Անիում ՏԻՄ ընտրությանը պայքարում են համայնքապետը, «Հայփոստի» տնօրենը, իշխանությանը դեմ, բայց ոչ ընդդիմադիր մարալիկցին

Լուսանկարում՝ ձախից աջ՝ Արտակ Գևորգյան, Ագուն Սաղաթելյան, Արման Սարիբեկյան

Սեպտեմբերի 25-ին Շիրակի մարզի Անի խոշորացված համայնքի ՏԻՄ ընտրություններում կպայքարեն «Քաղաքացիական պայմանագիր», «Հայկական երազանք» կուսակցությունները և «Ազգ-համայնք» դաշինքը: 

«Քաղաքացիական պայմանագիրը» ընտրապայքարում 63 հոգուց բաղկացած ցուցակով է, այն գլխավորում է Արման Սարիբեկյանը։

«Հայկական երազանք» կուսակցությունը ավագանու 23 թեկնածուներից կազմված ցուցակով է ընտրապայքարում: Ցուցակը գլխավորում է Ագուն Սաղաթելյանը։

ՏԻՄ ընտրություններին մասնակցում է նաև 13 տարի Մարալիկի, վերջին 5 տարում Անի խոշորացված համայնքի նախկին ղեկավար Արտակ Գևորգյանը: 18 տարի ղեկավարած Գևորգյանն առաջադրվել է «Ազգ-համայնք» դաշինքով, որը ձևավորվել է Ռեֆորմիստների և Հայաստանի Ժողովրդավարական Ազատական միության կուսակցությունների միավորումից։ Այս քաղաքական ուժը ընտրապայքար է մտել 61 հոգուց բաղկացած ցուցակով:

Թեկնածուները երեքն էլ Մարալիկից են, միմյանց իմացող, բայց՝ հակառակ ճամբարներից:

Մի՞թե 18 տարին բավարար չէր պաշտոնավարելու համար, «Հայկական ժամանակի» հետ զրույցում Արտակ Գևորգյանն ասում է՝ դեռ շատ անելիք ունի, չառաջադրվելու էլ պատճառ չուներ:

Վերջին տարիներին իր դեմ կազմակերպված տևական բողոքի ակցիաները, համայնքապետարանի դռները փակելն ու նաև քրեական գործի հարուցումն արդյոք Գևորգյանին չվստահելու առիթ չե՞ն հանդիսանա, թեկնածուն վստահ է՝ ոչ:

«Ժողովրդի կողմից կա էն ջերմությունն ու վստահությունը, որը եղել է բոլոր ժամանակներում: Իհարկե, եղել են մարդիկ, որոնք փորձել են ակտիվություն դրսևորել, բայց սրան զուգահեռ՝ ես ուրախ եմ, որ մենք հնարավորություն ենք ունեցել ներկայանալ ազգաբնակչությանը մեր անցած ճանապարհով, մեր աշխատանքներով, մեր գործի մաքրությամբ, հիմա էլ ներկայանում ենք բաց ու թափանցիկ: Մարդկանց մոտեցումներն ինձ պարտավորեցնում են, որ ես մասնակցեմ, բնականաբար, նաև հաղթեմ և ծառայեմ իմ ժողովրդին, ինչպես որ միշտ եմ ծառայել՝ իմ ունեցած հնարավորություններով»,- ասում է նա:

304378572_106139082233746_4085555744169167249_n.jpg (59 KB)

Այս քաղաքական ուժի կարգախոսն է՝ «Շարունակենք միասին կառուցել Անին, որը մերն է ու մեր սերունդներինը. ընտանիք, համայնք, ազգ, պետություն՝ մեկ միասնություն»:

Մարալիկի համայնքապետ եղած ժամանակահատվածում Արտակ Գևորգյանի դեմ կազմակերպված բողոքի ակցիաներում իր ակտիվ մասնակցությունն ունեցած Ագուն Սաղաթելյանը ևս վստահ է իր հաղթանակում: 

Հարցին՝ ի՞նչ հարաբերությունների մեջ են այժմ թեկնածուները, Սաղաթելյանը նշում է՝ հարաբերություններ չկան, ուղղակի նույն համայնքում են ապրում: Ունեցած տարաձայնությունները, ըստ «Հայկական երազանք»-ի համայնքապետի թեկնածուի, չեն անդրադառնալու քարոզարշավի վրա:

