Վանաձորի ավագանու արտահերթ նիստի օրը հայտնի է. ընդդիմությունը կրկին բոյկոտելու է

Վանաձորի քաղաքապետ Մամիկոն Ասլանյանը դեկտեմբերի 13-ին օրակարգային մեկ հարցով ավագանու արտահերթ նիստ է հրավիրում: Այս մասին տեղեկանում ենք Վանաձորի քաղաքապետարանի կայքից: Հիշեցնենք, որ Ասլանյանը մեզ հետ զրույցում հայտնել էր սպասվող նիստի մասին, որի օրը դեռ հայտնի չէր:

Ասլանյանն այսօր հանդիպել է «Ուկրշին» թաղամասի հրդեհից տուժած ընտանիքներին ու տեղեկացրել սպասվող նիստի մասին, որտեղ նախատեսում է համայնքի բյուջեում փոփոխություն կատարել եւ հրդեհից տուժած ընտանիքներին ֆինանսական աջակցություն տրամադրել: Հիշեցնենք, որ մեզ հետ զրույցում «Լուսավոր Հայաստան» կուսակցության նախագահ Էդմոն Մարուքյանն ասել էր, որ իրենց բոյկոտը շարունակվում է:

Այսօր խորհրդարանական ճեպազրույցների ժամին ԲՀԿ խմբակցության քարտուղար Միքայել Մելքումյանն ասել է, որ իրենց բոյկոտը եւս շարունակվում է. «Այս հարցը պիտի լուծվի հետագայում, մենք բոյկոտելու ենք, մինչեւ ի հայտ չգան այն մարդիկ, ովքեր, մեղմ ասած, չեն պահպանել իրենց սկզբունքայնությունը»,- ասել է նա:

ՕԵԿ խմբակցության քարտուղար Մհեր Շահգելդյանը եւս հայտնել է, որ բոյոկտելու են նիստը. «ՀՎԿ-ի դիրքորոշումն այսօր նույնն է մնում: Ես կարծում եմ, որ աջակցության ցուցաբերման խնդիրը միանշանակ լուծելի է այնպես, ինչպես կա»,- ասել է նա:

Ի դեպ, հայտարարությամբ է հանդես եկել նաեւ իշխող ՀՀԿ-ի գործընկեր ՀՅԴ-ի Վանաձորի գրասենյակը՝ կոչ անելով ավագանու խմբակցություններին մասնակցել նիստերին, գոնե՝ մեկ ոչ պաշտոնական, առանց ԶԼՄ ներկայացուցչի նիստի. «ՀՅ Դաշնակցության Վանաձորի քաղաքային կոմիտեն կոչ է անում ավագանու կազմում ներգրավված բոլոր կուսակցություններին՝ կշեռքի նժարին դնել Վանաձորի կարճաժամկետ, միջնաժամկետ եւ երկարաժամկետ զարգացման շահերը եւ սեփական կուսակցական նեղ շահերը` Երեւանյան պրիզմայով անդրադարձված՝ որոշելու համար դրանցից հանրորեն օգտակարն ու առավել հրատապը: Բոլորս ապրում ենք Վանաձորում, եւ այս պարագայում անտարբերությունը եւ քայլեր չձեռնարկելը հավասարազոր է թշնամության, մանավանդ, երբ հաշվի ենք առնում նաեւ երկրի առջեւ կանգնած արտաքին եւ ներքին մարտահրավերները: Վանաձորը պետք է օր առաջ կերպարանափոխվի»,- ասված է հայտարարության մեջ:

Վանաձորի ավագանու առաջին եւ մինչ այսօր քվորում ունեցած միակ նիստը եղել է հոկտեմբերի 10-ին, որի ժամանակ փակ քվեարկությամբ քաղաքապետ է ընտրվել ՀՀԿ-ի թեկնածու Մամիկոն Ասլանյանը. նրա օգտին քվեարկել է ավագանու 19 անդամ: ՀՀԿ-ի եւ ՀՅԴ-ի ավագանիների թիվը 15-ն է, սակայն իշխող ՀՀԿ-ի օգտին, չնայած ԼՀ-ԲՀԿ-ՀՎԿ համագործակցությանը, քվեարկեցին ավագանու 4 ընդդիմադիր անդամ: Մինչեւ այսօր պարզ չէ, թե որ խմբակցության կամ խմբակցությունների ներկայացուցիչներն են քվեարկել Ասլանյանի օգտին: Հիշեցնենք, որ օրեր առաջ խորհրդարանում Էդմոն Մարուքյանը հայտարարեց, որ համաձայն ՏԻՄ օրենքի՝ հերթական նստաշրջանի ժամանակ ավագանու նիստերը, եթե 3 ամսից ավելի չեն գումարվում, լիազորությունները վաղաժամկետ դադարում են, իսկ այդ ժամկետը լրանում է հունվարին:

Ստացվում է՝ հրդեհից տուժած բնակիչների հարցով ավագանու նիստ հրավիրելը Վանաձորի քաղաքապետ Մամիկոն Ասլանյանի վերջին հնարավորությունն է, որպեսզի ավագանին վաղաժամկետ չդադարեցնի իր լիազորությունները:

Տպել
2957 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)