Առավել քան համոզված եմ, կատարվածն ունի կազմակերպիչներ, որոնք սերտ կապեր ունեն ներկայիս իշխանությունների հետ. Աթանեսյան

23/05/2020 schedule13:34

Փաստաբան Տիգրան Աթանեսյանն այսօր մամուլի ասուլիս էր հրավիրել, որի ժամանակ խոսեց երկու օր առաջ իր տան վրա տեղի ունեցած հարձակման դեպքի և դրա շարժառիթների մասին:

«Երկու օր է՝ իմ ընտանիքի հանդեպ ոտնձգություններ են լինում, կարծես թե սկզբում կենցաղային բնույթ էր կրում հարցը, բայց ինչ պես երևում է, այդպես չէ»,-ասաց փաստաբանը: Ըստ Աթանեսյանի, սկզբում իրեն թվացել է, որ խնդիրը զուտ կենցաղային բնույթի է: «Մեր տունը գտնվում է Քանաքեռի մասնավոր հատվածում, որին կպած է Քանաքեռի նախկին կինոթատրոնը, որը ներկա պահին գործում է որպես ձայնագրման ստուդիա: Մեր տան մոտ կա խաղահրապարակ, որտեղ երեխաներս գնում, խաղում էին հարևանների երեխաների հետ միասին: 2 օր առաջ այդ ձայնագրման ստուդիայի տիրոջ որդին, 40 տարեկան, պահանջել է, որ իմ երեխաներն այնտեղ խաղալու իրավունք չունեն»:

Տիգրան Աթանեսյանն ասաց, տվյալ անձի հետ ինքը որևէ առնչություն չունի: Հաջորդ օրը Աթանեսյանի բնակարանի և այդ տարածքի միջև պարիսպ է շարվել, որին ըստ փաստաբանի, իր կողմից չի եղել որևէ արձագանք: «Տեսնելով, որ սադրանքին չենք տրվում, 7 տարեկան տղայիս, ով առաջին հարկի պատուհանից նայել է, թե ինչ են անում, հայհոյել են ամենավերջին սեռական հայհոյանքներով: Ուզել են խփել պատուհանիս, կինս վազել է դուրս պատշգամբից, 5-6 րոպե ամենաստոր հայհոյանքները կնոջս հասցեին են հնչեցրել: Ասել են տունը քանդելու են, ու նորից նշել են իմ փաստաբան լինելը: Երեխեքս բոլորը տանը փակվել են, զանգել ինձ»,- պատմեց փաստաբանը:

Աթանեսյանը կատարվածը սադրանք է համարում: Միաժամանակ նշում, որ տան ու երեխաների վրա հարձակումն արդարացում չունի, նույնիսկ այն պարագայում, եթե իր հետ կոնֆլիկտ ունենային այդ մարդիկ: Այնուհետ միջադեպը շարունակվել է կնոջ զանգից հետո տուն հասած Աթանեսյանի հետ: Փաստաբանն ասաց, եթե չլիներ ոստիկանությունը, դժվար է պատկերացնելլ, թե տեղի ունեցածն ինչով կավարտվեր:

«Քանաքեռը փոքր տեղ է, շատ արագ ամեն ինչը ճշտվում է: Ընտանիքիս վրա հարձակվողներից մեկը հայտնի նարկոտիկ վաճառող է ու իր նման ոչնչություներ: Նրանք շատ սերտ կապեր ունեն ներկայիս իշխանությունների հետ: Օրինակ դերասան Հովհաննես Ազոյանն այնտեղ գիշերն ինչ-որ անհասկանալի միջոցառումներ է կազմակերպում: Ես առավել քան համոզված եմ, որ կատարվածն ունի կազմակերպիչներ: Հաշվի առնելով ունեցած սերտ կապերն իշխանության հետ, թե չէ ինչի համար պետք է անընդհատ նշեին իմ փաստաբան լինելն ու իրենց կյանքն ուտելը: Չեմ կարող ասել, թե ցուցում են տվել, որ հենց էսպես անեն, բայց այն, որ իրենց ոգևորել են, ասել են, որ կարող են անել ու մարսել, էդպես է»,-ասուլիսի ժամանակ հայտարարեց Աթանեսյանը:

