Անկեղծ ուզում եմ հասկանալ, թե ինչի համար եմ տուգանվել. Սարգիս Գրիգորյանը պնդում է՝ սոցիալական հեռավորությունը պահել էր

Դերասան, հանդիսավար Սարգիս Գրիգորյանը ոստիկանությունից դեռ ծանուցում չի ստացել վարչական տուժի ենթարկվելու վերաբերյալ: Լրագրողներից մեկից է լսել, որ իրեն տուգանել են:

«Անկեղծ ուզում եմ հասկանալ, թե ինչի՞ համար եմ տուգանվել, որովհետեւ սոցիալական հեռավորությունը պահել էի: Կանգնած էի, մեկ էլ եկան ասեցին՝ քեզ տանում ենք: Եվ ամենազավեշտալին, որ ոստիկանները, որոնք ինձ տարան, 6-7 հոգով էին պինդ սեղմված, առանց սոցիալական հեռավորություն պահպանելու»,-«Հայկակակն ժամանակի» հետ զրույցում ասաց Սարգիսը, որին, ի դեպ, այսօր պատահաբար հանդիպեցինք:

Դերասանը 50 հազար դրամ տուգանվել էր՝ Կառավարության դիմաց երեկ անցկացված բողոքի ցույցն մասնակցելիս սոցիալական հեռավորություն չպահելու համար: Ցույցի մասնակիցները պահանջում էին ռեստորանային ոլոտում գործունեության իրավունքի վերականգնում:

«Ես հասկանում եմ, որ մենք Անգլիա, Ամերկիա չենք, կամ հարուստ մեկ այլ երկիր: Մենք կիսաաղքատ երկիր ենք ու ես դա քաջ գիտակցում եմ: Այդտեղ գնալով մենք պարզապես որոշակի լուծում էինք ուզում առաջարկել պարետ Տիգրան Ավինյանին»,- ասաց նա:

Վերջինս թվարկեց մոտ 10 ոլորտ, որոնց ներկայացուցիչները միայն հարսանյաց միջոցառումների հետաձգման պատճառով են տուժում՝ հանդիսավարներ, երաժիշտներ, երգիչներ, վիդեո-ֆոտո նկարահանողներ, մատուցողներ, խոհարարներ, մենեջերներ, գեղեցկության սրահներ, ավտովարձույթ եւ այլն: «Նայեք, դրանց մեծ մասը բացվել են, բայց գործ չեն անում, որովհետեւ եթե հարսանիք չկա, նկարահանում, երաժշտութուն չկա, գեղեցկության սրահներ գնալու կարիք այդքան շատ չկա»,- ասաց դերասանը:

Սարգիս Գրիգորյանն ունի «Գրիգորյանս» միջոցառումների կազմակերպման կենտրոն եւ նշեց, որ միայն իր անունից չէր խոսում Կառավարության շենքի դիմաց: «Այդ մարդիկ ապրելու միջոց չունեն: Մեր կոլեգաներն արդեն ահռելի պարտքերի ու վարկերի տակ են: Ձմռանը որեւէ միջոցառման համար նախապես որոշակի գումար են վերցրել, ապրել դրանով, հիմա միջոցառան տերերը զանգում, ասում են, որ այն չեղարկվել է, ու գումարը հետ են ուզում: Եթե մինչեւ հուլիս չաշխատեն այդ մարդիկ, մեր Կառավարության վիճակն անտանելի կլինի: Հեղափոխության ժամանակ ինչքան մարդ կար չէ՞ Հրապարակում լցված, այդքան էլ հիմա են լցվելու, բայց այս անգամ սովից, որովհետեւ մոտ 10 հազար մարդ հաստատ տուժում է»,- ասաց նա:

Իսկ Սարգսի կինը՝ Մանոն, որ նույնպես երեկ կառավարության շենքի մոտ էր, նշեց, որ նախորդ օրվա իրենց հավաքը բողոքի ցույց չէր, այլ պարզապես ուզում էին իրենց ձայնը լսելի դարձնել, որը շատերի կողմից այլ երանգ ստացավ ու այլ կերպ ներկայացվեց: «Եթե դու գալիս ես շատ խաղաղ, որպեսզի քո ոլորտի մարդկանց հետ մի հարցի լուծում ստանաս կամ մի բանով էլ դու օգտակար լինես, բայց տեսնում ես ոստիկանների մի հսկա բանակ, նման վերաբերմունք, բնական է՝ լարվում ես»,- ասաց նա:

