Մահակով եւ հակագազով ցուցմունք կորզելու գործով մեղադրյալների դեմ առկա է երկու ցուցմունք. տուժողի ներկայացուցիչ

 

Մահակով եւ հակագազով ցուցմունք կորզելու տեսանյութի հիման վրա հարուցված քրեական գործով մեղադրյալների դեմ տեսանյութից բացի առկա է Ոստիկանության երկու աշխատակցի ցուցմունք: Այս մասին ՀԺ-ի հետ զրույցում տեղեկացրեց գործով տուժողի փաստաբան Արա Ղարագյոզյանը՝ հավելելով, որ նշված չէ՝ ցուցմունք տվողները Ոստիկանության նախկին թե ներկա ծառայողներ են:

Հիշեցնենք՝ 2019 թ. նոյեմբերին համացանցում հրապարակվեց «Հայրենի ոստիկանները մահակով ու հակագազով ցուցմունք են կորզում» վերտառությամբ տեսանյութ, որում երեւում էր, թե ինչպես են մի քանի հոգի բռնություն գործադրում քաղաքացու նկատմամբ: Տեսանյութի հիման վրա ՀՔԾ-ում հարուցվեց քրեական գործ ՀՀ ՔՕ-ի 309-րդ հոդվածի 2-րդ մասով (պաշտոնեական լիազորություններն անցնելը, որը զուգորդվել է բռնություն գործադրելով)։ Նույն հոդվածով մեղադրանք առաջադրվեց ՀՀ ոստիկանության Երեւան քաղաքի վարչության Արաբկիրի բաժնի քրեական հետախուզության բաժանմունքի նախկին պետ Վաչագան Ներսիսյանին եւ նույն բաժնի նախկին ավագ օպերլիազոր Նարեկ Սիմոնյանին, որը այժմ Ճամբարակի բաժնի պետն է, նրա լիազորությունները կասեցված են: Նախաքննության ընթացքում պարզվեց նաեւ ենթադրյալ բռնության ենթարկված անձի ինքնությունը, որը ճանաչվեց տուժող։ Նշենք, որ երկու մեղադրյալների վերաբերյալ գործի նախաքննությունը ավարտվել է: Այն ուղարկվել է դատարան եւ մակագրվել Երեւանի ընդհանուր իրավասության դատարանի Ավան եւ Նոր Նորք նստավայրի դատավոր Վարդան Լ. Գրիգորյանին:

Տուժողի ներկայացուցիչ Արա Ղարագյոզյանը մեկ ամիս առաջ մեզ տեղեկացրել էր, որ նախաքննությունը շարունակվող մայր գործով միջնորդություն է ներկայացրել իր վստահորդի նկատմամբ հոգեբանական փորձաքննություն նշանակելու համար. «Ֆիզիկական վնասից բացի նա նաեւ հոգեբանական վնաս, տառապանք է ստացել, այդ պատճառով նման միջնորդություն եմ ներկայացրել, որի հիման վրա քննիչը հարցաքննություն է նշանակել»,- ասել էր նա: Մեր զրույցում Ղարագյոզյանը հայտնեց, որ կորոնավիրուսով պայմանավորված՝ հարցաքննության փոխարեն իր վստահորդը գրավոր է դիրքորոշում հայտնել՝ նշելով, որ համաձայն է իր միջնորդությանը. «Նա եւս ասել է, որ հոգեբանական ճնշման է ենթարկվել, եւ քննիչը միջնորդությունը բավարարել է, որոշում է կայացրել փորձաքննություն նշանակելու մասին, այժմ սպասում ենք փորձագետին»:

Թե նախաքննությունը շարունակվող մայր գործով այժմ քննչական ինչ գործողություններ են իրականացվում, Ղարագյոզյանը տեղյակ չէր, ասաց, որ երկու մեղադրյալի վերաբերյալ գործը դատարան ուղարկելուց հետո քննչական մարմնից նոր տեղեկատվություն չեն ստացել. «Գուցե դա պայմանավորված է տարածված վիրուսով, ամեն դեպքում, հետեւողական ենք լինելու, որ կատարվածն ամբողջ ծավալով բացահայտվի»:

