Լարված իրավիճակ «Մեյմանդար» շուկայում. պարետի որոշմամբ՝ շուկան 24 ժամով փակվելու է, առեւտրականները թույլ չեն տալիս

Այս պահին ծայրահեղ լարված իրավիճակ ու վիճաբանություն է Արմավիրի մարզի «Մեյմանդար»-ի շուկայում: Պարետի որոշմամբ՝ շուկան այսօր չէր աշխատելու, բայց գյուղմթերք վաճառողները ընդդիմացել ու աղմուկ-աղաղակով ոստիկաններին թույլ չեն տալիս գործողություն կատարել:

Շուկան 24 ժամով փակվելու է ախտահանման նպատակով, իսկ առեւտրականները նշում են, որ այդ 24 ժամը իրենց տնտեսությանը հսկայական վնաս կարող է պատճառել, ոմանց էլ՝ զրկել օվա հացի փողից: Նրանց կարծիքով՝ առանց փակելու էլ կարելի էր ախտահանել, մարդկանց էլ փողոց չշպրտել:

«Երկու ուսանող ունեմ, եկել եմ էստեղ ու իմ երկու ուսանողներին փրկել եմ: Ինչի՞ համար է փակում»,- լացակումած ասում է տարեց մի պապիկ, որն արդեն երկու տարի է՝ իր ապրանքն այդ շուկայում է վաճառում: Մարդիկ նշում են, որ միլիոններով գազի գումար են տվել, վարկեր ունեն, իրենց համար ամեն մի ժամն է ճակատագրական: Այսօր ապրանքը տեղ են հասցրել, թույլ չեն տալիս վաճառել, չգիտեն՝ դա ինչ անել. «Ի՞նչ անենք, թափե՞նք ապրանքը, թափենք, գնանք մեռնե՞նք»:

Նշեցին, որ տարբերակ կա շուկան ախտահանելու: Հնարավոր է կեսը տեղափոխել մի կողմ, ախտահանել, ապրանքը տեղափոխել այդտեղ, ապա՝ մյուս կեսը, որ մարդիկ այդքան մթերքը ստիպված չլինեն թափել, քանի որ մի քանի ժամ էլ եթե չվաճառեն, ապա այն արդեն պիտանի չի լինի:

«300 կգ վարունգը քաղած, հայաթում թափված է, չեմ կարողանում գնալ բերել: Վարկով եմ դա արել, հիմա վաղը կզանգեն կասեն՝ վարկի տոկոսը մուծի, երեխեքիդ ուսման վարձը մուծի, ինչո՞վ, եթե թույլ չեն տալիս մեր հալալ քրտինքով ապրենք»,- ասաց առեւտրական տղամարդկանցից մեկը: Նրանք բողոքում են, թե ինչո՞ւ է հենց մայիսի 30-ին որոշվել, որ կորոնավիրուս կա այդ շրջանում: «Տվյալ մարդը, որն ասել է՝ 24 ժամով շուկան փակեք, ապրանքիս փողը տալո՞ւ է»,- բղավում էր առեւտրականներից մեկը: 

Հիշեցնենք՝ ՀՀ սննդամթերքի անվտանգության տեսչական մարմնի աշխատակիցները մայիսի 30-ին մշտադիտարկում էին անցկացրել հանրապետության գյուղատնտեսական բոլոր շուկաներում: Շուկաներից մի քանիսում հայնաբերվել էին խախտումներ, որոնց թվում նաեւ Արմավիրի մարզի «Մեյմանդար» շուկայում:

Խախտումները հիմնականում եղել էին հետևյալ բնույթի՝ աշխատակիցները, ինչպես նաեւ շուկաներում մթերք վաճառողները, չէին կրել ձեռնոցներ, դիմակներ չէին կրել կամ կրել էին ոչ ճիշտ, չէին ջերմաչափել հաճախորդներին, չէին վարել ջերմաչափման եւ ախտահանման մատյաններ։ Արձանագրվել էին նաև սանիտարահիգիենիկ այլ նորմերի խախտումներ։

Խախտումների մասին արձանագրությունները ներկայացվել էին պարետատուն, որն էլ կայացրել է վերոնշյալ որոշումը:

Ավելի ուշ վաճառողներին մոտեցավ Արմավիրի մարզի ոստիկանապետ Արամ Հովհաննիսյանը եւ հայտարարեց, որ շուկան այսօր կաշխատի, սակայն վաղը առավոտյան՝ ժամը 10:00-ից մինչեւ հաջորդ օրվա նույն ժամը, այն փակ է լինելու: Պարետի որոշմամբ՝ շուկան ախտահանվելու է: Սակայն ոստիկանապետի այս հայտարարությունն ավելի նյարդայնացրեց առեւտարականներին, ու նրանք սկսեցին գոռգոռալ եւ չլսել ոչ մեկին: «Շուկան չի փակվելու, ծախելու ենք մեր ապրանքն ու ոչ մեկին չենք լսելու»,- բղավում են նրանք ու ծափահարում՝ ի նշան միահամուռ պայքարի:

«Ժողովուրդ ջան, դրանից լավ տարբերակ չի կարող լինել, պարետը ընդառաջ է գնացել ձեզ: Հիմա անցեք ձեր աշխատանքին: Ոստիկանությունը բոլոր մուտքերը փակելու է, որ նոր ապրանք չմտնի շուկա»,- ասաց մարզի ոստիկանապետ Արամ Հովհաննիսյանը:

ՀԳ. ՀՀ վարչապետ Նիկոլ Փաշինյանի խոսնակ Մանե Գեւորգյանը ՀԺ-ին հայտնեց, որ այս պահին պարետի որոշմամբ՝ 24 ժամով փակվելու է միայն «Մեյմանդարի» շուկան: Մեր հարցին, թե «Մալաթիայի» շուկայում էլ էր խախտումներ արձանագրվելու, այն աշատելո՞ւ է, խոսնակը նկատեց՝ մնացածի մասով դեռ որոշում չկա:

Տպել
2915 դիտում

Հրդեհ Գորիս քաղաքում. այրվել է տան տանիք եւ կենցաղային իրեր

Հայաստանի տարածքում հրդեհավտանգ իրավիճակ է. ԱԻՆ-ը հորդորում է զգոն լինել

Արցախում կորոնավիրուսի 3 դեպք է հաստատվել Ստեփանակերտում, եւս մեկը՝ Մարտակերտում

Նիդերլանդները 200.000 եվրո կհատկացնի Հայաստանին՝ կորոնավիրուսի դեմ պայքարի համար սարքավորումներ գնելու նպատակով

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Խոշոր վթար Ստեփանակերտ-Ասկերան ճանապարհին. 5 տուժածի թվում 13-ամյա երեխա կա (լուսանկարներ)

Արմեն Սարգսյանը հեռախոսազրույց է ունեցել ԲԴԽ նախագահի հետ

557 նոր դեպք և 709 առողջացած. 1 օրում կորոնավիրուսից 11 մարդ է մահացել, եւս 7 մահ է գրանցվել այլ հիվանդությունից

Մահացել է «Առաջատար տեխնոլոգիաների ձեռնարկությունների միության» գործադիր տնօրեն Կարեն Վարդանյանը

ՌԴ-ից ՄԻՊ-ի աջակցությամբ Հայաստան են վերադարձել արտակարգ դրության պատճառով ծնողներից բաժանված երեխաները

Հրազդան գետից դուրս է բերվել ինքնասպանություն գործած 60-ամյա քաղաքացու դին

Վթարի պատճառով 12 ժամ ջուր չի լինելու Էրեբունիում

ԱՄՆ կոնգրեսականը կոչ է արել շարունակել Արցախի ականազերծման ծրագրին հատկացվող ֆինանսավորումը

Դենիս Ջորկաեֆը եւ Հակոբ Սիմիդյանը նշանակվել են ՀՖՖ նախագահի խորհրդականներ

Այրվել է մետ 12 հա խոտածածկույթ

ԱՄՆ-ի սենատորները պահանջել են անհապաղ պատժամիջոցներ կիրառել Թուրքիայի դեմ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 25․1 հա տարածք

Ինքնասպանություն Երևանում. տղամարդը ցած է նետվել Կիևյան կամրջից

Ներկայացված պահանջը դուրս էր ՄԻԵԴ-ի իրավասությունից, երկրի ներքին գործերին միջամտելու շեմին է մոտենում․ Եղիշե Կիրակոսյան

Եվրոպայում կորոնավիրուսն անխնա հարվածել է ծերանոցներին. կառավարությունները մեղադրանքի թիրախում են