Սարգիս Գրիգորյանի ոստիկանությունում եղած ժամանակ իրեն են այցելել «Լուսավոր Հայաստանի» երեք պատգամավորներ, որոնք նաեւ կառավարության դիմաց էի մոտեցել եւ խոսել հավաքված բազմության հետ: Հավաքվածների առաջ քաշած խնդրին  է արձագանքել նաեւ Մարդու իրավունքների պաշտպանը: Այս մարդկանց ուշադրության համար դերասանը խորապես շնորհակալ է: Նա նաեւ նշեց, որ չունի կառավարության դեմ որեւէ բացասական տրամադրվածություն, այլ ընդհակառակը՝ պատրաստ է աջակցել ինչով կարողանա:

Տպել
4045 դիտում

Ադրբեջանցի հաքերները «WhatsApp»-ով և «Viber»-ով խուճապ առաջացնող նամակներ են ուղարկում

Մենք հաղթելու ենք, որովհետև այլ տարբերակ չկա. Արարատ Միրզոյան

Ադրբեջանի նկատմամբ միջանկյալ միջոց կիրառելու պահանջով ՀՀ-ն դիմել է ՄԻԵԴ

Լոռեցի կամավորներին ճանապարհեցին զուռնա-դհոլով ու չդադարող ծափերով

ՀՀ ԱԱԾ-ն աջակցություն է տրամադրում լրատվական կայքերը սպասարկող մասնագիտական անձնակազմին

Խաղաղ բնակչության, զինծառայողների նկատմամբ հանցավոր ոտնձգությունների առթիվ հարուցվել են քրեական գործեր․ Դատախազություն

Տվեք հրամաններ գնալ առաջ եւ բոլորով գնանք առաջ. Մարուքյանը՝ Փաշինյանին

Победа за нами, ребята...Սա մեր վերջին կռիվն է, որ փառքով ենք տալու. Սասուն Միքայելյան (տեսանյութ)

3 ուղղաթիռ, շուրջ 20 ԱԹՍ, շուրջ 30 տանկ և հետևակի մարտական մեքենա. Ադրբեջանի կորուստներն ըստ Արցախի ՊԲ-ի

«Վանաձորի օր» ամենամյա միջոցառումը չեղարկվել է. գումարները կուղղվեն Արցախի պաշտպանությանը

Նիկոլ Փաշինյանն ու Վլադիմիր Պուտինը հեռախոսազրույց են ունեցել Արցախի իրավիճակի շուրջ

Ետ եմ վերցնելու հրաժարականի դիմումս, պատերազմը հաղթելուց հետո համատեղ կքննարկենք անելիքս․ Գայանե Աբրահամյան

Ռուսահայ համայնքը պատրաստ է աջակցության և Հայաստան ժամանելու. դեսպան

Սա շատ կարևոր փորձություն է մեր համահայկական ներուժի համար․ Նիկոլ Փաշինյան

Հակառակորդի ևս մեկ ԱԹՍ խոցվեց. Արծրուն Հովհաննիսյան

Շիրակի զինկոմիսարիատներում կամավորների հերթեր են գոյացել. Ապրիլյան նահատակների ծնողները ևս կամավորների շարքերում են

Ես պատրաստ եմ զոհվելու հանուն մեր հայրենիքի, հայ ժողովուրդը ծնկած չի եղել և չի լինի. Նիկոլ Փաշինյան (տեսանյութ)

Պահեստազորայինները մեկնում են առաջնագիծ. ԱՀ ՊՆ (տեսանյութ)

Ադրբեջանցի հաքերներն արցախցիներին բնակավայրերը թողնելու պաշտոնական կոչ են տարածել. Մանե Գեւորգյան

Այո, Արցախի Հանրապետության անկախության ճանաչման հարց օրակարգում կա. վարչապետ