Երևան
12 °C
Խախտելով նախաքննության տվյալներ հրապարակելու սահմանափակումը՝ ընտրողաբար կատարված տեղեկատվական արտահոսքերով խեղաթյուրված պատկեր ստեղծելու ակնհայտ մղումով դատավոր Դավիթ Գրիգորյանի աշխատասենյակում քննչական գործողություններ կատարվելու, դրա նպատակների ու իրավաչափության, ինչպես նաև այդ քրեական գործի շրջանակներում դատախազության կողմից կայացված դատավարական որոշումների վերաբերյալ զանգվածային առանձին լրատվամիջոցներով տրվել են իրականության հետ աղերս չունեցող և մինչև անգամ երևակայական գնահատականներ: Անթույլատրելի համարելով նման մանիպուլյատիվ մեթոդներով հետագա շահարկումների ծավալումը՝ ստիպված ենք խնդրո առարկային առնչվող առանձին հարցերի կապակցությամբ պարզաբանել հետևյալը: Այս մասին հայտնում են դատախազության մամուլի ծառայությունից։
1. Քննվող քրեական գործի և դրա առանձին հանգամանքների վերաբերյալ քննության մարմնի և դատախազության կողմից մինչ օրս հրապարակային պարզաբանումներ չտալը և նախընթաց խեղաթյուրումներին չարձագանքելու հարցում դրսևորված զսպվածությունը պայմանավորված է եղել բացառապես օրենսդրությամբ սահմանված՝ քրեական հետապնդման մեջ չգտնվող դատավորի հեղինակության, նրա գործունեության անկախության երաշխիքները խստագույնս պահպանելու անհրաժեշտությամբ: Դրանք, ի թիվս այլնի, պահանջում են քրեական հետապնդման մեջ չգտնվող դատավորի մասնակցությամբ քննչական գործողություն կատարելու դեպքերում առավելագույնս ապահովել քննչական գործողության գաղտնիությունը, դատավորի հեղինակության և անկախության նկատմամբ հարգանքը՝ բացառելով դատավորի գործունեությանը ուղղակի կամ անուղղակի որևէ միջամտություն:
2. Առերևույթ պաշտոնեական կեղծիք կատարելու դեպքի առթիվ հարուցված քրեական գործով պարզման ենթակա հանգամանքների վերաբերյալ քաղաքացին հաղորդում է ներկայացրել ոչ թե շուրջ մեկ տարի առաջ, ինչպես փորձ է արվում մատուցել, այլ 2019 թվականի փետրվար ամսին:
Հաղորդմամբ վերջինս հայտնել է, որ քրեական հետապնդման մարմինների որոշումների դեմ դատարան ներկայացրած բողոքի նյութերի ուսումնասիրությամբ պարզել է, որ դրանց կցվել է բողոքի քննությանն իրեն կանչելու մասին ծանուցում, մինչդեռ իրեն նման ծանուցում չի ուղարկվել, այդ կերպ ստեղծվել է պատրանք, թե կողմերին ուղարկվել են ծանուցումներ, սակայն նրանց չներկայանալու արդյունքում դատական նիստը չի կայացել, իսկ դատական նիստերի արձանագրությունների և ձայնագրման կրիչի ուսումնասիրությամբ պարզվել է, որ այդ օրը դատական նիստ տեղի չի ունեցել:
Հիշյալ հաղորդման առթիվ նախապատրաստված նյութերով 2019 թվականի փետրվարի 18-ին ՀՀ հատուկ քննչական ծառայության քննիչի կողմից կայացված որոշմամբ քրեական գործ հարուցելը մերժվել է՝ նկատի ունենալով, որ թեև խնդրո առարկա ծանուցումը կցված է եղել դատական գործին, սակայն այն կողմին չուղարկելու հանգամանքն ընդունել է դատավորը՝ դա պատճառաբանելով աշխատանքային ծանրաբեռնվածությամբ: Այդ իրավիճակը վարույթն իրականացնող քննիչի գնահատմամբ չի կարող մեկնաբանվել որպես քրեական օրենսգրքի 314-րդ հոդվածով նախատեսված այս կամ այն շարժառիթով պաշտոնեական կեղծիքի կատարում։
Քննիչի որոշման դեմ բերված բողոքը մերժվել է վերադաս դատախազի կողմից 2019 թվականի մարտի 12-ին կայացված որոշմամբ՝ նկատի ունենալով, որ ինչպես ներկայացված բողոքը, այնպես էլ նյութերի նախապատրաստմամբ ձեռք բերված փաստական տվյալները քրեական գործ հարուցելու բավարար հիմքերի առկայության մասին տեղեկություններ չեն պարունակել, որոնք թույլ կտային դատախազին վերացնել բողոքարկված որոշումը և հարուցել քրեական գործ:
Հաղորդում տված անձի կողմից, սակայն, քննիչի և դատախազի որոշումները այս տարվա մայիսին բողոքարկել են նաև ՀՀ գլխավոր դատախազին: Ներկայացված այս բողոքով քաղաքացին հայտնել է առավել հիմնավոր փաստարկներ: Մասնավորապես՝ կոնկրետ փաստարկներ են ներկայացվել ոչ թե նիստի ծանուցման մասին, ինչի տպավորությունը համառորեն փորձ է արվում ստեղծել լրատվական միջավայրում, այլ դատական նիստի արձանագրության կեղծված լինելու վերաբերյալ, որոնք առերևույթ վկայել են պաշտոնեական կեղծիքի օբյեկտիվ հատկանիշների մասին: ՀՀ գլխավոր դատախազի կողմից բողոքի բավարարումը և քրեական գործի հարուցման որոշում կայացնելը պայմանավորված է եղել բացառապես այդ հանգամանքով և ներկայացված հանգամանքները լրիվ, օբյեկտիվ և բազմակողմանի քննությամբ պարզելու անհրաժեշտությամբ:
Վերոնշյալը նաև փաստում է, որ դատախազությունն այդ նյութերը վերանայել է ոչ թե իր նախաձեռնությամբ, ինչի տպավորությունը ևս արհեստականորեն փորձ է արվում ստեղծել, այլ հաղորդում ներկայացրած քաղաքացու կողմից ՀՀ գլխավոր դատախազին օրենքով սահմանված կարգով և ժամկետներում ներկայացված բողոքի քննարկման արդյունքում:
Այս իմաստով իրականության հետ որևէ աղերս չունի լրատվամիջոցներով ստեղծվող այն տպավորությունը, թե իբրև Ռոբերտ Քոչարյանին կալանքից ազատելու, քրեական գործի վարույթը կասեցնելու և Սահմանադրական դատարան դիմելու մասին որոշում կայացնելուց հետո են դատախազությունում որոշել վերանայել դեռևս փետրվար ամսին մերժված նյութերը:
Դատավոր Դավիթ Գրիգորյանի կողմից Ռոբերտ Քոչարյանի և մյուսների վերաբերյալ գործով վերը նշված որոշումները կայացնելու և պաշտոնեական կեղծիքի դեպքի առթիվ դատախազության կողմից քրեական գործ հարուցելու միջև կապի վերաբերյալ տողատակերից հասկացվող գնահատականները երևակայական աստիճանի իրականությունից հեռու են նաև այն պատճառով, որ քրեական գործ հարուցելու մասին որոշման կայացման օրվա՝ 2019 թվականի հունիսի 28-ի դրությամբ դատավոր Դավիթ Գրիգորյանի կողմից կայացված հիշյալ դատական ակտերը Վերաքննիչ դատարանի կողմից բեկանված են եղել:
Իսկ աշխատասենյակում կատարված խուզարկությունը և առգրավումը հետապնդել են բացառապես մեկ իրավաչափ նպատակ՝ գործով ձեռք բերել պաշտոնեական կեղծիք կատարված լինելու հանգամանքը հաստատող կամ հերքող փաստական տվյալներ:
