հարություն Բաղդասարյանը, ինչը Գաբրիելյանը թույլ չէր տալիս: Դատավորը մի քանի պաշտպանի նկատմամբ սանկցիա կիրառեց՝ նախազգուշացրեց, ապա հեռացավ խորհրդակցական սենյակ՝ փաստաբան Հարություն Բաղդասարյանի վերաբերյալ որոշում կայացնելու համար:
«Հայկական Ժամանակ»-ը Telegram-ում
Վենեսուելայում ազգային սուգ է հայտարարվել․ երկրաշարժերի զոհերի թիվը հասել է 1943-ի
Հանդիպում ունեցա «Քաղաքացիական պայմանագիր» կուսակցության Երիտասարդական կառույցի հետ․ Պապիկյան․ տեսանյութ
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Հայաստանում ընտանեկան բռնությունն օրենքով թույլատրելի է․ Աննա Հակոբյանը տեսանյութ է հրապարակել
Երևան-Արմավիր ճանապարհին ավտոմեքենա է այրվել․ վարորդը տեղափոխվել է ԲԿ
«Դատախազության աշխատողի օր» գրությունը և դատախազության տարբերանշանը՝ հեռուստաաշտարակի էկրանին․ տեսանյութ
Պուտինը «քցեց» Կարապետյանին, Քոչարյանին, Ծառուկյանին. ուզում են Սյունիքը ծախել, հարցերը լուծել. տեսանյութ
Վթարային ջրանջատում Վայոց ձորի մարզում․ հասցեներ
Երևանի համար հաստատվել է 650 մլն ԱՄՆ դոլարի ներդրումային փաթեթ․ Ավինյան
Ադրբեջան-Հայաստան կարգավորման գործընթացը հաջողությամբ շարունակվում է․ խաղաղությունն արդեն ձեռք է բերվել․ Ալիև
Կրտսեր պարեկի պաշտոնից առաջխաղացման կարգով նշանակումները կիրականացվեն խորհրդատվական կարծիքի հիման վրա
Որն է Սամվել Կարապետյանի «գաղտնի պլանը». հաջորդիվ ՌԴ-ն սպառնալու է, որ ռազմաբազան ՀՀ-ից կհանի. տեսանյութ
Ապօրինի ճանապարհով ձեռք բերված գույքի վերադարձը նաև արդարության վերականգնման գործընթաց է. Աննա Վարդապետյան
Եվրամիությունը հավատում է Հարավային Կովկասի խաղաղ և պայծառ ապագային. Ուրսուլա ֆոն դեր Լայեն
Եգիպտոսի դեսպանը պատրաստակամ է մշակույթի ոլորտում համագործակցության ակտիվացման առավելագույն ջանքեր ներդնել
Պուտինի վարկանիշի անկում, տնտեսական վիճակի վատթարացում․ ինչ են փաստում Gallup-ի հարցման արդյունքները ՌԴ-ում
Արծրուն Հովհաննիսյանը նշանակվել է ՊՆ պաշտպանական ազգային հետազոտական համալսարանի պետ
Նիկոլ Փաշինյանի գլխավորությամբ տեղի է ունեցել Հանրային ներդրումային կոմիտեի նիստը
Ինչպես է Չինաստանը պայքարում ծայրահեղ շոգի դեմ․ տեսանյութ
Պետականակենտրոն մոտեցումը՝ պատգամավորի երդման տեքստի հիմքում. օրենքի նախագիծը ստացել է դրական եզրակացություն
Նոր նշանակումներ ՊՆ-ում
ՍԴ-ն հեռացել է խորհրդակցական սենյակ՝ ընտրությունների արդյունքները վիճարկելու գործով որոշում կայացնելու
ՀՀ-ում գործող սուպերմարկետներից մեկի մենեջերը նկարել է իրենց աշխատակցին և նրա անունով օնլայն վարկ ձևակերպել
Վանում հանդիպել են հայ և թուրք գործարարները․ քննարկվել են սահմանային անցակետի բացման հարցերը
Սյունիքում, Արարատյան դաշում, Երևանում օդի ջերմաստիճանը կհասնի 34-36 աստիճանի. Սև ծովից ցիկլոն կներթափանցի
Universal Hospital Product-ի զարգացումը՝ Կոնվերս Բանկի աջակցությամբ
Պետական պահպանության ծառայությունը ինքնուրույն որպես հատուկ ծառայություն անպայման պետք է զարգանա․ վարչապետ
Միլանի «Ինտեր»-ը երկարաձգել է Հենրիխ Մխիթարյանի պայմանագիրը մինչև 2027 թվական
Կանանց լիարժեք մասնակցությունը երկրի կայուն զարգացման կարևոր նախապայման է. Արսեն Թորոսյան
ԱԺ փոխնախագահը գերմանացի պատգամավորների հետ քննարկել է Հայաստան-ԵՄ հարաբերություններն ու ներքաղաքական հարցեր
Հուլիսի 1-ից փոփոխվում են Երևանի կենդանաբանական այգու մուտքի տոմսերի սակագները. ովքեր կարող են օգտվել անվճար
Ապօրինի գույքի բռնագանձման համակարգն ընթացիկ հակակոռուպցիոն պայքարի կարևորագույն գործիքներից և միջոցներից է
Հակոբյանը Նյու Յորքում ներկայացրել է վերջին տարիների գործունեությունը, նախաձեռնություններն ու մարտահրավերները
Բնական գազի սակագները բնակիչների համար կմնան անփոփոխ. ՀԾԿՀ
Նիկոլ Փաշինյանն ու Միխայիլ Միշուստինը հեռախոսազրույց են ունեցել
Գրանցվեք, մասնակցեք և ստեղծագործեք, որովհետև դուք տաղանդավոր եք. վարչապետը՝ «Վարչաֆեստ»-ի մասին
Մենք ռուսական կողմի հետ TRIPP-ի վերաբերյալ քննարկում չենք վարում․ ԱԳ փոխնախարար
Իմ կարծիքով՝ ՀՀ-ում արդարությունն ու արդարադատությունը հասանելի են միայն էլիտաներին, ինչը խնդիր է. վարչապետ
ՀՀ կառավարության աջակցությամբ մեկնարկում է «Վարչաֆեստ 2026» երիտասարդական երաժշտական փառատոնը
Կապան քաղաքի Դավիթ Բեկի հուշարձանի հարակից հանգստյան գոտին կառուցված է. վարչապետ
