Մահացած երեխայի խորթ պապը պատմում է՝ հարսը հաճախ է ծեծել երեխային

11/02/2021 schedule11:46

Արյունոտ մանկական անկողին, հագուստ ու չաշխատող լվացքի մեքենա. սրանք այն իրեղեն ապացույցներն են, որ առգրավվել են Նոր Խարբերդի բնակարաններից մեկում: Մոր, խորթ հոր եւ խորթ տատի կողմից դաժան ծեծի հետեւանքով օրեր առաջ մահացել է դեռ 2 տարին չբոլորած Ս. Ս.-ն: Լուրը հայտնել էր ՀՀ քննչական կոմիտեն:

Ըստ ՔԿ-ի՝ փոքրիկը Մասիսի ԲԿ է տեղափոխվել արդեն մահացած, եւ երեխայի դիակի արտաքին զննությամբ հայտնաբերվել են կապտավուն գույնի բազմաթիվ արյունազեղումներ եւ քերծվածքներ, իսկ կատարված դիահերձմամբ գլխուղեղին հայտնաբերվել է տարածուն արյունազեղում, կողմնային փորոքներում՝ հեղուկ արյուն: Ըստ դատաբժշկի եզրակացության՝ երեխայի մահը վրա է հասել գլխուղեղի տրավմատիկ ախտահարումից գանգուղեղային փակ տրավմա ստանալու հետեւանքով:

Երեխայի խորթ պապիկը՝ Զ. Զոհրաբյանը, ՀԺ-ի հետ զրույցում պատմեց, որ տղան՝ Ռազմիկը, եւ հարսը՝ Արուսիկը, միասին են բնակվել 2020թ. նոյեմբեր ամսից, իսկ իրենց վագոն-տնակ են տեղափոխվել դեկտեմբեր ամսի վերջից: Իրենք հաշտ են եղել, թեեւ տնակում բնակվել են 7 հոգով՝ ինքը, կինը՝ Նունեն, երկու դուստրերը, Ռազմիկը, Արուսիկը եւ վերջինիս 2-ամյա որդին: Վագոն-տնակի արտաքին տեսքը վկայում էր ընտանիքի ծանր սոցիալական պայմանների մասին: Ընտանիքի հայրը՝ Զոհրաբը, եւ որդին՝ Ռազմիկը, աշխատում են աղբի հավաքմամբ զբաղվող մասնավոր ընկերությունում, իսկ կինը՝ Նունեն, կենցաղային մաքրությամբ է զբաղվում:

Զոհրաբյանն ասաց, որ որդին՝ 31-ամյա Ռազմիկը, թերհաս է, սակայն որեւէ տեղ հաշվառված չէ: Պատմեց, որ երեխային որդին եւ հարսը հաճախ են ծեծել, իսկ գիշերները երբեմն մտցրել են չաշխատող լվացքի մեքենայի մեջ: Պատճառն այն է եղել, որ երեխան չար էր, հանգիստ չէր քնում: «Ես միշտ տղուս ու հարսիս ասել եմ, որ երեխային տենց չեն խփում: Ասել եմ՝ տենց մի օր տալու եք, այդ երեխային մի բան անեք, մնա ձեր վրա»:

Նա ասաց, որ շատ է փորձել թույլ չտալ, որ երեխայի հետ այդպես վարվեն, բայց հարսը եւ որդին ասել են, որ դա իրենց գործն է եւ խնդրել չխառնվել իրենց կյանքին. «Դեպքի օրը երեխայի մայրը եւ տատիկը «դիմիդրոլ» են տվել, որ քնի, հետո տատիկը՝ կինս, արթնացավ, տեսավ, որ երեխան լավ չէ...: Գիշերը էրեխուն բերեց դրեց կողքս, երեխան երկար քնած էր, մտածեցինք՝ «դիմիդրոլ»-ի ազդեցությունն է, սակայն երբ 10:30-ի շրջակայքում նկատեցի, որ էրեխան խռխռացնում է, ասացի՝ եկեք բժիշկ կանչենք, Արուսիկը չթողեց, երբ աստիճանաբար փոքրիկի ինքնազգացողությունը վատացավ, 2 ժամ հետո նոր շտապօգնություն կանչեցին եւ տարան Մասիսի ԲԿ»: 

Խորթ պապիկը ասում է, որ չի տեսել մեկ այլ դեպք, երբ երեխային «այդ կարգի» հարվածեն. «Ախր, սկի մեծին տենց չեն ծեծում: Չորս երեխա ունեմ, մի օր տենց չեմ խփել, դե գիտեք, բոլորն էլ իրենց երեխաներին խփում եմ, ծնող չկա, որ երեխուն չծեծի, բայց որ հիվանդանոցում էդ երեխու մեջքի կապույտը տեսա... ազնիվ խոսք, չէի պատկերացում: Դատաբժիշկն էլ երեխուն նայեց, ասաց՝ «դիմիդրոլ»-ից չի, գլխի հարվածից է, ախր, երեխու ամբողջ դեմքը կապտած էր, ասում էի՝ շուտ տարեք հիվանդանոց, չլսեցին: Ինչ ասեմ, ականջը ճղվել էր, տեղաշորը արյուն էր, չէի իմացել, որ արյուն է գալիս, նաեւ քննիչից եմ իմացել, որ լվացքի մեքենան են կոխել երեխուն: Ինչի տենց բա՞ն են անում: Երեխեն ի ծնե ոտքի խնդիր ուներ, լավ չէր քայլում, մի օր էլ դուրս էր եկել, ընկել էր դրսի վաննայի մեջ, չէին իմացել, ես տեսա՝ արյունլվիկ է, նոր ձեն տվեցի, եկան, էլի ասացի՝ ուշադիր եղեք, տենց երեխա չեն պահում»:

Զրուցեցինք նաեւ Արուսիկի մոր՝ Ս. Կոստանյանի հետ, որն ասաց՝ «Դե դեպք է, պատահել է, հիմա ինչ էլ անենք, հո մեր երեխուն հետ չենք բերի: Ախր, շատ չար երեխա էր»: Նշեց՝ աղջկա ընտանեկան հարցերին չի խառնվել. «Իմ բնակարանը այստեղ է՝ Խարբերդում, բայց ես Հոկտեմբերյանում եմ ապրում, նույնիսկ Նոր տարուն հյուր չեն եկել, իմացա սենց բան ա եղել՝ եկա»: Հարցին՝ արդյոք մինչ Արուսիկի ոստիկանություն հրավիրվելը եւ ձերբակալվելը հասցրե՞լ է տեսնել դստերը, ի՞նչ է պատմել, ասաց, որ աղջիկը հուզված տեսք ուներ, նորմալ չէր էլ խոսում: 

Երկամյա Ստյոպայի հայրը Գյումրիից է, տատիկը , տեղյակ չէր՝ հայրը դեպքի մասին գիտի, թե ոչ:

Զրուցեցինք նաեւ Զոհրաբյանների հարեւանուհի Ս. Պողոսյանի հետ: Ասաց, որ ինչպես մյուս հարեւանների, այնպես էլ Զոհրաբի եւ Նունեի հետ էլ շփում չունի. «Ռազմիկը գնաց Ռուսաստան, իրան գործի դրեցին, բայց չգիտեմ ինչու՝ չհարմարվեց, ետ եկավ: Այստեղ գիշերօթիկ դպրոց է հաճախել»:

Երբ ոստիկանությունից եկել են արձանագրություն կազմելու, գյուղապետն ասել է, որ իրենք էլ գնան տեսնեն. «Գնացի տուն, տեսա երեխայի վերմակի վրա արյան հետքեր կային: Լվացքի մեքենայի արյան հետքերն էլ տեսա: Անկողինն էլ, լվացքի մեքենան էլ տարան»:

Համայնքի ղեկավար Կամո Կակոյանն ասաց, որ հարսի այդ տանը բնակվելու մասին համայնքին տեղյակ չեն պահել: Երեխան համայնքում հաշվառված չի եղել: Ընտանիքը երբեմն դիմել է համայնքին եւ օգնություն է ստացել. «Ռազմիկը անձնագիր չի ունեցել, օգնել եմ՝ ստանա, որ կարողանա բանակ գնալ, բայց չեն տարել, ինչ պատճառով՝ չգիտեմ, արտաքուստ ֆիզիկական խնդիրներ չունի: Ինձնից մոտ 10 օր առաջ ոստիկանությունից Ռազմիկի բնութագիրն են պահանջել: Ես էլ սովորական բնութագիր եմ գրել, տվել եմ, չեմ հետաքրքրվել, թե ինչու են ուզել, ինձ բան չեն ասել: Ոչ մեկի անձնական ընտանիք չեմ մտնում, ինչ գործ ունեմ: Այլ մանրամասներ չգիտեմ»: 

Մանկահասակ երեխայի 19-ամյա մայրը, 30-ամյա խորթ հայրը եւ 41-ամյա խորթ տատը ձերբակալվել են խմբով՝ երեխայի առողջությանը դիտավորությամբ ծանր վնաս պատճառելու եւ անզգուշությամբ նրա մահն առաջացնելու կասկածանքով: Ըստ ոստիկանության՝ երեքն էլ տվել են խոստովանական ցուցմունքներ:

Դեպքի առթիվ հարուցվել է քրեական գործ՝ ՀՀ քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառել) 2-րդ մասի 6-րդ եւ 14-րդ կետերով եւ ՀՀ ՔՕ 109 հոդվածով՝ (անզգուշությամբ մահ պատճառել):

Նրանց փաստաբանը երեկ հրաժարվեց պատասխանել մեր հարցերին:

Աննա Ավետիսյան

Տպել
6174 դիտում

«Եվ Սասունը նորի՜ց պարեց, ոտքը զարկեց, ձեռքով արեց»․Դաշտադեմի ամրոցում տեղի է ունեցել ազգային երգ ու պարի փառատոն

Գոռ Կարապետյանը՝ պատանիների ձյուդոյի Եվրոպայի առաջնության արծաթե մեդալակիր

Շոյգուն ժամանել է Ուկրաինայի՝ ռուսական զորքի վերահսկողության տակ գտնվող տարածք

Գեղարքունիքի մարզում բախվել են «ՈՒԱԶ»-ն ու «ՎԱԶ 21099»-ը. վիրավորներից մեկը ժամեր անց շտապօգնության մեքենայում մահացել է

Չորրորդ իշխանությունը պետք է պատասխանատվության իր բաժինը գիտակցի. Արման Բաբաջանյանը դիմել է վարչապետի աշխատակազմին

Արարատ Միրզոյանը վաղը կմեկնի Աթենք

Բայդենն ու Շոլցը հավատարիմ են Ուկրաինային ռազմական աջակցություն ցուցաբերելուն. Սպիտակ տուն

Ստեփանակերտում խստացված ռեժիմով ծառայություն է անցկացվել․ ԱՀ ՆԳՆ

Հրդեհ Արևաբույր գյուղի տներից մեկին հարակից անասնագոմում

G7-ի երկրները արգելք կսահմանեն ՌԴ-ից ոսկու ներմուծման վրա. Բայդեն

Կարկտահարություն Մարտակերտի վերին ենթաշրջանում. կարկուտի շերտը հասել է 5սմ-ի

Բասկետբոլի SADA CUP. Հայաստանի հավաքականը հաղթեց ԱՄՆ-ին

Արևմուտքը մնում է համախմբված և միասնական. Գերմանիայում մեկնարկում է G7-ի գագաթնաժողովը

Հրդեհ է բռնկվել Կապան քաղաքի շենքերից մեկի նկուղային հարկում

Սպասվում է կարճատև անձրև. առաջիկա օրերի եղանակային կանխատեսումը

Բայդենը զենքի շրջանառության վերահսկողությունը խստացնելու մասին օրենք է ստորագրել

28-ամյա վարորդը Ջրվեժում 20 մետր բարձրությունից ընկել է և հայտնվել ձորակում

«Եվրատեսիլ-2023»-ը չի անցկացվելու Ուկրաինայում

Լուսագյուղ-Երասխահուն հատվածում երթևեկությունը դեռևս իրականացվում է մեկ գոտիով

23-ամյա երիտասարդը Ցեղասպանության թանգարանի բարձրությունից ցած է նետվել. նրա հեռախոսում հայտնաբերվել է հաղորդագրություն

Ստեփանակերտում վարորդը «ՎԱԶ-2121»-ով վրաերթի է ենթարկել 60-ամյա բնակչուհուն

Շրջակա միջավայրի նախարարի տեղակալը մասնակցել է քննարկման՝ ուղղված Սևանա լճի հարակից տարածքների զբոսաշրջային պոտենցիալին

Մարդու իրավունքների պաշտպանի ուղերձը խոշտանգման զոհերի աջակցության միջազգային օրվա առթիվ

Սկսվում է ընդունելության լրացուցիչ փուլի հայտագրումը․ ովքեր կարող են մասնակցել

Մոսկվայում հարյուրավոր մարդիկ վերջին հրաժեշտն են տալիս Յուրի Շատունովին (տեսանյութ)

«Կոռուպցիա 2․ Հատուցում» ֆիլմում Հիսուսի կերպարը ծաղրելու համար ԱՄՆ-ում ծեծել են դերասան Սոս Կարապետյանին (տեսանյութ)

3 օրում փրկարարները բռնել են 7 սահնօձ, 1 գյուրզա և շահմար

Ստացի՛ր քո եռագույն շապիկն ու միացի՛ր. ՀՀ պետական խորհրդանշանների օրվան նվիրված տոնական քայլերթը՝ հուլիսի 5-ին

Արաբկիրում կազմակերպվել է մեծ շաբաթօրյակ (լուսանկարներ)

27-ամյա վարորդը ավտոմեքենայով բախվել է գովազդային վահանակին, ապա կայանված «Մազդա»-ին, վերջինս էլ՝ «Հոնդա»-ին

ՌԱԿ-ն իր պատմությամբ ու անցած ճանապարհով ապացուցել է կենսունակությունը. ՀՀ վարչապետ (տեսանյութ)

Կայծակի հարվածը Արագածի լանջերին. Գագիկ Սուրենյանը տեսանյութ է հրապարակել

Վարչապետը առցանց ասուլիս կտա. հայտնի են օրն ու ժամը

Մուշավան գյուղի մոտակայքում տեղի է ունեցել ՃՏՊ՝ ավտոմեքենան շրջվել է

Հնարավո՞ր է՝ մեր հեռախոսահամարները հրապարակվեն, գուցե գեղեցիկ աղջիկները տեսնեն ու զանգեն. «Ջերմուկյան էսքիզներ»

Ինչպես ենք կարողանում վնասել այն, ինչը ստեղծելու խնդիր ունենք․ Անդրեասյանը՝ դպրոցներից մեկում կատարված գողության մասին

ՀՀ ԱԳՆ-ն մեկնաբանել է Փաշինյան-Պուտին հանդիպման 2022թ․ ապրիլի 19-ի համատեղ հայտարարության 24-րդ կետը

Հայաստանն ու Լիտվան պատրաստվում են միջկառավարական հանձնաժողովի նիստին

Էջմիածնի բնակիչը երթուղայինում բջջային հեռախոս է գողացել

ԵՏՄ անդամ Հայաստանը պատրաստ է աջակցել հայկական շուկա մտնելու ցանկություն ունեցող ավստրիական ընկերություններին․ Սիմոնյան