Ինչ վերաբերում է գործի՝ դատարան ուղարկված մասին, փաստաբանի խոսքով՝ այն երկու հատոր է, եւ տուժող կողմի գնահատմամբ՝ բավարար է հիշյալ երկու անձանց մեղադրանքը հաստատելու համար. «Տուժող կողմը գտնում է, որ երկու մեղադրյալների մասով գործի նյութերը բավարար էին. թեեւ տեսանյութում անձանց դեմքերը շատ լավ չեն երեւում, բայց ըստ էության, երեւում է՝ ով ինչ գործողություն է կատարում, դատարանում այդ տեսանյութը երեւի կտեսնենք, դրանից բացի, կան նաեւ  ոստիկանության 2 աշխատակցի ցուցմունքներ, բայց չեմ կարող բարձրաձայնել դրանց բովանդակությունը, քանի որ դատարանում դեռ չեն հետազոտվել»: Թե ովքեր են տեսանյութում երեւացող մյուս անձինք, Ղարագյոզյանի խոսքով՝ իր վստահորդը չի կարող հիշել, քանի որ երկար ժամանակ է անցել (նշենք, որ դեպքը տեղի է ունեցել 2008 թ.,- խմբ.), բայց տեսնելու դեպքում նրանց կճանաչի. «Այսինքն՝ եթե բացահայտվի նրանց ինքնությունը, եւ ճանաչման ներկայացման փորձ սկսվի, կճանաչի»,- ասաց նա:

Անդրադառնալով պաշտպանական կողմի այն հայտարարություններին, թե այս գործով քրեական պատասխանատվություն կրելու վաղեմության ժամկետներն անցել են, Արա Ղարագյոզյանն ասաց. «Թեպետ այս գործը խոշտանգման հոդվածով չի հարուցված, բայց իր նկարագրական բոլոր գործողություններով խոշտանգում է, իսկ Եվրոպական կոնվենցիայով եւ Եվրոպական դատարանի որոշումներով ամրագրված է, որ խոշտանգումների գործերով չի կարող վաղեմության ժամկետ կիրառվել, այսինքն՝ եթե դատարանը նայի չոր, միայն Քրեական դատավարության օրենսգրքի տեսանկյունից, ապա բնական է՝ առաջին հայացքից վաղեմության ժամկետ կկիրառի, բայց նա պետք է հաշվի առնի նաեւ միջազգային բարձր պայմանագրերը. եթե այդ հիմքով գործի վարույթը կարճեն, հետագայում պետությունը Եվրոպական դատարանի առջեւ կկանգնի, որովհետեւ խոշտանգումների գործերի նկատմամբ պետությունը պոզիտիվ պարտականություն ունի»:

Ղարագյոզյանն ընդգծեց՝ թեեւ 2008 թ. խոշտանգման հոդված մեր օրենսդրության մեջ չի եղել, սակայն Հայաստանն այդ ժամանակ միացած է եղել Եվրոպական կոնվենցիային, որով ամրագրված է, որ խոշտանգումները պետք է բացառվեն. «Այդ համատեքստում խոշտանգումների նկատմամբ չի կարող վաղեմության ժամկետ կիրառվել, եւ մեր դիրքորոշումն այն է, որ այս գործով եւս չի կարող այն կիրառվել՝ հաշվի առնելով հենց այդ նորմերը»: Ըստ Ղարագյոզյանի՝ եթե 2008 թ. միացած չլինեինք Եվրոպական կոնվենցիային, ապա Խոշտանգումների կանխարգելման կոմիտեն չէր կարողանա գնալ Արաբկիրի բաժին, գտնել հակագազը. «Դեռ այն ժամանակ նրանք են դա գտել, ՀՀ-ի վերաբերյալ զեկույց թողարկել եւ Կառավարությունից պատասխան պահանջել, թե այդ հակագազը եւ արյունը ինչ են, ումն են, բայց պատասխան չի տրվել»: Արա Ղարագյոզյանի կարծիքով՝ այստեղ արարքի վերաորակման խնդիր չկա. «Դատարանը կամ պիտի այդ հոդվածներով վաղեմության ժամկետ կիրառի, կամ ոչ, բայց եթե կիրառեց, ապա դա լինելու է ոչ արդարացնող հիմքով: Որքանով ես եմ հասկանում, Արաբկիրի բաժնի պետը արդեն թոշակի է անցած, բայց մյուս մեղադրյալը ուզում է արդարացվել, որպեսզի շարունակի աշխատել համակարգում»:

Գործով մեղադրյալ Արաբկիրի բաժնի նախկին պետ Վաչագան Ներսիսյանի պաշտպան Բաբկեն Մարտոյանը հրաժարվեց զրուցել մեզ հետ՝ ասելով, որ այս փուլում դա նպատակահարմար չի գտնում, քանի որ գործն արդեն դատարանում է: Մյուս մեղադրյալի՝ Նարեկ Սիմոնյանի պաշտպան Հրանտ Անանյանը առանց մեր հարցը լսելու անջատեց հեռախոսը՝ ասելով, թե իրեն հարմար չէ:

Տպել
2395 դիտում

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են