Երևան
27 °C
177 նոր վարակված, 201 առողջացած, 2 մահ. 1 օրվա կտրվածքով կորոնավիրուսային ահա այսպիսի ցուցանիշների պայմաններում այսօր Հայաստանում ավարտվեց կորոնավիրուսային վարակի տարածմամբ պայմանավորված 6-ամսյա արտակարգ դրությունը եւ Կառավարության որոշմամբ մինչեւ հունվարի 11-ը հայտարարվեց կարանտին:
Կարանտին հայտարարելու որոշումը Կառավարությունը հիմնավորում է այսպես.
«Հաշվի առնելով այն, որ Առողջապահության համաշխարհային կազմակերպությունը 2020 թվականի մարտին հայտարարել է կորոնավիրուսային հիվանդությամբ (COVID-19) պայմանավորված համավարակ, և ամբողջ աշխարհում համաճարակային իրավիճակը շարունակում է մնալ լարված, այն, որ Հայաստանի Հանրապետությունում ևս հիվանդությունը ստացել է լայնածավալ տարածում, և երկրում առաջացել է համաճարակ՝ հիմք հանդիսանալով արտակարգ իրավիճակի առաջացման, հաշվի առնելով նաև Առողջապահության համաշխարհային կազմակերպության նախազգուշացումը համավարակի երկրորդ ալիքի վտանգի մասին, կարևորելով բնակչության առողջության պահպանման և առողջական վիճակի բարելավման նպատակով համապատասխան կանխարգելիչ և հակահամաճարակային միջոցառումների իրականացման անհրաժեշտությունը, հաշվի առնելով առողջապահության ոլորտի լիազոր մարմնի (այսուհետ՝ լիազոր մարմին) համապատասխան առաջարկությունը և ղեկավարվելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 20.2-րդ հոդվածի 3-րդ մասի 1-ին կետով, 20.3-րդ հոդվածի 4-րդ մասով, «Արտակարգ իրավիճակներում բնակչության պաշտպանության մասին» Հայաստանի Հանրապետության օրենքի 12-րդ հոդվածի «թ» և «ժ» կետերով՝ Հայաստանի Հանրապետության Կառավարությունը որոշում է՝
Այսպիսով դադարեց գործել պարետի ինստիտուտը: Առաջիկա 4 ամիսներին համավարակի կանխարգելմանն ուղղված միջոցառումները կազմակերպելիս լիազոր մարմինը Առողջապահության նախարարությունն է:
Առայժմ կշարունակվի պահպանվել բաց եւ փակ տարածքներում դիմակ դնելու պարտադիր պահանջը (որոշակի բացառություններով), քանի դեռ չկա լիազոր մարմնի՝ Առողջապահության նախարարության այլ որոշում: Առայժմ պարտադիր կմնան նաեւ սոցիալական հեռավորության պահպանման, ախտահանման վերաբերյալ արտակարգ դրության պայմաններում եղած պահանջները։
Բնակության վայրի բնակելի տարածքից դուրս գտնվելիս եւ տեղաշարժվելիս անձը հաստատող փաստաթղթի առկայությունը պարտադիր է:
ԿԱՐԱՆՏԻՆԱՅԻՆ ՍԱՀՄԱՆԱՓԱԿՈՒՄՆԵՐ
Կարանտին հայտարարելու մասին Կառավարության որոշմամբ սահմանվեցին նաեւ կարանտինի ընթացքում կիրառվող միջոցառումները եւ սահմանափակումները:
Այսպես, սահմանվեց, որ Հայաստանի Հանրապետության ամբողջ տարածքում կիրառվում են անհատական պաշտպանության միջոցներ: Այդ միջոցների սահմանումը դրված է լիազոր մարմնի՝ առողջապահության նախարարության վրա:
Որոշվեց թույլատրել տնտեսական գործունեության առանձին տեսակների, ծառայությունների մատուցման եւ տնտեսական գործունեությամբ չզբաղվող կազմակերպությունների գործունեության իրականացումը՝ միայն լիազոր մարմնի կողմից սահմանված համապատասխան սանիտահամաճարակային անվտանգության կանոնների պահպանված լինելու դեպքում:
Բոլոր ուսումնական հաստատություններում եւ արտադպրոցական դաստիարակություն իրականացնող կազմակերպություններում ուսումնական գործընթացը կարող է իրականացվել միայն լիազոր մարմնի կողմից սահմանված համապատասխան սանիտահամաճարակային անվտանգության կանոնների պահպանված լինելու դեպքում:
Հավաքներ կազմակերպել, անցկացնել եւ հավաքներին մասնակցել թույլատրվում է միայն անհատական պաշտպանության միջոցների կիրառման եւ անձանց միջեւ նվազագույնը 1.5 մետր հեռավորության պահպանման դեպքում:
Ցամաքային սահմանի անցակետերով արգելվում է Հայաստանի Հանրապետության քաղաքացիություն չունեցող անձանց մուտքը Հայաստանի Հանրապետություն՝ բացառությամբ ՀՀ քաղաքացիների ընտանիքի անդամների եւ ՀՀ-ում օրինական հիմքերով բնակվելու իրավունք ունեցող անձանց, դիվանագիտական ներկայացուցչությունների, հյուպատոսական հիմնարկների եւ միջազգային կազմակերպությունների ներկայացուցիչների եւ նրանց ընտանիքի անդամների:
Ցամաքային եղանակով Հայաստան կարող են մուտք գործել նաեւ հոգեհանգստի կամ թաղման արարողությանը մասնակցելու նպատակով մեր երկիր եկող անձինք, եթե նրանք հանդիսանում են հանգուցյալի մերձավոր ազգականը (ծնողը, ամուսինը, երեխան, քույրը, եղբայրը):
Միջպետական բեռնափոխադրումներ իրականացնող վարորդները, բեռնատար գնացքների շարժակազմի մեքենավարները եւս կարող են մուտք գործել Հայաստան:
Անձինք մեր երկիր կարող են մուտք գործել նաեւ այն առանձնահատուկ դեպքերում, երբ սահմանապահ զորքերի հրամանատարը, հաշվի առնելով մուտքի հրատապությունը եւ անհրաժեշտությունը, ինչպես նաեւ այդ երկրներում (տարածքներում) համաճարակային իրավիճակը, թույլատրում է դա:
Հայաստանի Հանրապետության տարածք մուտք գործելիս Առողջապահական եւ աշխատանքի տեսչական մարմնի կողմից անհապաղ կատարվում է բժշկական զննություն: Եթե առկա են համապատասխան ախտանշաններ՝ անձը կամ հոսպիտալացվում է կամ նրան հրահանգվում է 14 օր ինքնամեկուսանալ:
Նշված 14 օրվա ընթացքում անձը կարող է անցնել կորոնավիրուսային հիվանդության (COVID-19) ախտորոշման ՊՇՌ հետազոտություն եւ բացասական արդյունքի դեպքում դուրս գալ ինքնամեկուսացումից:
Բժշկական զննությունից հետո Առողջապահության եւ աշխատանքի տեսչական մարմնի կողմից ՀՀ ժամանած անձինք ծանուցվում են ինքնամեկուսացման կանոնների եւ դրանց խախտման հետևանքների մասին, եւ այդ մասին նրանց տրվում է համապատասխան ձեւի ծանուցագիր՝ ստորագրման: Չստորագրելու դեպքում անձի մուտքը ՀՀ արգելվում է:
Հանրային միջոցառումները թույլատրվում են միայն հետեւյալ սահմանափակումներով. տոնական եւ հիշատակի միջոցառումները, ներառյալ` ծննդյան, հարսանյաց (նշանադրության) միջոցառումները, հոգեհանգստի եւ հուղարկավորության արարողությունները՝ 60-ից ոչ ավելի անձանց մասնակցությամբ:
Անձանց սոցիալական, մշակութային, կրթական, սպորտային կամ այլ ժամանցային կարիքների բավարարմանն ուղղված այլ միջոցառումները (այդ թվում՝ համերգները, ցուցահանդեսները, ցուցադրությունները, թատերական ներկայացումները, կրթական այլ միջոցառումներ), թույլատրվում են 60-ից ոչ ավելի անձանց մասնակցությամբ, միայն թե եթե վերջիններս չեն հանդիսանում տնտեսական գործունեության տեսակ:
Վերը նշված սահմանափակումների կիրառման նկատմամբ հսկողությունն իրականացնում են ոստիկանությունը, Առողջապահական եւ աշխատանքի տեսչական մարմինը եւ Սննդամթերքի անվտանգության տեսչական մարմինը:
Քրեակատարողական հիմնարկներում երկարաժամկետ տեսակցությունները թույլատրվում են բացառապես քրեակատարողական հիմնարկում կորոնավիրուսային հիվանդության (COVID-19) գործող դեպքերի բացակայության եւ տեսակցողի՝ ՊՇՌ հետազոտության բացասական արդյունքի դեպքում (վերջին 72 ժամ վաղեմությամբ):
ՀՀ ՊՆ զորամասերում արգելվում են տեսակցությունները (բացառությամբ տեսազանգից օգտվելու դեպքերի):
Շարքային եւ կրտսեր ենթասպայական կազմերի պարտադիր զինծառայողների արձակումները եւ արձակուրդները եւս արգելվում են՝ բացառությամբ ընտանիքի անդամի (կին, երեխա, հայր, մայր, քույր, եղբայր, տատ, պապ) մահվան դեպքերի:
Կառավարության վերը նշված որոշումները բխում էին «Հայաստանի Հանրապետության բնակչության սանիտարահամաճարակային անվտանգության ապահովման մասին» եւ «Արտակարգ իրավիճակներում բնակչության պաշտպանության մասին» Հայաստանի Հանրապետության օրենքներից, որոնցում փոփոխություններ մտցվեցին սեպտեմբերի 4-ին՝ Ազգային ժողովի քվեարկությամբ:
ՀՀ նախագահ Արմեն Սարգսյանն այդ փոփոխությունները ստորագրեց երեկ:
Հիշեցնենք, որ կարանտին կարող է սահմանվել ոչ միայն ամբողջ հանրապետությունում, այլեւ առանձին բնակավայրերում՝ ըստ համաճարակային իրավիճակի:
Կարանտին սահմանելու որոշում կարող է կայացնել ՀՀ Կառավարությունը, մարզպետը, Երեւանի քաղաքապետը լիազոր մարմնի առաջարկությամբ:
Կարանտին սահմանելու հիմքերը չվերանալու դեպքում այն կարող է երկարաձգվել յուրաքանչյուր անգամ մինչեւ 6 ամիս ժամկետով:
Կարանտինի պայմաններում մեկուսացման (ինքնամեկուսացման) կամ անհատական պաշտպանության միջոցների կիրառման կանոնները խախտելը, որն անզգուշությամբ առաջացրել է անձի վարակում, պատժվում է տուգանքով՝ նվազագույն աշխատավարձի երեքհարյուրապատիկից հինգհարյուրապատիկի չափով կամ կալանքով՝ առավելագույնը մեկ ամիս ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երկու տարի ժամկետով կամ առանց դրա:
Սահմանվել են 11 տուգանքներ՝ պայմանավորված կարանտինի պայմաններում տարբեր որոշումների խախտմամբ:
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ալեն Սիմոնյանին
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
© 2024 Հայկական ժամանակ