Երևան
6 °C
Ինչպես կարող է լուրջ սպան նման հայտարարություն անել. վայր դրեք ձեր ուսադիրները: «Հայկական ժամանակ»-ի հետ զրույցում նման կարծիք հայտնեց ազատամարտիկ, ՀՀ ռազմական ոստիկանության առաջին պետ, գնդապետ Հովհաննես Հարությունյանը՝ անդրադառնալով ՀՀ զինված ուժերի գլխավոր շտաբի հայտարարությանը:
Հիշեցնենք, որ փետրվարի 25-ին ԶՈՒ գլխավոր շտաբի գրեթե ողջ ղեկավար կազմը հայտարարություն էր տարածել՝ պահանջելով վարչապետի հրաժարականը: Դրանից հետո վարչապետը հայտարարեց, որ սա համարում է հեղաշրջման փորձ, իսկ հանրային տիրույթում քննարկվում էր այն հարցը, որ բանակը, ըստ էության, իր գործունեությունից դուրս է գալիս եւ քաղաքական հայտարարություն է անում: Մյուս կողմից տեսակետներ հնչեցին, թե սպաները եւս իրավունք ունեն կարծիք հայտնելու:
Թեմայի վերաբերյալ «Հայկական ժամանակ»-ը զրուցել է Հովհաննես Հարությունյանի հետ:
- Պարոն Հարությունյան, որպես նախկին զինվորական՝ ինչպե՞ս եք վերաբերում ԶՈՒ գլխավոր շտաբի հայտարարությանը։ Ձեր կարծիքով՝ ի՞նչն է դրդել, որ նման հայտարարություն անեն։
- Այդ հայտարարությունն ի սկզբանե գլխավոր շտաբի պետին եւ մնացած բոլոր գեներալներին, սպաներին ոչ սազական էր եւ ապօրինի: Լավ է չեն ասել, թե դա ինքնաբուխ է եղել: Մենք լավ գիտենք, թե այսպիսի հայտարարություններն ինչպես են լինում, քանի որ նրանք դեռ նախկին իշխանությունների հետ կապեր ունեն: Իմ կարծիքով՝ նրանց հրահանգել են դա անել, եթե հրահանգած չլինեին, ապա ինչո՞ւ էին այդ հայտարարությունից քիչ հետո ասում, թե իրենց չեն ուղղորդել, լավ է չասացին՝ «պապայի արեւ, ինձ ոչ մեկը չի ուղղորդել»: Որոշ մարդիկ էլ, այդ թվում՝ նախկին ԳՇ պետ Արտակ Դավթյանը, ասում են, թե մարդիկ կարող են իրենց կարծիքը հայտնել, դրա մեջ հեղաշրջման փորձ չկա: Բանակը ի՞նչ իրավունք ունի խառնվելու քաղաքական խնդիրներին: Եվ վերջապես, բանակն ունի իր գերագույն գլխավոր հրամանատարը, պատկերացնո՞ւմ եք՝ մի պետության մեջ հանկարծ զինվորականները հայտարարություն են տարածում, դա պարզ ու կոնկրետ նշանակում է հեղաշրջման փորձ: Սա կարծիք չէ, Գլխավոր շտաբը միայն մի անելիք ունի՝ պահպանել մեր պետական սահմանները: Նրանք պարտավոր են միայն դա անելու եւ պահպանելու երկրի անդորրը, սահմանները, այն էլ՝ այս լարված իրավիճակում: Հազարավոր մարտահրավերներ կան, իսկ ինչ-որ շտաբի պետ, չհասկանալով, որ գործ չունի քաղաքականության հետ, հայտարարություն է անում: Ձեր կարծիքը միայն մեկն է՝ ծառայել երկրին, ժողովրդին, ուրիշ խնդիր դուք չունեք անելու: Սա հեղաշրջման փորձ է, որը պետք է պատժվի: Մենք էլ ենք ծառայել, բայց երբեք չենք ունեցել վերին հրամանատարներ, որ մեզ հրաման տան խառնվել քաղաքական գործընթացներին:
- Քաղաքական իշխանության արձագանքը այդ հայտարարությանը, ըստ ձեզ, համարժե՞ք էր։
- Իհարկե, համարժեք էր, այլ բան անելն առնվազն անհասկանալի կլիներ: Բազմահազարանոց ժողովուրդը երեկ ծափահարում էր վարչապետի հայտարարությունների ժամանակ: Միայն այդ ժողովուրդը չի ծափահարել, տանը նստած էլ են մարդիկ ծափահարել:
- Ճանաչո՞ւմ եք հայտարարության տակ ստորագրած սպաներին, ի՞նչ կարծիք ունեք նրանց մասին։
- Ես այնտեղ մարդկանց ազգանուններ եմ կարդացել, որ պարզապես զարմանում եմ: Այդ մարդիկ պատերազմից առաջ, պատերազմի ընթացքում նման ձեւով չէին մտածում: Մի մասն ասում է՝ գիտես՝ ԳՇ պետի տեղակալին են հանել, հերոս է: Ի՞նչ գործ ունեք դուք քաղաքականության հետ: Այդ սպաների մեծ մասը կամակատարներ են եղել: Ինչպես կարող է լուրջ սպան, ով հասկանում է քաղաքական ներկա վիճակը, մարտահրավերները, նման հայտարարություն անել: Դուք գժվե՞լ եք, վայր դրեք ձեր ուսադիրները, գնացեք զբաղվեք այլ գործով:
- Վարչապետը հայտարարել է, որ բանակի վերակազմավորման գործընթաց է սկսվել, ի՞նչ քայլեր պիտի ձեռնարկել դրա համար, եւ եթե այս սպայակազմը որոշի ազատվել աշխատանքից, համարժեք կադրեր ունե՞նք:
- Ցանկացած հրամանատար անփոխարինելի չէ: Չի լինի ինքը՝ կլինի տեղակալը, նրանք հավերժ չեն: Եթե այդպես նայենք, ուրեմն նույնիսկ ամենալավ, ասենք, կորպուսի հրամանատարը պիտի մինչեւ իր կյանքի վերջ ծառայի, որովհետեւ լա՞վն է: Նրան փոխարինելու են ավելի երիտասարդները, ավելի նորմալ մարդիկ, ովքեր թքած ունեն քաղաքականության վրա եւ իրենց առջեւ տեսնում են միայն այդ սուրբ պարտականությունը՝ պետությանն ու ժողովրդին ծառայելը: Օնիկ Գասպարյանի քայլը դավաճանական է ոչ միայն պետության, այլեւ ամբողջ հայ ժողովրդի հանդեպ: Հայ ժողովուրդը գիշեր-ցերեկ հետեւում է երկրի անցուդարձին, ապրում այս կյանքով, դու չե՞ս մտածում, թե ինչ ես անում:
- Ինչո՞վ կավարտվի ԳՇ-ի շուրջ ստեղծված այս լարված իրավիճակը, եւ ինչպե՞ս եք տեսնում այս հարցի հանգուցալուծումը։
