Ինչով է հպարտանում հրաժարական տված վարչապետը. հպարտանա՞լ, թե լռել

 

ՀՀ կառավարության երեկվա նիստում Հովիկ Աբրահամյանը հրաժարական տվեց եւ հանդես եկավ հրաժեշտի ելույթով: Նա թվարկեց այն, իր կարծիքով լավ գործերը, որ արել է կառավարությունը իր գլխավորությամբ: Հիմա փորձենք հասկանալ, թե արդյոք դրանք լա՞վ գործեր էին, արդյոք արժե՞ դրանցով հպարտանալ:

«Մետաղի գների աննախադեպ անկման պայմաններում կառավարության գործուն աջակցությամբ էապես աճել է հանքարդյունաբերության թողարկումը, սկսել է աշխատել բազմաթիվ աշխատատեղեր ապահովող Ամուլսարի հանքավայրը»,- հպարտացավ Հովիկ Աբրահամյանը: Հայաստանի ընդերքի շահագործման ինտենսիվությունը այսպիսի տեմպերով մեծացնելու համար հպարտանալը, մեղմ ասած, այնքան էլ հասկանալի չէ: Առնվազն հասկանալի չէ: Այս մասին պետք է թերեւս լռել կամ շշուկով խոսել, որ ուրիշները չիմանան:

Հիմա նայենք այս «հպարտությանը» որոշ ցուցանիշների ֆոնին: 2014 թվականին, երբ Հովիկ Աբրահամյանը ստանձնեց վարչապետի պաշտոնը, Հայաստանում արտադրվել էր 192 հազար տոննա պղնձի խտանյութ: Դա 8 հազար տոննայով ավելին էր, քան 2013 թվականին: Իսկ 2015 թվականին արտադրվեց արդեն 315 հազար տոննա պղնձի խտանյութ: Այսինքն մեր ընդերքից հանվող պղնձի հանքաքարի ծավալը միայն մեկ տարվա ընթացքում աճել է 65 տոկոսով: Բայց սա դեռ ամենը չէ: Այս տարի այդ թիվը, անկասկած, ավելի կմեծանա: Արդեն հայտնի են առաջին կիսամյակի ցուցանիշները, որոնք առանց չափազանցության փշաքաղեցնող են: Այս տարվա առաջին վեց ամիսներին արտադրվել է 192 հազար տոննա պղնձի խտանյութ: Դա ճիշտ այնքան է, որքան արտադրվել էր 2014 թվականին` ողջ տարվա ընթացքում: Ընդերքի շահագործման ինտենսիվության այսպիսի աճը իրոք` հպարտանալու բան չէ: 

Հաջորդը. «Չնայած 2015 թ. արձանագրված էական արտաքին տնտեսական շոկին՝ տնտեսությունը գրանցեց տարածաշրջանում տիրապետող բացասական միտումներին հակադրվող 3 տոկոս տնտեսական աճ»,- հայտարարեց արդեն նախկին վարչապետը: Բազմիցս նշվել է, որ 2015 թվականին Հայաստանում տնտեսական աճ իրականում չի եղել: Եվ նշված 3 տոկոսը ընդամենը թվանկարչության արդյունք է: 2014 թվականին մեր համախառն ներքին արդյունքը կազմել էր 11.6 միլիարդ դոլար, իսկ 2015 թվականին՝ արդեն 10.5 միլիարդ դոլար: Այսինքն իրականում 2015 թվականին մենք ունեցել ենք ոչ թե տնտեսական 3 տոկոս աճ, ինչպես պնդում է Հովիկ Աբրահամյանը, այլ մոտ 10 տոկոս անկում: Ու ընդհանրապես, անցած վեց տարիներին մեր տնտեսությունում անընդհատ արձանագրվում է տնտեսական աճ, սակայն դրա արդյունքում մեր ՀՆԱ-ն չի աճում ու տարեցտարի տատանվում է 10-11 միլիարդ դոլարի շրջակայքում:

«Շատերի կողմից սկսեց շահարկվել հուլիսի տնտեսական ակտիվության ցուցանիշը՝ անտեսելով 2016 թվականին տնտեսությանը բաժին ընկած երկու հուժկու հարվածները՝ ապրիլյան պատերազմն ու ոստիկանության գնդի զինված գրավումը հուլիսին»,- ասաց Հովիկ Աբրահամյանը: Նկատենք, որ այդ երկու «հուժկու» հարվածների ազդեցության տակ մեր ազգային արժույթը նույնիսկ լումաների տատանում չտվեց: Երբ բրիտանացիները քվեարկեցին Եվրամիության կազմից դուրս գալու օգտին, նրանց ֆունտը խելացնոր վայրիվերումներ էր ապրում: Բայց Մեծ Բրիտանիան ոչ թե արդեն դուրս էր եկել, այլ ընդամենը քվեարկել էր դուրս գալու օգտին: Այս տարվա առաջին եռամսյակում, երբ պատերազմը դեռ չէր սկսվել եւ ոչ ոք էլ չգիտեր, որ պետք է սկսվի, օտարերկրյա ներդրումների զուտ ներհոսքը անցած տարվա նույն ժամանակահատվածի համեմատ նվազել էր 35 անգամ` 60 միլիարդ դրամից հասնելով 1.7 միլիարդ դրամի: Սա, ընդգծենք, տարվա առաջին եռամսյակի տվյալներն են` հունվարի 1-ից մինչեւ մարտի 31-ը: Իսկ պատերազմը սկսվել է ապրիլի 1-ի լույս 2-ի գիշերը:

