Գործելաոճը և դերակատարները նույնն են. մարդկանց հանրահավաքի գնալն արգելողներից՝ սպառնալիքով հրապարակ տանողներ. Ա. Դավոյան

Երկրորդ օրն է՝ ՀՀ վարչապետի հրաժարականը պահանջող 17 քաղաքական ուժերը նստացույց են սկսել Հանրապետության հրապարակում: Թեեւ գիշերը այնտեղ եղել են շատ փոքր թվով մարդիկ, որոնց մեջ շարժման ղեկավարությունից ոչ ոք չի եղել, սակայն վրանները շարունակում են մնալ հրապարակում:

Ինչպես նախօրեին, այնպես էլ երեկ ընդդիմության հանրահավաքները շարունակել են աչքի ընկնել սպառնալիքներով ու հայհոյախոսությամբ: Դրանք հիմնականում ուղղվում են ԱԺ «Իմ քայլը» խմբակցության պատգամավորներին, որպեսզի խմբակցությունը անվստահություն հայտնի վարչապետին, ընտրի նոր վարչապետ: Մեր հարցերին պատասխանել է իշխող  խմբակցության անդամ Արփի Դավոյանը:

- Տիկին Դավոյան, 17 քաղաքական ուժերը նախօրեից նստացույց են սկսել վարչապետի հրաժարականի պահանջով, իրենց այդ նպատակին հասնելու ճանապարհին ճնշումներ են սկսել նաեւ «Իմ քայլը» խմբակցության պատգամավորների նկատմամբ: Նախօրեին, օրինակ, մինչեւ 18:00-ն ժամանակ տվեցին, որպեսզի ձեր խմբակցությունից որեւէ պատգամավոր մոտենա, քննարկվեն հնարավոր քայլերը: Ինչո՞ւ չգնացիք:

- Հրապարակում հավաքված մարդիկ նախեւառաջ իրենց խոսքերին պետք է հետեւեն, պետք է հասկանան, թե ինչպիսի տեքստերով են փորձում  «հրավիրել» երկխոսության: Երկխոսության չեն հրավիրում բռնության կոչեր անելով եւ վերջնագրեր ներկայացնելով. որեւէ երկխոսություն սկսելուց առաջ մարդիկ պետք է հասկանան՝ ինչպես դիմել: Իրենք շատ լավ հասկանում էին, նախապես գիտեին, որ «Իմ քայլը» խմբակցությունից ոչ ոք չի գնալու հրապարակ: Այդ հայտարարությունը պարզապես իրենց չեղած օրակարգի մաս էր կազմում: Դա ասում էին, որ հանրությունը տեսնի, որ իրենք ասելիք ունեն, մշակած քայլեր ունեն:  

- Նախօրեին հրապարակում բավարարվեցին խմբակցության պատգամավորների անունները ընթերցելով՝ ընդգծելով, որ ՀՀ քաղաքացիները ազատ են իրենց գործողություններում, իրենց որոշումներում՝ ստիպելու  գումարել վարչապետի հրաժարականի հարցով խորհրդարանի նիստ: Ինչպե՞ս կվարվեք, եթե իրագործեն սպառնալիքը, հրապարակեն ձեր եւ մյուս պատգամավորների հեռախոսահամարները:

- Մեր պատգամավորներից որեւէ մեկը իր հեռախոսահամարը երբեք չի թաքցրել: Մեր ընտրողները մեր հեռախոսահամարները գիտեն, մարդիկ մեզ զանգում են տարբեր հարցերով: Հետեւաբար դա շատ էժանագին սպառնալիք է, իրենք են ժամանակին իրենց հեռախոսահամարները թաքցրել, որ որեւէ մեկը չկարողանա կապ հաստատել իրենց հետ: Նորից եմ ասում, երբ որ երկխոսության հրավիրող քաղաքական ուժը իր հաջորդ խոսքի մեջ ներառում է սպառնալիք, հնչում է բռնության կոչ, երբ հայհոյախառն ելույթներ են ունենում, հետո ուզում են խոսել, դա երբեւէ որեւէ արդյունքի չի բերելու: Բոլորն էլ հասկանում են, որ նրանց ելույթները չարություն տարածելու համար են:

