«Քաղաքացիական պայմանագրում» ոնց որ լրիվ խառնել են սաղ. ու՞ր մնաց հանելուկը

Լրատվամիջոցները շարունակում են տանջվել քաղաքական ուժերից առաջիկա ընտրությունների մասնակցության վերաբերյալ գոնե որեւէ տեղեկատվություն կորզելու համար, բայց ապարդյուն: ԶԼՄ-ների քաղաքական բաժնի նյութերը այս օրերին «Քաղաքական հանելուկներ» են հիշեցնում:

Ուրբաթ օրն օրինակ ՀՀ նախկին վարչապետ Հրանտ Բագրատյանը «Ազատության»-ը հայտնել էր, որ իր ղեկավարած կուսակցությունը մի շարք այլ կուսակցությունների հետ համաձայնագիր է կնքել ապրիլի 2-ի խորհրդարանական ընտրություններին դաշինքով մասնակցելու վերաբերյալ: Հարցին`արդյոք «դաշինք» ասելով նկատի ունի «Ազատ դեմոկրատներին» և «Ազատություն» կուսակցությա՞նը, Բագրատյանը պատասխանել էր. «Էս պահին հարմար չեմ գտնում անուններ տալ»։

Մամուլը վաղուց է խոսում  «Ազատ Դեմոկրատներ»-ի եւ Բագրատյանի «Ազատություն» կուսակցության հնարավոր դաշինքի մասին, բայց, փաստորեն հուշագիրը, որի մասին խոսեց Բագրատյանը, «ԱԴ»-ի հետ չի ստորագրվել: «Ազատ դեմոկրատներ» կուսակցության մամուլի խոսնակ Սոնա Մինասյանը armtimes.com-ին նույն օրը հայտնեց, որ իրենք որևէ ուժի հետ որևիցե համաձայնագիր չեն ստորագրել։

Ինչ վատ քաղաքական հանելուկ է. ո՞ր ուժերի հետ է հուշագիր ստորագրել Բագրատյանի կուսակցությունը, եթե դրանց մեջ չկա «Ազատ Դեմոկրատներ»-ը, եւ չգիտենք, թե քանի ուժի մասին է խոսքը: 

Այսօր «Համախմբում» կուսակցության վարչության անդամ Մանվել Եղիազարյանը հարցազրույցում ասել է, որ առաջիկա օրերին իրենց կուսակցությունը կհայտարարի, թե ինչ ձեւաչափով է մասնակցելու խորհրդարանական ընտրություններին: Սույն կուսակցության, Վիկտոր Դալլաքյանի կուսակցության,Սեյրան Օհանյանի եւ մի քանի այլ կուսակցությունների հնարավոր լայն դաշինքի մասին էլ է վաղուց խոսվում:

Սակայն Եղիազարյանը հրիաժարվել է անուններ տալ, ասելով, որ խոսքը լայն համախմբմամբ մասնակցության մասին է, բայց քանի որ ինքը  նոր է մարզից վերադարձել եւ բանակցությունների ընթացքից տեղյակ չէ, չի կարող ավելի կոնկրետը բան ասել: Անցյալ շաբաթավերջին Հանրային հեռուստաընկերության «Օրակարգ» հաղորդման լրագրողը նույն հարցը տալիս էր անձամբ Վարդան Օսկանյանին: Վերջինս էլ ասում էր, որ չի կարող անուններ տալ, քանի որ բանակցությունները վարում է Ստեփան Մարգարյանը:

Ի՞նչ վատ քաղաքական հանելուկ է. որ ուժերի հետ է բանակցում «Համախմբումը», եւ այդ ինչ լայն դաշինք է ձեւավորվելու: 

Այսօր կրկին «Բարգավաճ Հայաստանից» հավաստիացրեցին, որ քաղաքականություն վերադառնալու մասին Գագիկ Ծառուկյանի խոստացած հայտարարությունը շատ չի ուշանա: Միեւնույն ժամանակ քաղաքական վերլուծաբան Վիգեն Հակոբյանը մամուլի ասուլիսում հայտարարեց. «Իմ տպավորությամբ, Գագիկ Ծառուկյանը, կարծես թե, չի վերադառնալու»: Ի՞նչ վատ քաղաքական հանելուկ է. կվերադառնա արդյոք Գագիկ Ծառուկյանը, թե ոչ, եւ երբ կանի իր հայտարարությունը:

Ի դեպ «Կենտրոն» հ/ը-ով ցուցադրվող «Մարդ, որը կառուցում է» ֆիլմաշարի 5-րդ մասի ցուցադրությունը ինչ-ինչ պատճառներով ձգձգվում է: Ինչպես արդեն գրել ենք՝ ֆիլմը հասել է ամենաինտրիգային հատվածին`Գագիկ Ծառուկյան քաղաքական գործչին: Հուսանք, այս հատվածի ցուցադրությունը չի արժանանա Ծառուկյանի հայտարարության ճակատագրին: 