«Քարոզարշավն առողջ մթնոլորտում եմ անցկացնելու, ոչ մեկին չեմ «գցելու», որ ինձ բարձրացնեմ: Նախկինում ընդդիմադիր ուժ եմ եղել, բայց հիմա կոպիտ է ասել ընդդիմադիր, ուղակի մեր թիմով, որը տարիների ընթացքում է ձևավորվել, վերջին մի քանի տարին առաջադրվելու միտքն ունեցել ենք, որպեսզի համայնքը մեր տեսլականով զարգացնենք»,- նշում է Սաղաթելյանը:

301289100_100852419429377_414257077200145963_n.jpg (333 KB)

Իսկ, թե ի՞նչ ազդեցություն կարող է ունենալ Արտակ Գևորգյանի առաջադրումը, և արդյոք Գևորգյանը խոչընդո՞տ է Ագուն Սաղաթելյանի ճանապարհին, վերջինս ասում է. «Խոչընդոտ էդքան չեմ համարում, որովհետև մարդիկ կոնկրետ էս տարիների ընթացքում իրա արածը տեսել են, մեզ էլ լավ ճանաչում են, արդեն որոշելու այլընտրանք կունենան: Շատ գյուղեր կան՝ մեր կողմից են, գյուղեր կան՝ էն մյուս թեկնածուների կողմնակիցներն են ակտիվ: Որոշ մասսա կա, որ չի կողմնորոշվել, քարոզարշավով կփորձենք ուղղել դեպի մեր կողմը: Կոպիտ ասած՝ ես հիմա երկու իշխանության դեմ եմ պայքարում՝ պետական իշխանության և տեղական: Բայց մենք ընդդիմադիր չենք, մենք պետականամետ, կենտրոնամետ ուժ ենք, եկել ենք էս համայնքը բարելավելու, մարդկանց սև-սպիտակի տրամադրությունից դուրս բերելու համար»:

Այս թեկնածուն վստահ է, որ իր թիմի հաղթանակով Անի խոշորացված համայնքում, հատկապես՝ Մարալիկում, ներկա մթնոլորտը կառողջանա: Վերջիններիս կարգախոսն է՝ «Վերադարձ արժեքներին, լուծում խնդիրներին»:

«Ես, կոպիտ ասած, ապագան եմ ներկայացնելու»,- նկատում է Սաղաթելյանը:

Ապագան այս համայնքում կներկայացնի նաև «Քաղաքացիական պայմանագիր» կուսակցությունն իր անփոփոխ՝ «Ապագա կա, կա ապագա» կարգախոսով: Ընտրացուցակի առաջին համար և ինքնաբերաբար համայնքապետի թեկնածու Արման Սարիբեկյանը մեզ հետ զրույցում անկեղծանում է, ասում, որ այս որոշումը մեծ դժվարությամբ է կայացրել: Մշտապես պայքարել է անարդարությունների, նախկին իշխանությունների դեմ, բայց ոչ քաղաքական հարթակներում: Կուսակցության անդամ չէ, եղբայրն է, նաև ընկեր-ծանոթներ ունի, որոնք էլ նրան համոզել, առաջադրվելու որոշմանն են բերել:

«Ինձ համոզեցին, որ էս քաղաքի իրավիճակը (նկատի ունի Մարալիկը -խմբ.) կարգավորելու միակ ելքն այն է, որ գաս, կանգնես, հետևողական աշխատես: Հետո էլ տեսան իմ աշխատանքը, երկու տարում «Հայփոստի»՝ ինձ վստահված ուղղությունը ոտքի եմ կանգնեցրել, որոշեցի մասնակցել»,- ասում է ՔՊ թեկնածուն:

301560120_5544899885571183_7469077214085695862_n.jpg (38 KB)

Սարիբեկյանը ևս վստահ է, որ հաղթելու է, ասում է՝ իր կողքին կանգնած են ոսկե երիտասարդությունն ու մտավորականությունը, ստեղծագործող, արարող, համայնքում հեղինակություն վայելող մարդիկ: Աշխատելու են թափանցիկ, հաղթելու են արդար: Նախկին ընտրական մեխանիզմը չի գործելու:

«Տոհմական, արմատները մտցրած ղեկավար է դարձել Արտակը (նկատի ունի Արտակ Գևորգյանին -խմբ.): Լճացում էր իրենց մոտ, ու բացարձակ ոչ մեկին ոչ մի ուշադրություն չէր դարձնում: Եվ փչացրել էր հասարակական մթնոլորտը: Միշտ ընտրական պրոցեսները տեղի են ունեցել գումարով ու կեղտոտ ձևերով: Հիմա ես ուզում եմ էդ կարծրատիպը վերանա»,- շեշտում է Արման Սարիբեկյանը:

ՔՊ թեկնածուն հավատացած է՝ իր քարոզարշավը նպատակին ծառայելու է. իրեն ճանաչելով՝ մարդիկ ընդառաջելու, ընտրելու են. «Էս ընտրության միջոցով քաղաքի բարոյահոգեբանական մթնոլորտը պետք է փոխենք, քարոզարշավի ընթացքում կբացատրենք, որ ընտրությունից հետո պետք չէ քաղաքում յուրայիններ կամ օտարներ կարգախոս լինի, համայնքի բյուջեն ծառայելու է համայնքին, իշխանության հետ կամուրջ կապելով՝ կարողանալու եմ սուբվենցիոն ծրագրով բարելավել համայնքի խնդիրները»:

Հարցին՝ անցողիկ շեմը չհաղթահարելու դեպքում քննարկվե՞լ է քաղաքական ուժերից որևէ մեկին որպես հնարավոր տարբերակ միանալու հնարավորությունը, Արման Սարիբեկյանն ասում է՝ միանալու մասին չի էլ մտածում, որովհետև հաղթելու է, բայց կարծիք ունի հարցի վերաբերյալ.

«Ի սկզբանե թեկնածուների մոտ եղել են միավորվելու մասին խոսակցություններ, ես դա բացառել եմ, որովհետև կան գաղափարական հակասություններ: Թեկնածուներ կան, որ ասում են՝ ես սրան կմիանամ, նրան կմիանամ, իսկ իմ սկզբունքը եղել է համայնքում փոփոխություններ կատարելն ու հաղթանակի հասնելը, որովհետև ժողովուրդը դրան է սպասում, այլ ոչ թե հնից եկած կոալիցիայի, առևտրի: Ես ասել եմ, որ քաղաքական առևտրով չեմ զբաղվելու: Մարդիկ պետք է փորձեն մեզ միանալ, ոչ թե մենք»:

Անկախ այս մթնոլորտից՝ ընտրական գործընթացն Անիում կանոնակարգող թիվ 33  տարածքային ընտրական հանձնաժողովի նախագահ Գոռ Պետրոսյանը մեզ հետ զրույցում կանխատեսում է՝ պայքարը թեժ չի լինի, սակայն կընթանա լարված:

Նշենք, որ Անի խոշորացված համայնքում ՏԻՄ ընտրությունների քարոզարշավը մեկնարկել է օգոստոսի 31-ին և կավարտվի սեպտեմբերի 23-ին։

Սամսոն Մատինյան

Տպել
1097 դիտում

31 խորքային հորի տանիք ամբողջությամբ վերանորոգված է․ աշխատանքների իրականացման համար 50 մլն դրամ է տրամադրվել

Երգչուհի Սիրուշոն ԱՄՆ-ից տեսանյութ է հրապարակել, որտեղ երգում է «Սարերով-ձորերով» երգը (տեսանյութ)

Չլինի այնպես՝ ԼՂՀ-ն ինքնուրույն խաղա, բայց պատասխանատվությունը կրի Հայաստանը. Խալաթյանը՝ Արցախի պաշտոնյաների մասին

Կենդանաբանական այգում երկու մասի է բաժանվում վագրերի ազատավանդակը

«Իմ ժամանակի մեծերը»․ բացվել է ՀՀ ժողովրդական նկարիչ Անատոլի Ավետյանի աշխատանքների ցուցահանդեսը

Ստեփանավանում ավտոմեքենա է այրվել

Տարածաշրջանում գլխավոր հարցը շարունակում է մնալ ԼՂ հարցի կարգավորումը․ հանդիպել են Նիկոլ Փաշինյանը և Պուտինը (տեսանյութ)

Նա կարողացավ բոլորին համոզել, որ գեղեցիկը փարթամ մարմինն է. լույս է տեսել Քիմ Քարդաշյանի մասին գրքի հայերեն տարբերակը

Հեղափոխությունը միայն այսօր մտավ Անի համայնք․ Նազելի Բաղդասարյանը ներկայացրել է համայնքապետի պաշտոնակատարին

Վարդենիսի և Նորատուսի ջրային տարածքներից դուրս են բերվել լողամիջոցները, որսագործիքներն ու ժամանակավոր կացարանները

Աննա Հակոբյանն Արմավիրի մարզում այցելել է «Ոսկենի գինիներ» գինեգործարան, Գետաշենի ագրոէկո դպրոց (լուսանկարներ)

Աշտարակի թիվ 4 և Ուշիի միջնակարգ դպրոցներն արդեն հիմնանորոգված մարզադահլիճներ ունեն