Ըստ փաստաբանի, ոստիկանությունը գտնվել  էիր բարձունքի վրա, սպասում են դատախազության և քննչական մարմինների գործողություններին: «Ես սպասում եմ քրեական գործի շուտափույտ հարուցում, նյութեր են նախապատրաստվում, հաղորդում ներկայացրել ենք, բացարություն տվել ենք: Պահանջելու եմ, որ այդ անձինք ենթարկվեն քրեական պատասխանատվություն և բացահայտվի այդ շղթան: Համոզված եմ, որ դա կապված է իմ մասնագիտական գործունեության հետ, և իմ հանրային դիրոքորշման հետ, որն ունեմ՝ կապված այս իշխանության, կառավարության գործունեության հետ»,-ասաց Տիգրան Աթանեսյանը:

Հիշեցնենք, որ Աթանեսյանը հարձակման էր ենթարկվել նաև 2017 թվականի ապրիլի 27-ին՝ Փաստաբանների դպրոցի տնօրեն, խորհրդի անդամ Սիմոն Բաբայանի, ՓՊ նախագահի խորհրդականներ Վրեժ Խաչիկյանի, Գեւորգ Մկրտչյանի եւ փաստաբան Արսեն Հարությունյանի կողմից։ 

Տպել
2446 դիտում

Դեկտեմբերի 7-ից դպրոցներում 5-ից 12-րդ դասարանցիների համար ևս կվերսկսվի առկա ուսուցման գործընթացը. ՀՀ ԿԳՄՍՆ

Համացանցում հայհոյանքը կարծես դարձել է պարտադիր պայման, բայց դա մեր ազգին չի սազում. Արամե

Նախկին նախագահը՝ ամբաստանյալի աթոռին. Ֆրանսիայում սկսվել է Սարկոզիի գործով դատավարությունը

Երևանի Բաղյան փողոցում հայտնաբերվել է վրաերթի ենթարկված անձը չպարզված քաղաքացու դի

Գեղարքունիքի մարզի ավտոճանապարհներին տեղ-տեղ առկա է մերկասառույց, Սպիտակի ոլորաններում մառախուղ է

Ավտովթար է տեղի ունեցել Երևան-Սևան ավտոճանապարհին․ վարորդն արգելափակվել է մեքենայի մեջ

Պարգևատրվել են մարտական գործողություններին մասնակցած փրկարարները (տեսանյութ)

Թուրքիայի ծավալապաշտական նկրտումները կարող են խիստ կործանարար հետևանքներ ունենալ ողջ տարածաշրջանի համար. Արա Այվազյան

Կապանի օդանավակայանը մնում է հայկական տարածքում. Հայկական միասնական տեղեկատվական կենտրոն

Աշակերտներին գրատախտակի մոտ կանչելու արգելքը հանվել է․ ԿԳՄՍ փոխնախարարը՝ առկա ուսուցմանն անցնելու մասին

Երկրաշարժ Դմանիս քաղաքից 19 կմ հարավ-արևմուտք, ցնցումները զգացվել են Լոռու մարզի Մեծավան և Ձորամուտ գյուղերում

Գյումրիում մարտական վիճակում գտնվող հակահետևակային ական է հայտնաբերվել

Շիրակի փոխմարզպետ Վարդան Գրիգորյանն աշխատանքից ազատման դիմում է ներկայացրել

ՔԿ-ում հանդիպումներ են տեղի ունեցել արգելված զինատեսակների կիրառման գծով միջազգային փորձագետների հետ

Վաղարշակ Հարությունյանն ընդունել է ՀՀ-ում ԱՄՆ արտակարգ և լիազոր դեսպանին

Առաջին անգամը չէ, երբ գործադիր, օրենսդիր և դատական իշխանության ներկայացուցիչները հանդիպում են․ Վիգեն Քոչարյան

Ոստիկանն ազգի նվիրյալ զինվոր է. պատերազմին մասնակցած ոստիկանության 184 ծառայող խրախուսվել է

Դեկտեմբերի 7-ից դպրոցներում առկա ուսուցումը կվերսկսվի նաեւ 5-12-րդ դասարաններում

Հայաստանի որոշ մարզերում մառախուղ է․ ԱԻՆ

Սուրեն Պապիկյանն այսօր ներկայացրել է Կոտայքի նորանշանակ մարզպետին