Արսեն Ջուլֆալակյանի քայլը հարցի լուծում չէ․ Արթուր Հովհաննիսյանը անհաջող է համարում նաեւ գործընկերոջ արտահայտությունը

ԿԳՄՍ նախարար Արայիկ Հարությունյանի վարած քաղաքականությունը միայն պարոն Հարությունյանի վարած քաղաքականությունը չէ, դա «Իմ քայլը» քաղաքական թիմի վարած քաղաքականությունն է։

Այս մասին այսօր «Քաղաքացիական պայմանագիր» կուսակցության գրասենյակի առջեւ լրագրողների հետ զրույցում ասաց «Իմ քայլը» խմբակցության պատգամավոր Արթուր Հովհաննիսյանը։

Լրագրողների մեջբերմանը, որ «Լուսավոր Հայաստան» խմբակցությունը անվստահության գործընթաց է նախաձեռնել Արայիկ Հարությունյանի վարած քաղաքականության հանդեպ, Հովհաննիսյանի խոսքով՝ նրանց իրավունքն է։ «Թող սկսեն, տեսնենք՝ ինչ են նախաձեռնում»,- ասաց պատգամավորը՝ հավելելով, որ ԿԳՄՍՆ-ի տապալված քաղաքականության մասին խոսում են հիմնականում այն ուժերը, որոնք հնչեցնում են ամենատարբեր ոլորտների վերաբերյալ նման կարծիք։

Լրագրողները նկատեցին, որ նմանտիպ արտահայտություն արել է նաեւ իրենց խմբակցության պատգամավոր Արսեն Ջուլֆալակյանը, որը նաեւ մանդատը վայր դնելու մասին դիմում է ներկայացրել։ Ի պատասխան այս պնդմանը՝ Հովհաննիսյանն ասաց․ «Պարոն Ջուլֆալակյանի նման մեկնաբանությունը ես անհաջող եմ համարում, ափսոսում եմ, որ նման մեկնաբանություն է հնչեցրել, բացառապես համամիտ չեմ  դրա հետ»։ Նա չհերքեց, որ խմբակցությունում կան պատգամավորներ, որոնք այս կամ այն որոշումների հետ ունեն անհամաձայնություն կամ այլ առաջարկներ, սակայն, ըստ պատգամավորի, դա չի նշանակում, որ ոլորտը տապալված է։ Նրա պնդմամբ՝ դա նշանակում է, որ տիրում է առողջ միջավայր, երբ օրենսդիր մարմնի ներկայացուցիչները կարող են անհամաձայնություն ունենալ գործադիր մարմնի որոշումների հետ, ինչն էլ արտահայտվում է ԱԺ-ի ամբիոնից պատգամավորների հնչեցրած հարցերով։

Այն, որ Ջուլֆալակյանը վերը նշված տաբերակից օգտվելու փոխարեն վայր է դրել մանդատը, Հովհաննիսյանի պնդմամբ, հարցի լուծում չէ։ «Ես համաձայն չեմ նման քայլի հետ, կարծում եմ, որ ԱԺ պատգամավորը անհամաձայնություն ունենալու դեպքում ունի բոլոր լծակները այդ անհամաձայնությունը նաեւ հանրային կերպով արտահայտելու, ինչու չէ, հանրային ճնշման միջոցով տեղ հասցնելու»,- ասաց Հովհաննիսյանը՝ հավելելով, որ այս դեպքում այդ լծակները սպառված չէին, եւ կարելի էր դրանք օգտագործել։

Հարցին, թե այդ դեպքում չէի՞ն մեղադրի Ջուլֆալակյանին՝ սեփական թիմին դեմ դուրս գալու համար, Հովհաննիսյանը պատասխանեց․ «Մեր խմբակցության բոլոր նիստերում հնչում են բազմաթիվ կարծիքներ, մենք անկաշկանդ արտահայտում ենք մեր մոտեցումները, եւ սեփական կարծիք արտահայտելը, որ կարող է հակասել մյուս գործընկերոջ կարծիքին, ամենեւին չի նշանակում, որ դու թիմին դեմ ես»։ Նա նաեւ շեշտեց, որ դա լինում է ոչ միայն փակ նիստերին եւ օրինակ բերեց դեպքեր, երբ ԱԺ-ում պատգամավորները բավականին սուր հարցեր են ուղղել գործադիր մարմնի ներկայացուցիչներին։

Հովհաննիսյանը շեշտեց նաեւ, որ այս թեմայի շուրջ նախարարի հետ դեռեւս քննարկում չի եղել։

Տպել
755 դիտում

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը

Շուտով կավարտվի Արմավիր քաղաքի Երևանյան փողոցի ճանապարհահատվածի հիմնանորոգումը

Տեղի է ունեցել Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովի նիստ

81-ամյա կինը մահացել է որդու հարվածների հետևանքով.43-ամյա տղամարդը կալանավորված է

Երազանք էր նրա դեմ խաղալը. Ռազմիկ Գրիգորյանն ու Խորեն Հովհաննիսյանը վերհիշում են Մարադոնայի հետ հանդիպումները

Գիշերային շրջիկ ծառայության ժամանակ ոստիկաններն ապօրինի թմրաշրջանառության դեպք են բացահայտե լ(տեսանյութ)

ԿԽՄԿ ներկայացուցիչը վարչապետին տեղեկատվություն է տրամադրել հայ գերիների հետ հանդիպումների մասին

Սարալանջ գյուղի մոտակայքում մոտ 3 հա բուսածածկույթ է այրվել

«Արմավիր» ՔԿՀ-ում կանխվել է նույն անձին թմրամիջոց փոխանցելու 3-րդ դեպքը

Մայիսյանում թեթև և ծանր տեխնիկայի կայանման սպասարկման կենտրոն է կառուցվում. ստեղծվում է 5 հիմնական աշխատատեղ

Էդուարդ Հարությունյանը կգործուղվի Մոսկվա՝ նախապատրաստելու վարչապետ Նիկոլ Փաշինյանի այցը

ՀՀ պաշտպանության նախարարն ընդունել է ՌԴ խաղաղապահ զորախմբի հրամանատարին

Ֆրանսիայից Հայաստան է ժամանել արցախահայությանը տրամադրված հումանիտար օժանդակության երկրորդ ինքնաթիռը (տեսանյութ)