3. Նկատի ունենալով, որ առանձին լրատվամիջոցներ կասկածի տակ են դրել նաև դատավորի աշխատասենյակում կատարված քննչական գործողությունների իրավաչափությունը՝ հարկ ենք համարում նշելու, որ «Դատական օրենսգիրք» ՀՀ սահմանադրական օրենքի 52-րդ հոդվածով նախատեսված պահանջները խստագույնս պահպանվել են, քանզի քրեական գործի շրջանակներում քննչական գործողություններ կատարելու նպատակով դատարանի շենք մուտք գործելուց առաջ մինչդատական քրեական վարույթի օրինականության նկատմամբ հսկողություն իրականացնող դատախազն անհապաղ այդ մասին իրազեկել է Բարձրագույն դատական խորհրդին։ Բացի այդ, չնայած քրեական հետապնդման չենթարկվող դատավորի աշխատասենյակում կատարված քննչական գործողություններին նրա մասնակցությունն օրենքի ուժով պարտադիր չէ, աշխատասենյակում խուզարկություն կատարելու քննչական գործողության ընթացքում քննչական գործողության կատարման վայր իր նախաձեռնությամբ ներկայացած դատավորին վարույթն իրականացնող մարմինը թույլատրել է սկզբից մինչև վերջ մասնակցել քննչական գործողությանը՝ օգտվելով դիտողություններ և հայտարարություններ անելու իրավունքից:
Ելնելով վերոգրյալից՝ հորդորում ենք ձեռնպահ մնալ հատվածաբար, համատեքստից կտրված նախաքննական նյութեր հրապարակելու, այդ կերպ իրականությունը խեղաթյուրելու փորձերից, ինչպես նաև չշահագործել դատավորի հեղինակությունը չվնասելու սկզբունից ելենով՝ նախաքննական մարմնի և դատախազության կողմից քրեական գործի շրջանակներում կատարվող քննչական գործողությունների վերաբերյալ սահմանափակ տեղեկատվություն տրամադրելու հանգամանքը, քանի որ տվյալ դեպքում արդարադատության շահը, դատավորի հեղինակության, անկախության երաշխիքների պահպանումն ավելի կարևոր արժեքներ են, քան տեղեկատվության ազատության ապահովումը:
«Հայկական Ժամանակ»-ը Telegram-ումԱրաքսի վրա 2-րդ կամրջի կառուցումն անհրաժեշտություն է, նախագծին Իրանն ու Հայաստանը կողմ են. Սոբհանի
ՄԻՊ ներկայացուցիչները մեկնել են Սյունիք՝ տեղում ԶՊՄԿ-ում ստեղծված իրավիճակին ծանոթանալու համար
Երևան-Գյումրի ճանապարհին մեքենաներ են բախվել. կան զոհեր և տուժածներ
Ինչպես է պատկերացնում Աննա Հակոբյանը կյանքը՝ վարչապետի թոշակի անցնելուց հետո. լուսանկարներ
Հայաստանի պաշտպանական հնարավորությունները պետք չէ թերագնահատել. Իրանի դեսպան
Մոսկվան Բաքվում «Ռուսական տան» հետ կապված հարցի վերաբերյալ դրական լուծում է ակնկալում. Զախարովա
Ցանկացած ճանապարհի, որն իր մեջ կներառի միջանցքի տրամաբանություն, Իրանը դեմ է. Մեհդի Սոբհանի
Երասխի տներից մեկում պայթյուն է եղել. տուժածները տեղափոխվել են բժշկական կենտրոն
«Զանգեզուրի միջանցք» ասվածի հարցում մենք որևէ մեկի հետ գործարքի չենք գնա, մենք կատակ չենք անում. Իրանի դեսպան
Մոտ 70 անձի հաշվեհարդարի սպառնալիքների ներքո աշխատողները չեն կարողացել վերագործարկել արտադրությունը․ ԶՊՄԿ
Մետրոպոլիտենում գնացքը ներկած ու քարեր նետած օտարերկրացիները կալանավորվել են
Հոռոմ-Արթիկ-Ալագյազ ավտոճանապարհին բուք է. մի քանի տարածաշրջանում ձյուն է տեղում
Նոր Նորք վարչական շրջանի աշխատակիցները բնակիչներից հավաքագրված գումարները համայնքի բյուջե չեն մուտքագրել
Ալեն Սիմոնյանն ու Ֆլանդրիայի խորհրդարանի նախագահը քննարկվել են Ադրբեջանում պահվող հայ գերիիների խնդիրը
Մայրաքաղաքը փրկեց, գալիս է հայրաքաղաքը փրկելու, հնարավոր չէ՞ ինքներդ ձեզ լուրջ վերաբերվեք. Պալյանը՝ Թևանյանին
Ադրբեջանը պահանջում է դադարեցնել Բաքվում Ռուսական տան աշխատանքը
2025-ից գիտնականները եռակի և նույնիսկ քառակի անգամ շատ աշխատավարձ կստանան. Սիսակ Գաբրիելյան
Դոլարն ու եվրոն թանկացել են. ինչ փոփոխություններ է արձանագրել տարադրամի շուկան փետրվարի 6-ին
Ինչու Թրամփն ու Մասկը որոշեցին դադարեցնել USAID-ի գործունեությունը, և ինչով էր զբաղվում կառույցը աշխարհով մեկ
Կոնգոյի բանտից փախուստի դիմած տղամարդիկ բռնաբարել և ողջ-ողջ այրել են ավելի քան 160 կնոջ. տեսանյութ
Ընդդիմությանը երբեմն հաջողվում է լավ բաներն անգամ ներկայացնել որպես վատ. Պապոյան
Հօգուտ Հայաստանի բռնագանձվել է 50 հազար 720 եվրո, ՀՀ իրավունքը՝ գրանցվել բնակարանի և բնակելի տան նկատմամբ
Շրջանառվում են Գրիպ Ա տեսակի H1pdm09 ենթատեսակի հարուցիչները. հիվանդների մեծ մասը երեխաներ են
Դուք Հայաստանում որտե՞ղ եք տեսել դիկտատուրա. Պապոյան
Անցած 1 օրում ՀՀ-ում արձանագրված տրանսպորտային պատահարների հետևանքով 2 մարդ զոհվել է, 11-ը՝ վիրավորվել
Հրապարակվել են կադրեր Մերձավանի վարչական ղեկավարի տան վրա զինված հարձակումից. տեսանյութ
Բաքուն ԱՄՆ-ին ծանուցում է ուղարկել USAID-ի գործունեության դադարեցման մասին
Մերձավանի ղեկավարի նկատմամբ հանրային քրեական հետապնդում չի հարուցվել. ՔԿ
Երևանում ու մարզերի զգալի մասում սպասվում է ձյուն, լեռնային շրջաններում՝ բուք, ցածր տեսանելիություն
Ռուսական քարոզչությունը և օտար ազդեցության գործիքները օր առաջ պետք է դուրս շպրտվեն Հայաստանից. Բաբաջանյան
Ձգտում ենք խորացնել ՀՀ-ԱՄՆ կապերը. Արարատ Միրզոյան
Քաջարանում ծեծկռտուքի դեպքով կա երեք ձերբակալված. ՆԳՆ
Ռուբինյանը և Նիդերլանդների դեսպանը քննարկել են տարածաշրջանում տիրող իրավիճակին առնչվող հարցեր
Բաքվում մեկնարկել է Ռուբեն Վարդանյանի դեմ շինծու մեղադրանքներով հերթական դատական նիստը
ՀԱՊԿ-ի հարցերով խորհրդարանական հանձնաժողովների նախագահները Մոսկվայում կհանդիպեն
Կառավարությունը մտահոգված է ԶՄՊԿ-ում վիճակով, դա ազդելու է տնտեսական ցուցանիշների վրա. Պապոյան
Երբ ես բանտում էի, Աստվածաշունչն էր այն ուժը, որն օգնեց ինձ հաղթահարել այդ մարտահրավերը. Փաշինյան
Թրամփը մտադիր է արգելել տրանսգենդերներին մասնակցել 2028-ի խաղերի կանանց մրցումներին. նա հրաման է ստորագրել
Հայաստանի մեծ մասում ձյան տեղումներ են, կան դժվարանցանելի հատվածներ. ՆԳՆ-ն զգուշացնում է
Մերձավանի կրակոցների դեպքով հետապնդվում է 9 անձ, կա 3 ձերբակալված. ՔԿ-ն մանրամասներ է հայտնում
© 2025 Հայկական ժամանակ
Website by MATEMAT