Ինչու է տարբեր լցակայաններում բենզինը վաճառվում տարբեր գներով. պատգամավորը վստահ է՝ դեմպինգի խնդիր չկա

Հայաստանի վառելիքի շուկայում հետաքրքիր զարգացումներ են տեղի ունենում: Օրինակ՝ բենզինի շուկայի հիմնական խոշոր խաղացողները գրեթե նույնչափ գներ են դրել 1 լիտրի դիմաց՝ 410-430 դրամ՝ ռեգուլյար եւ պրեմիում տեսակի, իսկ շուկայի համեմատաբար փոքր խաղացող համարվող «Ռան-օյլ» ընկերությունը, որում վերջերս բաժնետերերի փոփոխություն տեղի ունեցավ, 2 տեսակի բենզինն էլ վաճառում է շուրջ 40 դրամով էժան:

Սա ինչ-որ տեղ չտեսնված բան է համարվում հայաստանյան վառելիքի շուկայում, քանի որ մի կողմից խոշորները բարձրացնում են վառելիքի գները՝ աշխարհի միտումներով պայմանավորված, մյուս կողմից համեմատաբար մատչելի գին է առաջարկում մեկ այլ ընկերություն:

ՀՀ տնտեսական մրցակցության պաշտպանության պետական հանձնաժողովից ՀԺ-ին հայտնեցին, որ օրեր առաջ հրապարակել են իրացման գների փոփոխության պատճառները: Իսկ մեկ ընկերության կողմից մյուսների համեմատ մատչելի վաճառելու վերաբերյալ հայտնեցին, որ ՏՄՊՊՀ-ը շարունակելու է ուշադրության կենտրոնում պահել բենզինի եւ դիզելային վառելիքի շուկայում տեղի ունեցող զարգացումները եւ առաջիկայում հանդես կգա հրապարակմամբ՝ տնտեսվարող սուբյեկտների կազմի հնարավոր փոփոխությունների, դրանց մասնաբաժինների եւ շուկաների կառուցվածքային այլ հարցերի վերաբերյալ: Գինը միակ խնդիրը չէ այս շուկայում, վարորդները սոցցանցերում հաճախ բարձրաձայնում են նաեւ թերլցումների եւ բենզինի վատ որակի մասին:

Այս խնդիրը կա նաեւ ավտոմեքենայի գազի հետ կապված: Չնայած այն բանին, որ իշխանությունները հեղափոխությունից հետո սեղմված գազը դարձրին կիլոգրամով, այնուամենայնիվ, վարորդները բողոքում են, որ լցակայաններում լցվում է ավելի շատ գազ, քան իրենց գազաբալոնի ծավալն է: Իսկ մեքենայի՝ հեղուկ գազի գները վերջին շրջանում նախորդ տարվա նույն ժամանակահատվածի համեմատ 10-20 դրամով աճել են:

Վառելիքի շուկայի եւ դրանում եղած խնդիրների վերաբերյալ «Հայկական ժամանակ»-ը զրուցել է «Իմ քայլը» խմբակցության պատգամավոր, տնտեսագետ Գեւորգ Պապոյանի հետ:

- Պարոն Պապոյան, բենզինի շուկայում խաղացողներից մեկի մոտ համեմատաբար գինը մատչելի է: Ինչպե՞ս է ստացվում, որ բենզինը մի տեղ մատչելի է, մնացած տեղերում՝ համեմատաբար ոչ:

- Դասական մարքեթինգում գնային քաղաքականություն որոշելիս գոյություն ունի նոր շուկաներ մուտք գործելու քաղաքականություն, երբ նոր մասնակիցը ցածր գնով է մտնում նոր շուկա՝ փորձելով գրավել այն եւ ամրագրվել այնտեղ: Ես կարծում եմ՝ «Սիլ գրուպ»-ը «Ռան օյլ»-ը գնելով՝ շուկայում 2 իրավիճակ է առաջացրել: Առաջինը մրցակցությունն է խորացել, ինչից, բնականաբար, առաջին հերթին շահելու է սպառողը: Երկրորդը, ես կարծում եմ, որ «Ռան օյլ»-ի ռազմավարական երկարաժամկետ նպատակն այն է, որ շուկայում շատ ավելի մեծ մասնաբաժին ունենա, քան այս պահին ունի: Կարծում եմ, որ, որպես այդպիսին, սա շուկա ներթափանցման ցածր գների քաղաքականություն է, բայց այնպիսի գնային քաղաքականություն է, որը, բնականաբար, դեմպինգային չէ: Սա նրա հաշվին է, որ այս պարագայում նրանց շահույթը ցածր է լինելու: Այսինքն՝ շահութաբերության մարժան, ի տարբերություն մյուսների, ցածր է լինելու: Սրա շահողը հասարակությունն է, պետությունը, քաղաքացին:

- Այսինքն՝ դեմպինգի հետ կապված խնդիր չկա՞:

- Ես կարծում եմ, որ եթե դեմպինգի խնդիր լինի, ՏՄՊՊՀ-ն ակնհայտորեն կարձագանքի: Բայց գրեթե վստահ եմ, որ դեմպինգի խնդիր չկա: Եթե այդպիսի խնդիր լիներ, նախ շուկայի մյուս խաղացողներն արդեն իսկ արձանագրած կլինեին: Մյուս կողմից էլ ակնհայտ է, որ ե՛ւ «Ռան օյլ»-ը, ե՛ւ «Սիլ գրուպ»-ը նոր խաղացողներ չեն հայկական շուկայում ու խաղի կանոններին շատ լավ են տիրապետում: Ու սա, կարծում եմ, ավելի շատ սեփական շահույթի կրճատման հաշվին նոր շուկաներ գրավելու քաղաքականություն է, ինչն ամբողջությամբ տեղավորվում է մարքեթինգային տրամաբանության մեջ: Մենք սովոր չենք տեսնել, որ բենզինի գինը կարող է լինել տարբեր, որովհետեւ եթե շուկայում 1, 2, 3 մասնակից են, կարող են իրար զանգել եւ ինչ-որ գին պայմանավորվել: Իհարկե, դա էլ է հակամրցակցային պայմանավորվածություն է, բայց դա գրեթե անվերահսկելի կարող է լինել ՏՄՊՊՀ-ի համար: Ես չեմ ասում, որ նախկինում այդպես է եղել, բայց չեմ էլ բացառում, որ կարող էր այդպես եղած լինել: Հիմա նոր մասնակիցը եկել եւ ըստ էության մրցակցային մարքեթինգային շուկայական նոր կանոններ է թելադրում, ինչի հետեւանքով գինը տարբեր է: Ես հուսով եմ, որ մենք մշտապես այդ գնային տարբերությունը կտեսնենք: Այսօր նկատեցի, որ ըստ էության նույն ռեգուլյար բենզինը «Ռան օյլ»-ում 390 դրամ է, մյուս մասնակցի մոտ՝ 410, երրորդի մոտ՝ 430: Այդպիսի մեծ տարբերություն կա, եւ դրանք տարբեր պատճառներ կարող են ունենալ: Ես կարծում եմ, որ մենք դրան պետք է նորմալ վերաբերվենք, եւ մրցակցային շուկաներում դա նորմալ է:  

- Նույն երկրից եկո՞ղ բենզինի հետ գործ ունենք, թե՞ տարբեր երկրների հանգամանք կա, որը եւս գների վրա ազդում է:

- Տեղեկություն չունեմ, թե ով որտեղից է բերում: Որակական առումով էլ վարչապետի ենթակայությամբ գործող տեսչական մարմին կա, որն ամենօրյա հսկողություն է իրականացնում, ու կարծում եմ՝ այդ առումով էլ պետք է որ խնդիր չունենանք:

- Քաղաքացիները հաճախ դժգոհում են նաեւ բենզալցակայանների թերլցումներից: Դուք նման դեպք առօրյայում նկատե՞լ եք:

- Շատ ճիշտ եւ տեղին հարց եք բարձրացնում: ԱԺ տնտեսական հարցերի մշտական հանձնաժողովի նիստում քննարկել ենք մի նախագիծ, որը, կարելի է ասել, 100 տոկոսով չեզոքացնելու է բենզինի եւ դիզվառելիքի ժամանակ թերլցումների հավանականությունը: Նախագծի էությունն այն է, որ լինելու է պետության կողմից ստուգաչափված տարա, եւ ցանկացած քաղաքացի կարող է պահանջել, որ իր բենզինը լցնեն այդ տարայի մեջ, հետո ինքը տեսնի չափը, նոր լցնեն իր մեքենան: Սա քաղաքացուն հնարավորություն է տալիս մի կողմից վստահ լինել, որ իրեն չեն խաբում, իսկ մյուս կողմից բոլոր այն գործարարները, որոնք չեն խաբում, իրենք իրենց համբավը կբարձրացնեն: Իսկ բոլոր այն բիզնեսները, որոնք խաբում են քաղաքացուն, թերլցման հաշվին հավելյալ շահույթ են ապահովում, կտուգանվեն. բավականին բարձր տուգանքներ ենք սահմանելու նրանց նկատմամբ:

