Երեւան-Գյումրի գնացքի ուղեվարձն իջեցվել է, երթն արվում է կանգառներով

Ավելի քան երկու անգամ իջեցվել է Երեւան-Գյումրի գնացքի ուղեվարձը, նախկինում այն 2500 դրամ էր, հիմա՝ 1200 դրամ. այս լուրը «Հայկական ժամանակ»-ին հաղորդեց «Հարավկովկասյան» երկաթուղի ընկերության մամուլի խոսնակ Ռուբեն Գրձելյանը՝ ի պատասխան գնային քաղաքականության վերանայման մասին հարցին:

Փոփոխություն կա նաեւ չվացուցակում, խոսնակի փոխանցմամբ՝ նախկինում գնացքներն ուրբաթ, շաբաթ, կիրակի էին գնում ճեպընթացի ռեժիմով Երեւան-Գյումրի առանց կանգառների, հիմա «Հարավկովկասյան» երկաթուղիների մեկ նոր գնացք ամեն օր ուղեւորներ է փոխադրում Երեւանից Գյումրի եւ հակառակ ուղղությամբ: «Որոշեցինք, որ պիտի կանգառներով գնա, քանի որ մեր հարցումների համաձայն՝ դրա պահանջարկը կար: Ուղեւորներ ունեինք Արմավիրից, Դալարիկից, մյուս կանգառների կարիքն էլ կար: Այսպես որոշվեց, որ այս կողմերի ժողովուրդն էլ օգտվեր, ոչ թե միայն Երեւանից Գյումրի մեկնողները կամ վերադարձողները»:

Գրձելյանի խոսքով՝ այս մոտեցմամբ ՀԿԵ-ն աշխատում է դեռ ընդամենը երկու օր, եւ դժվար է ընդհանուր առմամբ գնահատել, թե փոփոխություններն ինչպես են ընդունվել, սակայն այս պահին ուղեւորահոսքը բավարար է. «Նախնական տվյալներով զգուշավոր լավատեսությամբ կարող ենք ասել, որ ժողովուրդն օգտվում է եւ կարծես թե ողջունում է այս մոտեցումը»:

Կորոնավիրուսի՝ ուղեւորահոսքի վրա ունեցած ազդեցության մաիսն հարցին պատասխանալով՝ նա նշեց, որ ուղեւորահոսքը բավական պակասել է, եւ դրա պատճառն է հատկապես միջազգային երթերի՝ դեպի Թբիլիսի եւ դեպի Բաթումի դադարեցումը, սակայն տեղական էլեկտրագնացքների ուղեւորահոսքը պահպանվել է: Նախորդ տարվա հունվար-մայիսի համեմատությամբ այս տարի հունվար-մայիսի ուղեւորահոսքի անկումը ընդհանուր առմամբ գնահատվում է 17.7 տոկոս, ներառյալ՝ միջազգային երթերը: «Օրինակ՝ այդ նույն ժամանակահատվածում Երեւան-Երասխ էլեկտրագնացքի ուղեւորափոխադրումն աճել է 3 տոկոսով: Մի պահ, երբ միջքաղաքային ավտոբուսների երթերը հանվեցին, միայն մենք էինք աշխատում, այդ ժամանակ տեղական գնացքների ծանրաբեռնվածությունը բավական մեծացավ: Եվ հետո էլ, երբ արդեն Արտաշատի, Արմավիրի ավտոբուսները սկսեցին աշխատել, ուղեւորները շարունակեցին օգտվել էլեկտրագնացքից, քանի որ տեսել էին, որ այն ավելի հարմար է: Մարդիկ գնացքը նախընտրում են նաեւ այն բանի համար, որ այստեղ հնարավոր է սոցիալական հեռավորությունը պահել, մուտքի մոտ կան ալկոգելեր, օգտվում են: Մեզ մոտ նույնիսկ պիկ ժամերին ծանրաբեռնվածությունը 100 տոկոսի չի հասնում, հնարավորություն է լինում նստել հեռու-հեռու: 400 հոգանոց էլեկտրագնացքում, եթե 200 ուղեւոր էլ լինում է, մարդիկ կարողանում են իրարից բավական հեռու նստել»:

Դեռ չի վերագործարկվել դեպի Սեւան ուղղությունը. ՀԿԵ-ում սպասում են պարետատան որոշմանը: Այս գնացքները, հատկապես շաբաթ-կիրակի օրերին, մշտապես ծանրաբեռնված են լինում, եւ պահպանել սոցիալական հեռավորությունը, ինչպես մյուս ուղղություններում է, դժվար կլինի: «Եթե դեպի Սեւան ուղղությունն այսօր բացենք, հնարավոր է՝ շաբաթ օրը 400 տեղանոց էլեկտրագնացքում 400 ուղեւոր էլ լինի: Դա նախապես վաճառվող տոմսերով չէ, ինչպես միջազգային ուղղությունների կամ ճեպընթացի դեպքում, մարդը իր ժամին գալիս նստում է, տոմսերը վաճառվում են տեղում»: Ճշտող հարցին՝ արդյոք դիմե՞լ են պարետատուն, Գրդզելյանը պատասխանեց, որ՝ ոչ, սակայն դեպի Սեւան ուղղության մասով սպասում են առանձին որոշման: «Այս գնացքներում սոցիալական հեռավորություն պահել չենք կարող: Եթե արտակարգ դրությունը չեղարկվի, մենք, իհարկե, ուղղակի կսկսենք երթերը, եթե, իհարկե, սեզոնի ավարտ չլինի»:

Ինչպե՞ս որոշվեց ուղեվարձը իջեցնել հարցին ի պատասխան՝ Գրձելյանն ասաց. «Մենք մշտապես համագործակցում ենք նախարարության հետ, մեր ուղեւորափոխադրումների մասով անընդհատ բանակցում ենք նոր ուղղություններ բացելու, եղածը չեղարկելու առումով գնային քաղաքականության համար: Հիմա ուղեւորափոխադրումներից ստացած մեր վնասը որոշակի չափով կոմպենսացնում է Կառավարությունը, հիմնական վնասը մենք ենք կրում: Քանի որ պայմանագրով նշված է, որ ուղեւորափոխադրումների մասով մենք պիտի համատեղ որոշումներ ընդունենք, համատեղ քննարկել ենք, համատեղ որոշել ենք եւ իրականացրել»:

Հիշեցնենք, որ շաբաթներ առաջ ՏԿԵ նախարար Սուրեն Պապիկյանը նշել էր, որ նախատեսում են ՀԿԵ-ի հետ դիտարկել ճեպընթացների ուղեվարձերի իջեցման հարցը: ՏԿԵ-ին արված մեր բազմաթիվ հարցումներն այս ընթացքում մնացել են անպատասխան:

Տպել
2533 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին