Մարդիկ «հոգեվարքի» մեջ են. ջավախահայերը հազարավոր դոլարներ են ներդրել Tesla Media կայքում, այն երեկվանից չի գործում

Հայաբնակ Ջավախքում տեղի բազմաթիվ բնակիչներ հայտնվել են անելանելի իրավիճակում: Բանն այն է, որ մի քանի ամիս շարունակ նրանք խոշոր գումարներ են ներդրել Teslavideomedia.com կայքում, սակայն երեկ գիշերվանից կայքը հանկարծակի դադարել է գործել, մարդիկ հազարավոր դոլարների կորուստ են կրել: Ավելի վաղ էլ հայտնի էր դարձել, որ Tesla Video Media-ի օգտատերերը մի քանի օր է՝ չեն կարողանում իրենց հաշիվներից գումար դուրս բերել:

Նշենք, որ այս կայքը վերջին մի քանի ամիսներին է լայն տարածում գտել տեղի բնակիչների շրջանում: Թեև ցանկացած պահի կայքը փակվելու կամ օգտատերերի մուտքը սահմանափակվելու սպառնալիքին, մարդիկ հերթով, միմյանց իմաց տալով՝ ներքաշվել են խաղադրույքային ծուղակի մեջ:

Կայքը առաջարկում էր գումար աշխատել որոշակի ներդրման դիմաց. Teslavideomedia.com-ի միջոցով օգտատերերը գրանցվում էին, մեկ խաղադրույքը սկսվում էր 500 ԱՄՆ դոլարից, վճարելուց հետո նրանք պետք է օրական որոշակի քանակի տեսանյութեր դիտեին, որոնք կայքն էր առաջարկում եւ դրա դիմաց էլ համակարգն առցանց տարբերակով որոշակի գումար էր վճարում: Խաղադրույքը կատարելուց հետո 20 օրից էր հնարավոր միայն գումարը հետ վերցնել, իսկ խաղադրույքի տոկոսներն ավելանում էին այդ 20 օրը լրանալուց հետո:  

1000 ԱՄՆ դոլարին համարժեք գումար ներդրած Վրաստանի քաղաքացի Հ. Մ-ն «Հայկական ժամանակի» հետ զրույցում պատմեց, որ մոտ 15 օր առաջ է խաղադրույք կատարել: «Հատուկ էջ ես բացում, որի համար անհրաժեշտ է էլեկտրոնային հասցե: Մեկ անձը կարող է մի քանի տարբեր էջեր բացել, բայց յուրաքանչուրի համար առանձին էլ.փոստ եւ գաղտնաբառ էր հարկավոր, ինչն էլ իմ ծանոթներից շատերն արել էին: Ինձ էլ խորհուրդ տվեցին, մտածեցի՝ եթե այդքան մարդ հավատացել ու հազարավոր դոլարների խաղադրույք է արել, ուրեմն մի բան գիտեն, հենց այնպես չէ»,- պատմեց նա:

Յուրաքանչյուր էջով խաղադրույք կատարելու համար նվազագույն գումարը սկսվել է 500 ԱՄՆ դոլարից: Գրանցվելուց հետո գրանցվող անձը գումարը փոխանցել է իրեն տրամադրվող հաշվեհամարին:

«Ես երկու էջ էի բացել, մեկի վրա օրական կուտակվում էր 24 ԱՄՆ դոլար, մյուսին՝ 26 դոլար, այդ էջերով ամեն օր մոտավորապես 16 գովազդային տեսանյութ պետք է նայեի: Նայում էի ու սպասում՝ մինչեւ կայքը խափանվեց»,- հավելեց Հ. Մ.-ն:

Զրուցակցի խոսքով՝ դիտելու համար առաջարկվող տեսանյութերը «Տիկտոկի» գովազդներ են հիշեցրել, հիմնականում՝ հագուստի, կոշիկի կամ որոշ ապրանքների մասին:

Մեկ այլ զրուցակցի դեպքում վիճակն ավելի բարդ է. Ա. Ս-ն ընտանիքի մի քանի տարվա կուտակած ամբողջ գումարն է ներդրել եւ այժմ անելանելի դրության մեջ է: Վերջինս նշեց, որ 15 հազար ԱՄՆ դոլարի ներդրում է արել, բայց հույս ունի, որ կայքը դեռ կվերականգնվի, եւ կկարողանան գոնե գումարները վերադարձնել: Ա. Ս-ն հայտնեց, որ իր համագյուղացիներից շատերն են խաղադրույք արել. ոմանք՝ 5000 դոլար, ոմանք՝ 15.000 դոլար, որոշներն էլ վարկեր են վերցրել, ոսկի եւ այլ թանկարժեք իրեր գրավադրել, այժմ փաստի առաջ կանգնել:

Ք. Ս-ի խոսքով էլ՝ առցանց խաղադրույք չէր, այլ թակարդ. «Հիմա զօրուգիշեր աշխատելու ենք, որ փակենք»: Վերջինս, սակայն, չցանկացավ նշել գումարի չափը:

Ջավախքում տեղի ունեցածի վերաբերյալ «Հայկական ժամանակ»-ը զրուցել է նաեւ Վրաստանի խորհրդարանի պատգամավոր Սմբատ Կյուրեղյանի հետ:

Պատգամավորը նշեց, որ իրականում սարսափելի վիճակում է հայտնվել տեղի ազգաբնակչությունը. մոտ 60-70 տոկոսը ներգրավված է եղել առցանց խաղադրույքում:

«Որոշ մարդիկ սեփական տներն են վաճառել, հսկայական վարկեր վերցրել բանկերից: Չսահմանափակվելով «շահած» գումարով՝ անընդհատ ներդրումներ են արել: Այդ մարդիկ հիմա, մեղմ ասած, ծանր վիճակում են, «հոգեվարքի մեջ», անգամ երիտասարդ տղա կա, որը շեղում է ստացել: Սկզբնական շրջանում մարդիկ են եղել, որ ներդնելուց հետո որոշակի գումար շահել են, ապա «լավության կարգով»՝ ներգրավել իրենց բարեկամներին ու ծանոթներին: Հիմա մեկը մյուսին է պահանջներ ներկայացնում, իրար են մեղադրում, լարվածություն է առաջացել՝ չնայած այն բանի, որ բոլորն էլ գիտակցաբար եւ իրենց կամքով են ներքաշվել այդ խաղի մեջ»,- ասաց պատգամավորը:

Սմբատ Կյուրեղյանի խոսքով՝ վերջին մեկ ամսվա ընթացքում է լսել այս խաղադրույքների մասին, սակայն չի մտածել, որ այն կարող է զանգվածային բնույթ կրել: Պատգամավորի փոխանցմամբ՝ վերջին շրջանում զարմանալի բարձր էր բոլորի տրամադրությունը, ոգեւորության մեծ չափը, բանկերի դիմաց հսկայական հերթեր էին, բնակիչներն ամեն գնով վարկեր էին ձեւակերպում, որպեսզի իրենք էլ խաղադրույք կատարեն: 

«Զգուշացրել եմ ծանոթներիս զերծ մնալ, ասել՝ անհնար է նման ճանապարհով գումար աշխատել: Գիտեմ՝ մարդիկ են եղել, որոնք մինչեւ 50-100 հազարավոր դոլարներ են դրել»,-ասաց նա:

Հարցին՝ հնարավոր չէ՞ ինչ-որ կերպ այդ անձանց աջակցություն ցուցաբերել, իրավաբանական կամ այլ տեսանկյունից, պատգամավորը նկատեց. «Առայժմ ամեն ինչ շատ անորոշ է, կայքի փակման մասին լուրը երեկ գիշեր է հայտնի դարձել, շատերը դեռ հույս ունեն, որ ժամանակավոր տեխնիկական խնդիր է: Ամեն դեպքում, քրեական գործեր կհարուցվեն»:

Նա դժվարացավ ասել, թե նման պարագայում պետությունը որքանո՞վ կարող է այս անձանց աջակցել, քանի որ մասնավոր դեպքեր են, պարզապես՝ զանգվածային բնույթ կրող: «Սա դասական բուրգ էր, որը փլուզվեց: Աբսուրդի հասնող հանցագործություն է: Մեր ազգաբնակչությունը գիտակցորեն ընկել է թակարդը: Այս շոկից դուրս գանք, մեկ-երկու օր անցնի, տեսնենք՝ ինչ կարելի է անել: Բնականաբար, կփորձեմ ինչ-որ կերպ օգտակար լինել»,- վստահեցրեց նա:

Վրաստանում Հայաստանի դեսպանատնից էլ «Հայկական ժամանակ»-ին հայտնեցին, որ խնդրից տեղյակ են, այն այս օրերին բավականին մեծ հնչողություն է ստացել Վրաստանում: Մեզ փոխանցեցին, որ մինչեւ մեր հեռախոսազրույցը դեսպանատուն դեռ որեւէ ՀՀ քաղաքացի չի դիմել այս հարցով: «Ըստ էության՝ այս պահի դրությամբ դեսպանությունը որեւէ ներգրավվածություն չունի: Հաշվի առնելով լրատվամիջոցներով եւ հանրության շրջանում հնչեցվող խաբված անձանց թիվը՝ վստահաբար քրեական գործ է հարուցվել կամ կհարուցվի»,- հայտնեցին Վրաստանում ՀՀ դեսպանատնից:

Վրաստանում գործող լրատվամիջոցների հրապարակումներից էլ տեղեկանում ենք, որ, ըստ Google Trends-ի, Teslavideomedia.com կայքը ամենահայտնի կայքերից է եղել Վրաստանում։ Այս կայքի հանրաճանաչությունը այնտեղ գնահատվել է 100 միավոր, իսկ երկրորդ եւ երրորդ տեղերում Հայաստանն ու Ադրբեջանն են։ Հետեւաբար, այս համակարգից օգտվողների մեծ մասը գրանցվել է Վրաստանից: Նկատենք՝ առայժմ տեղեկություններ չկան՝ ՀՀ-ում այս կայքի ծուղակը հայտնված քաղաքացիներ կա՞ն, թե՞ ոչ:

Նշենք, որ, ըստ վրացական լրատվամիջոցների, Teslavideomedia.com-ը գրանցվել է 2022 թվականի մարտի 3-ին։ 

Տպել
19361 դիտում

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը