Երևան
12 °C
Տպագրվել է «Հայկական ժամանակ» օրաթերթի՝ 2010 թվականի ապրիլի 30-ի համարում
Ընթերցողը, անշուշտ, ճանաչեց իրեն «Վոյին» հռչակած Ռոբերտ Քոչարյանին: Լուսանկարն արված է 2009 թվականին`աֆրիկյան Տանզանիա կոչվող երկրի Կատավի ազգային պարկում: Չէ՛, մի՛ վախեցեք, առյուծը, որին այդքան հավեսով հեծնել է Քոչարյանը, սպանված է: Նրան սպանել է հենց Ռոբերտ Քոչարյանը: Ամենահետաքրքիր հարցը, թերեւս, այն է, թե ինչու է սպանել, քանի որ առյուծի միսը ուտելու չէ: Սա ընդամենը սպանելուց, հոշոտելուց, վերացնելուց հաճույք ստացող մարդու մանկության երազանքի իրագործում է, ինչը բավական թանկ արժե` մինչեւ մի քանի հարյուր հազար դոլար: Այստեղից առաջանում է հաջորդ հարցը` որտեղի՞ց Ռոբերտ Քոչարյանին այդքան փող:
Իր սպանած կենդանիների հետ Քոչարյանի այս լուսանկարները տեղադրված են http://tanzani-abiggame.com կայքում:
Քանի որ Ռոբերտ Քոչարյանի գրասենյակի ղեկավար Վիկտոր Սողոմոնյանը 3 օր առաջ չէր պատասխանել մեր այն հարցին, թե որքան հաճախ են Քոչարյանները Աֆրիկա որսի գնում եւ որքան են արժենում որսորդական այդ տուրերը, երեկ մենք զանգահարեցինք Աֆրիկա եւ փորձեցինք դա ճշտել այնտեղից: Հիշեցնենք, 3 օր առաջ մենք տպագրել էինք Ռոբերտ Քոչարյանի ավագ որդու` Սեդրակ Քոչարյանի լուսանկարները` իր սպանած կենդանիների հետ, որոնք վերցրել էինք http://www.kalaharihunts.com կայքից: Նամիբիայի Կալահարիի ազգային պարկից, նախ, փորձեցինք ճշտել, թե ինչ արժե որսորդական մեկ տուրը: «Դա կախված է այն բանից, թե ինչ կենդանիներ ես դու ցանկանում որսալ. պայմանները լրիվ տարբեր են, օրինակ, ապրելը մի գին է, պրոֆեսիոնալ որսորդ-ուղեկցորդ ունենալը մի գին է»,- ասաց պարկի աշխատակցուհին: Երբ խնդրեցինք նշել, թե կոնկրետ որ կենդանու որսն ինչ արժե, տիկինը խուսափեց պատասխանել, ասելով միայն. «Բայց դուք հասկանում եք, չէ՞, որ դրանք վայրի տարածքներ են, դու կարող է մի քանի օր ոչ մի կենդանի չտեսնես»:
Պարկի աշխատակցուհին մեզ բացատրեց միայն, որ իրենց կայքում տեղադրված գնացուցակում նշված են տվյալ կենդանու վրա ընդամենը մեկ անգամ կրակելու գները: Հիշեցնենք, ըստ այդ կայքի գնացուցակի, տարբեր կենդանիների վրա կրակելու գները տատանվում են 200-1500 դոլարի սահմաններում: Իսկ Սեդրակ Քոչարյանը, ինչպես երեւում էր 3 օր առաջ տպագրած մեր նկարներից, սպանել էր 2 տարբեր տեսակի անտիլոպներ: Դրանցից մեկի վրա 1 անգամ կրակելու արժեքը, ըստ կայքի գնացուցակի, կազմում է 625 դոլար (բլեսբոկինը), իսկ մյուսինը (վայրի գնու)` 1338 դոլար: Սեդրակ Քոչարյանը սպանել էր նաեւ 1 զեբր, որի վրա 1 անգամ կրակելու արժեքը կազմում է 990 դոլար: Ընդ որում, ըստ Կալահարի պարկի աշխատակցուհու, եթե կենդանին սպանվում է, նրա միսը չեն կարող վերցնել, այլ միայն մորթին (ցանկության եւ համապատասխան վճարի դեպքում), այն էլ 6-8 ամիս անց, քանի որ այդ ընթացքում մորթին մշակվում է: Պարկի աշխատակցուհուն հարցրեցինք նաեւ, թե արդյո՞ք իրենք Սեդրակ եւ Ռոբերտ Քոչարյան անունով հաճախորդ ունեն: Վերջիններիս նա անմիջապես ճանաչեց, նշելով. «Նրանք մեր հաճախորդը չեն, պարզապես իմ տղան պրոֆեսիոնալ որսորդ է եւ նրանց ուղեկցում է տարբեր սաֆարիներ եւ այդ ընթացքում ֆոտոներ է անում, որոնք տեղադրվել են մեր կայքում»: Տղայի հետ մեզ կապվել չհաջողվեց, քանի որ տիկինն ասաց, որ նա որսի է մեկնել, մոտը հեռախոս չկա եւ կվերադառնա 1 շաբաթից: Ավելի ուշ մեզ հասկանալի դարձավ նաեւ, թե ինչու Քոչարյանները Նամիբիայի պարկ որսի չեն գնում, այլ գնում են ուրիշ սաֆարիներ: Երբ զանգահարեցինք Տանզանիա, պարզվեց, որ տեղի սաֆարին էլիտար է: Տանզանիայի սաֆարիի կազմակերպիչներից Ռոուզ անունով աշխատակցուհին մեր կարճատեւ խոսակցության ընթացքում ասաց. «Օ, Նամիբիան եւ մենք էապես տարբեր ենք, անհամեմատելի է»: Ի դեպ, դա ակնհայտ երեւում է անգամ սաֆարիների կայքերից: Տանզանիայի սաֆարիի կայքը լուրջ կայք է (միայն թե գնացուցակ չունի): Երբ փորձեցինք ճշտել, թե այստեղ ինչ արժե որսորդական տուրը, տիկին Ռոուզը խնդրեց բոլոր հարցերը ուղարկել էլեկտրոնային փոստով: Դուք Ռոբերտ Քոչարյան անունով հաճախորդ ունե՞ք` այս հարցին տիկին Ռոուզը պատասխանեց. «Այո»: Պարզվեց, որ նա Սեդրակ Քոչարյանին էլ է լավ ճանաչում: Որքա՞ն հաճախ են նրանք այդտեղ որսի գալիս` մեր այս հարցին տիկին Ռոուզը պատասխանեց. «Խնդրում եմ, ձեր հարցերն ուղարկել էլ.փոստով»: Երեկ մենք մի շարք հարցեր ենք ուղարկել Տանզանիա, խնդրելով պատասխանել, թե որքան արժե որսորդության մեկ տուրը, որքան գումար է անհրաժեշտ կոնկրետ կենդանիներ որսալու համար, որքան հաճախ են Քոչարյաններն այնտեղ որսի գնում եւ այլն:
Պատասխանները ստանալուն պես` դրանք կհրապարակենք: Այս պահին ակնհայտ է մի բան. Քոչարյաններն իրենց էլիտար որսի ժամանակ միայն 1 կրակոցի համար ծախսել են շատ ավելին, քան նշված է Կալահարիի սաֆարիի կայքում: Ավելին, դատելով Քոչարյանի սպանած կենդանիներից, նրա որսը թագավորական է եղել. այդ կենդանիները` առյուծ, հովազ, արեւելաաֆրիկյան մեծ կուդու, աֆրիկյան գոմշացու, տեղ են գտել կայքի «թագավորական տուր» բաժնում: Մենք արդեն տեղեկացրել ենք, որ, օրինակ, առյուծի որսն արժե 25 հազար դոլար, իսկ որսորդական 1 տուրի կազմակերպումը, մեր տեղեկություններով` մի քանի տասնյակ հազարից մինչեւ մի քանի հարյուր հազար դոլար:
Լուսինե Բարսեղյան
«Հայկական Ժամանակ»-ը Telegram-ումԱդրբեջանը չի հարձակվելու Հայաստանի վրա, չի դիմի նման արկածախնդրության. Թաթուլ Հակոբյանն ասել է՝ ինչու
1996 թվականին նախագահական ընտրություններն արդար չեն եղել, և ես դա իմացել եմ միշտ․ Ռուբինյան
Թուրքիայի հետ տարբեր մակարդակներով շփումներ կան․ Ռուբինյան
Երազանքիդ ղեկին հենց այսօր
Ադրբեջանը չունի որևէ պատճառ և լեգիտիմություն Հայաստանի դեմ ագրեսիա սկսելու համար․ Խանդանյան
Երբ հարևան երկրում ռազմական գործողություններ են, ինքնին սպառնալիք է տարածաշրջանային կայունությանը. Ռուբինյան
Այս պահին Իրանից կամ Իսրայելից հայերի տարհանման անհրաժեշտության մասին ահազանգ չկա. Խանդանյան
Քաջարանի Բակունց փողոցի մարզադաշտն ու խաղահրապարակը վերակառուցված են. վարչապետ. տեսանյութ
Թորի Գոուդը և Սյունիքի մարզային գրադարանի տնօրենը փոխըմբռնման նոր հուշագիր են ստորագրել
Amio Era. բաց մի թող կրթավճար ստանալու քո հնարավորությունը
Աղետից ընդամենը 48 ժամ անց Ապարանը վերադառնում է բնականոն կյանքի. տեսանյութ
1600-ից ավելի ուսուցիչ ստանում է 300-400 հազ դր, 500-ից ավելի ուսուցիչ՝ 400 հազ դր․ նախարար
Ջարդել են Կառավարության աշխատասենյակների դռները, գույքը. ևս 10 անձի մասով վարույթի նախաքննությունն ավարտվել է
ԱԳ գլխավոր քարտուղարն ու Գորիսում Ֆրանսիայի պատվո հյուպատոսը քննարկել են ծրագրերն ու հետագա անելիքները
Սպանվել է Իրանի բարձրագույն ռազմական հրամանատարը
Քննարկվել է «Հայֆիլմի»-ի վերագործարկման հնարավորությունը. ԿԳՄՍ նախարարը հանձնարարականներ է տվել
Հավակնոտ ծրագիր ենք ներկայացրել, պլանավորում ենք մինչև 2030-ը դեֆիցիտն իջեցնել մինչև 1 տոկոսի. Հովհաննիսյան
Առևտրի ոլորտում իրացման շրջանառության 1.5 մլրդ դրամի թերհայտարարագրման նոր դեպք է բացահայտվել. ՊԵԿ. տեսանյութ
Ո՞րն է սահմանադրական կարգի տապալումը․ պարզաբանում է նախարարը
Բյուջեի կատարման տարեկան հաշվետվությունն է. ընդդիմությունը գործի է եկել. Ալեն Սիմոնյանը լուսանկար է հրապարակել
ՀՀ և Հնդկաստանի ԱԳ նախարարները քննարկել են Իրանից ՀՀ տարածքով հնդիկ ուսանողների տարհանման հնարավորությունը
Եթե հարկ չվճարենք, պետություն չենք ունենա, կհայտնվենք այլ պետության տիրապետnւթյան տակ․ նախարար
Հարկերից խուսափելը հնարամտություն չէ, այլ արատ, որը թուլացնում է պետության հիմքերը. ՀՀ ֆինանսների նախարար
Հնդկաստանը սկսել է Իրանից իր քաղաքացիների տեղափոխումը. տարհանման հնարավոր ուղիների թվում է նաև Հայաստանը. ԶԼՄ
Temu-ում արդեն Իդրամ կա
Կրթական հաստատությունում վիճաբանության պահին 17-ամյա տղան դանակահարել է իր հասակակցին
Գոռավանի նախկին ղեկավարը ձևական աճուրդ-վաճառքներով 543 հա հողատարածք է սեփականացրել, վարձակալել
ԱԺ-ն Հայկ Սարգսյանի գլխավորությամբ դեմ քվեարկեց վերջինիս նախագծին
ՄԻՊ-ն ուսումնասիրել է Շոտլանդիայի ՔԿՀ-ներում ազատությունից զրկվածների կալանքի պայմանները
Իսրայելի ռազմաօդային ուժերը հարվածներ են հասցրել Թավրիզին. տեսանյութ
Հիմնանորոգվում է Սևան-Ծաղկունք-Զովաբեր հանրապետական նշանակության ավտոճանապարհը. տեսանյութ
Ռուսական ԱԹՍ-ների հարվածների հետևանքով Կիևում բնակելի շենքեր են փլուզվել. կան զոհեր
Իրանը հրթիռակոծել է Թել Ավիվը. տեսանյութ
Հոգեկան առողջության պահպանման ոլորտում առաջ ենք գնում. ներկայացրել եմ Հայաստանի հաջողված փորձը. Ավանեսյան
Իջևանի քաղաքային զբոսայգու տարածքի 3 հողամասը կվերադարձվի համայնքին. դատախազության հայցերը բավարարվել են
Բոլորը պետք է անհապաղ լքեն Թեհրանը. Թրամփը ԱՄՆ անվտանգության խորհրդի արտակարգ նիստ կգումարի
Իրանի ճգնաժամի լուծումը պետք է հանգեցնի տարածաշրջանում լարվածության թուլացմանը. G7
5 մարզի և Երևանի բազմաթիվ հասցեներում մի քանի ժամ լույս չի լինի
Վանաձոր-Ալավերդի ճանապարհի մի հատվածը փակ է բեռնատարների, միակողմանի երթևեկելի՝ մարդատարների համար
Ինչ անել ուժեղ քամու դեպքում. փրկարար ծառայությունը վարքագծի կանոններ է հրապարակել
© 2025 Հայկական ժամանակ
Website by MATEMAT