Վարչապետի հետ մենք պարբերաբար ունենում ենք հանդիպումներ և հղում նրան մեզ հետաքրքրող բոլոր հարցերը. Անուշ Բեղլոյան

Երեկ ԱԺ-Կառավարություն հերթական հարցուպատասխանն էր: Կառավարությանը հարցեր ուղղելու համար հերթագրվել էր 31 պատգամավոր: Նիստին ներկա էր նաև ՀՀ վարչապետ Նիկոլ Փաշինյանը:

Սակայն 31 պատգամավորներից ոչ մեկը որևէ հարց չհղեց վարչապետին, ինչը 8-րդ գումարման Ազգային ժողովի պատմության մեջ եզակի դեպք էր, եթե ոչ միակը:

Կառավարության ղեկավարին հարցեր չուղղելը շատերը կապեցին նախորդ հարցուպատասխանի ժամանակ ընդդիմության ներկայացուցչի և վարչապետի միջև տեղի ունեցած միջադեպի հետ, որի ժամանակ վարչապետը հայտարարել էր՝ եթե իր հետ խոսում են հողեր հանձնելուց, ինքը կարող է մատ թափ տալով խոսել:

«Հայկական ժամանակի» հետ զրույցում «Քաղաքացիական պայմանագիր» խմբակցության պատգամավոր Անուշ Բեղլոյանը, անդրադառնալով ընդդիմության այս վարքագծին, նշեց՝ դժվարանում է խոր վերլուծություն անել և հասկանալ, թե ինչու հարցեր չեն հղել Նիկոլ Փաշինյանին:

«Կարծում եմ՝ եթե նույնիսկ մտածում են, թե այդ քայլով որևէ կերպ վարչապետի հանդեպ վատ վերաբերմունք են ցուցաբերում, ապա օրենսդրական և խորհրդարանական տեսանկյունից նիստը գործնականում կայացավ, քանի որ նրանք ստիպված եղան իրենց հուզող հարցերն ուղղել տվյալ ոլորտների նախարարներին: Ընդդիմությունը երեկ իրեն պահեց որպես խորհրդարանական, ոչ թե որպես բլոգեր կամ հրապարակախոս: Նրանց այդ քայլը երկրի համար դրական է, թող այդպես էլ շարունակեն: Մարդիկ սխալ դրդապատճառներով դրական բան են արել, ինչը ողջունելի է»,- նկատեց պատգամավորը:

Հարցին՝ իսկ ինչո՞ւ իշխանական խմբակցության պատգամավորները հարցեր չհղեցին Փաշինյանին, խոսակցություններ են շրջանառվում, թե եղել է ներքին պայմանավորվածություն, Բեղլոյանը հերքեց:

«Որևէ ներքին պայմանավորվածություն չի եղել: Մեր խմբակցությունը պարբերաբար հանդիպումներ է ունենում ՀՀ վարչապետ Նիկոլ Փաշինյանի հետ, և մենք հնարավորություն ունենում ենք այդ հանդիպումների ժամանակ բարձրաձայնել մեզ հետաքրքրող բոլոր հարցերը: Էժանագին PR-ի և ուղղակի մեզ ցուցադրելու համար կարիք չկա, որ հարցեր տանք Նիկոլ Փաշինյանին: Մենք միասնական քաղաքական թիմ ենք և ուղղում ենք մեր հարցերը մեր գործընկեր Կառավարության անդամներին՝ բացառապես անհրաժեշտությունից ելնելով»:

Խոսելով ԱԺ-Կառավարություն հարցուպատասխանի ֆորմատի արդյունավետության մասին՝ «Քաղաքացիական պայմանագիր» խմբակցության պատգամավորը շեշտեց՝ այս ֆորմատն անհրաժեշտ է:

«Ժողովրդավարական երկրում Կառավարության հաշվետվողականության դրսևորումը նաև իրականացվում է այս ֆորմատով: Ինչ վերաբերում է հարցերի որակին, օրինակ՝ ընդդիմությունը շատ ժամանակ հարցերի միջոցով փորձում է շահել քաղաքական դիվիդենտներ: Սակայն մենք քիչ-քիչ մոտենում ենք այն երանելի կետին, երբ հարցուպատասխանը իրոք կդառնա որակյալ ու գործնական»,- ասաց Բեղլոյանը:

Դիտարկմանը՝ հարցուպատասխանների և առհասարակ ԱԺ նիստերի ընթացքում շատ ժամանակ քննարկումները վերածվում են վեճերի, որոնք ուղեկցվում են պետական գործչին ոչ հարիր բառապաշարով, հարցին՝ պատգամավորներն ի՞նչ քայլեր են ձեռնարկու, որպեսզի խորհրդարանին զերծ պահեն նմանատիպ քննարկումներից, Անուշ Բեղլոյանը նշեց. «Հայաստանը նոր է մտել խորհրդարանական պետության ֆորմատի մեջ: Կարծում եմ՝ ժողովրդավարական երկրում խորհրդարանում վիճաբանություններն այն ցուցիչն են, որը և փաստում է տվյալ երկրի ժողովրդավար լինելը: Սակայն, այո, բառապաշարի և կոնստրուկտիվ վիճաբանության մակարդակի վրա դեռ պետք է աշխատել»:

Խոսելով իշխանական և ընդդիմադիր խմբակցությունների համագործակցության մասին, համեմատելով այն 7-րդ գումար Ազգային ժողովի ընդդիմության աշխատանքների հետ՝ Անուշ Բեղլոյանը նկատեց.

«Ե՛վ 7-րդ, և՛ 8-րդ գումարման ազգային ժողովների ժամանակ մեր խմբակցությունը բաց է եղել ցանկացած համագործակցության համար: Ընդդիմության վիճելի օրինագծերը ոչ միշտ են անմիջապես ստացել բացասական արձագանք: Շատ անգամներ մեր կողմից առաջարկություններ են հնչել, որպեսզի քննարկումներ արվեն, բայց, ցավոք, այս խորհրդարանի ընդդիմության դրական պատասխանն այդ առաջարկներին շատ ավելի նվազ է, քան նախորդ խորհրդարանում: Դա բխում է նաև նրանից, որ մենք բոլորս էլ գիտենք՝ այս խորհրդարանի ընդդիմությունը եկել է ԱԺ՝ ոչ թե խորհրդարանական աշխատանքներ տանելու, այլ իշխանության գալու: Դա իրենց քաղաքական դիրքորոշումն է, և մեր ժողովուրդն ընտրությունների միջոցով սպառիչ պատասխան տվել է»,- եզրափակեց զրուցակիցը:

Անյուտա Աթանեսյան

Տպել
797 դիտում

Հոգեհանգստյան կարգ` անմեղ զոհերի հոգիների համար

Մահափորձ՝ Գարո Փայլանի դեմ․ Թուրքիայի խորհրդարանի հայազգի պատգամավորը դիմել է իրավապահներին

Սա մեր փնթիության հերթական հետեւանքն է, ընդհանուր անկրթության վիճակից է. Մարտիրոսյանը՝ «Սուրմալուի» պայթյունի մասին

«Երկիր մեդիա»-ն և «Ֆրի նյուզ»-ը տուգանվել են

Նիկոլ Փաշինյանը հեռախոսազրույց է ունեցել Միխայիլ Միշուստինի հետ

Ժամը 19։30-ի դրությամբ որոնողափրկարարական աշխատանքները շարունակվում են․ կորած է համարվում 2 քաղաքացի

Եղվարդում երկհարկանի տուն է այրվել

Խորապես ցավակցում եմ․ Երևանի քաղաքապետի գրառումը՝ ուղղված «Սուրմալուի» ողբերգության զոհերի ընտանիքներին

Կրակոցներ՝ Աշտարակ քաղաքում. հայր ու որդի կասկածվում են նախկին ոստիկանին ծեծի ենթարկելու համար

«Հայաստան» հիմնադրամը բժշկական նշանակության ապրանքներ է տրամադրել ԱԻՆ-ին

«Սուրմալու»-ի պայթյունի ազդեցության գնահատման համար օգոստոսի 15-16-ը լրացուցիչ նմուշառումներ են իրականացվել. ՇՄՆ