- Բացառո՞ւմ եք, որ իշխող խմբակցությունից որեւէ պատգամավոր նրանց սպառնալիքներին տուրք տալով գնա նրանց հետ համագործակցության կամ համենայնդեպս երկխոսության:

- Իհարկե բացառում եմ: Մարդիկ մեզ իրենց ձայնը տվել են՝ իրենց խնդիրներով զբաղվելու համար: Հետեւաբար որեւէ մեկը մեզ չի կարող որեւէ սպառնալիքի տակ ստիպել գնալ որեւէ քաղաքական գործընթացի:

- Հրապարակի ամբիոնից ոչ միայն պատգամավորների նկատմամբ էին սպառնալիքներ հնչում, այլ վարչապետի: Այդ շարժման լիդերներից մեկը հայտարարում էր, որ «Նիկոլի հետ հաշվեհարդար տեսնելու պատվերը հայ ժողովրդինն է», «Թեհլերյանները հազարավոր են, միլիոնավոր են», եթե ժամանակին Թեհլերյանին արդարացրեցին, ապա Փաշինյանին սպանողին հերոսի կոչում են տալու: Ի՞նչ եք կարծում՝ այս ընդդիմությունը ընդունա՞կ է Հոկտեմբերի 27 կազմակերպել:

- Ես ցավում եմ, որ այդ մարդիկ Թեհլերյանի անունը հիշատակում են այս կոնտեքստում: Անհամեմատելի են դեպքերը: Թեհլերյանը մի քայլ է արել, որի մասին այն ժամանակ խոսել է ամբողջ աշխարհը: Էդ մարդիկ ուղղակի չունեն խոսքի մշակույթ, չունեն փաստարկ, թե ինչու պետք է իրենց պահանջը կատարվի, եւ հետեւաբար նրանց ոչինչ չի մնում անել, քան սպառնալիք հնչեցնել: Վստահ եմ, որ մեր իրավապահ համակարգը կտա իր գնահատականը, դրա համար ես չեմ ուզում էդ մարդկանց նման իրենց պատասխանել, ես նման խոսքեր չեմ կարող ինձ թույլ տալ. նրանք խոսում են այնպես, ինչպես մտածում են, նրանք էդ մարդիկ են եւ այդպիսին են եղել իրենց ամբողջ կյանքում, այդպես են գործել ժամանակին եւ հիմա ուզում են նունկերպ ինչ-որ բաների հասնել:

- Ստացվում է, որ Հայաստանում հիմա ունենք ընդդիմություն, որը կարող է մարդկանց հանրահավաքի տանել աշխատանքից ազատելու սպառնալիքի տակ, պատգամավորներին, վարչապետին սպառնալ եւ, փաստորեն, մնալ անպատիժ: Սա շատերին, որոնք համամիտ չեն նրանց հետ, ստիպում է ինքնադատաստանի մասին խոսել: Այս ամենը անիշխանություն չէ՞: Բավարա՞ր եք համարում իրավապահ համակարգի գործողությունները այս ամենի հետ կապված:

- Իրավապահ համակարգը աշխատում է, նրանք կտան իրենց գնահատականը եւ նրանց գնահատականը մենք կտեսնենք: Ես չեմ շտապի որեւէ գնահատական տալ: Բոլորը լսում են, ժողովուրդը իր գնահատականն է տալիս, իրավապահ համակարգն էլ կտա իր գնահատականը: Ինչ վերաբերում է սպառնալիքով հանրահավաքի բերելուն՝ տարիներ շարունակ մարդկանց իրավունքները ոտնահարել են, թույլ չտալով մասնակցել հանրահավաքների կամ բողոքի ակցիաների, հիմա էլ ստիպողաբար եւ սպառնալիքներով հրամայում են գնալ իրենց կազմակերպած հանրահավաքներին, իսկ գործելաոճը եւ գլխավոր դերակատարները նույնն են։

