Դիմակը շատ ավելի էֆեկտիվ է՝ դիմացինին չվարակելու, քան թե չվարակվելու համար․ վարչապետ

Մեր ընթացիկ շրջանի հիմնական խնդիրը շարունակում է մնալ կորոնավիրուսի համաճարակը։ Այս մասին այսօր ՀՀ Կառավարության նիստի սկզբում հայտարարեց վարչապետ Նիկոլ Փաշինյանը։

«Երեկ մենք 665 նոր դեպք ենք հայտնաբերել, եւ մեզ չի հաջողվում թվերն իջեցնել, ու մենք գիտենք դրա պատճառը։ Պատճառը հետեւյալն է՝ հակամահաճարակային կանոնները համատարած կերպով չեն պահպանվում, եւ մենք ստիպված ենք ավելի ու ավելի կոշտ վարչական մեթոդներ կիրառել՝ հակահամաճարակային կանոնները պահպանելու նպատակով»,- ասաց վարչապետը։

Անդրադառնալով պարետի որոշմանը, որ քաղաքացիները պետք է իրենց հետ ունենան անձը հաստատող փաստաթուղթ՝ վարչապետն ասաց. «Ես ուզում եմ պարզաբանել, թե որն է այս որոշման նպատակը։ Եթե, օրինակ, դիմակ չկրելու համար տուգանվելու ընթացքում քաղաքացին չունի փաստաթուղթ իր մոտ, նրան վարչական պատասխանատվության ենթարկելու պրոցեսը ավելի երկար է տեւում, որովհետեւ անհրաժեշտ է տանել բաժին ոստիկանության, անձը պարզել, որից հետո վարչական արձանագրություն կազմել, իսկ հիմա այդ միջոցը պարտադիր է դարձվել հենց այդ նպատակով, որպեսզի վարչական այս լծակը ավելի արդյունավետ գործի»։

Փաշինյանն ընդգծեց՝ եթե քաղաքացին դիմակ չի կրում եւ չունի նաեւ անձը հաստատող փաստաթուղթ, տվյալ դեպքում դա համարվելու է 2 առանձին վարչական խախտում եւ 2 առանձին վարչական վարույթով է հարուցվելու։

«Այս պահին մենք ունենք համոզվածություն, որ պետական բոլոր մարմինները կամ մարդկանց մեծ հոսք սպասարկող բոլոր մարմինները հերթերի կարգավորման հակահամաճարակային կանոնները պատշաճ ձեւով ներդրել են։ Մենք պետք է արձանագրենք, որ պետական բոլոր այն մարմինները, որոնք գործ ունեն քաղաքացիների հետ, պարտադիր պետք է հերթերը կարգավորեն, ընդ որում, ոչ միայն բուն տարածքում, այլեւ տարածքից դուրս»,- նշեց նա։

Վարչապետն ասաց՝ կցանկանար, որ բանկերի դրսի հատվածում այդ խնդիրը կարգավորվի. «Մինչեւ այժմ էլ, հատկապես մարզային մասնաճյուղերից, մենք շարունակում ենք լուսանկարներ ստանալ, որ մարդիկ իրար շատ մոտ են կանգնած։ «Հայփոստը» պետք է հստակ կատարի այդ պայմանները, մաքսատները, հարկ վճարողների սպասարկման կենտրոնները, ոստիկանության անձնագրային բաժինները եւ վարորդական իրավունքների, պետհամարանիշների թողարկման կետերը։ Այդ բոլոր պետական մարմինների ստորաբաժանումների ղեկավարները պետք է իմանան, որ իրենք անձնական պատասխանատվություն են կրում այդ տարածքներում հակահամաճարակային կանոնները պահպանելու համար»։

Նիկոլ Փաշինյանը նշեց՝ վերլուծությունները ցույց են տալիս, որ վարակի տարածման աղբյուր են բակերը եւ մոտ հասցեները։

«Ձեւավորվել են համատեղ կարգախմբեր ոստիկանության եւ պետական այլ մարմինների, որոնք ամեն օրվա հետ ավելի ու ավելի մեծ մաստշաբով կիրականացնեն այդ վերահսկողական գործառույթները։ Շատ կարեւոր է արձանագրել, որ շուկայում տեղի է ունեցել դիմակների էական գնանկում։ Տնտեսական մրցակցության պաշտպանության պետական հանձնաժողովը կանխատեսում է, որ առաջիկայում այդ գնանկումը շարունակվելու է»,- ասաց նա։