Տեղի ունեցած ողբերգությունը առիթ էր մտածելու մեր կենցաղում հրավառություն օգտագործելու նպատակահարմարության մասին. Ավինյան

«Սուրմալու»-ի շենքի հարակից տարածքն ամբողջությամբ մաքրված է, աշխատանքներ են տարվում բուն պայթյունի հատվածում. ԱԻՆ խոսնակ

Զորամիավորումում բացվել է Փառքի սրահ

«Սուրմալու» առևտրի կենտրոնի տնօրինությունն ու անձնակազմը ցավակցություն են հայտնում պայթյունի կապակցությամբ

Եվրոյի եւ ռուբլու փոխարժեքներն աճել են. ՀՀ կենտրոնական բանկը հրապարակել է նոր փոխարժեքներ

Վնասի նվազեցման լրացուցիչ արդյունավետ լուծումներ ծխողների համար

Շառլ Միշելը ցավակցական ուղերձ է հղել ՀՀ վարչապետին

Ահազանգողների գործողությունները հակապետական են և հասարակության դեմ ուղղված. Շիրակի մարզպետ

39-ամյա բնակիչը աշխատավայրում կանեփ էր աճեցրել. նախաձեռնվել է քրեական վարույթ (տեսանյութ)

Վաղը ժամանակավորապես կդադարեցվի Դդմաշեն գյուղի մի հատվածի գազամատակարարումը

ՔԿ-ն հորդորում է «Սուրմալու» առևտրի կենտրոնից ձեռք բերված հրավառության նյութերը ներկայացնել Ոստիկանություն

54-ամյա Խաչատուր Սարգսյանը որոնվում է որպես անհետ կորած

Արցախի «Աշտարակ» կոչվող ջրամբարում 16-ամյա երեխա է խեղդվել

Մարզիկ-զինծառայողները միջազգային մրցումներում գրանցել են բարձր արդյունքներ

Օդի ջերմաստիճանը ցերեկային ժամերին կհասնի +39․․․+41 աստիճանի. ինչ եղանակ է սպասվում առաջիկայում

«Շիրակ» օդանավակայանում եւ Գյումրիի երկաթգծի կայարանում ռումբ չի հայտնաբերվել

Հայաստանում Վրաստանի դեսպանությունը ցավակցություն է հայտնել «Սուրմալու»-ում տեղի ունեցած պայթյունի կապակցությամբ

Քաղաքացիները ծաղիկներ, մոմեր ու խաղալիքներ են տանում պայթյունի վայր

Ջրափրկարարները Սևանա լճում թեքված հեծանվանավակի մեջ գտնվող քաղաքացիներին օգնել են վերադառնալ ափ

Ի հիշատակ «Սուրմալու» առևտրի կենրոնում զոհված քաղաքացիների՝ ԵՄ պատվիրակությունը կիսով չափ իջեցրել է դրոշը

Լևոն Մինասյանը նշանակվել է Դոնի Ռոստովում ՀՀ գլխավոր հյուպատոս

Ղազախստանի նախագահը ցավակցական հեռագիր է հղել Նիկոլ Փաշինյանին «Սուրմալուի» պայթյունի առնչությամբ

Տարհանում Գյումրու կայարանում․ պայթուցիկի հերթական ահազանգն է գրանցվել

Հայաստանը կարևորում է Ինդոնեզիայի հետ փոխշահավետ գործակցության զարգացումը․ ՀՀ նախագահ Վահագն Խաչատուրյան

47-ամյա կնոջ սպանության գործով 3 անձ կալանավորվել է

ՀՀ ոստիկանապետն ու փոխոստիկանապետը կմեկնեն Ղրղզստան․ վարչապետը որոշում է ստորագրել

Չեղարկվել են «Սիմֆոնիկ Երևան» միջազգային երաժշտական փառատոնի համերգները

«Սուրմալու» առևտրի կենտրոնում որոնողական աշխատանքները շարունակվում են․ զոհերի թիվը 16 է (թարմացված)

Անհետ կորած քաղաքացին պայթյունի պահին եղել է շենքի առաջին հարկի մուտքի մոտ. ԱԻ փոխնախարար