- Որքան հասկանում եմ խմբակցության առանձին անդամների հայտարարություններից՝ այս առումով դժգոհ են ՄԻՊ ինստիտուտի գործունեությունից: Ճի՞շտ եմ հասկանում:

- Կարող եմ ասել, որ մարդու իրավունքների պաշտպանը լրիվ կողմնակալ է դրսեւորում իրեն  այս պարագայում, իր հայտարարություններում իմ գնահատմամբ նա կողմնակալ է, հետեւաբար չեմ էլ ուզում անդրադառնալ նրա հայտարարություններին:

- Տիկին Դավոյան, ի՞նչ եք կարծում՝ ինչպիսի՞ն պետք է լինի պատասխանը, եթե ընդդիմությունը հակասահմանադրական քայլերի դիմի:

- Հակասահմանադրական քայլերը ամեն կերպ պատժվելու են օրենքի ամբողջ խստությամբ:

- Իշխանության հանձնում որեւէ պարագայում քննարկվո՞ւմ է իշխանության ներսում:

- Հայաստանի Հանրապետությունում իշխանությունը տրվում է ընտրությունների միջոցով՝ արտահերթ կամ հերթական: Դա միակ սահմանադրական ճանապարհն է՝ իշխանություն ձեւավորելու: Մենք խոսել ենք արտահերթ ընտրությունների մասին, որեւէ բան չենք բացառում: Մենք բացառում ենք քաղաքացու տված իշխանության ուղղակի հանձնումը:

Տպել
2686 դիտում

Ուսուցչի լավակեցությունը պետք է դառնա նրա մասնագիտական շարունակական զարգացման քաղաքականության մաս. Ժաննա Անդրեասյան

Հայտնի է՝ որքան մարդ է այսօր մասնակցել ընդդիմության հանրահավաք-երթին

Ընդդիմությունը վախենում է իշխանությունից, դրա համար էլ վարչապետին հարց չի կարողանում տալ. Գևորգ Գորգիսյան

Չինական ընկերությունը ցանկություն ունի Հայաստանում ներկայանալ ոչ թե դուստր ընկերություններով, այլ՝ ավելի մասշտաբային

Հարթավան-Քուչակ ավտոճանապարհին մեքենան սահել է հարակից ձորակը և հրդեհվել

ԱՀԿ-ն բարձր է գնահատել Հայաստանի կառավարության՝ առողջապահության ոլորտը գերակա ուղղություն ճանաչելու ջանքերը

Արծաթե հուշադրամի թողարկում, կիսանդրու տեղադրում, համերգային ծրագրեր. Օհան Դուրյանի 100-ամյակը ՀՀ-ում կնշվի մեծ շուքով

Բռնցքամարտի ԵԱ. Ռաֆայել Հովհաննիսյանը մեկնարկել է վստահ հաղթանակով

Ներկայիս եղանակը կորիզավոր պտղատու ծառատեսակների ծակոտկեն բծավորությամբ վարակվելու բարենպաստ միջավայր է ստեղծում

Հայաստանն այն եզակի երկրներից է, որտեղ կլիմայական հիմնախնդիրների լուծման նպատակով բարձր մակարդակի խորհուրդ է ձևավորվել

Խուժան չենք՝ գողանանք. Գեղասահքի ֆեդերացիայի նախագահին մեղադրում են յուրացման համար, պատգամավորը դիմել է ոստիկանություն

Գորիսի բժշկական կենտրոնը ժամանակակից ռենտգեն սարք է ստացել

Գարեգին Նժդեհի հրապարակում «Դիմադրություն» շարժումը հանրահավաք է անցկացնում

Օտարերկրացին մաքսանենգ ճանապարհով Հայաստան է հասցրել 950 գ հերոին և 1 կգ մեթամֆետամին

Հանրապետության առանձին լեռնային գոտիներում սպասվում է օդի ջերմաստիճանի անկում. առաջիկա օրերի եղանակային կանխատեսումը

Տնտեսական աճը եռամսյակի արդյունքում 8.6 տոկոս է, սա շատ կարևոր է. Նիկոլ Փաշինյան

ՀՀ նախագահը Անկախության օրվա առթիվ շնորհավորական ուղերձ է հղել Հորդանանի թագավորին

Նախորդ տարիների դառը փորձը հաշվի առնելով՝ Կառավարությունն այս տարի որոշում է կայացրել. Քերոբյանը՝ խաղողի մթերման մասին

Ընդդիմության կողմից կազմակերպված հավաքի մասնակիցներին թմրամիջոց իրացնելու գործով կա ձերբակալված (տեսանյութ)

Ասեք, վերջապես, մեր պատկերացումները խաղաղության վերաբերյալ. պատգամավորի հարցը՝ ԱԳ նախարարին

Դա խայտառակ շոու էր. Միրզոյանը՝ ընդդիմադիրների՝ ԱԳՆ-ում կազմակերպած ակցիայի մասին

Թալին համայնքում ավագանու արտահերթ ընտրությունները կանցկացվեն սեպտեմբերի 25-ին

Բացահայտվել են ՔՏՀԱ տեսչական մարմնի պաշտոնյայի կողմից պարբերաբար կաշառք ստանալու դեպքեր. նախաքննությունն ավարտվել է

«Մադրիդյան սկզբունքների» նախաձեռնության հեղինակը հայկական կողմն է. վարչապետը փակագծեր է բացում

ՊՆ վարչական համալիրում անցկացվել են վերապատրաստման դասընթացներ

Բրյուսելում անկլավների հարց չի քննարկվել, մենք արձանագրել ենք, որ Արծվաշենը դե յուրե Հայաստանի տարածք է. Փաշինյան

Դոլարն ու եվրոն շարունակում են արժեզրկվել. ՀՀ կենտրոնական բանկը հրապարակել է նոր փոխարժեքներ

ՀՀ ԿԳՄՍ նախարարությունն ու Բրիտանական խորհուրդը փոխըմբռնման հուշագիր են ստորագրել

Պետք է նրանց առանձնապես չխանգարել, որ մինչև «քոք մաշեն». Փաշինյանը՝ ընդդիմության գործողությունների մասին

Մեղրիի մաքսային բաժնում հայտնաբերվել են տարբեր տեսակի ապրանքների անօրինական խմբաքանակներ

Քննարկվել են Հայաստանի համայնքներից ստացված սուբվենցիայի ծրագրային 80 հայտերը

Նիկոլ Փաշինյանը հայտնեց, թե հայկական կողմն այս պահին քանի գերի ունի

Երկօրյա պաշտոնական այցով Հայաստանի Հանրապետություն կժամանի Չեռնոգորիայի նախագահ Միլո Ջուկանովիչը

Նախագահ Վահագն Խաչատուրյանը հանդիպել է Սինգապուրի ավագ նախարար Թարման Շանմուգարաթնամի հետ (տեսանյութ)

Աﬔրիաբանկը արժանացել է «Կայուն ֆինանսավորման գծով լավագույն բանկ» մրցանակին

Մայիսի 26-ից ժամանակավորապես կփակվի Դ․Անհաղթից դեպի Ազատության պողոտա ուղղությունը

Արուսյակ Մանավազյանը հանդիպել է Ղուկաս Աբգարյանի անվան միջնակարգ դպրոցի աշակերտներին և ուսուցիչներին (լուսանկարներ)

Քանդակում 2004 թվի Ջիվանն է, ես էի լուսանկարել. Կոմիտասի անվան պանթեոնում կտեղադրվի Ջիվան Գասպարյանի հուշարձանը

Կարեն Անդրեասյանը Բելառուսի իր գործընկերոջ հետ քննարկել է որակյալ իրավական աջակցություն ցուցաբերելուն վերաբերող հարցեր

Տեսա, որ «արագավազ դաշնակ» Իշխան Սաղաթելյանի լեզուն կրկին մտքից առաջ է ընկել. Արթուր Հովհաննիսյան