Չլինի այնպես՝ ԼՂՀ-ն ինքնուրույն խաղա, բայց պատասխանատվությունը կրի Հայաստանը. Խալաթյանը՝ Արցախի պաշտոնյաների մասին

Իրավաբան, «Հանուն Հանրապետության» կուսակցության անդամ Արտաշես Խալաթյանի խոսքով՝ Արցախի ԱԳ նախարար Դավիթ Բաբայանի այն հայտարարությունը, որ Արցախը ցանկանում է՝ ՄԱԿ-ի ԱԽ-ն ռուս խաղաղապահ առաքելությանը միջազգային մանդատ տա անորոշ ժամանակով, քաղաքական առումով հափշտապ և անկշռադատ հայտարարություն է: Հաշվի առնելով արտաքին քաղաքական բազմաբարդ իրավիճակը՝ դա չի բխում ո՛չ Հայաստանի և ո՛չ Արցախի շահերից: Միարժեքորեն որևէ գերտերության նախապատվություն տալը սեփական անվտանգության պաշտպանության համար ճամբարային մոտեցման դրսևորում է:

Հիշեցնենք՝ երեկ Արցախի ԱԳ նախարար Դավիթ Բաբայանն Ազատություն ռադիոկայանի հետ զրույցում ասել էր. «Ուղղակի միջազգային երաշխիքների տակ հասկանում եք՝ լավագույն տարբերակն այն է, որ նույն ՄԱԿ-ի Անվտանգության խորհուրդը ռուս խաղաղապահ առաքելությանը տրամադրի միջազգային մանդատ, այսինքն՝ նաև իրենք արտոնեն ռուս խաղաղապահների առկայությունը և տեղակայումը Արցախում ոչ միայն մինչև 2025 թիվը, այլ նաև անորոշ ժամանակով, քանի չի կարգավորվել հակամարտությունը»:

«Այսօր Ռուսաստանը, ըստ էության, պարտություն է կրում ուկրաինական ճակատում՝ ունենալով ռազմատեխնիկական, տնտեսական և արտաքին քաղաքական լրջագույն խնդիրներ: Ռուս պաշտոնյաների խոսույթից երևում է, որ նրանք ևս վստահ չեն իրենց խաղաղապահ առաքելության հետագա շարունակության վրա, այսինքն՝ նրանք ևս զգուշավոր են այդ հարցում, որից հետևում է այն, որ մենք էլ պետք է ուշադիր լինենք ՌԴ-ի կողմից արվող յուրաքանչյուր հայտարարությանը: Ռուսական կողմն իրականում ի վիճակի չէ ապահովել Արցախի անվտանգությունը, որի արդյունքն են Փառուխի, Հին թաղերի և Խծաբերդի դեպքերը: Ռուս խաղաղապահների փաստացի թողտվության պատճառով կորցրինք մի շարք տարածքներ: Այս ամենը հաշվի առնելով՝ Արցախի ԱԳ նախարարն անում է նման հայտարարություններ, որը նշանակում է ջուրը գցել՝ Հայաստանի շահերի պաշտպանությանն ուղղված Ֆրանսիայի քայլերը»,- «Հայկական ժամանակ»-ի հետ զրույցում ասում է նա:

Հարցին՝ ի՞նչ հետևանքներ կարող է ունենալ Արցախի նախագահ Արայիկ Հարությունյանի հայտարարությունը ֆրանսիական առաջատար լրատվամիջոցներից մեկին տված հարցազրույցի ժամանակ, թե հիասթափված են Արևմուտքից կրավորական անտարբեր քաղաքականության համար, և անհրաժեշտ են ավելի հիմնարար միջազգային երաշխիքներ՝ անվտանգային առումով, Խալաթյանը նշում է, որ դա Արցախի ղեկավարության ակնհայտ պրոռուսական դիրքորոշումն է, և նման հայտարարություն անելն առնվազն քաղաքական շտապողականության ու անզգուշության արդյունք է:

«Հարությունյանի այն մտահոգությունը, որ Արցախին պետք են անվտանգության ավելի հիմնարար միջազգային երաշխիքներ, միանշանակ ճշմարտություն է, սակայն եթե այդ հայտարարությունն արվում է այն ենթատեքստով, որ սույն միջազգային երաշխիքները նշանակում են Ռուսաստանին միանձնյա տրամադրել ՄԱԿ-ի մանդատը, այն էլ՝ անորոշ ժամանակով՝ Արցախում խաղաղապահ առաքելություն իրականացման համար, նշանակում է միջազգային հողի վրա հոսանքին հակառակ ուղղությամբ գնալ»,- նկատում է նա:

Ըստ Խալաթյանի՝ հստակ տեսնում ենք, որ ՌԴ-ն Ադրբեջանի հետ գտնվում է դաշնակցային սերտ հարաբերությունների մեջ, ունի համապատասխան իրավապայմանագրային բազա, ռուս-ադրբեջանական ուժեղացող ստրատեգիական տնտեսական համագործակցություն և, ի վերջո, Ռուսաստանը թուրք-ադրբեջանական տանդեմի հետ կապված է բավականին խոր պայմանավորվածություններով և իր միջազգային ծանր իրավիճակում ստիպված է միարժեքորեն պաշտպանել թուրք-ադրբեջանական շահերը, այդ թվում՝ նաև Անդրկովկասում:

«Ակնհայտ է՝ ՌԴ-ն Անդրկովկասում ունեցած իր ազդեցության գոտին կիսել է Թուրքիայի հետ, և այս ամենը տեսնելով՝ խոսել Ռուսաստանի՝ Արցախում դոմինանտության ամրապնդման մասին, կարելի է դիտարկել անխոհեմ քայլ, որը կարող է Արցախի համար շատ լուրջ բացասական հետևանքների տանել»,- ընդգծում է զրուցակիցը:

Վերջինիս դիտարկմամբ՝ ինչպես նկատում ենք, Արցախի քաղաքական էլիտան հակասության մեջ է գտնվում է ՀՀ իշխանությունների վարած քաղաքականության հետ, ինչը միմիայն բարդացնում է հայկական ազգային շահի առաջմղման գործընթացը. «Կարծես թե նախադրյալներ եմ տեսնում Արցախի և Հայաստանի միջև նոր բաժանարար գծերի առաջացման համար: Ի վերջո, անթույլատրելի է, որ Արցախն ու Հայաստանը գործնականում վարում են իրարամերժ քաղաքականություն: 1998 թվականի դեպքերը ևս Արցախ-Հայաստան անջրպետի գոյացման հետևանք էին: Իրավիճակն այսօրվա դրությամբ ևս վատթարանում է, դրա համար ՀՀ և ԼՂՀ իշխանությունների միջև պետք է լինի հստակ պայմանավորվածություն՝ միասնական օրակարգ ձևավորելու հարցում»:

Մենք կարող ենք Արցախից պահանջել Հայաստանի հետ կոորդինացված քաղաքականության վարում, ասում է Խալաթյանը: «ՀՀ կառավարությունը պետք է առաջին հերթին բացառի 5 հոգով 6 երգ երգելու մոտեցումը: ԼՂՀ իշխանություններն իրավունք չունեն ջուրը գցել ՀՀ իշխանության ջանքերն ու արված աշխատանքը՝ Արցախի հարցում որոշակի արդյունքի հասնելու ուղղությամբ: Եթե մեր իշխանությունները շարունակեն չնկատելու տալ նման հակաարևմտյան և պրոռուսական մեսսիջները, Արցախի հարցում կհանգենք աղետի»,- կարծում է նա:

Նրա համոզմամբ՝ Արցախի իշխանություններին պետք է բերել անկեղծության դաշտ, և հասկանալ, թե նրանք ինչպես են տեսնում Արցախի ապագան. «Դա կարևոր է հատկապես նրանով, որ ՀՀ-ն իր քաղաքական պատասխանատվության շրջանակը ճշգրտի: Պետք է ամեն բան ճշգրտվի, որպեսզի չստացվի այնպես՝ Արցախը ինքնուրույն խաղ է խաղում, սակայն ամբողջ պատասխանատվությունը պետք է կրի Հայաստանը»:

Նատալի Մկրտչյան

Տպել
1038 դիտում

Շիրակի մարզպետը պատասխանատուների հետ քննարկել է սուբվենցիոն ծրագրերի ընթացքը, հորդորել է լինել առավել կառուցողական

Ընդդիմության հին ու չարչրկված սցենարով հերթական արարի ականատեսն ենք, պարոնա՛յք, հանդիսատեսը հոգնել է․ Նազելի Բաղդասարյան

ՔՊ խմբակցության պատգամավորները Մայքլ Սեսիրին ներկայացրել են Լաչինի միջանցքի արգելափակման հետեւանքով ստեղծված իրավիճակը

Համաշխարհային բանկը պատրաստակամություն է հայտնել շարունակել ընթացիկ համագործակցությունը Հայաստանի հետ

Գյումրու փոխքաղաքապետի պաշտոնը 5 ամիս է՝ թափուր է. Վահագն Ալեքսանյանը վստահեցնում է՝ տեսանելի ապագայում նշանակում կլինի

Ոստիկանության կոլեգիալ նիստում 2023-ը հայտարարվել է թմրամիջոցների դեմ պայքարի և ապօրինի զենք-զինամթերքի առգրավման տարի

Սահմանադրական բարեփոխումների խորհրդի որոշմամբ՝ հանձնաժողովի անդամներ են ընտրվել Ռաֆիկ Գրիգորյանը և Դավիթ Հակոբյանը

Կայացել է Արամ Խաչատրյանի 120-ամյակի կազմակերպման աշխատանքներով զբաղվող հանձնաժողովի նիստը

ՀՀ կառավարությունը գնահատում է Ֆրանսիայի հանձնառությունը՝ Հայաստանի հետ տնտեսական համագործակցության զարգացման հարցում

«Դինամո» մարզադահլիճում վաղը կմեկնարկեն Հայասատանի բռնցքամարտի առաջնության եզրափակիչները

ԿԳՄՍ նախարարը և Շվեդիայի դեսպանը քննարկել են համագործակցության զարգացման հնարավորությունները

Աննա Հակոբյանն Ալմաթիում այցելել է Ղազախստանի ժողովրդական գործիքների և Պետական արվեստի թանգարան (լուսանկարներ)

Մեղրիի լեռնանցքը ձյան ու բքի պատճառով որոշ փոխադրամիջոցների համար փակ է

Հանրային քննարկման է ներկայացվել սովորողի ուսումնառության արդյունքների գնահատման կարգի նախագիծը

«Ձեր դատավճիռը տվել է ժողովուրդը, դուք դառնալու եք պատերազմի նոր հրձիգներ. ԱԺ-ում կրքերը թեժ էին

Ընդդիմությունն ունի մեկ նպատակ՝ նոյեմբերի 9-ի հայտարարությունը խախտող կողմերին ազատել պատասխանատվությունից. Ռուբինյան

Արցախում դատարկ են նաև մսի կետերը, շրջափակման հետևանքով առնվազն 5100 մարդ կորցրել է աշխատանքը. տեղեկագիր

Ոչ սթափ վարորդը Ստեփանակերտում վրաերթի է ենթարկել 26-ամյա կնոջն ու նրա 2-ամյա երեխային

ԱՄՆ դեսպանատան ներկայացուցիչները հանդիպել են ՀՀ հակակոռուպցիոն կոմիտեի նախագահի հետ

Բացահայտնվել է թմրամիջոցի ապօրինի շրջանառության դեպք. մեկ անձ ձերբակալվել է

Հացավանի տներից մեկում կիսաայրված հայտնաբերված տղամարդն ապրել է միայնակ, դեպքով հարուցվել է վարույթ. մանրամասներ

Կրթական նախագծեր՝ Երևանի և Լիոնի միջև. ստորագրվել է համագործակցության հուշագիր

Արցախի արտգործնախարարը նամակներ է ուղարկել Հայաստանում հավատարմագրված մի շարք երկրների դեսպանների

Պետության տրամադրած տրակտորը արցախցին տեղափոխել է Էջմիածին ու հայտնել, թե այն մնացել է ադրբեջանական կողմում

Լավրովը կրկին խոսել է Հայաստան ՀԱՊԿ-ի գալու մասին, որովհետև «գիտեն», որ նոր պատերազմ է լինելու. Սաֆարյան

«Հայաստան» խմբակցությունը Լաչինի միջանցքի փակման թեմայով խորհրդարանական լսումներ է անցկացնում

Իրանի քաղաքացին Մեղրիի մաքսակետով փորձել է անցկացնել մոտ 0,5 կգ թմրամիջոց. հասցեատերը հայտնի է, նախաձեռնվել է վարույթ

«Արդար Հայաստան» կուսակցությունը մասնակցելու է Երևանի ավագանու ընտրություններին

ԱՄՆ կոնգրեսական Ֆրենկ Փալոնը միացել է Լաչինի միջանցքի արգելափակման դեմ ամերիկահայերի ցույցին

Հայաստանը նախորդ տարի արտահանել է 400 մլն դոլարի մշակված ադամանդ. Քերոբյանն ավելի բարձր ցուցանիշ է սպասում. Armenpress

2 տարի առաջ երևանյան ակումբներից մեկի մոտ ծեծկռտուքի, կրակոցի և խուլիգանության գործով նյութերն ուղարկվել են դատարան

Թվային տնտեսության զարգացումը Հայաստանի համար մնում է կարևորագույն առաջնահերթություններից. վարչապետ (լուսանկարներ)

Աղվորիկ, Զարիշատ, Բերդաշեն, Զորակերտ բնակավայրերի ջրագծի կառուցումն իրականացվել է խախտումներով. վարույթ կնախաձեռնվի

«Փորձագիտական կենտրոն»-ը առաջիկայում կիրականացնի բացառիկ փորձաքննություններ

Հայտնաբերվել է ապօրինի հատված 26 կաղնի

ԱՄՆ-ի պետքարտուղարությունը հիշեցրել է Կոնգրեսի իրավունքը՝ քվեարկելու Թուրքիային F-16-ներ վաճառելու վերաբերյալ հարցում

«Ես ճանապարհորդում եմ առանց COVID-19» հավելվածը հիմք է տալիս թվային բժշկության զարգացման համար. Նիկոլ Փաշինյան

Փրկարարները դուրս են բերել ձյան տեղումների հետևանքով արգելափակված 11 ավտոմեքենա

Երկար ժամանակով լույս չի լինելու Երևանի և 4 մարզի բազմաթիվ հասցեներում

Երևանի 10 վարչական շրջանում 400 նոր վերելակ կտեղադրվի. հայտնի են հասցեները