Հայաստանում բժշկական կրթությունը միանշանակ չի զիջում միջազգայինին. հարցազրույց ԵՊԲՀ ռեկտոր Արմեն Մուրադյանի հետ

Յուրաքանչյուր երկրի զարգացման և առաջընթացի մեջ կարևոր դեր ունի առողջապահական ոլորտը, իսկ անհրաժեշտ մասնագետներ կերտում և դաստիրակում է համապատասխան կրթական հաստատությունը: Երևանի պետական բժշկական համալսարանի ռեկտոր Արմեն Մուրադյանի խոսքով՝ բուհը, պետությունը, լիազոր գերատեսչությունն անում են ամեն ինչ, որպեսզի կարևոր բժշկական ճյուղերը մեր երկրում նույնպես զարգանան: Մուրադյանը վստահ է՝ բուհում ամեն հաջորդ սերունդ պետք է գերազանցի նախորդներին:

ԵՊԲՀ ռեկտոր Արմեն Մուրադյանի հետ «Հայկական ժամանակի» զրույցը՝ ստորև.

- Պարոն Մուրադյան, վերջերս Դուք երկրորդ անգամ ընտրվեցիք ԵՊԲՀ ռեկտորի պաշտոնում, այսինքն՝ սա Ձեր պաշտոնավարման երկրորդ շրջանն է: Խնդրում ենք ներկայացնել նախորդ տարիների էական փոփոխությունները, որոնք գրանցվել են ԵՊԲՀ-ում Ձեր պաշտոնավարման օրոք, և առաջիկա հինգ տարիների անելիքները:

- Ինչպես նշեցիք, այո, նախորդ տարի դեկտեմբերի կեսին հրավիրված հոգաբարձուների խորհրդի անցկացրած ռեկտորի մրցութային ընտրության արդյունքում ես փակ գաղտնի քվեարկությամբ միաձայն վերընտրվեցի ԵՊԲՀ ռեկտորի պաշտոնում: Ներկայացնելով առաջիկա 5 տարիների զարգացման ծրագիրը՝ ընդգծեցի հատկապես բուհի միջազգայնացման աշխատանքների շարունակականության ապահովման անհրաժեշտությունը: Նախանշվածի համաձայն՝ ընդլայնելով երկրների աշխարհագրությունը վերջին 5 տարվա ընթացքում շուրջ 15 տոկոսով՝ ավելացել է օտարերկրացի ապագա բժիշկների թիվը: Վերանորոգման, արդիականացման հսկայածավալ աշխատանք է կատարվել ինչպես բժշկական համալսարանի, այնպես էլ համալսարանական երեք հիվանդանոցների տարածքում: Կորոնավիրուսային համավարակի և պատերազմի դժվարին ժամանակահատվածում բժշկական բուհը՝ ի դեմս պրոֆեսորադասախոսական, վարչական կազմի, ապագա բժիշկների, հսկայական աշխատանք է իրականացրել: Չնայած առկա դժվարություններին՝ մենք բազմաթիվ ձեռքբերումներ ունենք: Բացվել են բաժանմունքներ, ձևավորվել նոր հիվանդանոցային ծառայություններ:

Բուհի ակնառու հաջողություններից էր մարտի կեսին ԵՊԲՀ «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոնի բացումը: Նախատեսվում են այստեղ իրականացնել մարդու ուղեղի քրոնիկ հիվանդությունների կանխարգելմանը և ուղեղի առողջ կենսագործունեության ապահովմանը միտված հետազոտություններ: Ակնկալվում է, որ կենտրոնի ստեղծումը կնպաստի բուհի ռազմավարության և գիտության զարգացման հայեցակարգի իրականացմանը, նեյրոգիտության ոլորտում նորարարական հետազոտությունների զարգացմանը, երիտասարդ մասնագետների ինկուբատորի ձևավորմանը: Փորձությունների միջով պատվով անցնելով՝ մեկդարյա պատմություն ունեցող կրթական հաստատությունը իմ ղեկավարությամբ առաջիկայում ևս պատրաստ է աշխատել ուժերի գերլարմամբ՝ հաղթահարելով առաջընթացին միտված նոր մարտահրավերներ:

