Նախկինում առանց մրցույթի և աճուրդի ՊՆ-ի գույքը տվել են նրանց, ում ցանկացել են. պետգույքի կառավարման կոմիտեի նախագահ

Ապրիլի 15-ի ՀՀ կառավարության հերթական նիստի չզեկուցվող հարցերի փաթեթում ներառված էր նախագիծ, որով ՀՀ պաշտպանության նախարարությանը ամրագրված 71 անուն անշարժ գույք հանձնվում էր Պետական գույքի կառավարման կոմիտե:

Ըստ այդմ՝ դրանցից 35-ը գտնվում է Երևանում, 4-ը՝ Արագածոտնում, 1-ը՝ Արարատում, 2-ը՝ Արմավիրում, 3-ը՝ Գեղարքունիքում, 3-ը՝ Լոռիում, 5-ը՝ Կոտայքում, 6-ը՝ Շիրակում, 6-ը՝ Սյունիքում, մյուս 6-ն էլ՝ Տավուշում: Նշենք, որ սրանք հիմնականում շինություններ են, հողամասեր, զորամասեր, զինավաններ, բնակարաններ և այլն:

Նախագծի ընդունումից հետո խոսակցություններ սկսվեցին շրջանառվել այն մասին, թե նպատակային օգտագործելու փոխարեն ՀՀ պաշտպանական գերատեսչությունն իր գույքը վաճառում է:

«Հայկական ժամանակի» հետ զրույցում Պետական գույքի կառավարման կոմիտեի նախագահ Առնակ Ավետիսյանը, անդրադառնալով շրջանառվող խոսակցություններին, պարզաբանում է՝ այդ 71 անուն անշարժ գույքը չի առնչվում ՀՀ պաշտպանության նախարարության գործառույթներին, և դրանց կարիքն այլևս ՊՆ-ն չունի:

«Երբ վերանում է որևէ տարածքի կամ գույքի շահագործման նպատակահարմարությունը, այդ դեպքում այն փոխանցվում է Պետական գույքի կառավարման կոմիտե՝ հետագա տնօրինման համար։ Տվյալ գույքն ու տարածքները եղել են անմխիթար վիճակում, և նախարարությունը չի օգտագործել: Խոսքը ոչ թե ՀՀ պաշտպանության նախարարության գույքի վաճառքի մասին է, այլ պաշտպանական գերատեսչության հաշվեկշռում գտնվող, սակայն նախարարության կողմից չշահագործվող տարածքների»,- մանրամասնում է Ավետիսյանը:

Ըստ նրա՝ հետագա տնօրինում ասվածը չի նշանակում միայն օտարում կամ վաճառք. «Կարող է լինել նաև այդ գույքի կառավարում: Հետագա տնօրինման ընթացքում որոշում կկայացվի՝ որ գույքն է վաճառվելու, որը հնարավոր կլինի ամրացնել այլ պետական մարմիններին՝ նրանց կարիքների բավարարման համար»:

Հարցադրմանը՝ 71 անուն գույքի փոխարեն այլ գույք տրամադրվելո՞ւ է ՀՀ պաշտպանության նախարարությանը, Պետական գույքի կառավարման կոմիտեի նախագահ Ավետիսյանը բացասական պատասխան է տալիս:

«Այդ գույքերը կա՛մ շատ վաղուց են օգտագործվել, կա՛մ ընդհանրապես չի օգտագործել ՊՆ-ն: Նախարարության հետ կապ չունեցող գույքերի կուտակման սխեմայի հետ կապված արատավոր երևույթը վաղուց է եղել: Բազմաթիվ քրեական գործեր կան հարուցված՝ ՊՆ-ի հաշվեկշռից ապօրինաբար օտարված գույքերի մասով: Դրանք շատ ժամանակ եղել են կոռուպցիոն մեխանիզմներ. առանց մրցույթի և աճուրդի գույքը կամ շինությունը տվել են այն մարդկանց, որոնց ցանկացել են: Եվ շատ հաճախ հենց ՊՆ-ի միջոցով էլ այդ գործարքները արվել են: Մենք այդ պրակտիկային վերջ ենք դնում և ասում՝ գույքը, եթե չի օգտագործվում գերատեսչության բուն նպատակների համար, պետք է հանձնվի կառավարման կոմիտեին, որն էլ այդ գույքի հետագա ճակատագիրը կորոշի»,- նկատում է Ավետիսյանը:

Հարցադրմանը՝ եթե Կոմիտեն որոշի այդ գույքը վաճառել, ստացված գումարն ուղղվելո՞ւ է ՀՀ պաշտպանության նախարարությանը, Պետգույքի կառավարման կոմիտեի նախագահը հստակեցնում է՝ տվյալ գումարը փոխանցվելու է պետական բյուջե, և, ըստ անհրաժեշտության, Կառավարությունը գումարները կուղղի գերատեսչություններին, որոնց թվում կարող է լինել նաև պաշտպանական գերատեսչությունը:

Հիշեցնենք՝ ՀՀ պաշտպանության նախարարությունը նույնպես պարզաբանում է տարածել՝ ընդգծելով՝ բանակի ձևավորման առաջին իսկ օրվանից և մինչև այսօր, կախված տվյալ պահին զինված ուժերի առջև կանգնած խնդիրներից, մշտապես իրականացվել են գործընթացներ, որոնց հիմնական նպատակը ՊՆ ռեսուրսների կառավարման արդյունավետության բարձրացումն է։ 

Անյուտա Աթանեսյան

Տպել
3136 դիտում

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