Ջուրը չմտած՝ եկեք չբոբիկանանք. ՍԴ դատավորի հավանական թեկնածու

2 օրից՝ օգոստոսի 26-ին լրանում է Սահմանադրությամբ նախանշված երկամսյա ժամկետը, որի ընթացքում Կառավարությունը, Դատավորների ընդհանուր ժողովը եւ ՀՀ նախագահը պետք է Սահմանադրական դատարանում առաջացած թափուր տեղերը համալրելու նպատակով մեկական թեկնածու առաջադրեին:

Դատարանակազմական 3 մարմիններն էլ իրենց թեկնածուներին արդեն առաջադրել էին, սակայն Կառավարության թեկնածու Վահրամ Ավետիսյանը, ինչպես հայտնի է, նախորդ շաբաթվա սկզբին հրաժարվեց իր թեկնածությունից: Պատճառը, թերեւս, իր անվան շուրջ բարձրացված աղմուկն էր. Ավետիսյանն իր թեկնածությունը հանելու որոշմանը հանգեց ԱԺ «Իմ քայլը» խմբակցության հետ հանդիպումից հետո՝ անիրատեսական համարելով 80 պատգամավորի ձայնը ստանալը:

Օրենքում չի հստակեցվում, թե առաջադրված թեկնածուի բացարկից հետո որքան ժամկետում պետք է առաջադրվի հաջորդ թեկնածուն: Այնուամենայնիվ նոր թեկնածության շուրջ խոսակցություններ արդեն կան:

Կառավարության նոր հավանական թեկնածուն Իրավաբանական գիտությունների թեկնածու Էդգար Շաթիրյանն է, որն օրերս հանդիպել է «Իմ քայլը» խմբակցության անդամների հետ:

Շաթիրյանից հետաքրքրվեցինք՝ իրեն առաջարկվե՞լ է դառնալ Կառավարության հիմնական թեկնածուն: Նա այսպես պատասխանեց մեր հարցին.

- Թեկնածուի կարգավիճակ յուրաքանչյուր սուբյեկտ ձեռք կբերի այն պահից, երբ Կառավարությունը կոլեգիալ հիմունքներով կկայացնի համապատասխան որոշում առաջադրման մասին: Այս պահին, որքանով ես եմ իրազեկ, առաջադրման մասին որոշում Կառավարությունը չի կայացրել, համենայնդեպս ինձ նման բան հայտնի չէ:

- Իսկ «Իմ քայլը» խմբակցության հետ հանդիպումից հետո ձեր ցանկությունը ինչպիսի՞նն է: Նախորդ թեկնածուն, Վահրամ Ավետիսյանն օրինակ, խմբակցության հետ հանդիպումից հետո հրաժարվեց իր թեկնածությունից:

- Կարծում եմ, անկախ սույն գործընթացի ելքից, հանդիպումը բավական օգտավետ եւ արդյունավետ էր երկուստեք: Համենայնդեպս իմ կողմից եղել է շատ բաց եւ անկեղծ խոսակցություն, ավելին ասեմ, կարծում եմ, փոխադարձ է եղել այդ խոսակցությունը: Եվ անկախ նրանից, թե ինչ տեղի կունենա սույն գործընթացի արդյունքներով, այդ հանդիպումը ես տեղին եւ օգտակար եմ համարում:

- Համենայնդեպս վատ տրամադրվածություն չեք նկատել:

- Տրամադրվածության խնդիր կարծում եմ չկար: Ընդհանուր անկեղծ մթնոլորտում տեղի ունեցավ հարցուպատասխան, իհարկե բավական մեծ թվով հարցեր հնչեցին: Փորձել եմ բոլորին պատասխանել: Այլ հարց է՝ որքանով էին գոհացնում իմ պատասխանները պատգամավորներին:

- Հավանաբար ձեզ հիմնականում ուղղվել են Կոռուպցիայի կանխարգելման հանձնաժողովի անդամի պաշտոնում ընտրվելուն, հետո հրաժարվելուն վերաբերող հարցեր:

- Այո, նաեւ այդ հարցերն են հնչել: Ես, անկեղծ ասած, պատրաստ էի այդ հարցադրմանը, որովհետեւ սուբյեկտները, որոնք ինձ մեկ անգամ արդեն վստահել էին ինքնավար մարմնի անդամի պաշտոնը, լրիվ իրավունք ունեին իմանալու, թե ինչն էր իմ հեռանալու պատճառը: Դա ես ներկայացրեցի:

- Այս պարագայում ունե՞ք նման խնդիր, եթե դառնաք ՍԴ անդամ, հետո կա՞ նման պայման, որ դառնաք դատարանի նախագահ:

- Եկեք ենթադրություններով չառաջնորդվենք: Էս պահին, ինչպես ասում են, ջուրը չտեսած չբոբիկանանք, ժամանակից առաջ չընկնենք: Ես այս պահին անգամ պաշտոնապես թեկանծուի կարգավիճակ չունեմ, հիմա կանխատեսումների դաշտ ենք մտնում: Ամեն դեպքում ցանկանում եմ փաստել, որ սրանք լրիվ տարբեր գործընթացներ են: Ես չէի ուզենա որեւէ զուգահեռ անցկացնել: Այն ժամանակ հանգամանքերը լրիվ այլ էին: 

Այսօր «Քաղաքացիական պայմանագիր» կուսակցության գրասենյակում ՀՀ վարչապետի եւ ԱԺ նախագահի մասնակցությամբ «Իմ քայլը» խմբակցության նիստից հետո լրագրողները խմբակցության ղեկավար Լիլիթ Մակունցից հետաքրքրվեցին, թե արդյոք Շաթիրյանի թեկնածության հարցը քննարկվե՞լ է: Մակունցն ասաց, որ այդ հարցով քննարկում չի եղել: «Անդրադարձել ենք թե արտաքին քաղաքական հարցերի, անդրադարձել ենք նաեւ ՀՀ-ում բարեփոխումների օրակարգերին եւ այդ առումով հիմնականում եղել է արժեքային քննարկում: Ինչ վերաբերում է Կառավարության կողմից թեկնածուի առաջադրմանը, այդ հարցին անդրադարձ չի եղել»,- շուրջ 2 ժամ տեւած հանդիպումից հետո հայտարարեց Մակունցը:

Վարչապետը հրաժարվեց որեւէ հարցի պատասխանել՝ նշելով, որ ուշանում է:

Ուստի, լրագրողները Մակունցից փորձեցին պարզել նաեւ՝ հնարավո՞ր է Կառավարությունը Շաթիրյանին ի վերջո չառաջադրի. «Իմ քայլը» խմբակցության ղեկավարը պատասխանեց, թե խմբակցությունը չի կարող որոշել Կառավարության կողմից որ թեկնածուն պետք է ներկայացվի:

Հարցին, թե ինչպիսի՞ն է Շաթիրյանի նկատմամբ խմբակցության տրամադրվածությունը, հատկապես որ օրերս հանդիպել եւ զրուցել են նրա հետ, Մակունցը պատասխանեց, որ էթիկապես ճիշտ չի համարում այդ մասին խոսելը, մանավանդ որ նրա թեկնածությունը դեռ չի հաստատվել:

Ինչպես հայտնի է՝ Շաթիրյանը անցած տարվա նոյեմբերին «Իմ քայլը» խմբակցության կողմից ընտրվեց Կոռուպցիայի կանխարգելման հանձնաժողովի անդամ, սակայն հետո հրաժարվեց այդ պաշտոնից, քանի որ չընտրվեց հանձնաժողովի նախագահ:

Մակունցը չթաքցրեց, որ Շաթիրյանի այդ պահվածքն է պատճառ հանդիսացել ՍԴ անդամի թեկնածություն առաջադրելուց առաջ նրա հետ հանդիպելու համար:

