Զրպարտանք է, ազատվելու եմ խուժան մարդկանցից, հայտնի մարդու կին է. Մելանյա Ստեփանյանը չի ընդունում առաջադրված մեղադրանքը

Հայաստանի գեղասահքի ֆեդերացիայի նախագահի՝ Մելանյա Ստեփանյանի գործունեության հետ կապված խոսակցությունները նոր շունչ են առնում: Նշենք, որ Ստեփանյանը երգչուհի Սոնա Ռուբենյանի սկեսուրն է:

Բանն այն է, որ դեռ ամիսներ առաջ նրա հասցեին մեղադրանքներ էին հնչում 3 մլն դրամ յուրացնելու և պաշտոնեական դիրքը չարաշահելու համար։ Մեղադրանքները կարծես «միս ու արյուն են ստանում». երեկ ՀՀ քննչական կոմիտեն հաղորդագրություն է տարածել, որի համաձայն՝ Ստեփանյանին մեղադրանք է առաջադրվել, և որոշում է կայացվել վերջինիս պաշտոնավարումը «ՀՀ գեղասահքի ֆեդերացիա» հասարակական կազմակերպության նախագահի պաշտոնում կասեցնելու մասին:

Ստեփանյանը, ինչպես նախկինում, այնպես էլ այժմ պնդում է՝ առաջադրված մեղադրանքը զրպարտանք է, որի մասին տեղեկացել է այսօր առավոտյան։ Նրա խոսքով՝ սա դիտավորյալ կազմակերպված քայլ է իր դեմ։

«Այդպիսի բան չկա և չի կարող լինել։ Կեղծ մեղադրանքներ են, որոնք դիտավորյալ կազմակերպած են, և ես գիտեմ՝ ով է կազմակերպում։ Բոլորը օրենքի առաջ պատասխան են տալու, ու ես ազատվելու եմ մի քանի խուժան մարդկանցից»,- «Հայկական ժամանակ»-ի հետ զրույցում շեշտում է նա:

Ստեփանյանը վստահ է, որ այս ամենը ֆեդերացիայի սաներից մեկի ծնողն է կատարում, որը 7 տարի շարունակ զրպարտում է իրեն․ «Հայտնի մարդու կին է, բոլորն էլ գիտեն՝ ով է։ Սակայն օրենք կա, ապացույցներն էլ կան, որ նման բան չկա»։

Ծնողը, ում ակնարկում է Ստեփանյանը, մեր տեղեկություններով, «Սպայկա» ընկերության տնօրեն Դավիթ Ղազարյանի կինն է՝ Մարինե Բայրամյանը։

Կապ հաստատեցինք նաև նրա հետ: Վերջինս Գեղասահքի ֆեդերացիայի նախագահի՝ իր հասցեին հնչեցրած մեղադրանքները համարում է անհիմն՝ պնդելով, որ Ստեփանյանը պարզապես շահարկում է իրենց անունները։

«Բոլորը իրենից դժգոհ են։ Նա խոչընդոտում է շատ երեխաների՝ հաջողության հասնելու իրենց ճանապարհին: Բացի դրանից, իր դեմ այս քայլը շատ ծնողների բողոքների արդյունք է։ Ես դեռ ոչինչ իր հանդեպ չեմ ձեռնարկել, միայն ու միայն պահանջել եմ հեռու մնալ իմ երեխաներից և չփորձել կանգնել նրանց ճանապարհին՝ սկսած այն պահից, երբ երեխաներիս մարզչին փոխեցի»,- ասում է Մարինե Բայրամյանը։

Ըստ նրա՝ իր երեխաները գեղասահքի հաճախելու ընթացքում սկզբում եղել են Ստեփանյանի խմբում, հետո մայրը երեխաներին տեղափոխել է այլ խումբ. «Ինքը և՛ ֆեդերացիայի նախագահ է, և՛ նաև մարզիչ: Բայց քանի որ նրա մոտ մարզվելով՝ երեխաները բացարձակ ոչնչի չէին կարող հասնել, որոշեցի փոխել մարզչին, և այդ օրվանից սկսած՝ իմ երեխաների համար նա բազում խոչընդոտներ է ստեղծել: Սակայն, փառք Տիրոջը, աղջիկներս ուժեղ կամք ունեն, և նրանց շատ դժվար է կոտրել և հեռու պահել իրենց ֆանատիկ սիրուց՝ գեղասահքից»։

Մարինե Բայրամյանն ասում է, որ Ստեփանյանը, իրենց անունը շահարկելով, փորձում է անձնական տարածք բերել իր իսկ ստեղծած խնդիրները, որոնք միշտ եղել են ի վնաս Հայաստանի մարզիկների:

