Մեծ են ակնկալիքները, որ արտակարգ դրությունը հետագայում երկարաձգելու անհրաժեշտություն չի լինի․ փոխվարչապետ

Արդեն չորրորդ անգամ արտակարգ դրության երկարացումը բոլորիս համար պետք է ավելի մեծ զգոնության եւ լրջության ազդակ լինի, մեր հավաքական վարքագիծը լրացուցիչ անգամ գնահատելու եւ համարժեք եզրակացություններ անելու առիթ դառնա։

Այս մասին այսօր ԱԺ-ում արատակարգ դրության հարցը երկարաձգելու որոշումը ներկայացնելու ժամանակ ասաց ՀՀ փոխվարչապետ, պարետ Տիգրան Ավինյանը։ Նա շեշտեց, որ երկրում արտակարգ դրության համար հիմք հանդիսացող ռիսկերը չեզոքացված չեն, ներկա դրությամբ համավարակի հետ կապված իրավիճակը մնում է մտահոգիչ, սակայն կառավարելի առողջապահական սպասարկման տեսանկյունից։

«Առանց արտակարգ դրության իրավական ռեժիմի դեռեւս հնարավոր չի լինի սահմանել եւ վերահսկել գործող սանիտարահամաճարակային եւ այլ կանոնների պահպանումը»,- ասաց Ավինյանը՝ ակնկալելով, որ հետագայում արտակարգ դրությունը երկարաձգելու անհրաժեշտություն չի լինի։

Ավինյանը հայտարարեց, որ այսօրվա դրությամբ հաստատված վարակակիրների թիվը հասել է 32.151-ի, որից փաստացի բուժում է ստանում 11.530 պացիենտ։ Մոտ 20 հազար մարդ առողջացել է, մահացել՝ 573 մարդ։

Նա ասաց, որ տնային հսկողության տակ գտնվող քաղաքացիների թիվը մոտ 10-ը հազար է, սակայն եւ հավելեց, որ այս թվերը փոփոխվում են րոպեների ընթացքում։

Հունիս ամսին, ինչպես ասաց Ավինյանը, թեստավորման թիվը միջինում եղել է 2000, եղել են նույնիսկ օրեր, որ դրանց թիվը հասել է 2800-ի։ Մինչ այժմ ՀՀ-ում անցկացվել է կորոնավիրուսի 135 հազար 687 թեստ։

Անդրադառնալով դիմակների կրմանը՝ փոխվարչապետն ասաց, որ հանրային կարգապահությունը դեռեւս բավարար չէ՝ վարակի տարածման դինամիկան նվազեցնելու համար։ Սրա մասին վկայում են ոստիկանության արձանագրած խախտումները։ «Մինչ օրս դիմակ չդնելու եւ անձը հաստատող փաստաթուղթ չունենալու համար կազմվել է 81 հազար 84 արձանագրություն, որից 22 հազար 485-ը՝ տրանսպորտային միջոցներում, մնացածը՝ հանրային վայրերում դիմակ չդնելու դեպքերի առնչությամբ»,- մանրամասնեց Ավինյանը։

Նա հայտնեց նաեւ, որ տնտեսվարողների՝ սանիտարահամաճարակային կանոնների պահպանումը բարելավվել է, ինչը փաստում է կրկին արաձանագրված խախտումների քանակը։ Նրա խոսքով՝ եթե հունիսի 9-ին օրական արձանագրվել է 149 դեպք, ապա հուլիսի 9-ին՝ 58 խախտման դեպք։

Ներկայացնելով վարակման գործակիցները՝ Ավինյանն ասաց, որ նման միտումի պահպանման պարագայում սեպտեմբերի սկզբին կլինեն օրական 140 վարակակիրների արձանագրված դեպքեր։

«Ցանկացած պահի, երբ տեսնենք, որ առողջապահական համակարգն այլեւս ի վիճակի չէ պատշաճ բուժսպասարկում իրականացնելու, կիրառելու ենք սահմանափակումները, բացառապես 100 տոկոսանոց վերահսկելիությամբ եւ կարգապահության ապահովման նախապայմանով»,- ասաց փոխվարչապետը։

Ավինյանը հավաստիացրեց, որ շարունակում են կարավառել իրավիճակը, մշակել զարգացման բոլոր սցենարների համար անհրաժեշտ լուծումներ։ Նա նշեց, որ նոր սահմանափակումների կիրառումն իրենց համար շարունակում է մնալ ամենաանցանկալի տարբերակը ոչ միայն տնտեսական բացասական հետեւանքների պատճառով, այլեւ այն հույսով, որ սահմանափակումների փոխարեն հնարավոր կլինի համակեցության կանոններին հետեւելով՝ վերադառնալ մեր բնականոն գործունեությանը։

Տպել
1624 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)