Այսօրվա խնայված գումարը խնդիր է վաղը բանակի, զենքի համար. Պապոյան

Արցախում սկսված պատերազմի առաջին իսկ օրերից մի շարք պաշտոնյաներ քաղաքացիներին կոչ արեցին չնվազեցնել առօրյա արվող ծախսերը, քանի որ դրանցից հարկեր են գոյանում, ինչի կարիքն ամենաշատն ունի պետությունը: Երեկ ԱԺ տնտեսական հարցերի մշտական հանձնաժողովի նախագահ Բաբկեն Թունյանը եւս մեկ անգամ կոչ արեց չհետաձգել ծախսերը, նշելով, որ հասկանում է՝ շատերը «սիրտ չունեն» հագուստ գնելու կամ սրճարան այցելելու, բայց այդ ծախսերի անհրաժեշտությունը կա:

ՀԺ-ն Երեւանի Մաշտոց պողոտայում անցորդների հետ զրուցելով՝ փորձեց պարզել, թե ինչ ծախսեր են այս օրերին իրականացնում:

Զրուցեցինք շուրջ 40 անցորդների հետ, որոնց մեծ մասը անանուն ներկայացրեց այս իրավիճակում իրենց վարքագիծը՝ նշելով, որ այժմ հիմնականում սնունդ են գնում, իսկ այլ ծախսեր չեն իրականացնում՝ դրա ժամանակը չէ:

Նախկին բժշկուհի, ներկայումս թոշակառու տիկին Անահիտն  ասաց, որ առանց այս իրավիճակի էլ կողմնակի շատ ծախսեր չէին անում, այս պայմաններում էլ ավելի են քչացրել ծախսերը. «Ինչ հագուստ գնելու կամ սրճարան այցելելու մասին կարող է խոսք լինել: Միայն օրվա սնունդն ենք գնում»:

Հյուրանոցներից մեկում ադմինիստրատոր աշխատող Արտակը եւս այս օրերին մեծ ծախսեր չի կատարում: Տաքսու վարորդներից Ռաֆիկի խոսքով՝ մինչ այս էլ օրվա եկամուտը բավարարում էր ընտանիքի կեցության համար, հիմա առավել եւս, եթե անգամ լրացուցիչ գումար է լինում, որոշ իրեր են գնում եւ ուղարկում սահման:

Իհարկե՛, կան նաեւ քաղաքացիներ, որոնք գնումներ կատարելու առումով պասիվ չեն:

Տիկին Զարուհին, որին նկատեցինք լի տոպրակներով սուպերմարկետից դուրս գալիս ասաց, որ փորձում են հետեւել պաշտոնյաների կոչին եւ ավելի շատ ծախսեր կատարել:

Թեմայի վերաբերյալ ՀԺ-ն զրուցեց ՀՀ ԱԺ «Իմ քայլը» խմբակցության պատգամավոր Գեւորգ Պապոյանի հետ, որը եւս այս օրերին անդրադարձել էր այս խնդրին:

- Պարո՛ն Պապոյան, տվյալներ կա՞ն, թե այս օրերին քաղաքացիները որքան են իրենց ծախսերը կրճատել:

- Իրականում այդպիսի պաշտոնական ամփոփ վիճակագրության ես դեռեւս չեմ հանդիպել: Այսինքն՝ ամփոփ վիճակագրության ժամկետը չէ: Խնդիրն այստեղ այն է, որ մենք չպետք է սպասենք վատ պատկեր առաջանա՝ նոր փորձենք ինչ-որ գործողություններ ձեռնարկել: Ակնհայտ է, որ որոշ մարդիկ կարող են որոշակի զգուշավորություն ցուցաբերել, եւ դա ինչ-որ չափով կարող է օբյեկտիվ հիմքեր ունենալ: Բայց միեւնույն ժամանակ մենք պետք է հասկանանք, եթե թիկունքում մեր սովորական կյանքով չապրենք, տնտեսությունը իր սովորական հունով չգնա, չշարունակենք ծախսեր կատարել, ներդրումներ կատարել, կամ հարկեր քիչ վճարենք եւ թաքցնենք, ապա դրանով առաջին հերթին կհարվածենք Հայաստանի պաշտպանունակությանը: Այսօր բյուջեն ռազմականացման ռելսերի վրա է դրված, եւ այդ քայլերը չանելը նշանակում է՝ զինվորի հագուստի փողը չվճարել, զինվորի ուտելիքի փողը չվճարել, զինվորի զենքի փողը չվճարել, զինվորի զինամթերքի փողը չվճարել: Իսկ եթե մենք գումարներ ծախսենք, պահանջենք ՀԴՄ կտրոն, ապա սա նշանակում է, որ մենք թիկունքն ավելի ենք ամրապնդում, մեր զինվորի մեջքն ավելի ենք ամրապնդում:  Այսօր ՀԴՄ կտրոն չպահանջելը գիտակից կերպով թույլ տալ է, որ ինչ-որ մեկը գողանա բանակից, որ ինչ-որ մեկը բանակի զենքի փողից ինչ-որ գումար պակասեցնի: Այս գիտակցումը պետք է նաեւ լինի բիզնեսում, որովհետեւ այսօր բանակը չի պաշտպանում պարզապես Արցախը կամ արցախցիներին, մեր բանակը պաշտպանում է ՀՀ պետականությունը:

- Կարծես հիմնականում պահպանվել է սննդի առեւտուրը, մնացած առումներով ակտիվությունը մեծ չէ, ի՞նչ քայլեր է այս պահին հարկավոր անել:

- Պետք է զրուցել մեր քաղաքացիների հետ եւ այս իրավիճակը բացատրել: Քաղաքացուն բացատրել, որ այսօրվա խնայված գումարը խնդիր է վաղը բանակի համար, զենքի համար, զինվորի համար: Չպահանջած ու չտրամադրած ՀԴՄ կտրոնը չգնված փամփուշտ է, չգնված զրահատեխնիկա: Սա պետք է մենք բոլորս գիտակցենք ու հասկանանք:

- Քաղաքացները նշում են, որ  «սիրտ չունեն» առեւտուր անելու, մյուսներն էլ ֆինանսական վատթարացման մասին մտավախություններով գումար է խնայում:

- «Սիրտ չունենալու» առումով ասեմ. իհարկե՛, ես կիսում եմ այդ քաղաքացիների մոտեցումը, բոլորիս մոտ էլ որոշակիորեն այդ տրամադրությունները կան: Բայց պետք է այս հանրային գիտակցումով մենք գնանք այդ քայլին: Բազմաթիվ մարդկանց եմ ճանաչում, որոնք իրենց առաջին անհրաժեշտության ապրանքների գումարը պահել են, իսկ մնացած գումարը, որը պետք է ծախսեին հագուստ գնելու կամ կինո գնալու համար, տվել են համահայկական հիմնադրամին:

Այն մարդիկ, որոնք մտածում են, որ վաղը ավելի վատ է լինելու, ես ուզում եմ հավաստիացնել, որ վաղը ավելի վատ չի լինելու միանշանակ: Մենք այսօր գումարի խնդիր չունենք, բյուջեում միջոցները բավականին լավ հավաքագրվում են, Հայաստանի վարկանիշը տնտեսական առումով բավականին լավն է: Մեր քաղաքացիները բավականին վստահում են մեր պետությանը եւ դրա ապացույցն այն է, որ պետական պարտատոմսերի պահանջարկը մի քանի անգամ ավելի շատ է եղել, քան պետությունը թողարկել է: Այսինքն՝ մեր քաղաքացիները մեր պետությանը տոկոսով փող են տալիս երկարաժամկետ կտրվածքով ու վստահ են, որ պետությունը  վերադարձնելու է: Կա վստահություն ՀՀ հանդեպ պրակտիկայում, կա վստահություն ՀՀ դրամի հանդեպ ու այս առումով այդպիսի խնդիր չկա: Ես պարզապես ուզում եմ վստահեցնել, որ ամեն ինչ նորմալ է, մեր պետության վարկունակությունը բարձր վիճակում է: Կուզեի վստահեցնել քաղաքացիներին, որ բացասական սպասումներ չունենան, որովհետեւ դրա առիթը չկա: Ես հասկանում եմ, որ դա դժվար է, ես հասկանում եմ մարդկանց տրամադրությունները՝ հարազատներ են կորցրել, ծանոթներ ենք  բոլորս կորցրել, բայց հանուն մեր սահմանին կանգնած զինվորի, հանուն թիկունքը ամուր պահելու՝ մենք եւս պետք է ամուր լինենք ու շարունակենք ապրել այնպես, ինչպես ապրել ենք: Մենք պետք է հասկանանք, որ այդ ծախսերը կատարելը հանուն զինվորի է, հանուն Հայաստանի է, հանուն Արցախի է:

- Գործարար համայնքը եւս զգուշավորություն է դրսեւորում լրացուցիչ ներդրումներ կատարելուց, այս առումով աշխատանքներ տարվո՞ւմ են նրանց հետ:

- Ես որպես ԱԺ պատգամավոր, տնտեսական հարցերի հանձնաժողովի անդամ՝ կոչ եմ անում մեր բիզնեսին, որ եթե ինչ-որ ներդրում էին պլանավորում հոկտեմբերին՝ թող անեն: Հիմա ժամանակն է, այս պահի ներդրումը նաեւ հայրենասիրություն է: Ամեն ինչ լավ է լինելու ու սրա արդյունքում Հայաստանը շատ ավելի հաղթած է դուրս գալու: Այս առումով կարծում եմ, որ մենք մտահոգվելու տեղ չունենք: Մենք ունենք շատ աշխատելու կարիք:

Տպել
3154 դիտում

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար