Դատավոր Դավիթ Բալայանի որոշմամբ կարճվել է դատավոր Դավիթ Գրիգորյանի վերաբերյալ քրեական գործը

Երեւան քաղաքի ընդհանուր իրավասության դատարանի Ավան եւ Նոր Նորք նստավայրի դատավոր Դավիթ Գրիգորյանի եւ նիստերի քարտուղար Գոռ Վարդանյանի վերաբերյալ քրեական գործը կարճվել է:

Նման որոշում է կայացրել Երեւանի ընդհանուր իրավասության դատարանի Շենգավիթի նստավայրի դատավոր Դավիթ Բալայանը, որին էլ նախաքննության ավարտից եւ դատարան ուղարկելուց հետո մակագրվել էր գործը:

Տեղեկությունը ՀԺ-ի հետ զրույցում հաստատեցին դատավորի աշխատակազմից`նշելով, որ որոշումը կայացվել է հունիսի 5-ին: Թե ինչ հիմքով է դատարանը նման որոշում կայացրել, դատավորի աշխատակազմից չմանրամասնեցին`առաջարկելով հետեւել դատական տեղեկատվական համակարգում թարմացվող տվյալներին:

Դատարանի այս որոշմանը ֆեյսբուքյան իր էջում անդրադարձել է Դավիթ Գրիգորյանի պաշտպան Գեորգի Մելիքյանը`գրելով, որ դրա մասին մամուլից է տեղեկացել եւ դատական ակտ դեռեւս չի ստացել:

Նրա գրառումը`ստորեւ.

«Այսօր երկարատև հիվանդությունից հետո վախճանվեց դատավոր Դավիթ Գրիգորյանի նկատմամբ ապօրինի իրականացվող քրեական հետապնդումը և ի շնորհիվ դատավոր Դավիթ Բալայանի արդարացման ակտի վերջինս արդարցվեց։
Ցավակցում ենք ՀՔԾ և դատախազությանը»,- գրել է պաշտպանը:

Մեր զրույցում Գեորգի Մելիքյանը նշեց, որ գործով դատական նիստ տեղի չի ունեցել, եւ դատավորը նման որոշում է կայացրել գործի նախապատրաստական փուլում: Նշենք, որ Քրեական դատավարության օրենսգրքի 292-րդ հոդվածի համաձայն՝ քրեական գործը վարույթ ընդունելու պահից 15 օրվա ընթացքում դատավորը կարող է կայացնել մի քանի, այդ թվում՝ քրեական գործի վարույթը կարճելու կամ քրեական հետապնդումը դադարեցնելու մասին որոշում: Թե ինչ հիմքով է նման որոշում կայացվել, պաշտպանին հայտնի չէր, սակայն ըստ նրա՝ դատարանը հաշվի է առել իրենց միջնորդությունը. «Մենք միջնորդություն էինք ներկայացրել դատարան այն մասին, որ ապօրինի ճանաչված ապացույցները բացառում են անձի նկատմամբ քրեական հետապնդումը, եւ դատավոր Դավիթ Բալայանը հավանաբար հենց սա է հաշվի առել»: 

Հիշեցնենք՝ վերջերս Վերաքննիչ քրեական դատարանը բեկանել էր Դավիթ Գրիգորյանի աշխատասենյակում խուզարկություն թույլատրելու մասին որոշումը՝ նշելով, որ դրա կայացման պահին չէր հաղթահարվել դատավորի անձեռնմխելիությունը, եւ փաստացի, նրա նկատմամբ քրեական հետապնդում էր իրականացվել առանց ԲԴԽ-ի համաձայնության:

Դավիթ Գրիգորյանը այն դատավորն է, որը 2019 թվականի մայիսի 18-ին Ռոբերտ Քոչարյանին ազատ արձակելու որոշում էր կայացրել: Դրանից հետո, սակայն, նրան մեղադրանք էր առաջադրվել մեկ այլ քրեական գործով պաշտոնեական կեղծիք կատարելու համար: Կեղծիքին օժանդակելու համար էլ մեղադրանք էր առաջադրվել դատական նիստերի քարտուղար Գոռ Վարդանյանին: Դավիթ Գրիգորյանի լիազորությունները հուլիս ամսից կասեցվել էին: Նրա պաշտպաններն այս ընթացքում բազմաթիվ բողոքներ էին ներկայացրել թե վարույթն իրականացնող մարմնին, թե դատարանին՝ մեղադրանքն անհիմն որակելով:

 

Տպել
1320 դիտում

ժողովրդավարական ընտրություններն անհասկանալի են 2003-ից նույն նախագահն ունեցող երկրին. Կոնջորյանը՝ Ադրբեջանի պատվիրակին

Ստեփանակերտում կորոնավիրուսի նոր օջախ է հայտնաբերվել. Արցախում վարակի 5 նոր դեպք է հաստատվել

Հասկանալի չէ նիստի հրատապությունը․ Գորգիսյանի պնդմամբ՝ այս հարցերը կարելի էր քննարկել սեպտեմբերին՝ ավելի հանգիստ, ապահով

Չարաշահումներ մշակույթի նախարարության՝ 2015-2016թթ. գործունեության ընթացքում. հարուցվել է քրեական գործ

էներգախնայող տեխնոլոգիաների ներդրումը՝ ծրագրային ուղղություն

Միկրոձեռնարկատիրության մեջ ներգրավված աշխատողները ևս երեխայի խնամքի նպաստ կստանան. կգործի օրենքի հետադարձ ուժ

Պարետի որոշմամբ՝ 24 ժամով արգելվել է մի շարք տնտեսվարողների, այդ թվում՝ «Նոր Զովք»-ի 2 մասնաճյուղի գործունեությունը

ԱԺ-ում մեկնարկել է արտահերթ նիստը

Կորոնավիրուսի հետեւանքով եւս 18 մարդ է մահացել, այդ թվում՝ 34 եւ 39 տարեկան կանայք. հաստատվել է 535 նոր դեպք

Մաշտոցի պողոտայում ասֆալտապատման աշխատանքներն արվում են գիշերը՝ երթեւեկությանը չխանգարելու համար

Պաշտպանության փոխնախարար Գաբրիել Բալայանը վարակվել է կորոնավիրուսով

Նկարում երեկ արված առևտրից գոյացած պլաստիկե տոպրակների կույտն է. Աննա Հակոբյանը հիշեցնում է պլաստիկի վնասների մասին

Հայ-Ռուսական համալսարանը հրավիրում է «Սահմանադրական իրավունք»-ի օնլայն դպրոց

Մխիթար Հայրապետյանն ընտրվել է Հայաստան-Իրան բարեկամական խմբի ղեկավար

Նախարարը գնացել է ոտքով, 30 րոպեից ավելի քայլել է և միանգամից նստել ասուլիսի, քրտնելը դիմակի հետ կապ չունի. խոսնակ

Փարաքար գյուղում բախվել է 4 ավտոմեքենա․ ուղեւորներից մեկը հոսպիտալացվել է

Իջևանի ոստիկանները 8 խմ ապօրինի փայտանյութով բեռնատար են հայտնաբերել (տեսանյութ)

Դանակահարություն Երևանում. 12-րդ դասարանի աշակերտը «կրծքավանդակի ձախ կեսի հետին և ստորին կտրած-ծակած վերք» է ստացել

Հրդեհ Արարատ գյուղի տներից մեկում․ տուժածներ չկան

Որոշ երկրներում սահմանափակումները հանում են, որոշներում՝ կրկին խստացնում. կորոնավիրուսային իրավիճակն աշխարհում