- ԵՊԲՀ ռեկտորի ընտրության ժամանակ Դուք մրցակից չունեիք: Ըստ Ձեզ՝ ինչո՞վ է պայմանավորված, որ այլ թեկնածուներ չեն առաջադրվում: Առհասարակ, կարևորո՞ւմ եք ընտրությունների ժամանակ մրցակցությունը: Ըստ Ձեզ՝ դրանք ավելի շատ մոտիվացիոն դաշտ չեն ստեղծո՞ւմ:

- Լինելով վիրաբույժ, բժիշկ, առողջապահության կազմակերպիչ՝ չեմ կարող թերագնահատել առողջ մրցակցության, նախաձեռնողականության կարևորությունը: Առողջ մրցակցությունն առաջին հերթին ուղղված է ինքնազարգացման, ինքնակատարելագործման և շարունակական մասնագիտական և մարդկային աճի, ինչը յուրաքանչյուր անհատի համար չափազանց կարևոր է:

Այլ թեկնածուների բացակայությունը մեկնաբանել չեմ կարող:

- Քանի՞ ուսանող այժմ ունի համալսարանը: Նրանք բուհը ավարտելուց հետո կարողանո՞ւմ են բժշկական ոլորտում աշխատանք գտնել իրենց մասնագիտությամբ:

- 100 տարիների ընթացքում բժշկական կադրերի դարբնոցում կերտվել են սերունդներ, որոնք բոլոր ժամանակներում՝ խաղաղ և պատերազմական օրերին, ապահովել են մեր երկրի առողջապահական ճակատը: Այսօր համալսարանն ունի 6 ֆակուլտետ, որտեղ բժշկական կրթություն է ստանում 8000 սովորող: Յուրաքանչյուր 4-րդ ուսանող արտերկրից է: Այսօր ԵՊԲՀ-ում սովորում է 1800 օտարերկրացի, որից 10 տոկոսը կլինիկական օրդինատորներ են:

Բացի այդ, ԵՊԲՀ-ն այսօր ունի շուրջ 8000 օտարերկրացի շրջանավարտ: Նրանք հաջողված մասնագիտական գործունեություն են ծավալում աշխարհի 40 երկրի առողջապահական առաջատար կազմակերպություններում: Կարծում եմ՝ միայն այս ցուցանիշը, ինչպես նաև տարիների ընթացքում մեր երկրում որակյալ բժշկական կրթություն ստանալու հետաքրքրությունը վկայում են այն մասին, որ աշխատանք գտնելու հարցում որակյալ, բարձրակարգ մասնագետները որևէ խնդրի առաջ չեն կանգնում: Վստահ եմ, որ բուհում ամեն հաջորդ սերունդ պետք է գերազանցի նախորդներին:

- Այսօր շատ են խոսակցություններն այն մասին, որ այժմ երիտասարդները բժշկական առումով որակյալ կրթություն չեն ստանում, և դրանով է պայմանավորված երիտասարդ բժիշկների հանդեպ որոշակի անվստահության մթնոլորտի ձևավորումը: Որքանո՞վ են արդարացված այս խոսակցությունները, և ՀՀ-ում կրթություն ստացած բժիշկները արդյոք որևէ կերպ զիջո՞ւմ են միջազգային համալսարանում բժշկական կրթություն ստացածներին, թե՞ ոչ:

- Հարցի վերջին մասին անդրադառնալով՝ պետք է նշեմ, որ Հայաստանում բժշկական կրթությունը միանշանակ չի զիջում: Աշխարհի առաջատար փորձն ուսումնասիրելով և հետաքրքիր միջազգային ծրագրեր ներդնելով՝ մենք ձգտում ենք լինել լավագույնը և ապահովել մեր ուսանողների համար լավագույն բարձրագույն բժշկական կրթությունը Հայաստանում, որը մրցունակ է:

