Առաջարկվում է սահմանամերձ բնակավայրի գյուղմթերքը պետության կողմից պարտադիր գնման ենթակա դարձնել. մրցակցային խնդի՞ր կա

Ազգային ժողովի անկախ պատգամավորներն առաջարկում են սահմանամերձ համայնքների վարչական տարածքներում աճեցված գյուղմթերքը պետության կողմից պարտադիր գնման ենթակա դարձնել:

Պատգամավորներ Թագուհի Թովմասյանը, Սոֆյա Հովսեփյանը եւ Աննա Գրիգորյանն առաջարկում են լրացում կատարել «Սահմանամերձ համայնքների սոցիալական աջակցության մասին» եւ «Գնումների մասին» ՀՀ օրենքներում:

Այդ լրացմամբ նախատեսվում է, որ ՀՀ սահմանամերձ համայնքների վարչական տարածքում գտնվող գյուղատնտեսական նշանակության հողերում աճեցված բուսաբուծական արտադրանքը պետությունը երաշխավորում է, որ պետք է գնի՝ Կառավարության կողմից սահմանված կարգով՝ երաշխավորված գնման պայմանագրի հիման վրա:

Որպես հիմնավորում՝ պատգամավորները նշել են, թե նոյեմբերի 9-ի եռակողմ հայտարարության ստորագրումից հետո Հայաստանի մի շարք համայնքներ ձեռք են բերել սահմանամերձ համայնքների կարգավիճակ: Տեղի բազմաթիվ բնակիչներ հայտնվել են ծանր սոցիալական վիճակում, որի արդյունքում համայնքում նրանց ընտանիքների հետագա աշխատանքի հեռանկարները դարձել են խիստ անորոշ:

Ըստ նրանց՝ գյուղացիները բոլոր հնարավոր միջոցներով աճեցնում են բուսաբուծական արտադրանք, որի հնարավոր իրացումից նախատեսվող եկամտի վրա հույսը դնելով՝ փորձում են առաջիկա ժամանակահատվածի համար պլանավորել իրենց սոցիալական խնդիրների լուծումը: Սակայն բազմաթիվ են դեպքերը, երբ սահմանամերձ համայնքների բնակիչները չեն կարողանում իրացնել արտադրանքը եւ կանգնում են լրջագույն խնդիրների առջեւ:

Այդ իսկ պատճառով պատգամավորները գտնում են, որ պետությունը պետք է 100%-ով երաշխավորի սահմանամերձ համայնքների գյուղատնտեսական արտադրանքի իրացումը:

Նախագծի հեղինակներից Սոֆյա Հովսեփյանը ՀԺ-ի հետ զրույցում նշեց, որ պետությունը ունի կոնկրետ պատվիրակվող ծառայություններ, օրինակ՝ բանակի սնունդը պատվիրակում է որոշ կազմակերպությունների եւ «Գնումների մասին» օրենքում փոփոխություն կատարելու դեպքում մատակարարը գյուղմթերք գնելիս առաջնահերթություն պետք է տա սահմանամերձ համայնքներին:  «Այս պահին որեւէ կերպ այդ հարցը կարգավորված չէ եւ ցանկացած մատակարար կարող է, օրինակ՝ սահմանամերձ համայնքներում արտադրվող արեւածաղկի ձեթի փոխարեն գնել պարսկական ձեթ: Իսկ այստեղ խնդիր է առաջանում, մարդկանց մոտ արդեն մոտիվացիա չի մնում սահմանամերձ բնակավայրում ապրելու»,- ասաց պատգամավորը:

Նրա խոսքով՝ օրինակ՝ Սյունիքի մարզի սահմանամերձ համայնքներում գրեթե բոլորը կորցրել են իրենց հողատարածքները եւ նրանք փոքր հնարավորություններով մեծ արդյունք պետք է ստանան:

Դիտարկմանը՝ նախագծով կոնկրետ առանձնացում չկա, որ այդ գյուղմթերքը պետք է մատակարարվի, օրինակ՝ ՊՆ-ին, Հովսեփյանը արձագանքեց. «Դա մենք չենք առանձնացրել: Ես քննարկել եմ Էկոնոմիկայի նախարարության հետ: Ես բանակի օրինակը բերեցի, բայց պետությունը բացի դրանից այլ կառույցների էլ է պատվիրակում՝ ծերանոցներ, մանկատներ եւ այլն: Ընդամենը պետք է օրենքով փոխել՝ առաջնահերթ սահմանամերձ, հետո տեղական, հետո նոր ներմուծված ապրանքների համար»:

Հարցին՝ կոնկրետ հաշվարկ կա՞ նախագծի տակ, թե տարեկան որքան գումար պետք է պետությունը ծախսի այս նախագիծն ընդունելու դեպքում, պատգամավորը պատասխանեց, որ պետությունը անկախ ամեն ինչից օրինակ՝ բանակի սննդի համար այդ գումարը ծախսում է: Նրա կարծիքով՝ սրանով նաեւ պարենային անվտանգության հարց են լուծում, բացի այդ խթանում են տեղական արտադրանքը:

Հարցին՝ նախագծում ռիսկեր չկա՞ն, որ օրինակ՝ Երեւանից ինչ-որ գործարար սահմանամերձ համայնքում կփորձի գյուղատնտեսությամբ զբաղվել եւ կայուն եկամուտ ստանալ պետությունից, Հովսեփյանը պատասխանեց. «Իհարկե՛, դա ռիսկ է, որպես այդպիսին, բայց մենք կարող ենք դրա վերահսկողությունն էլ սահմանել: Եթե անգամ որեւէ երեւանաբնակ գնա եւ սկսի ինչ-որ բան անել, տեղի բնակիչը պետք է աշխատի: Դա նշանակում է, որ աշխատանքով է ապահովելու սահմանամերձ համայնքի բնակչին եւ այդ հողամասը մշակվելու է»:

Դիտարկմանը՝ եթե անգամ այդ ապրանքի կարիքը չլինի այս նախագծով պետությունը պարտավորվում է այն գնել, Հովսեփյանն արձագանքեց. «Չի կարող կարիքը չլինել: Սահմանամերձ համայնքներում մենք այնքան հողամասեր չունենք, որ մարդիկ կարողանան ամբողջական ծավալ ապահովել, իրենք պետք է շատ փոքր տոկոսը ապահովեն, բայց առաջնահերթության սկզբունքով»:

ՀՀ ԱԺ անկախ պատգամավոր, տնտեսագետ Սերգեյ Բագրատյանը մեր զրույցում կարծիք հայտնեց, որ շուկան պետք է կարգավորվի ազատ մրցակցային պայմաններում եւ այդտեղ չի կարելի որեւէ արտոնություն տալ՝ դրանով արգելակելով տնտեսության զարգացումը:

«Ես դեռ 2017 թ. առաջարկել էի, որ բանակը գնումների ժամանակ առավելություն տա տեղական արտադրողին՝ հատկապես բանջարաբոստանային կուլտուրաների առումով ու եթե մրցակցային են գները ներկրողի հետ՝ առավելություն տան տեղական արտադրողին: Բայց որ պետական գնումներ կատարվեն՝ դա կխաթարի շուկայական տնտեսության հիմքերը»,- ասաց պատգամավորը՝ հավելելով, որ սա խիստ կվնասի տնտեսությանը:

Բագրատյանի կարծիքով՝ դա հակամրցակցային առաջարկ է եւ որեւէ շուկայագետ չի ընդունի դա որպես ճիշտ նախաձեռնություն, քանի որ չի կարելի միջամտել շուկայական հարաբերություններին:

Նա նշեց, որ այս մոտեցումն անթույլատրելի է, սահմանամերձ բնակավայրերին կարելի է օգնել բազմաթիվ հնարավորություններով. «Մասնավորապես կարելի է 10 տարի արտոնություն տալ հարկերից ազատման տեսքով այն արտադրողներին եւ այն արտադրանքը, որը չկա մեր տեղական արտադրության մեջ: Այդ առաջարկը ես արել եմ, բայց քննարկման փուլում է: Այս կարգի արտոնությունը չի խաթարի մրցակցությունը, քանի որ նմանատիպ արտադրություն մենք չունենք»:

Պատգամավորը նշեց՝ իր համար ամենակարեւորը տնտեսության մեջ հավասար պայմաններն են եւ կողմ չէ որեւէ հակամրցակցային առաջարկի: Ըստ նրա՝ սա կարող է նաեւ չարաշահումների առիթ տալ, օրինակ Երեւանում բնակվողները գյուղացիների անունով կարող են ձեւակերպել եւ ցածրորակ արտադրանքը բարձր գներով պարտադրել պետությանը գնել:

Գյուղատնտես Հարություն Մնացականյանի կարծիքով՝ պետությունը երբեք չպետք է խառնվի գնումներին, դա տնտեսական օրենքներին հակասող գործողություն է:

«Ես որ իմանամ այդպես է, սահմանամերձ տարածաշրջանում մի հատ հող կվերցնեմ, այդ հողի վրա կաճեցնեմ «իքս» քանակի այն մթերքը, ինչը պետությունը պիտի երաշխավորված գնի, մնացածը այլ տեղերից կգնեմ այդ հողի աճեցվածի անվան տակ՝  կվերավաճառեմ պետությանը եւ ոչ մի ձեւով չեն կարողանա վերահսկել այդ մեխանիզմը»,- ասաց Մնացականյանը:

Գյուղատնտեսի կարծիքով՝ այս նախագծի ընդունման դեպքում ամբողջ համակարգը դեգրադացվելու է. «Դա սխալ մոտեցում է, չի կարելի սահմանամերձին մրցակցությունից դուրս թողնել: Դա շուկայի օրենքների խախտում է, ինչն իր բացասական հետեւանքները կարող է ունենալ եւ ոլորտի բնականոն, ազատ մրցակցային զարգացմանը խաթարել: 

Տպել
1758 դիտում

Քաղաքացին պետք է բավարարված և գոհ հեռանա՝ առանց ավել րոպե կամ դրամ ծախսելու. Կարեն Անդրեասյանը ներկայացրեց ՔԿԱԳ պետին

Սեպտեմբերի 27-ին կկատարվի հոգեհանգիստ զոհված հայրենյաց պաշտպանների համար

Տեղի է ունեցել Հայաստանի և Ադրբեջանի ԱԳ նախարարների հանդիպումը

ԵԱՀԿ Մինսկի խմբի համանախագահների հետ հանդիպմանը ՀՀ ԱԳ նախարարը շեշտել է ռազմագերիների հայրենադարձման անհրաժեշտությունը

Զորամասերից մեկում պատերազմի զոհերին նվիրված հուշաքար և մատուռ է բացվել (լուսանկարներ)

Ջանֆիդայի մանկապարտեզի հիմնանորոգումն ավարտվել է

Լևոն Տեր-Պետրոսյանն առանձնազրույց է ունեցել Արցախի Հանրապետության պետնախարար Արտակ Բեգլարյանի հետ

«Օպելի» վարորդը սպառնացել է ոստիկանին, կոտրել մատնեմատը, պոկել կրծքանշանը, հարուցվել է քրեական գործ. Քննչական կոմիտե