Ոչ մի պաշտոնյա այդպես էլ հարկ չհամարեց պարզաբանել, թե ինչու են այդպես գահավիժել օտարերկրյա ներդրումների ծավալները: Իսկ հիմա մեր տնտեսական անհաջողությունները բացատրվում են պատերազմով, ՊՊԾ գնդի գրավումով եւ այլն: ՊՊԾ գնդի գրավումը տեղի ունեցավ հուլիս ամսին: Ինչպե՞ս դա կարող էր հանգեցնել, ասենք, գյուղատնտեսության 4 տոկոս անկման, որը գրանցվեց հուլիսին անցած տարվա հուլիսի համեմատ: Կամ ինչու հանկարծ ՊՊԾ գրավման հետեւանքով 7 տոկոսով նվազեց շինարարությունը, էլէներգիայի արտադրությունը հանկարծ նվազեց 9 տոկոսով, խմիչքների արտադրության 21 տոկոս նվազումը ի՞նչ կապ ուներ ՊՊԾ գնդի գրավման հետ....: 

Եվս մի մեջբերում. «Կարելի է փաստել, որ չնայած ներքին սպառման կրճատմանը, Հայաստանի Հանրապետության վերջին մեկուկես տարվա տնտեսական աճն ապահովվել է արտաքին առեւտրի շնորհիվ: Սա նշանակում է, որ ներքին սպառմամբ պայմանավորված տնտեսական աճից մենք անցնում ենք որակապես նոր՝ արտադրությամբ եւ արտահանմամբ ուղղորդվող տնտեսական աճի»,- հայտարարեց Հովիկ Աբրահամյանը:

Այսինքն, մենք. ճիշտ է, քիչ ենք սպառում, բայց «զատո» ավելի շատ ենք արտադրում ու արտահանում: Այդ ո՞ր արտահանման մասին է խոսքը: Լոլիկի՞: Այն լոլիկի, որի արտահանումը աճել է 43 անգամ, բայց պարզ թվաբանությամբ մենք այդքան լոլիկ արտադրել պարզապես չէինք կարող, որովհետեւ այդքան ջերմոցներ չունենք ու ընդամենը Ռուսաստան ենք վերաարտահանել թուրքական լոլիկը: Կամ հագուստեղենի արտահանո՞ւմը: Այն հագուստեղենը, որ արտադրել ենք 5 միլիարդ դրամի, բայց արտահանել ենք 7 միլիարդ դրամի՞:  Ու այդ փնթի նկարչության արդյունքում ստացված ցուցանիշները փորձում ենք խցկել մեր երկրի` «... ներքին սպառմամբ պայմանավորված տնտեսական աճից որակապես նոր՝ արտադրությամբ եւ արտահանմամբ ուղղորդվող տնտեսական աճի» շրջանակների մե՞ջ: Բա եղա՞վ:

 

Տպել
7136 դիտում

Երիտասարդների վիճաբանություն ու դանակահարություն. հայտնաբերվել է 19-ամյա տղայի դին

Գողություն, սպանություն, ընտանեկան բռնություն. ոստիկանության 1-օրյա ամփոփագիրը

Չպայթած զենք-զինամթերքի վնասազերծման աշխատանքներ են այսօր նախատեսվում ԱՀ Մարտունի քաղաքում

Հրդեհ Դիլիջանում. դեպքի վայր է մեկնել հրշեջների 2 մարտական հաշվարկ

Լարսը շարունակում է փակ մնալ բեռնատարների համար. ռուսական կողմում 820 բեռնատար կա կուտակված

Վրաստանի վարչապետը ՄԻԵԴ-ի դատարանի որոշումը պատմության ամենակարեւոր օրերից է համարում

ՀՀ տարածքում կան փակ եւ դժվարանցանելի ավտոճանապարհներ, մերկասառույց

Հայաստանի տարբեր մարզերում արգելափակումից դուրս է բերվել 15 ավտոմեքենա

Մայրաքաղաքում և մարզերում էլեկտրաէներգիայի մինչեւ 6-ժամյա պլանային անջատումներ են սպասվում

Երկրաշարժ Նախիջևան-Հայաստան սահմանային գոտում. էպիկենտրոնում ուժգնությունը կազմել է 5 բալ

Փետրվարին կուսակցությունների հիմնադրման բում է սպասվում. որոշները փոքր-ինչ տարօրինակ անուններ ու նպատակներ ունեն

Որ մարմիններն են ենթակա լինելու Ներքին գործերի նախարարությանը եւ ինչ կառուցվածքային ստորաբաժանումներ են լինելու․ նախագիծ

Պատերազմի ընթացքում Ադրբեջանի զինվորականների կողմից հայերին խոշտանգելն ու տանջելն ուներ խորքային պատճառ. ՄԻՊ

ՀՀ պետական սահմանի հայ-ադրբեջանական շփման գծի ամբողջ երկայնքով շարունակում է պահպանվել կայուն օպերատիվ իրավիճակ

Ավելի քան 2320 մարդ օգնության խնդրանքով դիմել է Ստեփանակերտում գործող ընդունելության կենտրոն

Կրկնակի ահաբեկչություն Բաղդադում. սպանվել է 32, վիրավորվել՝ ավելի քան 101 մարդ

Ովքեր են ապրում Փարաջանովի Թբիլիսիի տանը, ու ինչի է այն վերածվել․ ՀԺ-ի ռեպորտաժը՝ անվանի արվեստագետի ապրած տնից

Իջևանցու բեռնատարում թեփի պարկերով քողարկված ապօրինի փայտանյութ է հայտնաբերվել (տեսանյութ)

Եվրախորհրդարանը բանաձևով խիստ քննադատել է Թուրքիայի ապակայունացնող դերը Լեռնային Ղարաբաղում

ԱԱՏՄ-ն խախտումներ է արձանագրել Արարատի մարզի որոշ դպրոցներում

Ռեկորդային թվեր չեն լինի. Հայաստանը՝ օլիմպիական 32-րդ խաղերում

Արզնի գյուղի առանձնատներից ոսկեղեն հափշտակած 24-ամյա քաղաքացին կալանավորվել է (տեսանյութ)

Սյունիքի Խոզնավար գյուղում այրվել է երկհարկանի տան 120 քմ հատվածը

Ինչ ծառայություններ կմատուցի Կապանի երեխայի եւ ընտանիքի աջակցման կենտրոնը․ քանի շահառու կունենա այն

Վանաձորում ապաստարաններից ու թաքստոցներից շատերը դարձել են խանութ, պահեստ ու գիշերային ակումբ (լուսանկարներ)

Արդարադատության նախարարությունը կբողոքարկի դատարանի վճռը՝ Ամատունի Վիրաբյանին պաշտոնում վերականգնելու մասին

19-ամյա տղան սպանվել է այն ուսումնարանի տարածքում, որտեղ սովորում էր. Սասունիկի համայնքապետ

Հայկական համադպրոցական գիտության փառատոնը այս տարի կյանքի կկոչվի․ հաղթողը ԱՄՆ-ում կմասնակցի միջազգային փառատոնին

Արցախցիների զբաղվածության ապահովման ծրագրերին դիմող շահառուների շրջանակն ընդլայնվել է․ հաստատվել է նախագիծը

Հաշմանդամություն ունեցող զինծառայողների պրոթեզավորումը Կառավարության գլխավոր առաջնահերթություններից է. Տիգրան Ավինյան

ՀՀ և Նիդերլանդների ԱԳ նախարարները կարևորել են ԼՂ խաղաղ գործընթացի վերականգնումը ԵԱՀԿ ՄԽ համանախագահության շրջանակներում

Սպանություն Աշտարակում. դանակի հարվածից ստացած վնասվածքներով հիվանդանոց է տեղափոխվել 19-ամյա տղայի դի. shamshyan.com

Զորամասերից մեկում իրականացվել են մարտական հերթապահության հերթափոխի նախապատրաստական աշխատանքներ

Առաջարկվում է ԱՀ ԱԻՊԾ-ն և ԱՀ ոստիկանությունը ներառել մեկ միասնական մարմնի՝ Ներքին գործերի նախարարության կազմում

Բերդ-Ճամբարակ ավտոճանապարհի Նավուր-Թթուջուր հատվածը փակ է բոլոր տրանսպորտային միջոցների համար

Ստուգայց է իրականացվել մարտական հենակետերում․ ՊՆ (լուսանկարներ)

Իմ թիմով չեմ եկել, նախապատրաստած կադրերի բանակ չունեմ. Շիրակի նորանշանակ մարզպետը հանդիպեց գյումրեցի լրագրողների հետ

Հոբելյանական միջոցառումներ՝ նվիրված Առնո Բաբաջանյանի ծննդյան 100-ամյակին

Համաշխարհային մաքսային կազմակերպության և ՊԵԿ համագործակցությունը կտեղափոխվի որակապես նոր մակարդակ

Հունգարիան Եվրամիությունում առաջին երկիրն է, որը հաստատել է «Սպուտնիկ V» պատվաստանյութի օգտագործումը