«Ես՝ որպես ծնող, միշտ փորձել եմ կառուցողական մոտեցմամբ նպաստել այս մարզաձևի զարգացմանը, ինչը պետք է աներ ֆեդերացիան: Երեխաներին մրցումների ենք ուղարկում մեր ֆինանսական միջոցներով, չունենք աջակցություն ֆեդերացիայից: Փոխարենը երկիրը ներկայացնող երեխաները միշտ քարկոծվում են՝ իբր չեն կարողանում Հայաստանը պատշաճ կերպով ներկայացնել։ Ֆեդերացիայի նախագահը պետք է արդար մոտեցում ցուցաբերի»,- ասում է նա։

ՀՀ Ազգային Ժողովի «Քաղաքացիական պայմանագիր» խմբակցության պատգամավոր, Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանն էլ Գեղասահքի ֆեդերացիայի նախագահի հետ կապված մեղադրանքներից տեղյակ չէր։ Ըստ պատգամավորի՝ Ստեփանյանի դեմ ոստիկանությունում հայտ ներկայացնելուց հետո այլևս չի տիրապետում որևէ ինֆորմացիայի։ Նշենք, որ Սիսակ Գաբրիելյանի գլխավորած հանձնաժողովն էր բողոքներ ստացել և, ըստ սահմանված կարգի, փոխանցել իրավապահ համակարգին։

«Եթե անկեղծ՝ այս գործի մասին չէի էլ հիշում։ Որևէ լիազորություն և ցանկություն չունեմ միջամտելու և ինչ-որ քայլ ձեռնարկելու։ Չգիտեմ՝ Ստեփանյանը ինչ նկատի ունի՝ ասելով սա դիտավորություն է իր նկատմամբ։ Ես իրեն էլ եմ վաղուց ասել, որ անձնապես խնդիր չունեմ իր հետ, որևէ բանում չեմ կասկածում»,- ընդգծում է Գաբրիելյանը։

Նկատենք, ըստ ՔԿ տարածած հաղորդագրության, քննությամբ պարզվել է, որ հիշյալ հասարակական կազմակերպության նախագահը 2020 թվականի հունվարին ՀՀ կրթության, գիտության, մշակույթի և սպորտի նախարարության գլխավոր քարտուղարի հետ կնքել է պայմանագիր, համաձայն որի՝ նախարարությունը «Հայաստանի Հանրապետության առաջնություններին և միջազգային միջոցառումներին մասնակցության ապահովման համար մարզիկների նախապատրաստում և առաջնությունների անցկացում» միջոցառման իրականացման նպատակով ֆեդերացիային հատկացրել է գումար:

Սակայն կազմակերպության նախագահը, պաշտոնեական դիրքն օգտագործելով, կորոնավիրուսային համավարակի պատճառով 2020 թվականի տարեկան նախահաշվով նախատեսված միջոցառումների մի մասի չեղարկվելուց հետո միջոցառումների իրականացման համար ՀՀ պետական բյուջեից հատկացված և կազմակերպությանը փոխանցված 13 մլն 7 հազար 200 ՀՀ դրամ գումարից 1 մլն 50 հազար ՀՀ դրամ գումարի վերաբերյալ ՀՀ ԿԳՄՍ նախարարություն է ներկայացրել կատարված փաստացի ծախսերի վերաբերյալ կեղծ տեղեկություններ պարունակող հաշվետվություն, թե իբր 1 մլն 50 հազար ՀՀ դրամ գումար ծախսել է 2020 թվականի դեկտեմբերի 1-ից մինչև դեկտեմբերի 25-ն ընկած ժամանակահատվածում ՀՀ գեղասահքի հավաքական թիմի մարզիկների և նրանց մարզիչների համար կազմակերպված ուսումնամարզական հավաքի անցկացման նպատակով՝ արդյունքում հափշտակելով 1 միլիոն 50 հազար ՀՀ դրամ գումար:

Ձեռք բերված բավարար ապացույցների համակցությամբ՝ կազմակերպության նախագահին մեղադրանք է առաջադրվել՝ ՀՀ նախկին քրեական օրենսգրքի 179-րդ հոդվածի 2-րդ մասի 1-ին կետով (Վստահված գույքը հափշտակելը, որը կատարվել է մի մի խումբ անձանց կողմից նախնական համաձայնությամբ), որը համապատասխանում է ՀՀ գործող քրեական օրենսգրքի 256-րդ հոդվածի 2-րդ մասի 2-րդ կետին, ինչպես նաև՝ ՀՀ գործող քրեական օրենսգրքի 445-րդ հոդվածի 1-ին մասով (Պաշտոնեական կեղծիքը), որը համապատասխանում է ՀՀ նախկին քրեական օրենսգրքի 314-րդ հոդվածին:

Տպել
3782 դիտում

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին