Արթուր Բաղդասարյանն ակնարկում է, որ Վանաձորում ՀՀԿ-ի հետ կոալիցիա կձեւավորի

Լոռու մարզի Վանաձոր քաղաքում ՀՀԿ-ն ակնհայտորեն ինչ-որ գործընթաց է սկսել՝ «Հայկական վերածնունդ» կուսակցությանը համոզելու եւ ավագանու նիստերը բնականոն հուն վերադարձնելու համար:

Ինչպես հայտնի է՝ հոկտեմբերի 2-ին կայացած Վանաձորի ավագանու ընտրություններում ՀՀԿ-ն եւ ՀՅԴ-ն միասին ստացել էին ավագանու 15 մանդատ, իսկ «Լուսավոր Հայաստան», «Հայկական վերածնունդ» եւ «Բարգավաճ Հայաստան» կուսակցությունները միասին՝ 18 մանդատ։ Վերջին երեք կուսակցությունները հուշագիր ստորագրեցին՝ քաղաքապետի ընտրություններում «Լուսավոր Հայաստանի» ցուցակը գլխավորող Քրիստ Մարուքյանին ընտրելու ամսին։ Սակայն գաղտնի քվեարկության արդյունքում քաղաքապետ ընտրվեց ՀՀԿ-ական Մամիկոն Ասլանյանը: Պատճառն այն էր, որ հուշագիր ստորագրած երեք կուսակցություններից չորս հոգի քվեարկել էին հօգուտ Ասլանյանի։ Սկսեցին վարկածներ շրջանառվել, որ 4 «դավաճանները» ՀՎԿ-ից են: «Լուսավոր Հայաստանը» ավագանու նիստերի բոյկոտ հայտարարեց՝ փորձելով այդպես պարզել, թե ովքեր են նշված 4 անձինք:  ՀՎԿ-ն եւ ԲՀԿ-ն միացան բոյկոտին եւ նոյեմբերի 5-ին նախատեսված Վանաձորի ավագանու նիստը չկայացավ՝ քվորում չապահովվելու պատճառով:

Սա ՀՀԿ-ում մեծ խառնաշփոթի պատճառ հանդիսացավ: Օրերս մամուլում տեղեկություններ տարածվեցին, որ Սերժ Սարգսյանը ՀՀԿ խմբակցության ղեկավար, վանաձորցի Վահրամ Բաղդասարյանին հարցը կարգավորելու համար մեկ շաբաթ ժամանակ է տվել։

Մենք տեղեկություններ ունենք, որ երեկվանից Վահրամ Բաղդասարյանը Վանաձորում բանակցությունների մեջ է՝ հարցի լուծումը գտնելու համար: Մեզ չի հաջողվում զրուցել նրա հետ այդ հարցը պարզելու համար:

Վերը նշված տեղեկությունների ֆոնին հատկանշական է, որ երեկ Արթուր Բաղդասարյանը իր 48-ամյակի առիթով հանդես եկավ հայտարարությամբ, որն իր մեջ ակնհայտորեն պարունակում է Վանաձորում ՀՀԿ-ի հետ կոալիցիա կազմելու ակնարկներ:

««Հայկական վերածնունդը» հստակ պահել է իր պայմանավորվածությունները՝ հուշագրի ոգուն համապատասխան և քվեարկել Քրիստ Մարուքյանի օգտին: Չնայած դրան՝ շանտաժով և քաղաքական կեղտոտ տեխնոլոգիաներով փորձում են վարկաբեկել մեր ավագանու անդամներին՝ կեղծ լուրեր տարածելով, թե «Հայկական վերածնունդ» կուսակցության անդամները չեն պահել քաղաքական հուշագրի կանոնները: Եվ ըստ որում՝ սա արվում է համառ հետևողականությամբ:  Այսօր «Հայկական վերածնունդը» Վանաձորում կարող է դառնել այն քաղաքական ուժը, որ կազմելով  իշխանություն, կարող է իրական ազդեցություն ունենալ Վանաձոր քաղաքի կառավարման մեջ՝ ելնելով մեր ստացած քվեներից:

Հռետորական հարց է առաջանում՝ ավելի լավ է շարունակ շանտաժի մեջ գտնվել և ամեն օր կոկորդ պատռելով հերքել, որ դու շիտա՞կ ես, թե՞ իսկապես բոլոր ուժերով կազմել կոալիցիա  և իրական ազդեցություն ունենալ Վանաձորի  կառավարման գործընթացի վրա՝ ստեղծելով ազգային համաձայնության վանաձորյան փոքրիկ մի մոդել: Անկեղծորեն ես այս հարցի հստակ պատասխանը չունեմ, բայց թիմով մտածել թերևս արժե»,- մասնավորապես ասվում է Բաղդասարյանի հայտարարությունում:

«Հայկական վերածնունդ» կուսակցության մամուլի խոսնակ Էդգար Առաքելյանը մեզ հետ զրույցում հայտնեց, որ Արթուր Բաղդասարյանի հայտարարությունը տեսակետ է, որը «Հայկական վերածնունդ» կուսակցությունում չի քննարկվել ու այս պահին չի քննարկվում:

«Մենք ՀՀԿ-ի հետ կոալիցիա կազմելու հարց չենք քննարկում, դա ընդհանուր ակնարկ է բոլոր կուսակցություններին, որոնք Վանաձորում մասնակցել են ընտրական գործընթացին»,- ընդգծեց ՀՎԿ մամուլի խոսնակը:

Վանաձորի ՀՀԿ-ական քաղաքապետ Մամիկոն Ասլանյանն էլ մեզ հետ զրույցում ասաց, որ Արթուր Բաղդասարյանի հայտարարությունը տեսել է, բայց քանի որ որեւէ պաշտոնական առաջարկ չի ստացել կոալիցիայի մասին՝ չի կարող խոսել այդ մասին:

Մեր հարցին, թե արդյո՞ք ՀՀԿ-ՀՎԿ քննարկում է ընթանում՝ կոալիցիա կազմելու շուրջ՝ Ասլանյանը պատասխանեց. «Ես այս պահին տարեց մի քաղաքացու եմ ընդունել: Ես այս պահին որեւէ քննարկում չեմ անում, որեւէ տեղեկություն չունեմ, որեւէ քննարկման չեմ մասնակցում»:

Զրուցեցինք նաեւ «Լուսավոր Հայաստանի» ցուցակը գլխավորած Քրիստ Մարուքյանի հետ.

- Պարոն Մարուքյան, մեզ ասում են, որ երեկվանից Վահրամ Բաղդասարյանը Վանաձորում է, ինչ-որ գործընթաց է գնում, փորձում է լուծել ավագանու նիստերի հարցը: Արթուր Բաղդասարյանն էլ երեկ կոալիցիայի մասին ակնարկ է արել: Դուք ունե՞ք տեղեկություններ. հնարավո՞ր է ՀՎԿ-ն ՀՀԿ-ի հետ կոալիցիա կազմի:

- Մենք որևէ նման տեղեկություն չունենք, չգիտեմ ինչ գործընթացներ են իրականացվում: Կարող եմ ենթադրել միայն, որ մի նիստ ձախողելուց հետո պետք է միջոցներ ձեռք առնեն հաջորդը կազմակերպելու համար:

- Դուք չե՞ք փորձել կապ հաստատել ՀՎԿ-ի ավագանու անդամների հետ: Նրանք հնարավոր համարո՞ւմ են ՀՀԿ-ի հետ կոալիցիան:

- Ոչ, չենք փորձել:

- Որո՞նք կլինեն հաջորդիվ ձեր գործողությունները, երբ այդ կոալիցիան կայանա:

- Երբ կկայանա, էն ժամանակ կհայտնենք մեր դիրքորոշումը:

- Արթուր Բաղդասարյանն իր հայտարարությունում խոսում է շանտաժի ենթարկվելու մասին: Ո՞վ է շանտաժի ենթարկում նրանց՝ «Լուսավոր Հայաստա՞նը»:

- Ես չգիտեմ ով է ենթարկում, «Լուսավոր Հայաստանը» չի ենթարկում:

- Հնարավո՞ր է «Լուսավոր Հայաստանն» էլ միանա որեւէ կոալիցիայի:

- Մենք հայտարարել ենք մեր մոտեցումները եւ դրանցից չենք պատրաստվում հրաժարվել: Որեւէ կոալիցիա չենք պատրաստվում կազմել, չկա օրակարգում նման հարց:

Տպել
4898 դիտում

Ռուսաստանի կողմից Լեռնային Ղարաբաղի աշխարհագրական անվանումների օգտագործումը իրավաբանորեն արդարացված է. Մարուքյան

Հայաստանին փոխանցված 13 մարմինն անճանաչելի է, նույնականացման գործընթացը սկսվել է. ՔԿ

Ընդունված է գործընկերներին ֆուտբոլ դիտելու հրավեր ուղարկելը. ԱԺ նախագահի խոսնակը՝ Ալեն Սիմոնյանի Կատար մեկնելու մասին

Նախագահ Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի նորանշանակ դեսպանը

Նիկոլ Փաշինյանի՝ վրաերթի ենթարկված եղբոր վիճակը լավ է. նա լուրջ վնասվածքներ չի ստացել

Դեկտեմբերի 3-ին դուրս կբերվի Աստվածամուխ Սուրբ Գեղարդը

ԱԺ խորհրդարանականները քննարկել են «Կենսաբանական և տոքսինային զենքի մշակման անթույլատրելիության մասին» ՀԱՊԿ նախագիծը

Ջրի սակագինը մոտ 9 դրամով կբարձրանա. մինչև 2024 թվականը կսուբսիդավորի կառավարությունը

Հայաստանը, Վրաստանը և Ադրբեջանը պետք է ներկա լինեին ԱԳ նախարարների հանդիպմանը. ՆԱՏՕ-ում ԱՄՆ մշտական ներկայացուցիչ

Տեղյակ ենք եղել որոշումից, հարգանքով ենք վերաբերվում դրան. «Հայաստան» խմբակցության հայտարարությունը

Չիլիի նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալին

Զեմֆիրա Միրզոևան սառեցնում է անդամակցությունը «Վերածնվող Հայաստան» կուսակցությանը, սակայն մանդատը վայր չի դնում

Շարունակում ենք մնալ կարծիքին՝ հիմքերը, որոնք ստիպում էին բոյկոտել ԱԺ նիստերը, արդիական են նաև այսօր. Ելենա Կիրակոսյան

Ներողություն եմ խնդրում քաղաքացիներից, ում հույսերը չարդարացվեցին. Ստամբուլյանը՝ մանդատը վայր դնելու մասին

Հայ ռեժիսորի ֆիլմն ընդգրկվել է Իտալիայի միջազգային կինոփառատոնի պաշտոնական մրցութային ծրագրում

Վահե Հակոբյանը, Հռիփսիմե Ստամբուլյանը և Ելենա Կիրակոսյանը պատգամավորական մանդատներից հրաժարվելու դիմում են ներկայացրել

Նիկոլ Փաշինյանը շնորհավորական ուղերձ է հղել Մալայզիայի վարչապետին

Լուսանկարում պատկերված անձը որոնվում է նախաձեռնված քրեական վարույթի շրջանակներում (տեսանյութ)

Վեց ամիս ժամկետով կարգելվի ՀՀ տարածքից սիգի ձկնկիթի արտահանումը

Կեղծ լիցենզիայով և շինծու տվյալներով տարածվում են ներդրումային առաջարկներ. ԿԲ-ն զգուշացնում է

«Մանկական Եվրատեսիլ 2021»-ի հաղթող Մալենան նոր ֆոտոշարք է ներկայացրել

ՀՀ գլխավոր դատախազությունը մեկնաբանել է պատգամավորներին անձեռնմխելիությունից զրկելու վերաբերյալ մամուլի հրապարակումները

Տաշիրում ծեծի ենթարկված տղամարդը 6 օր անց բժշկական կենտրոնում մահացել է. կա կալանավորված (տեսանյութ)

Շուշիի և Մարտունու ուղղությամբ կրակ բացելու մասին Ադրբեջանի ՊՆ հաղորդագրությունն ապատեղեկատվություն է

«Նկատողություն» տույժ է նշանակվել երկու դատախազի նկատմամբ

Ինչու է դատավոր Դավիթ Բալայանը հրաժարվել պաշտոնի առաջխաղացումից

Թուրքիան նախապատրաստվում է ցամաքային գործողության Սիրիայում. թուրքական մամուլ

Վերանորոգվել է մետրոյի «Հանրապետության հրապարակ» կայարանի վերին հատվածի շինությունը (լուսանկարներ)

8 ժամով կդադարեցվի Նոր Խարբերդի և Այնթապի որոշ հասցեների ջրամատակարարումը

Փոխանցել է փաստաթղթեր, ծառայության մասին տվյալներ, ստացել՝ 20 հազար դոլար. պետական դավաճանության նոր դեպք (տեսանյութ)

ԱԽ քարտուղար Արմեն Գրիգորյանը Փարիզում հանդիպել է ֆրանսիացի պաշտոնյաների հետ

Ադրբեջանը Պրահայում պայմանավորվել է շարունակել հանդիպումները քառակողմ ձևաչափով, նշանակում է՝ կազմը պետք է լինի նույնը

«Իմ հոգին». Սաթի Սպիվակովան Մասիս սարի լուսանկարն է հրապարակել

Մայակովսկի գյուղում ամբողջությամբ այրվել է «Մերսեդես» մակնիշի ավտոմեքենա

Բայրամովն ու Ռիքերը քննարկել են Բաքվի և Երևանի միջև խաղաղության պայմանագրի տարրերը և տարածաշրջանային իրավիճակը

Ադրբեջանի ԶՈՒ-ն այս գիշեր ևս կրակ է բացել հայկական դիրքերի ուղղությամբ. կորուստներ չկան

ՀՀ տարածքում կան փակ և դժվարանցանելի ավտոճանապարհներ

Երևանում 9 ժամով փակ կլինի Մաշտոցի պողոտայի՝ Խորենացի-Լուսավորիչ ամբողջ հատվածի երթևեկությունը

«Զինվորի տուն»-ն այսօրվանից աղոթքի սրահ ունի

Եթե Ադրբեջանն Արցախում գործադրի ռազմական ուժ, կնշանակի՝ ունի համաձայնություն, և հակագործողություններ չեն լինի. քաղաքագետ