Ստեփանավանի ոլորաններում թույլ ձյուն է տեղում

Տեղի է ունեցել «ԿԱՆԱՉ Հայաստան» հարթակի քաղաքականությունների երկխոսության շարքի երկրորդ հանդիպումը

Ստեղծվելու է «ԵՊՀ ՍԹԵՄ դպրոց»․ նպատակ կա ապահովել ԵՊՀ-ում հանրակրթության ու բարձրագույն կրթության անընդհատությունը

Կալանքի տակ գտնվող Վերմիշյանն ու նրա ընտանիքի անդամները ապօրինի գույքի գործով կանչվել են դատախազություն

Գալչյանի աշխատանքները գնել են «Քրիստիան Դիոր», «Վերսաչի» նորաձևության տները․ Աննա Հակոբյանը այցելել է Արմավիրի մարզ

Բրյուսովի ռեկտորը, ՀԺ-ի հրապարակումը խեղաթյուրված համարելով, չի հերքում, որ ՊՎԾ-ի հետ ունեն անհամաձայնություն

Վահան Քերոբյանը ընդունել է Grid Dynamics ընկերության գործադիր տնօրենի գլխավորած պատվիրակությանը

Ադրբեջանի կողմից նոր սադրանքների հավանականությունը շարունակում է բարձր լինել․ Արարատ Միրզոյան

44-օրյա պատերազմի ժամանակ Մարտունու ուղղությամբ արձակված հրթիռը ֆոսֆորային ռազմամթերք է․ փորձաքննությունն ավարտվել է

Շենգավիթ վարչական շրջանում նոր կանգառասրահներ են տեղադրվել (լուսանկարներ)

ՔԿ-ն պարզաբանում է ներկայացրել Է․ Վանեսքեհյանի նկատմամբ նախաձեռնված քրեական վարույթների առնչությամբ

Ես վստահ էի, որ «Snap»-ը մեծ հաջողություններ կունենա և այդպես էլ եղավ ․ Ռոզա Լին

ՀՀ ոստիկանության պետը պարգևատրել է դատաբժշկական գիտագործնական կենտրոնի աշխատակիցների և ոստիկանների

Լաչինի միջանցքը վերջերս արգելափակվել էր, և ԼՂ-ում մեծ մտահոգություն կա այդ հարցում․ կայացել է Փաշինյան-Պուտին հանդիպումը

Մեկնարկում է «Տարվա 10 լավագույն մարզիկներ» մրցույթը․ որ մարզիկները կարող են առաջադրվել, ովքեր և ինչպես են քվեարկելու

Հալիձորից Տաթև մառախուղ է, տեսանելիությունը՝ 20-30 մետր

Ռանչպար գյուղի ջրատարում դի է հայտնաբերվել

Ծառայության նկատմամբ վարչապետը հիմա էլ ունի նույն լիազորությունը. պատգամավորը՝ անվտանգային համակարգի բարեփոխման մասին

Գլխավոր դատախազությունը Երևանի նախկին փոխքաղաքապետ Վահե Նիկոյանին ազատ արձակելու որոշումը կբողոքարկի

ՔԿ-ում քննարկվել են ընտանիքում և կանանց նկատմամբ բռնությունների դեմ պայքարի արդյունավետությունը բարձրացնելու խնդիրները

Տեղի է ունեցել Նիկոլ Փաշինյանի և Վլադիմիր Պուտինի հանդիպումը (լուսանկարներ)

Պապիկյանն ու Շոյգուն ստորագրել են ՀՀ և ՌԴ պաշտպանության նախարարությունների միջև ռազմական համագործակցության ծրագիրը

Երևանի Վ․ Բրյուսովի անվան պետական համալսարանի ռեկտորի պաշտոնում վերընտրվել է Կարինե Հարությունյանը

Կալանավորին այցի եկած քույրը արգելված իրերը թաքցրել էր մազերի մեջ

ՊՆ պատվիրակությունը Բրյուսելում մասնակցել է ՆԱՏՕ-ի միջազգային համաժողովի

Ամերիկահայ փոփ-երգչուհի Շերը ներկա է գտնվել Օսկարին ներկայացված «Արշալույսի լուսաբացը» ֆիլմի ցուցադրությանը

Վահագն Խաչատուրյանը հրաժեշտի հանդիպում է ունեցել Հայաստանում ԱՄՆ դեսպան Լին Թրեյսիի հետ

Պեմզաշենում իրենց տան մեջ դաժանաբար սպանված ընտանիքի հայրը փորձել է վրեժ լուծել. Aravot