Ո՞ր մասնագիտություններն են այս տարի պահանջված. ներկայացնում է ԳԹԿ փոխտնօրենը

14/05/2021 schedule13:02

Այս տարվա դիմորդներն ամենից շատ դիմել են բժշկական համալսարանի բուժական գործ մասնագիտությամբ սովորելու համար՝ 591 դիմորդ: Դիմորդների նախապատվությունը հաջորդիվ եղել է ԵՊՀ-ի ինֆորմատիկայի եւ կիրառական մաթեմատիկա մասնագիտությունը՝ 337 դիմորդ: Երրորդ տեղում դարձյալ ԵՊՀ-ն է. իրավագիտություն մասնագիտություն նշել է 304 դիմորդ: Այնուհետեւ, ըստ դիմորդների հայտագրման, տնտեսագիտական համալսարանի ֆինանսներ մասնագիտության համար են դիմել. ըստ ոլորտների՝ դիմել է 245 դիմորդ: Իսկ Բրյուսովի անվան պետական համալսարանի ամենից շատ պահանջարկ ունեցող մասնագիտությունը այս տարի դարձել է սերվիս մասնագիտությունը, որի համար հայտագրվել են 245 դիմորդներ։ Այս մասին «Արմենպրեսում» տեղի ունեցած ասուլիս ժամանակ ասաց ԳԹԿ փոխտնօրեն Կարո Նասիբյանը:

Նրա խոսքով՝ պահանջված մասնագիտությունների ցուցակում առանձնապես փոփոխություններ չկան: Այս տարի զարմանալի էր միայն Բրյուսովի՝ սերվիս մասնագիտությամբ այդքան շատ դիմորդների թիվը:

«Դիմորդների թվով միշտ էլ այս հինգ մասնագիտություններն են եղել առաջատարը: Չնայած որ տարիներ շարունակ՝ ՏՏ ոլորտի դիմորդների թիվը ընդհանուր առմամբ ավելի շատ է լինում, քանի որ ՏՏ ոլորտների համար արդեն մասնագիտացումներ կան, բնականաբար, երեխաների դիմումների թիվը բաժանվում է այդ մասնագիտությունների վրա: Օրինակ՝ դիմորդների մի զգալի հատվածը դիմել է նաեւ տեղեկատվական անվտանգություն մասնագիտության համար»,- ասաց Կարո Նասիբյանը:

ԳԹԿ փոխտնօրենի խոսքով՝ միասնական քննություններ հանձնողների ընդհանուր թիվը կազմում է 11.486. ՀՀ-ում միասնական քննություններ հանձնելու է 10.957 դիմորդ, Արցախի Հանրապետությունում՝ 529 դիմորդ:

Ներբուհական քննություններ հանձնողների թիվը (արվեստի, մշակույթի, սպորտի բնագավառի բուհերի դիմորդները) 1899 է: Բանավոր քննություններ հանձնողների թիվը, ներառյալ ստեղծագործական աշխատանքը՝ 854:

ԳԹԿ փոխտնօրենը նշեց նաեւ, որ դիմորդների թվով, ըստ առարկաների, առաջին տեղում մաթեմատիկան է, բացառությամբ՝ Արցախի Հանրապետության եւ Տավուշի մարզի, որտեղ գերակշռում է հայոց լեզու եւ հայ գրականություն հանձնողների թիվը: Երկրորդ տեղում անգլերենն է, երրորդը՝ հայոց լեզու եւ հայ գրականությունը:

«Այս տարի դիմորդները պարտադիր հանձնելու են երկու միասնական քննություն. նրանց տրված էր հնարավորություն՝ ընտրելու օտար լեզվի կամ հայոց լեզու առարկաների միջեւ: Դիմորդների զգալի մասը, կարելի է ասել, ընտրել է օտար լեզուն, օրինակ՝ տնտեսագիտական մասնագիտությունով, իրավաբանական բլոկում:

Մեր վերլուծության արդյունքները ցույց են տալիս, որ տարիներ շարունակ անգլերենից ավելի բարձր գնահատական են ստանում, քան հայերենից: Մասնագետներն էլ կարող են դա վկայել: Այդ իսկ պատճառով երեւի թե նրանք գնացել են դեպի հեշտ ճանապարհը: Բնականաբար, այդպես էլ պետք է լիներ»,- նշեց նա:

Հարցին, թե այս հանգամանքը չի՞ ստիպում, որ, ամեն դեպքում, վերանայվի հայոց լեզվի քննության բարդության աստիճանը, ԳԹԿ փոխտնօրենը նշեց, որ հայոց լեզուն բարդ առարկա է, բայց, չէ, դա մեր լեզուն է:

«Ծրագիրը եւ դասագիրքը կազմված են այս պահանջներով, եւ մենք թեստերը կազմում ենք՝ ըստ դասագրքի եւ ըստ ծրագրի: Տարիներ շարունակ, երբ մենք վեր էինք լուծում, տեսնում էինք, որ ստացած գնահատականները համապատասխանում են մեր վերլուծություններին, այսինքն՝ տեսնում էինք, որ այդ առարկայի քննությունները համապատասխանում էին միջազգային ստանդարտներին: Կարծում եմ՝ շատ շուտով այդ բացը կլրանա, որովհետեւ եթե հայոց լեզուն պարտադիր լինի բուհ բոլոր ընդունվողների համար, ուստի այդ բացը կլրանա, եւ հայոց լեզվի քննության համար երեխաները նորից կսկսեն լուրջ զբաղվել»,- ասաց նա:

ԳԹԿ փոխտնօրենը ընդգծեց նաեւ, որ այս տարի հայտագրման ժամանակ որեւէ խնդիր չի եղել: Միայն մեկ-երկու դիմորդ չեն հասցրել հայտագրվել, որոնց ԳԹԿ-ն ուղղորդել է դիմել երկրորդ փուլի ժամանակ:

«Երկրորդ փուլի ժամանակ՝ հունիսի 26 հուլիսի 1-ն ընկած ժամանակահատվածում, հայտագրվել կարող են բանակից զորացրվածները, սփյուռքից եկած մեր հայրենակիցները, ինչպես նաեւ այն դիմորդները, ովքեր այս կամ այն պատճառով չեն կարողացել առաջին փուլում հայտագրվել»:

ԳԹԿ փոխտնօրենը հիշեցրեց նաեւ, որ այս տարի միասնական քննությունները սկսվելու են հունիսի 8-ին, ավարտվելու են հունիսի 25-ին: Ինչ վերաբերում է բանավոր քննություններին, ապա դրանք կկայանան հունիսի 26-ից հուլիսի 8-ը:

Մարիամ Գեւորգյան

Տպել
2211 դիտում

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)