- Ավտոմեքենայի գազի գներն էլ են որոշակի բարձրացել, ո՞րն է սրա պատճառը, դոլար-դրամի հե՞տ է կապված:

- 2 հարց կա. միջազգային շուկաներում է գները բարձրացել, եւ ըստ էության դոլար-դրամ հարաբերակցության հարցը կա: Սրանից ուղիղ 1 տարի առաջ գինը 180-ից 200 դրամ էր, հիմա կարծես 190-ից 220 դրամ է տատանումը: Եթե դոլարի կուրսի բարձրացում չլիներ, ենթադրում եմ, որ նույնիսկ 1 տարի առաջվա գնի համեմատ հիմա պետք է ավելի ցածր գին լիներ: Այնպես որ այստեղ գնի բարձրացման մեջ, կարծում եմ, ամենամեծ մասնաբաժինը դրամի թուլացումն է դոլարի նկատմամբ:

- Պարոն Պապոյան, հեղափոխությունից հետո ԱԺ-ն որոշեց ավտոմեքենայի գազը կիլոգրամով դարձնել: Սա որքանո՞վ դրական ազդեցություն ունեցավ. դժգոհությունները դրանից հետո էլ են շարունակվում:

- Ի տարբերություն բենզինի եւ դիզվառելիքի, որտեղ, կարծում եմ, խնդիրն ամբողջապես լուծում ենք, գազի դեպքում, ցավոք սրտի, չի լուծվել, եւ մեխանիզմների որոնումների փնտրտուքների մեջ ենք: Ես չեմ ասում՝ անպայման խաբում են: Կա չհասկացվածության խնդիր: Գազի ճնշումը տարբեր օրեր տարբեր է լինում: Այնտեղ բանաձեւը բարդ է, եւ տարբեր գներ կարող են ձեւավորվել: Այս խնդիրն էլ պետք է լուծենք: Կառավարությունը եւ ԱԺ տնտեսական հարցերի հանձնաժողովը ամենօրյա ռեժիմով այդ հարցերն իրենց ուշադրության տակ են պահում: Ես ուզում եմ առիթից օգտվելով մեր քաղաքացիներին ասել, որ լուծումներ՝ բարդ, բայց, այնուամենայնիվ, գտնելու ենք: Տարբեր միջազգային փորձեր ենք ուսումնասիրում եւ կփորձենք հասնել լավագույն տարբերակին:

- Մի կարեւոր հանգամանք. գինը բարձրանում է, որակը վատանում է, կամ թերլցում է լինում, սպառողն է տուժում: Պետությունը տուգանքներ կիրառում է, բայց սպառողին իր կորուստը չի վերադառնում: Այս խնդիրը լուծելու հնարավորություն տեսնո՞ւմ եք:

- Հետաքրքիր հարց եք տալիս: Եթե պետությունը որեւէ բան չձեռնարկի, եւ, օրինակ, սպառողը գնա, թերլցում տեղի ունենա, եւ, օրինակ, 5 տոկոսի չափով իրեն խաբեն, բնականաբար, նա տուժող է դառնում: Բայց եթե պետությունը, օրինակ, այդ տնտեսվարողին դրա համար 500 կամ 600 հազար դրամ տուգանի, այդ գումարը գնում է պետական բյուջե, որն այդ նույն սպառողի համար դառնում է ճանապարհ, կրթության գումար, առողջապահության գումար, ուսուցչի աշխատավարձ: Այնպես որ ձեր ասած վնասը, այնուամենայնիվ, վերականգնվող վնաս է:

Տպել
1558 դիտում

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը

Ովքեր են Մեղրիի համայնքապետի թեկնածուները և ինչ կենսագրություն ունեն նրանք

Մեղադրանք է առաջադրվել հրապարակում սեպտեմբերի 21-ին պայթուցիչի գործադրմամբ խուլիգանություն նախապատրաստելու համար․ ՔԿ

Վայոց ձորի մարզպետ Արարատ Գրիգորյանն ընդունել է Իրանի Իսլամական Հանրապետությունից ժամանած պատվիրակությանը

Համատեղ ուժերով գտնել լուծումներ. Ավանեսյանը հանդիպել է բուժհաստատությունների ղեկավարների հետ

ՀՀ ՊՆ ռազմական ոստիկանությունում անցկացվել է մեկշաբաթյա դասընթաց

Հայաստանը պատրաստ է կառուցողական երկխոսության, որը կբերի տարածաշրջանում հարատև խաղաղության․ վարչապետի ելույթը ՄԱԿ-ում

Մեկնարկել է «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթը

Արարատ համայնքում ընթանում են փողոցների ասֆալտապատման աշխատանքներ

Քննարկվել է Կովկաս-Փոթի երկաթգծի վերագործարկման, ինչպես նաև կոնցեսիոն պայմանագրում փոփոխություններ կատարելու հարցը

Երբ հայտարարեցին անունս, մտքումս ասացի՝ ես արեցի դա. «Միսս Տիեզերք Արմենիա 2021»-ի հաղթող

Համագործակցության հուշագիր է ստորագրվել ԱՍՀ նախարարության և Ամունդի-ԱԿԲԱ ընկերության միջև

Վահան Քերոբյանը հանդիպել է IEO տնտեսագիտության միջազգային օլիմպիադայում մեդալներ նվաճած հայ դպրոցականների հետ

Խոշոր ավտովթար Արմավիրի մարզում. վիրավորները հոսպիտալացվել են. shamshyan.com

Արարատ Միրզոյանը հանդիպել է Կարմիր խաչի միջազգային կոմիտեի նախագահ Պիտեր Մաուրերի հետ

Սկսվեց շան հաչոցից ու գարեջրի շշի պարունակությունը նրա վրա լցնելուց․ ավարտվել է սպանության փորձի գործով նախաքննությունը

Շենաթաղ գյուղի մոտակա սարի լանջին հրդեհաշիջման աշխատանքները ժամանակավորապես դադարեցվել են

Ադրբեջանը համակարգված պայքար է տանում Արցախում հայկական մշակութային արժեքների դեմ. Արցախի ՄԻՊ

ՀՀ անկախության տոնի առթիվ ԱԺ նախագահ Ալեն Սիմոնյանը շարունակում է շնորհավորական ուղերձներ ստանալ

Արշակ Կարապետյանը Ջոն Գալագերին է ներկայացրել Ադրբեջանի կողմից իրադրությունն ապակայունացնելուն միտված գործողությունները

«Արևիք» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Փորձ է արվել Հայաստան ներմուծել կեղծ տվյալներով մեծ քանակությամբ հագուստ. ՊԵԿ

Տեղի է ունեցել պահեստազորայինների մարտական հերթապահության հերթափոխ

Ոստիկանության բարեփոխումների գործընթացը մտադիր ենք ամբողջապես իրականացնել. խորհրդակցություն վարչապետի գլխավորութամբ

23-ամյա ուջանցու մեքենայում զենք-զինամթերք է հայտնաբերվել (տեսանյութ)

ԱԺ-ն ամբողջությամբ ընդունեց համայնքների խոշորացման մասին օրենքի նախագիծը

Պատվաստվելու հետևանքով չհիղանալու մասին լուրերը միֆ են. մասնագետ

Մշտադիտարկումներ են իրականացվել Երևանի երկաթուղային կայարանի և Կենտրոն վարչական շրջանի հանրային տրանսպորտի նկատմամբ

E-labor համակարգի ներդրման դեպքում Հայաստանը կլինի ԱՊՀ երկրների շրջանում նման էլեկտրոնային գործիք ունեցող առաջին երկիրը

Ադրբեջանը հայկական կողմին է փոխանցել մեկ աճյուն. որոնումներ այսօր չեն իրականացվել

Մենք խելամիտ ենք համարել համայնքների խոշորացումը հիմա անել, որպեսզի ֆինանսապես ավելորդ ծախս չանենք. նախարար

Նա իր երկրի ու ժողովրդի նվիրյալ զավակն էր. նախագահի աշխատակազմը ցավակցում է Համլետ Գասպարյանի ընտանիքին

Արման Եղոյանն ու Արսեն Թորոսյանը հանդիպել են Հունաստանի խորհրդարանի պատգամավորների հետ

Քովիդի դեմ ստացինոր բուժում ստացող 760 անձի մոտ հիվանդությունն ունի ծանր ընթացք, 177-ը ծայրահեղ ծանր է

Կալիֆոռնիայի Վան Նայս քաղաքի հայկական եկեղեցին վանդալիզմի է ենթարկվել (լուսանկարներ)

Մինչև երկրորդ դեղաչափի ստանալը՝ քաղաքացին աշխատանքի գնալիս կարիք չունի ՊՇՌ թեստի պատասխան ներկայացնել. Ավանեսյան

Անգնահատելի է Լեւոն Աթոյանցի ավանդը «Հայֆիլմի» բեղմնավոր գործունեության մեջ. վարչապետը ցավակցական հեռագիր է հղել

Պարբերաբար զանգահարել է նախկին կնոջը, հայհոյել նրան, ապա բենզինը լցրել դռան վրա, հրկիզել ու դիմել փախուստի. ՔԿ