Վարչապետն ընդգծեց, որ եթե ճիշտ է հասկացել ՏՄՊՊՀ նախագահ Գեղամ Գեւորգյանին, ապա առաջիկայում քաղաքացիները մի դիմակը մոտավորապես 60-70 դրամով հնարավորություն կունենան ձեռք բերել այդ ապարատներից, ինչին վերջինս դրական արձագանքեց։

«Հիմա գործնականում մենք արդեն գիտականորեն հաստատված հիմնավորում ունենք, որ դիմակի կրումը եւ սոցիալական հեռավորությունը, ձեռքերի պարբերական ախտահանումը, 95 եւ ավելի տոկոսով երաշխավորում են։ Ընդ որում, շատ կարեւոր հանգամանք է պետք ընդգծել՝ դիմակները պաշտպանում են ոչ միայն եւ ոչ այնքան դիմակ կրողին, որքան՝ դիմացինին, այսինքն՝ դիմակը շատ ավելի էֆեկտիվ է՝ դիմացինին չվարակելու, քան թե չվարակվելու համար։ Քանի որ այս հիվանդության առանձնահատկությունն այն է, որ հիմա մենք վստահ ենք՝ տասնյակ հազարավոր ասիմպտոմ դեպքեր ունենք ՀՀ-ում, մենք բոլորս բոլորիս պետք է վերաբերվենք որպես վարակակրի, հետեւաբար դիմակ չկրելու կոնտեքստը ոչ այնքան այն է, որ ես չեմ վախենում վարակվելուց, այլ ավելի շատ այն է, որ ես պատրաստ եմ ուրիշներին վարակել։ Եվ մեր սիրելի հայրենակիցները պետք է հենց այս համատեքստում դիտարկեն հարցը, որովհետեւ այս պայմաններում դիմակ չկրելը որոշակի անպատասխանատվության դրսեւորում է ոչ այնքան սեփական անձի, որքան դիմացինի նկատմամբ»,- ասաց Փաշինյանը։

Նա ընդգծեց՝ ցավոք, ամեն օր կորոնավիրուսից մահացության դեպքեր են լինում, եւ այդ թիվը կապի մեջ է ընդհանուր հիվանդությունների թվի հետ. «Մեզնից յուրաքանչյուրի անհատական վարքագիծը ունի շատ կարեւոր նշանակություն։ Էլի ուզում եմ իմ սեփական օրինակը վկայակոչել. հիմա հետահայաց վերլուծելով այն ենթադրվող 14 օրը, որի ընթացքում ես վարակված եմ եղել կորոնավիրուսով՝ պատահել է այնպես, որ ես ողջ ընթացքում առանց դիմակի, բացի իմ ընտանիքի անդամներից, որեւէ մեկի հետ չեմ շփվել կամ շփվել եմ՝ սոցիալական հեռավորություն պահպանելով։ Կարող եմ ասել, որ որեւէ մեկին չեմ վարակել միայն այդ բանի շնորհիվ, որ դիմակով եմ եղել եւ դիմակով եմ հարաբերվել նաեւ աշխատանքային հարաբերությունների ընթացքում»։

Տպել
930 դիտում

Արմավիրում և Գեղարքունիքում ջրամատակարարման դադարեցումներ կլինեն

Քննարկվել են հուշարձանների զբոսաշրջային գրավչության բարձրացմանն ուղղված հարցեր

Զորամասի պահպանության գոտում անցկացվել են խնդիրների ճշգրտման և տեղազննման աշխատանքներ

«Առինջ Մոլ» առևտրի կենտրոնի հետնամասում այրվում է կուտակած թուղթ (տեսանյութ)

Պատրաստ ենք անցնել գործնական դաշտ՝ քննարկելով համատեղ ծրագրերի հեռանկարները. Վահրամ Դումանյան

Բրազիլիայի դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին

Հայ լողորդները Հռոմում կմասնակցեն ջրային մարզաձևերի Եվրոպայի առաջնությանը

Դոլարի եւ ռուբլու փոխարժեքները նվազել են

Վթար Արաբկիրի թաղապետարանի շենքի դիմաց․ կա մեկ զոհ

Առաջիկա օրերի եղանակային կանխատեսումը

Մի դրամի ուժի» օգոստոս ամսվա շահառուն «Հերոսների Վերականգնողական Քաղաք»-հոգեբանական վերականգնողական կենտրոնն է

Նոր միջանցքի գործարկմամբ Աղանուս համայնքը դուրս կգա Ադրբեջանի վերահսկողությունից. Խանումյանը մանրամասներ է ներկայացրել

Սուրեն Պապիկյանն ընդունել է ՀՀ-ում Բելառուսի Հանրապետության արտակարգ և լիազոր դեսպան Ալեքսանդր Կոնյուկին

Շախմատի համաշխարհային օլիմպիադա. Հայաստանի տղամարդկանց հավաքականը երկրորդն է

Լևոն Մինասյանը ազատվել է պետական արարողակարգի ծառայության պետի պաշտոնից

Որոշ հատվածներում ադրբեջանական կողմը կրկին խախտել է հրադադարի պահպանման ռեժիմը. Արցախի ՊՆ

Վահագն Խաչատուրյանն Ազգային տոնի կապակցությամբ շնորհավորական ուղերձ է հղել Սինգապուրի նախագահին

Վանաձորի մի շարք հասցեների գազամատակարարումը օգոստոսի 10-ին ժամանակավորապես կդադարեցվի

Երևան-Մեղրի ավտոճանապարհին տեղի է ունեցել ավտովթար. կան տուժածներ

Արմեն Փամբուխչյանը ընդունել է «Հարավկովկասյան երկաթուղի» (ՀԿԵ) ՓԲԸ գլխավոր տնօրեն Ալեքսեյ Մելնիկովին

Զենքի օգտագործման կանոնները խախտելու հետևանքով վիրավորվել են ՊԲ պայմանագրային զինծառայողներ

Վերահաստատում եմ Սինգապուրի հետ փոխգործակցությունն ընդլայնելու ուղղությամբ աշխատելու պատրաստակամությունս. ՀՀ վարչապետ

Ժամանակավորապես կփակվի Թբիլիսյան խճուղի - Հրաչյա Աճառյան փ. կամուրջը

Աչաջուր գյուղի սկզբնամասում ավտոմեքենան բախվել է գազատար խողովակին և այրվել

Արմավիրի մարզպետարանի քաղաքաշինության վարչության նախկին պետի լիազորությունները չարաշահելու գործը դատարանում է

Աղվան Հովսեփյանը կմնա կալանավորված

Համատեղ ջանքերի գործադրմամբ կկարողանանք էլ ավելի ամրապնդել երկրների միջև գործակցությունը. Փաշինյանը՝ Քուվեյթի վարչապետին

Երևանի և 7 մարզի բազմաթիվ հասցեներում մի քանի ժամ լույս չի լինի

Օգոստոսի 26-ին և 27-ին Գյումրիում Երևանի օրեր են (տեսանյութ)

Հուլիս ամսին Հայաստան է ժամանել 188 856 զբոսաշրջիկ

6 մեդալ՝ Մաթեմատիկական միջազգային ուսանողական օլիմպիադայից

Գիտության զարգացումը Հայաստանի համար ունի ռազմավարական նշանակություն. Մխիթար Հայրապետյան

Խոշոր ավտովթար Արարատի մարզում, ճակատ-ճակատի բախվել են «Mercedes»-ն ու «Opel»-ը. կան վիրավորներ

Շախմատի համաշխարհային օլիմպիադա. տղամարդկանց հավաքականը հաղթել է Ադրբեջանին

Ծառայության առօրյայից համացանց լուսանկարներ ներբեռնած զինծառայողները ենթարկվել են կարգապահական պատասխանատվության

Նիկոլ Փաշինյանն ու Վլադիմիր Պուտինը հեռախոսազրույց են ունեցել

Տեսչական մարմինը վերացրել է կաթնամթերքի արտադրամասի արտադրական առանձին գործառույթի կասեցումը

Վահագն Վերմիշյանը տեղափոխվել է Էրեբունի բժշկական կենտրոն

Հանգստյան օրերին ԱԻՆ-ն օձերի վերաբերյալ 7 ահազանգ է ստացել

«Անկանխիկ գործառնությունների մասին» օրենքի պահանջների պահպանման մասով ՊԵԿ-ը սկսում է ակտիվ վարչարարությունը