- Բժշկական համալսարանը պետք է միտված լինի մասնագիտությանը տիրապետող  մասնագետների պատրաստմանը: Ինչ եք կարծում՝ այսօրվա կրթական համակարգը բավարա՞ր է՝ որակյալ մասնագետներ ստանալու համար:

- Դժվար է պատկերացնել որևէ համակարգ, այդ թվում՝ կրթական, որտեղ չլինեն խնդիրներ կամ բացեր: Կրթության ոլորտը ևս բացառություն չէ: Այս բնագավառում կան անելիքներ, ծրագրեր, որոնք լիազոր մարմնի համակարգմամբ կյանքի են կոչվում նաև ԵՊԲՀ-ում:

- Կարիք չկա՞ խստացնելու կամ վերանայելու այդ ծրագրերը:

- Ուսումնական ծրագրերի փոփոխումը, վերանայումը արդիականացումը կրթության պատասխանատուներիս ուշադրության կենտրոնում են: Մենք մշտապես քայլեր ենք իրականացնում կրթությունը, ուսումնական գործընթացը ապագա բժիշկների համար առավել հարմար և գրավիչ դարձնելու ուղղությամբ՝ ժամանակի ընթացքում իրականացնելով բարեփոխման ծրագրեր և հիմնվելով միջազգային կրթական համակարգի նորագույն մոտեցումների վրա:

- Կա՞ն արդյոք ֆակուլտետներ, որտեղ քիչ են համալրվում դիմորդներով, և որը հետագայում կարող է այդ մասնագետների պակասի խնդիր առաջացնել բժշկական հաստատություններում: Խնդրում ենք նաև նշել, թե հիմնականում բժշկական ո՞ր մասնագիտություններն են երիտասարդները նախընտրում:

- Հոգեբուժությունը, մանկաբուժությունը այն նեղ մասնագիտացումներն են, որոնց ուղղությամբ մասնագիտացում ձեռք բերող սովորողների թիվը պակասել է: Մասնագետների պակասի խնդրի շուրջ մտավախություն, իհարկե, կարող է լինել, քանի որ նեղ մասնագիտական դաշտը հագեցնելու համար ազատ ընտրության հնարավորության պայմաններում կարող են լինել մասնագիտություններ, որոնք առավել նախընտրելի են: Պետք է նշեմ, որ ուսանողությանն ուղղորդելն այսօր բավականին դժվար գործ է: Մենք ձգտում ենք առաջին հերթին վերլուծել այն, թե ինչ մասնագետներ են անհրաժեշտ մեր երկրին:

Բուհը, պետությունը, լիազոր գերատեսչությունն անում են ամեն ինչ, որպեսզի կարևոր բժշկական ճյուղերը, մասնագիտությունները, որոնց պակասն առկա է, գրավիչ լինեն ուսանողների համար: Անշուշտ, գերարտադրությունն ազատ դաշտում ևս խնդիր է, օրինակ՝ պլաստիկ վիրաբուժությունը պահանջված, ժամանակակից ուղղություն է: Սակայն այստեղ տարիների փորձ ունեցող պլաստիկ վիրաբույժների գիտելիքներին ու փորձին եկել է փոխարինելու կոսմետոլոգիայի առանձին դաշտը:

- Կա՞ն ուսանողներ, որոնք դուրս են մնացել բուհից այս ուսումնական տարվա ընթացքում: Եթե այո, ապա որո՞նք են դուրս մնալու հիմնական պատճառները:

- Այո՛, կան: Այդ ուսանողները հեռացվել են բուհից անբավարար առաջադիմության պատճառով: Կան ուսանողներ, որոնց ուսումնառությունը դադարեցվել է ԵՊԲՀ-ում սեփական դիմումի համաձայն, սակայն նրանց թիվը շատ քիչ է:

- Համալսարանական մասնագետները շարունակում են լուծել քաղաքացիների շրջանում ամենատարածված առողջական խնդիրները «100 տարի՝ ժողովրդի թիկունքին» ծրագրի շրջանակներում: Խնդրում ենք նաև առավել հանգամանալից խոսել այս ծրագրի մասին:

- Բժշկական կադրերի մեկդարյա դարբնոցի կողմից կյանքի կոչվող նման ծրագրերն ուղղված են բժշկական ծառայությունների հասանելիություն ապահովելուն: Ծրագիրը նվիրված է բժշկական համալսարանի 100-ամյակին: Կրթական այս հաստատությունն ամուր կանգնած է մեր բնակչության առողջության պահպանման թիկունքին: Մեկնարկած նախաձեռնությունը ոչ թե տոնակատարություն է, այլ ծառայություն ժողովրդին: Հետքովիդյան բարդությունները բնակչության շրջանում առողջության հետ կապված բազմաթիվ խնդիրներ են ի հայտ բերել, որոնք ախտորոշելու և բուժելու կարիք կան:

Ուղիղ 100 օր՝ մարտի 12-ից հունիսի 18-ը, փորձառու բժիշկ-գիտնականները օգնելու են մարդկանց՝ հաղթահարելու հետքովիդյան բարդությունները, առողջության հետ կապված տասնյակ այլ հարցեր, որոնք ախտորոշված չեն և ենթակա չեն ինքնուրույն բուժման: Պրոֆեսորադասախոսական կազմը, տրամադրելով բուժօգնություն, ցանկություն ունի թեթևացնել, լուծել մարդկանց առողջական խնդիրները: Սա վկայում է այն մասին, որ մեր ժողովուրդն ամուր պաշտպանված է սպիտակ բանակ ձևավորած բժշկական համալսարանի շրջանավարտների կողմից:

Մերի Խաչատրյան

Տպել
871 դիտում

Երևանին և Բաքվին հաջողվել է մերձեցնել դիրքորոշումները ապաշրջափակման որոշ հարցերի շուրջ․ Մհեր Գրիգորյան

ՀՀ ԶՈՒ ստորաբաժանումներն ադրբեջանական դիրքերի ուղղությամբ կրակ չեն բացել

Կամենեց Պոդոլսկիի հայկական եկեղեցում Սուրբ պատարագ է մատուցվել

Ստեփանծմինդա-Լարս ավտոճանապարհը կրկին փակ է բոլոր տեսակի տրանսպորտային միջոցների համար

Մեղավոր ենք, որ անընդունակ եղանք սրան ու իր նման բեդովլաթ պորտաբույծներին կոխեինք համապատասխան ծակը. Բաբաջանյան

Երևանում և Կապանում 2 օրում 6 ահազանգ է եղել օձերի առկայության մասին

Հունիսի 29-ը Անհետ կորած ազատամարտիկների հիշատակի օրն է. ԵԿՄ նախագահը ուղերձ է հղել

Էջմիածին քաղաքում խանութ է հրդեհվել

Գեղարքունիքի գյուղերից մեկում հայրը գոմում հայտնաբերել է 15-ամյա որդու կախված դին

Գործարկվել են ծնողների համար նախատեսված նոր հարթակ ու բջջային հավելված  

Ինչ առավելություններ է ընձեռում Մոսկվայի բորսայի արժութային շուկայում դրամով առքուվաճառքը. մանրամասնում է տնտեսագետը

Մեկնարկել է «Քայլ դեպի տուն» ուսումնաճանաչողական ծրագրի առաջին փուլը

«Արմավիր» ՔԿՀ-ի խցերից մեկի պատուհանից և լվացարանից ասեղով ներարկիչներ են հայտնաբերվել

Աննա Հակոբյանը Մոնակոյում հանդիպել է «Երեխաներ և ապագա» հիմնադրամի ղեկավարի հետ

Իղձերդ կկատարվեն, երբ առանց հանգստանալու աշխատես. Մինասյանը՝ ՀՀ-ում օր օրի տեղադրվող՝ տարբեր բարձրության խաչերի մասին

«Ղարաբաղ տելեկոմի» ցանցում ռոումինգի սակագները վերականգնվում են

Շիրակի մարզպետը Կառավարության պատվիրակության կազմում Լիոնում մասնակցում է հայ-ֆրանսիական համագործակցության համաժողովին

Ինչ ունեցվածք է հայտարարագրել ՔՊ նախկին պատգամավոր Արթուր Դավթյանը

ԱԽ քարտուղարը Իզաբել Դյումոնին է ներկայացրել հայկական կողմի տարածաշրջանային խաղաղության հաստատման օրակարգը

«Քաղաքացիական պայմանագիր»-ը որոշում է կայացրել պաշտոնազրկման գործընթաց սկսել Իշխան Սաղաթելյանի և Վահե Հակոբյանի նկատմամբ

Բողոքներ կային, որ շտապօգնությունում զանգերին չեն պատասխանում․ ծառայությունը հետադարձ կապ է հաստատում քաղաքացիների հետ

Տնտեսության զարգացումն ապահովող կարևոր ոլորտների ընկերությունները դժվար կացության մեջ են հայտնվել. Վահան Քերոբյան

ԱԻ նախարարն այցելել է Շիրակի մարզային փրկարարական վարչություն և ենթակա ստորաբաժանումներ

Փարիզում Արմեն Գրիգորյանը հանդիպել է Ֆրեդերիկ Մոնդոլոնիի հետ

Քրեական ոստիկանության ծառայողները թմրամիջոցների իրացման դեպքեր են բացահայտել․ մեկ անձ կալանավորվել է

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

ՇՄ նախարարությունը պարզաբանում է ներկայացրել բեզոարյան այծի որսի վերաբերյալ տարածվող տեսանյութի մասին

Գագիկ Բեգլարյանից և մյուս անձանցից 16.8 մլրդ դրամի ապօրինի ծագման գույքը բռնագանձելու հայցադիմումը վարույթ է ընդունվել

Արսեն Թորոսյանը հանդիպել է Հայաստանում Լիտվայի արտակարգ եւ լիազոր դեսպանին

Ռուսաստանը պատժամիջոցներ է սահմանել ԱՄՆ 25 քաղաքացու, այդ թվում՝ Բայդենի ընտանիքի անդամների նկատմամբ

Դոլարն ու եվրոն կրկին արժեզրկվել են. ՀՀ կենտրոնական բանկը հրապարակել է նոր փոխարժեքներ

Արարատ Միրզոյանը հեռախոսազրույց է ունեցել Կանադայի ԱԳ նախարար Մելանի Ժոլիի հետ

«Յանդեքսի» որոշ վարորդներ ակցիա են իրականացրել, որոշել՝ կաթվածահար անել ոլորտը. ընկերությունը թանկացրել է միջնորդավճարը

Ռուբեն Ռուբինյանը հանդիպել է Լեհաստանի ԱԳ նախարարի տեղակալի գլխավորած պատվիրակության հետ

Փրկարարները մարել են ասֆալտի գործարանում բռնկված հրդեհը

Արամ Մանուկյանի անվան վարժարանում մեկնարկել է մարզառազմական ճամբարը

Լարսի ճանապարհը ռուսական կողմից փակ է բեռնատարների համար

Արմեն Գրիգորյանը և Բրիս Ռոքվոյն ընդգծել են ԵԱՀԿ ՄԽ հովանու ներքո ԼՂ հիմնախնդրի համապարփակ կարգավորման անհրաժեշտությունը

Արդարադատության փոխնախարար Երանուհի Թումանյանցը ներկայացրել է ՏԻՄ ոլորտում հակակոռուպցիոն միջոցառումները

Ծնվել է 44-օրյա պատերազմում զոհված ոստիկանության զորքերի սպաներ Գևորգ և Կարեն Գևորգյանների եղբայրը