Լոռու մարզպետն ապամոնտաժել է ապօրինի կրպակն ու դրել քաղաքապետարանի մոտ, որ գոնե հիմա քաղաքապետը նկատի (լուսանկարներ)

Լոռու մարզպետ Անդրեյ Ղուկասյանի անմիջական մասնակցությամբ ու կարգադրությամբ երեկ ուշ գիշեր ապամոնտաժվել է Վանաձորի կենտրոնում տեղադրված հերթական ապօրինի տաղավարի մետաղյա կարկասը:

Ապամոնտաժելուց զատ, այն հեռացվել է տարածքից ու ոչ ավելի, ոչ պակաս տեղափոխվել քաղաքապետարանի մուտքի դիմաց՝ ի նշան այն բանի, որ քաղաքապետը վերջապես կտեսնի այս ամենը:

ՀԺ-ի հետ զրույցում Ղուկասյանն ասաց, որ Մյասնիկյան փողոցում տեղադրված մետաղյա կարկասը ամբողջությամբ փակել է մայթը:

«Ես օրեր առաջ քաղաքապետին երբ տեղեկացրի այս մասին, ինքը ձեւացրեց, թե տեղյակ չէ ու խոստացավ, որ այդ օրը կապամոնտաժվի, բայց ինչպես տեսնում եք, 3-4 օր հետո կարկասը դեռ տեղում էր»,- ասաց մարզպետը՝ նշելով, որ այսօր եւս ճշտել է, թե ինչ է արվել: Համոզվելուց հետո, որ ոչինչ չի արվել, կրկին հորդորել է հեռացնել. «Բնակիչների կողմից  բազմաթիվ դժգոհություններ կային, բայց ոչինչ չէր արվում, քաղաքապետը պատճառաբանում էր, թե մանիպուլյատորն է փչացել, խոչընդոտներ կան եւ այլն: Որոշեցինք ապամոնտաժել մեր ուժերով»:

Մետաղե ջարդոն դարձած կրպակի մետաղական կոնստրուկցիաները բեռնաթափել են  քաղաքապետարանի անմիջապես մուտքի դիմաց. «Համայնքապետարանի աշխատանքի մի մասն արել ենք, մի մասն էլ կխնդրենք, որ իրենք տեղափոխեն այս ջարդոնը»:

Ղուկասյանն ասում է՝ նման երեւույթները հաճախակի են Վանաձորում. «Քաղաքապետի կողմից ցուցաբերվում է անգործություն, անլրջություն, կամքի զրո բացակայություն ու սա երեւի եզակի դեպք էր վերջին տարիներին, երբ ապօրինի շինություն ապամոնտաժվեց: Նման ձեւով արհամարհել բնակչի ու համայնքի շահը, անթույլատրելի է, տարիներ շարունակ տեսել ենք, որ համայնքապետն ի վիճակի չի եղել լուծել անգամ հասարակ համայնքային շինությունների խնդիրը»:

Վանաձորի քաղաքապետ Մամիկոն Ասլանյանը, սակայն, ՀԺ-ի հետ զրույցում վստահեցրեց՝ տեղադրված կարկասի գոյությանը տեղյակ է եղել ի սկզբանե, բազմաթիվ զգուշացումներ են տվել կարկասի տիրոջը, պահանջել հեռացնել այն, արդեն երեկ ավտոկռունկ են վարձակալել ու  ճարտարապետական բաժնի աշխատակիցների հետ գնացել են ապամոնտաժելու, ինքը թեպետ տեղում չի եղել, սակայն իմացել է, որ կոնֆլիկտ է եղել աշխատակիցների ու տեղասդրողների հետ, ինչի հետեւանքով մեքենավարը հեռացել է. «Մի անգամ էլ գիշերը 10-ի կողմն են գնացել, էլի խոչընդոտ է եղել, որոշեցինք այսօր առավոտ տանել, մարզպետը զանգեց ինձ, բացատրեցի վիճակն ու վստահեցրի, որ առավոտյան կհանենք: Իմ ունեցած լուրերով՝ կրպակի տերերին բերման են ենթարկել ու իրենց միջոցներով ապամոնտաժել տվել, հետո սկսել են իրենց ցուցադրել, անշնորհք վարքագիծ ցուցաբերել, ինչն իհարկե անհետևանք չի մնա»,- ասաց Մամիկոն Ասլանյանը:

Անդրադառնալով մարզպետի՝ իրեն ուղղված մեղադրանքներին, ասաց. «Ինքը պաշտոնյային ոչ վայել վարքագիծ է դրսեւորում, ես իր բոլոր խոսքերին հատ-հատ կանդրադառնամ, ինքը նման գնահատական տալու իրավասություն չունի, ամեն մարդ թող կատարի իր գործը եւ ավելորդ իրեն չերևակայի ու իրենից բան սարքելու մարմանջից ու մոլուցքից թող դուրս գա: Քաղաքապետն ու քաղաքապետարանը գտնվում են իրենց տեղում, եւ մարզպետը չէ, որ պետք է նման լիրիկական ու շարադրության մակարդակի գնահատական տա: Ես որ ինձ զուսպ եմ պահում, դա դեռ չի նշանակում, որ ես իր համար գնահատականներ չունեմ, բայց թող ամեն մեկն իր գործով զբաղվի: Ինչ-ինչ հանգամանքներից ելնելով այսօր ինքը երեւակայում է իրեն ու անվանարկում մարդկանց, բայց մենք մեզ պահում ենք պաշտոնյային վայել շրջանակում, ու եթե մարզպետն իր համար թաքուն նպատակներ է գծել, դա դեռ չի նշանակում, որ այդ մասին մենակ ինքը գիտի: Կոչ կանեմ, որ ամեն մեկն իր գործով զբաղվի»,- եզրափակեց քաղաքապետ Մամիկոն Ասլանյանը:

Տպել
5472 դիտում

ՎՏԲ-Հայաստան Բանկն առաջարկում է ձեռք բերել վճարային մատանիներ իջեցված արժեքով

Ֆրանսիայից Հայաստան ներմուծված փոստային առաքանու մեջ հայտնաբերվել է թմրամիջոցի 415 ամբողջական և 12 մասնատված հաբեր

Անհրաժեշտ է կարճ ժամկետներում գույքագրել բոլոր խնդիրները. Ռոմանոս Պետրոսյանն աշխատանքային այցով Լոռու մարզում է

Կորոնավիրուսով վարակված երկու մանկավարժ Ախուրյանից տեղափոխվել է Երևան․ դպրոցն ամբողջությամբ անցել է հեռավար ուսուցման

Ադրբեջանի նախագահի իշխանությունը մշտապես հիմնված է եղել հակամարտության շահարկման վրա. Աննա Նաղդալյան

Գայանե Աբրահամյանի մանդատը կստանա Կարապետ Մխչյանը․ սեռերի հավասարակշռության խնդիր այս պահին չկա

Նախագահ Արմեն Սարգսյանն այցելել է FAST հիմնադրամ

Ֆելիքս Ցոլակյանը ստորաբաժանումների ղեկավարներին է ներկայացրել նորանշանակ տեղակալ Արմեն Փամբուխչյանին

Դիմակ չկրելու պատճառով ընդհարում ոստիկանների եւ քաղաքացիների միջեւ. 3 անձ բերման է ենթարկվել (տեսանյութ)

«Մենք տասնամյակներ դեմ ենք եղել կաշառելուն». Վարտգեզ Գասպարին դատարանի բակում է

Պաշտոնից ազատված փոխնախարար Գրիշա Թամրազյանը հայտարարությամբ է հանդես եկել

Բարելավումներ մանկավարժների և դպրոցահասակ երեխաների տրանսպորտային ծառայությունների փոխհատուցման կարգում

Հուլիսյան դեպքերը ցույց տվեցին, որ մեզ հետ պետք չէ խոսել ուժի լեզվով. վարչապետն ընդունել է Արցախի ԱԺ պատվիրակությանը

ՃՈ Իջեւանի հաշվառման-քննական բաժանմունքի պետը 75.000 դրամ կաշառքի դիմաց կազմակերպել է քննության դրական արդյունք. ԱԱԾ

Դատարանի բակում ոստիկանները դիմակ են բաժանում ցուցարարներին

Երեխաները վարակվում են եւ վարակում. միայն հունիս-օգոստոս ամիսներին ՀՀ-ում 2311 երեխա է վարակվել կորոնավիրուսով

Օգոստոսին տնտեսական ակտիվության ցուցանիշը նվազել է 9․8 տոկոսով

Աշտարակ քաղաքի Մուղնի թաղամասում այրվել են ավտոմեքենաներ

«Ես 50-100 քաղաքացու հետ շփվում եմ, սիրտս լցվում է». ըստ Ծառուկյանի՝ ՀՀ-ում մարդիկ կործանման եզրին են

Կարծում եմ` նոր թեկնածուի կարիք ունենք. Վահե Գրիգորյան