Օդի ջերմաստիճանը կնվազի, սպասվում է անձրև

Գետերի մեծ մասում դիտվել է ջրի ելքերի մեծացում

«Օպելի» ուղղությամբ կրակած վարորդը ներկայացել է և կալանավորվել

Հայաստանի Հանրապետությունում սեպտեմբերի 27-ին կհայտարարվի մեկ րոպե լռություն

Ռուստամ Մուրադովը Արշակ Կարապետյանին է ներկայացրել ՌԴ խաղաղապահ ուժերի նորանշանակ հրամանատար Գենադի Անաշկինին

Սահմանվել են տուգանքի նոր չափեր

Զբոսաշրջության ոլորտի առաջատար fvw Travel Talk գերմանական լրատվականի 10 էջը նվիրված է Հայաստանին

Արմեն Խաչատրյանն ազատվել է Էկոնոմիկայի նախարարության գլխավոր քարտուղարի պաշտոնից

«Արևիք» ազգային պարկի տարածքում հրդեհաշիջման աշխատանքները վերսկսվել են

«Ֆիթչ» վարկանիշային գործակալությունն անփոփոխ է թողել Հայաստանի Հանրապետության սուվերեն վարկանիշը` «կայուն» հեռանկարով

Հանդիպել են ՀՀ և Արցախի հանրային ծառայությունները կարգավորող հանձնաժողովների նախագահները

«Երևանի ոսկերչական գործարանի» գույքը վաճառվել է հաշվեկշռային արժեքից շուրջ 4 անգամ ցածր գնով. հարուցվել է քրեական գործ

Ֆրանսիական Շամոնիից՝ հայկական Դիլիջան. հոկտեմբերին Հայաստանում կանցկացվի «Մտքերի հայկական գագաթնաժողովը» (տեսանյութ)

Մեծ աշխարհի այս գողտրիկ անկյունում է բաբախում Արցախի սիրտը. նշվում է Ստեփանակերտի օրը

Երևանի կանաչապատման հիմնարկը նոր տեխնիկա ունի. հիմնարկում վարորդների խնդիր կա (տեսանյութ)

ԵԱՀԿ Մինսկի խմբի համանախագահների միջնորդությամբ հանդիպել են Հայաստանի և Ադրբեջանի արտգործնախարարները

Կորոնավիրուսային իրավիճակն ավելի է վատթարանում. երեկ հաստատվել է 1066 նոր դեպք, գրանցվել՝ 23 մահ

Էդուարդ Հարությունյանն ազատվել է վարչապետի աշխատակազմի արարողակարգի բաժնի պետի պաշտոնից

Միրզոյանը Բոռելի հետ հանդիպմանն ընդգծել է գերիների հայրենադարձման խնդրի քաղաքականացման անընդունելիությունը (տեսանյութ)

Հատուկ ծրագիր Հովհաննես Շարամբեյանի անվան ժողովրդական արվեստների թանգարանում

Շենաթաղում բռնկված հրդեհն ինքնամարվել է

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը

Ովքեր են Մեղրիի համայնքապետի թեկնածուները և ինչ կենսագրություն ունեն նրանք

Մեղադրանք է առաջադրվել հրապարակում սեպտեմբերի 21-ին պայթուցիչի գործադրմամբ խուլիգանություն նախապատրաստելու համար․ ՔԿ

Վայոց ձորի մարզպետ Արարատ Գրիգորյանն ընդունել է Իրանի Իսլամական Հանրապետությունից ժամանած պատվիրակությանը

Համատեղ ուժերով գտնել լուծումներ. Ավանեսյանը հանդիպել է բուժհաստատությունների ղեկավարների հետ

ՀՀ ՊՆ ռազմական ոստիկանությունում անցկացվել է մեկշաբաթյա դասընթաց

Հայաստանը պատրաստ է կառուցողական երկխոսության, որը կբերի տարածաշրջանում հարատև խաղաղության․ վարչապետի ելույթը ՄԱԿ-ում

Մեկնարկել է «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթը

Արարատ համայնքում ընթանում են փողոցների ասֆալտապատման աշխատանքներ