«Քանի որ դիտարկվում է պարոն Շաթիրյանի հնարավոր թեկնածությունը, որին կարող է ներկայացնել Կառավարությունը, «Իմ քայլը» տեղեկանալով այդ մասին նպատակահարմար համարեց պարոն Շաթիրյանի հետ հանդիպել: Կային հարցեր, որոնք նախկինում առաջացել էին նաեւ պայմանավորված Կոռուպցիայի կանխարգելման հանձնաժողովի անդամությունից պարոն Շաթիրյանի հրաժարվելու հետ կապված: «Իմ քայլը խմբակցությունը առաջարկեց հանդիպում կազմակերպել, ինչը եւ արվեց»,- ասաց նա:

Հունիսի 26-ից ուժի մեջ մտած սահմանադրական փոփոխություններով Սահմանադրական դատարանում թափուր է նախագահի եւ 3 դատավորների տեղերը:

ՍԴ դատավորի պաշտոնում ընրվելու համար ՀՀ նախագահն առաջադրել է 2019-ին մեկ անգամ արդեն առաջադրած, սակայն Ազգային ժողովի կողմից 53 դեմ, 30 կողմ հարաբերակցությամբ մերժված Արթուր Վաղարշյանի թեկնածությունը: Նախորդ առաջադրումը նախագահը կատարել էր 2019 թվականի մայիսին: Վաղարշյանից հետո ԱԺ-ն քվեարկությամբ թափուր տեղի համար հաստատեց Վահե Գրիգորյանի թեկնածությունը:

Դատավորների ընդհանուր ժողովի թեկնածուն էլ Վճռաբեկ դատարանի նախագահ Երվանդ Խունդկարյանն է: Նրա անունը եւս միանշանակ չի ընդունվում՝ հաշվի առնելով մամուլում նրա շրջանառումը՝ կոռուպցիոն մի շարք գործերի շրջանակներում:

Մասնավորապես, օրինակ, 2018-ին մեր խմբագրություն դիմած «Հրազդան» տոնավաճառի նախկին տնօրեն Գալուստ Աբաջյանը հայտարարել էր, որ կանգնած է բնակարանը կորցնելու եզրին՝ պնդելով, որ այդ ամենի հետեում կանգնած է Վճռաբեկ դատարանի նախագահ Երվանդ Խունդկարյանը: 

Սա մամուլում Խունդկարյանի անվան կիրառման առաջին ու վերջին դեպքը չէ:

Մեր հարցին՝ «Իմ քայլը» խմբակցությունը ի՞նչ դիրքորոշում ունի ՍԴ թեկնածուների հետ կապված, որոշվե՞լ է, թե ինչպես են քվեարկելու՝ հաշվի առնելով օրինակ Խունդկարյանի անվան շուրջ նման հրապարակումները:

Ի պատասխան Մակունցն ասաց.

«Փակ գաղտնի քվեարկությամբ պատգամավորներն իրենց դիրքորոշումը կհայտնեն բոլոր թեկնածուների առնչությամբ»: Չկա՞ միասնական որոշում՝ փորձեցինք ճշտել. «Ես արդեն պատասխանեցի ձեր հարցին,- արձագանքեց նա:

Ինչպես հանյտնի է՝ ՍԴ անդամների ընտրության համար անհրաժեշտ է ԱԺ 80 պատգամավորի կողմ քվե:

Այսօր Մակունցին հարցրինք, թե ե՞րբ է տեղի ունենալու ԱԺ նիստը, որի ընթացքում ընտրելու են ՍԴ անդամներին:

«Որքանով որ ես տեղյակ եմ, արտահերթ նիստ չի նախատեսվում: Եթե դրա անհրաժեշտությունը լինի՝ ԱԺ նախագահի նախաձեռնությամբ այդ նիստը կհրավիրվի, բայց այս պահի դրությամբ այն տեղեկատվությունը որ ես ունեմ, արտահերթ նիստ չի նախատեսվում»,- ասաց նա:

Հիշեցնենք, որ պատգամավորները մինչեւ օգոստոսի 31-ը արձակուրդում են: ԱԺ աշնանային նստաշրջանի բացումը Սահմանադրությամբ նախատեսվում է սեպտեմբերի երկրորդ երկուշաբթի օրը, այսինքն սեպտեմբերի 14-ին: Շատ մեծ է հավանականությունը, որ ՍԴ դատավորներ ընտրելու հարցով արտահերթ նիստ չի հրավիրվի:

Արտահերթ նիստ հրավիրվում է կամ Կառավարության նախաձեռնությամբ կամ ԱԺ պատգամավորների ¼-ի դիմումով: Կառավարությունն այս հարցով չի կարող նիստ նախաձեռնել, իսկ ԱԺ պատգամավորները արձակուրդում են եւ տեխնիկապես գրեթե անհնար է արտահերթ նիստ հրավիրելու հարցով ձեւաթղթի լրացումն ու դրա մուտք անելը:

Մանավանդ որ ըստ «Սահմանադրական դատարանի մասին» օրենքի՝ Ազգային ժողովն իրավունք ունի քվեարկությունը կազմակերպել «Սահմանադրական դատարանի դատավորի թափուր տեղի համար թեկնածուների առաջադրումից հետո՝ մեկամսյա ժամկետում»:

Տպել
1845 դիտում

Իսրայելը հրթիռակոծվում է. հարյուրավոր հրթիռներ են արձակվել Թել-Ավիվի ուղղությամբ (տեսանյութ)

Կոտայքի մարզպետը Չարենցավանի բժշկական կենտրոնում ծանոթացել է համավարակի դեմ պատվաստումային գործընթացի ակտիվությանը

Քոչարյանը մերժել է Գեւորգ Պետրոսյանին. նախկին ԲՀԿ-ականը նոր ցուցակ է փնտրում

Գյումրիում փակվել են Covid բաժանմունքները. չինական պատվաստանյութը դեռ Շիրակ չի հասել

Ընթանում են Արտաշատ քաղաքի Իսակով փողոցում ասֆալտապատման թերությունները շտկելու աշխատանքները

Արտաշատ քաղաքում վաճառված հասարակական օգտագործման կանաչ տարածքների գործով տեսչական մարմինը դիմել է դատախազություն

Ադրբեջանի հայատյացության քաղաքականությունն ապացուցում է՝ արցախահայերը չեն կարող անվտանգ ապրել նրա կազմում․ Միրզոյան

Իսպանացի պատգամավորներն ու սենատորներն Ադրբեջանից պահանջում են ազատ արձակել հայ ռազմագերին

Լինենք պատասխանատու․ Նիկոլա Ազնավուրը պատվաստվել է կորոնավիրուսի դեմ

Ֆուտբոլի Հայաստանի առաջնությունը նոր առաջատար ունի

Անկախության 30-ամյա հոբելյանին ընդառաջ՝ Հայաստանի պատմության թանգարանը կազմակերպում է հանրապետական գիտաժողով

Ընդունելության քննություններին մասնակցելու հայտ է ներկայացրել 13360 դիմորդ․ երկրորդ փուլի հայտագրումը՝ հուլիսի 19-26-ին

Վերաբնակեցման նպատակով Արցախ է տեղափոխվել 54 ընտանիք

Ջրային մարզաձևերի Եվրոպայի առաջնությունում հանդես կգան Հայաստանի 9 ներկայացուցիչներ

Արտակ Ապիտոնյանը և ՖԽՎ պատվիրակությունը անդրադարձել են գերիների անվտանգ հայրենադարձմանը

Նիկոլ Փաշինյանը հաստատել է Հայ-լեհական ռազմատեխնիկական համագործակցության հանձնաժողովի հայկական կողմի նոր կազմը

Պաղեստինաիսրայելական լարվածությունը պահպանվում է, հրթիռակոծությունը չի դադարում

Վստրեչի Ապերը 2 միլիոն դրամ գրավով ազատ է արձակվել. դատախազությունը բողոք է ներկայացրել

Գիլոյանը Սոֆիայում քննարկել է Տոկիոյի Օլիմպիական խաղերի մրցավարական կազմում Հայաստանից ներկայացուցիչ ունենալու հարցը

Հայաստանի բացառիկ կենդանական աշխարհը․ գորշ արջերը՝ Վայոց ձորում (լուսանկարներ)

Արսեն Զախարյանն ընդգրկվել է Ռուսաստանի հավաքականի ընդլայնված ցուցակում

Ծեծկռտուքի դեպքով ձերբակալվել են Կենտրոնի փոխթաղապետն ու գլխավոր մասնագետը

Բաղրամյան պողոտայից բերման ենթարկված Աչաջուրի բնակչի մոտ կանեփի նմանվող զանգված է հայտնաբերվել (տեսանյութ)

Գիտակրթական ոլորտում հայ-ռուսական համագործակցությունը մեծ ներուժ ունի. Արմեն Սարգսյանն այցելել է Լոմոնոսովի համալսարան

Վրաստանի վարչապետ Իրակլի Ղարիբաշվիլին Հայաստանում կհանդիպի Նիկոլ Փաշինյանի հետ. օրակարգը հայտնի է

Ուկրաինական Ռադան դավաճանության մեղադրանքներ է առաջադրել պատգամավորներ Վիկտոր Մեդվեդչուկի և Տարաս Կոզակի դեմ

Արման Թաթոյանը ցավակցել է ՌԴ ՄԻ դաշնային հանձնակատարին՝ Կազանում տեղի ունեցած ողբերգական դեպքի հետ կապված

Հատկապես ծանր է գիտակցումը, որ հրեշավոր հարձակումը կատարվել է դպրոցում. Արմեն Գրիգորյանը ցավակցական հեռագիր է հղել

ՀՀ նախագահ Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին Կազանի ողբերգության կապակցությամբ

Ամենայն հայոց կաթողիկոսն իր ցավակցություններն է հղել Կազանի ողբերգության կապակցությամբ

Առցանց ապառիկ գնումներ ՎՏԲ-Հայաստան Բանկի և «ԻԴԵԱԼ համակարգ»-ի միջոցով

Թուրքիայում հակաիսրայելական ցույցերով խախտվել են հակահամաճարակային սահմանափակումները

Արցախի ՄԻՊ-ը մասնակցել է Եվրոպական խորհրդարանի պատգամավորների կողմից կազմակերպված առցանց համաժողովին

Իրավիճակը սահմանին կայուն մարտավարական է

Ադրբեջանը փորձում է գերիների վերադարձի պարտավորության չկատարումն արդարացնել անհիմն մեկնաբանություններով. Մանե Գևորգյան

Հունիսին Իրանում կանցկացվեն նախագահի ընտրություններ

Համակարգիչս կոտրեցին, 15 հոգով խփում էին. Կենտրոնի թաղապետարանի ծեծված աշխատակիցը մանրամասներ է հայտնում

Ալիեւը մոռանում է, որ Արցախն Ադրբեջանի տարածք չէ․ Արտակ Բեգլարյանի արձագանքը

Խորապես ցնցված եմ տեղի ունեցած ողբերգության լուրից․ Նիկոլ Փաշինյանը ցավակցական հեռագիր է հղել Վլադիմիր Պուտինին

Ադրբեջանի նախագահի հայատյացություն պարունակող ելույթները Հայաստանի ՄԻՊ-ն ուղարկել է ՄԱԿ, ԵԽ և միջազգային այլ մարմինների