Րաֆֆի Հովհաննիսյանն այսօր մասնակցում էր Գեւորգ Սաֆարյանի դատավարության վճռի հրապարկմանը եւ բնականաբար լրագրողներն առիթից օգտվեցին հետաքրքրվելու, թե «Ժառանգությունն» ինչպե՞ս է մասնակցելու ընտրություններին: Ակնկալիքն այն էր, որ Հովհաննիսյանը որպես վերոնշյալ լայն դաշինքի շուրջ բանակցողներից մեկը որոշակի լույս կսփռի իրավիճակի վրա: Րաֆֆի Հովհաննիսյանը սակայն մեր քաղաքական հանելուկներն այնպես խճճեց, որ որեւէ մեկը հանկարծ չկարողանա դրանք լուծել: 

Միեւյնույն ժամանակ հայտնի դարձավ, որ Անահիտ Բախշյանը «Ժառանգությունից» դուրս գալու դիմում է ներկայացրել եւ մտորում է «Ազատ դեմոկրատներ» կուսակցության ցուցակով առաջիկա ընտրություններին մասնակցելու առաջարկի շուրջ:

Հանրությանը հետաքրքրում է նաեւ ՀՀԿ-ն: Այստեղ էլ ուշանում է վերջին համագումարից հետո առաջին Խորհրդի նիստը, որտեղ պետք է քննարկվի իշխող կուսակցության նախընտրական ցուցակը: Մամուլում բազմաթիվ հրապարակումներ եղան, որ ցուցակի հետ կապված լուրջ բախումներ են տեղի ունենում հատկապես ՀՀԿ կանանց շրջանում: Ինֆորմացիոն վակուումի մեջ նաեւ լուրեր են հայտնվում, որ օրինակ, ՀՀԿ ցուցակը գլխավորելու է ՊՆ նախարար Վիգեն Սարգսյանը:

ՀՀԿ փոխնախագահ Էդուրդ Շարմազանովը այսօր «Առավոտին» ասել է, որ կարիք չկա իրենց կուսակցությունում արհեստական խմորումներ տեսնել: «ՀՀԿ-ում ամեն ինչ բաց է, հրապարակային, ՀՀԿ-ի կանայք էլ շատ համերաշխ են: Իսկ ՀՀԿ ցուցակներում կանայք էլ կընդգրկվեն, փորձառու գործիչներն էլ կընդգրկվեն, երիտասարդ գործիչներ էլ: ՀՀԿ-ն ունի լայն կադրային բազա: Մեր ցուցակներում կլինեն նաեւ անկուսակցականներ, հայտնի, հարգանք վայելող գործիչներ: Մի շտապեք»,-ասել է Շարմազանովը: 

Այս ամենի մեջ ոչ մի կերպ չի հասկացված «Քաղաքացիական պայմանագիր» կուսակցության այսօր տարածած հաղորդագրությունն այն մասին, որ կուսակցությունում կիարկի օրը տեղի է ունեցել փակ գաղտնի վարկանիշային քվեարկություն, որի արդյունքում ձեւավորվել է առաջիկա խորհրդարանական ընտրությունների կուսակցության համամասնական ցուցակը: Հաղորդագրության մեջ նշվում են ցուցակի առաջին տասնյակի անունները:

Ինչպես հայտնի է, սույն կուսակցությունը ընտրություններին մասնակցելու է «Հանրապետություն» եւ «Լուսավոր Հայաստան» կուսակցությունների հետ ձեւավորած «Ելք» դաշինքով: Այս երեք ուժերը քաղաքական համագործակցության մասին հուշագիրը կնքեցին դեռեւս դեկտեմբերի 12-ին, ընդ որում միջոցառումը հրապարակային էր, անգամ հեռարձակվում էր մի քանի ԶԼՄ-ների ուղիղ եթերով: 

Անտեղի շտապողականությունը պարզապես աչք է ծակում: Իսկ Հայաստանի քաղաքական դաշտում «Քաղաքացիական պայմանագրի» նորամուծությունը իսկական թիթիզություն է. ի՞նչ է նշանակում փակ գաղտնի ռեյտինգային քվեարկությամբ նախընտրական ցուցակ ձեւավորել: Ուր մնաց ավանդական հայկական քաղաքական մշակույթը, որտեղ ցուցակները ձեւավորվում են կուսակցությունների լիդերների եւ եւս մի քանի «պեռվի կռուգ» դեմքերի քմահաճույքներով (կարող ենք նաեւ քաղաքական հաշվարկ անվանել)`ավանդական քյաբաբի շուրջ:

Տպել
9679 դիտում

Վրաստանը և Ռուսաստանը Հայաստանի բեռների համար կապահովեն «կանաչ գոտի». հանդիպում ընկերությունների ղեկավարների հետ

Հնարավոր կլինի օնլայն տեղեկություն ստանալ հաստատված կորոնավիրուսով հիվանդ անձանց շփման շրջանակի վերաբերյալ. Ավինյան

Արցախում կորոնավիրուսի կասկածով մեկուսացված քաղաքացիներ չկան. տեղեկատվական շտաբ

4 ավիաընկերություններ Բելառուսից ու Ռուսաստանից այսօր ուղեւորափոխադրումներ կիրականացնեն Հայաստան

Տավուշում կորոնավիրուսով հիվանդ մարդ չկա. ո՞վ է գոհ այս վիճակից

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել