Մարզպետը` պոլիկլինիկայի տնօրենին. հակաքարոզչությո´ւն ես անում, ազատվա´ծ ես աշխատանքից

Արարատի նորանշանակ մարզպետ Արամայիս Գրիգորյանը իր մոտ է հրավիրել Արտաշատի բժշկական կենտրոնի պոլիկլինիկայի վարիչ Սերինե Հայրապետյանին, հայտնել, որ նա ազատված է աշխատանքից: Պատճառաբանել է, որ հակաքարոզչություն է իրականացնում: Բայց թե ում դեմ եւ ինչ է քարոզում կամ ում օգտին, չի բացատրել:

Այս մասին տեղեկացանք Սերինե Հայրապետյանի հետ զրույցում: «Ես, ինչպես միշտ, այսօր էլ եկել էի աշխատանքի, իմ աշխատանքային գործունեությունն էի ծավալում, եւ հանկարծ ինձ ասացին, որ մարզպետն է հրավիրել: Ես գնացի մարզպետարան, նա ինձ ընդունեց, ասաց` դուք հակաքարոզչությամբ եք զբաղվում պոլիկլինիկայում, ձեր կոլեկտիվից կան դիմում-բողոքներ, որի համար ազատված եք աշխատանքից: Ասացի` ի՞նչ է նշանակում` հակաքարոզչություն: Իսկ դուք ունե՞ք ապացույցներ, հիմքեր: Այո` պատասխանեց մարզպետը: Հարցրեցի` կարո՞ղ եմ ծանոթանալ այդ հիմքերին: Մարզպետը պատասխանեց` ես ձեզ ապացուցելու ոչինչ չունեմ: Ասացի` եղավ, դուք չունեք, ես ունեմ ապացուցելու բաներ»,- պատմեց Սերինե Հայրապետյանը` հավելելով, որ կատարվածն իր համար բոլորովին անակնկալ է եղել:

Հետաքրքրվեցինք, թե մարզպետն ակնարկում էր, որ ինքը Հանրապետակա՞ն կուսակցության դեմ է քարոզչություն իրականացնում: «Չեմ կարող սուտ խոսել, ինձ բացարձակ ոչ մի անուն չի տվել` ո´չ Հանրապետականի, ո´չ «Բարգավաճի», ո´չ մի դաշինքի, ոչ մի Դաշնակցության: Ինձ ուղղակի ասել է` հակաքարոզչություն: Ինչ է հակաքարոզչությունը, ես չգիտեմ: Հակաքարոզչության համար մարդուն աշխատանքից ազատո՞ւմ են, որը երեսուն տարի աշխատում է նույն հիմնարկում ու մի ամբողջ կոլեկտիվ կանգնած է իր կողքին: Եվ դրա ապացույցն այսօր էր, որ ամբողջ աշխատակազմը միահամուռ դռները փակեց ու դուրս եկավ: Չի կարելի այդ ձեւով գնահատել մարդու աշխատանքը»,- ասաց պոլիկլինիկայի վարիչի պաշտոնից ազատվող Հայրապետյանը:

Նշենք, որ Արամայիս Գրիգորյանի հետ հանդիպելուց հետո նա վերադարձել է պոլիկլինիկա, քանի որ նախ, ինչպես նկատեց, իրեն պաշտոնից ազատելու իրավասությունը ոչ թե մարզպետինն է, այլ բժշկական կենտրոնի տնօրենինը, եւ հետո պետք է այդ ամենի մասին խոսեր պոլիկլինիկայի աշխատակիցների հետ: Վերջիններս էլ, տեղեկանալով իրենց վերագրվող գրության մասին, դիմում-բողոք են կազմել եւ աշխատանքը դադարեցնելով` շտապել Արարատի մարզպետարան:

Սերինե Հայրապետյանն ասաց, որ ինքը երբեւէ կոլեկտիվում չի խոսել իր քաղաքական համակրանքների կամ հակակրականքների մասին: Ավելին, բժիշկներին նույնպես հորդորել է հեռու մնալ դրանից: «Ես ամեն օր ասում եմ` ընկերներ, մենք գործ չունենք, մենք քաղաքականության մեջ չկանք, մենք բժիշկ ենք, զբաղվում ենք մեր բժշկությամբ: Մենք հիմա այնքան ծանրաբեռնված ենք պոլիկլինիկայում, ժամանակ չունենք նույնիսկ իրար հետ զրուցելու, ուր մնաց թե հակաքարոզչություն անենք` քարոզարշավը դեռ չսկսած»,- ասաց նա:

Հետաքրքրվեցինք, թե ինչու էր անհրաժեշտություն առաջանում այդ ամենը բուժաշխատողներին ասելու: «Երբ որ գալիս են, ասում են` ինչ պիտի անենք, կամ նույնիսկ ես որ լսում եմ, ասում եմ` ոչ մի բանի մի խառնվեք: Զբաղվեք ձեր գործերով»,- պատասխանեց պոլիկլինիկայի ղեկավարը:

Մեր դիտարկմանն արձագանքելով` նա նաեւ վստահեցրեց, թե որեւէ կապ չունի ՀՀ նախկին վարչապետ, օրեր առաջ Հայաստանի հանրապետական կուսակցությունը լքած Հովիկ Աբրահամյանի հետ, որպեսզի համարվի, թե ինքն այդ թեւի ներկայացուցիչ է: «Ոչ մի կապ չունեմ: Աշխատել եմ, աշխատում եմ, ոչ մի բանի չեմ խառնվել, չեմ էլ ուզում խառնվել»,- ասաց Սերինե Հայրապետյանը:

Արտաշատի բժշկական կենտրոնի պոլիկլինիկայի վարիչին աշխատանքից ազատելու մարզպետի հայտարարության մասին որեւէ պաշտոնական մեկնաբանություն ստանալու մեր փորձերը հաջողություն չունեցան: Մարզպետարանի լրատվական ծառայության պատասխանատուի հետ կապ հաստատել չհաջողվեց: Չկարողացանք պարզաբանումներ ստանալ նաեւ մարզպետարանի աշխատակազմի առողջապահության եւ սոցիալական ապահովության վարչության պետ Ստեփան Խաչատրյանից: Պարզվեց` այսօր նա եւս ազատվել է զբաղեցրած պաշտոնից: Առողջապահության բաժնի պետը պատասխանեց, որ ինքը ոչինչ ասել չի կարող եւ անջատեց հեռախոսը: Իսկ թե այս ամենի մասին ինչ է մտածում Արտաշատի բժշկական կենտրոնի տնօրենը, պատրաստվո՞ւմ է արդյոք պոլիկլինիկայի բաժնի վարիչին ազատել զբաղեցրած պաշտոնից, առայժմ մնում է անհայտ: Նրա հեռախոսահամարն անհասանելի էր:  

Տպել
8499 դիտում

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)