- Հանգուցալուծումը շատ պարզ է, որեւէ մեկը թող այն չբարդացնի՝ սկսած երկրի նախագահից: Հանկարծ թող չմտածեն, որ որեւէ մեկն այս երկրում անփոխարինելի է եւ դեռ մի բան էլ կասկածի կամ դիմի Սահմանադրական դատարան: Շատ հստակ հարց է դրված՝ մարդը խառնվել է քաղաքականության մեջ, մարդը անվստահություն է հայտնում, ինչպիսի իրավիճակ էլ լինի երկրում, իրենց գործը մեկն է՝ սուրբ պարտականությունը իրենց ժողովրդի եւ պետության հանդեպ:
- Կարելի՞ է համարել, որ այդ սպայակազմը՝ ի դեմս Օնիկ Գասպարյանի, միացել են ընդդիմությանը, եւ հնարավոր համարո՞ւմ եք, որ առաջիկայում Օնիկ Գասպարյանին ընդդիմադիրների շարքում տեսնենք։
- Օնիկ Գասպարյանը միակը չէ եւ վերջինը չէ, ունենք նաեւ ԱԱԾ նախկին տնօրեն, ով մտավ քաղաքականություն: Գնա, հեռացիր պաշտոնից, մտիր քաղաքականություն, ուզում ես՝ ընդդիմադիր դարձիր, ուզում ես՝ դիմադիր: Դու քո վրա դրած պարտականությունը չես կատարել: Դա կլինի իր տեղակալին հեռացնելու համար, թե «Իսկանդեր»-ի պայթել-չպայթելու հետ կապված, դրանց բոլորի մեղավորը իրենք են: Վարչապետը ո՛չ «պուլիմյոտչիկ» է, ո՛չ «լյոտչիկ» եւ ո՛չ էլ՝ «Իսկանդեր» կրակող: Դուք եք կրակել, ի՞նչ է, վարչապետը պիտի փորձարկի դա:
- Այսինքն, ըստ ձեզ, դեռ մի բան էլ Գլխավոր շտաբը պե՞տք է հաշվետու լինի պատերազմից հետո:
- Իհարկե, իրենց հայտարարությունից ես հասկանում եմ, որ դեմ են, վարչապետի հրաժարականն են պահանջում, բայց իրենք պետք է հաշվետվություն տան: Երկրի վարչապետը զորահավաք անողը չէ, զորահավաքը դուք եք արել, դուք եք մեղավորը զորահավաքի համար, դուք եք պատասխան տալու ամեն ինչի համար: Ասացինք՝ մեր բանակը լավն է, բայց սա ի՞նչ է նշանակում: Ես հենց ուղիղ մեղադրում եմ եւ ասում՝ ԳՇ-ն պետք է հաշվետվություն տա ամեն ինչի համար: Ամեն մեկն իր օղակում պետք է ասի՝ ինչո՞ւ ենք պարտվել: Ժողովուրդն այսօր բանակին չի վարձատրում՝ քաղաքական խաղերով զբաղվելու համար: Ժողովուրդն իր հարկերից բանակին վարձատրում է երկիրը պաշտպանելու համար: Պետք է մեր անվտանգությունը պահեն, ոչ թե մի քանի հոգով կարծիք հայտնեն ու բենզին լցնեն այս վիճակում:
Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)
Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին
Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը
Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան
Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ
ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել
Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին
Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը
ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է
Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը
Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ
Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը
Ինչ իրավիճակ է ՀՀ ճանապարհներին ժամը 20։00-ի դրությամբ
Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար
Երկու երիտասարդ վիճել են տաքսու վարորդի հետ, ապա դանակահարել ուղևորին
Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը
Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ
Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր
Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին
ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը
Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին
Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր
Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում
Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ
ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը
Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները
Շիրակի մարզպետարանի կալանավորված պաշտոնյաների լիազորությունները կասեցվել են
Ինչ իրավիճակ է Ստեփանծմինդա-Լարս ավտոճանապարհին
Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ
Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ
Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ
Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին
Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին
Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել
Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով
Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ
Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս
Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի
36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան
Աշխարհի Գավաթում Հայաստանը կներկայացնի 5 ծանրորդ
© 2024 Հայկական ժամանակ