Հայաստանի ֆուտբոլի ֆեդերացիան ակումբներին առաջարկել է կորոնավիրուսի պատճառով դադարեցված 2019-20 մրցաշրջանը վերսկսելուց հետո ՀՀ Բարձրագույն խմբի առաջնությունը շարունակել նոր ձեւաչափով: Այս մասին հայտնել են «Շիրակն» ու «Լոռին»: Ֆեդերացիան 2 տարբերակ է ներկայացրել. առաջինը, շարունակել եղած ձեւաչափը, 2-րդը, խաղալ 9 թիմով եւս 1 շրջան:  

Գործող ձեւաչափը նորություն էր Հայաստանի առաջնությունում եւ ներմուծվել էր ընթացիկ մրցաշրջանից առաջ: Դրա համաձայն՝ 10 թիմերը խաղալու էին 2 շրջանով, որից հետո առաջին 6 թիմերը նույնպես 2 շրջանով խաղալով պայքարելու էին մրցանակային տեղերի համար, իսկ մնացած 4-ն էլ նույն ձեւաչափով մրցելով որոշելու էին միակ անհաջողակին, որը լքելու էր առաջնությունը եւ տեղախփովելու էր Առաջին խումբ: Առաջին խմբի առաջատարն էլ պետք է բարձրանար Բարձրագույն խումբ:

Այս ձեւաչափը մրցաշրջանի սկզբից դժգոհություններ էր առաջացրել: Դրանք սրվեցին այն ժամանակ, երբ ընդգծված ետնապահը՝ «Երեւանը», ձմեռային դադարից հետո դուրս եկավ առաջնությունից: Այժմ մրցաշարի առաջին հատվածի ավարտին դեռ 1 տուր կա, սակայն 6-նյակն արդեն հայտնի է, իսկ «Երեւանի» դուրս գալու պատճառով ստացվում է, որ մրցաշարային աղյուսակի ներքեւի հատվածում գտնվող 3 թիմերը պայքարելու նպատակ չունեն: Նրանք պարզապես խաղալու են միմյանց դեմ ու ավարտեն մրցաշրջանը, ինչը դժգոհության նոր ալիքի պատճառ էր դարձել:

Ամեն դեպքում ՀՖՖ-ի նոր առաջարկն էլ միանշանակ չի ընդունվում: «Շիրակն» ու «Լոռին» դեմ են արտահայտվել: Նրանք համարում են, որ չի կարելի առաջնությունը սկսել մի կանոնակարգով եւ ավարտել ուրիշով: Ընդգծում են, որ մրցաշարային աղյուսակի վերին հատվածում գտնվող թիմերն արդեն իսկ գործող ձեւաչափով քրտնաջան աշխատանքի շնորհիվ են այդ տեղերում հայտնվել ու արդարացի չի լինի նոր փոփոխություն անելը:

Այս պահին ՀՀ Բարձրագույն խմբում կայացել է 17 տուր: Առաջնությունը լքած «Երեւանի» արդյունքները պահպանվել են, քանի որ թիմն անցկացրել է հանդիպումների 50%-ից ավելին, եւ մրցաշարային աղյուսակը հիմա ունի հետեւյալ տեսքը.

1.«Արարատ-Արմենիա» - 33 միավոր

2.«Ալաշկերտ» - 31 միավոր

3.«Լոռի» - 29 միավոր

4.«Շիրակ» - 28 միավոր

5.«Արարատ» - 28 միավոր

6.«Նոա» - 27 միավոր

7.«Փյունիկ» - 23 միավոր

8.«Ուրարտու» - 23 միավոր

9.«Գանձասար-Կապան» - 15 միավոր

10.«Երեւան» - 0 միավոր

Հայկական ակումբներն ապրիլի 23-ից մարզումներն արտակարգ դրութան պայմաններում վերսկսելու հանարավորություն են ստացել: Արդեն նշանակված են նաեւ ընկերական խաղեր: Ինչ վերաբերում է պաշտոնական հանդիպումների վերսկսմանը, ապա հստակ ժամկետներ դեռ չկան: Ավելի վաղ «Հայկական ժամանակ»-ի հետ զրույցում ֆեդերացիայի նախագահ Արմեն Մելիքբեկյանը նշել էր, որ իրենք շատ են ցանկանում առաջնությունն ավարտել մինչեւ հունիսի 30-ը, որպեսզի հաջորդ՝ 2020-21, մրցաշրջանի մեկնարկին ոչինչ չխանգարի:

Տպել
897 դիտում

Նիկոլ Փաշինյանը հեռավար կարգով վարել է Էկոնոմիկայի նախարարության 2019թ. գործունեության հաշվետվության քննարկումը

Կորոնավիրուսից մահացած անձանց անունները հրապարակելու փաստով քրեական գործ է հարուցվել

Հրանտ Բագրատյանի հայտարարությունը բավական ոգեւորել է մեր հակառակորդին․ Գաբրիել Բալայան

2018-ից ի վեր Հայաստանը երրորդ երկրի հետ անօրինական զենքի գործարք չի ունեցել. ՊՆ փոխնախարար

Բժշկասոցիալական փորձաքննության իրականացման կարգը պարզեցվել է

Արմեն Սարգսյանը կորոնավիրուսով պայմանավորված իրավիճակը քննարկելու նպատակով հանդիպում է տարբեր ոլորտների մասնագետների հետ

IDBank-ը հորդորում է Բանկ այցելել ծայրահեղ անհրաժեշտության դեպքում

Համաձայնություն է ձեռք բերվել զորամասերում ջրամատակարարման և ջրահեռացման համակարգերի բարելավման ուղղությամբ

Արցախում ՃՏՊ-ի հետեւանքով զինծառայող է մահացել․ ՊԲ

ԵՊՀ հոգեբանության մասնագիտական խորհուրդը անցկացնելու է թեկնածուական ատենախոսությունների պաշտպանություններ

Որոշ մարդկանց մտքով անցավ, որ նա պետք է զբաղվի քաղաքականությամբ. Հ. Հակոբյանն Ա. Վանեցյանի այսօրվա հայտարարության մասին

Այսօր վարչապետի ճեպազրույցին մասնակցելու է կորոնավիրուսից ապաքինված քաղաքացի

Իսպանիայում ֆուտբոլային խաղերը վերսկսելուց հետո հնարավոր է՝ երկրպագուներին թույլատրեն մարզադաշտ գնալ

Վարակակիր զինծառայողների հիմնական մասը պայմանագրային եւ սպայական կազմից է․ Գաբրիել Բալայան

Կառավարությունը փոփոխություններ է առաջարկել գույքահարկի մասին օրենքում

«Մեյմանդար» կոչվող շուկայում տեղի ունեցած խուլիգանության կասկածանքով երկու անձ է ձերբակալվել. ՔԿ

Խորհրդարանական պետությունը չի ձեւավորվում թղթի վրա, այն ձեւավորվում է իրական կյանքում․ Վլադիմիր Վարդանյան

Թուրքիայում ապրող 16-ամյա Դավիթը արդեն հինգ տարի դպրոց չի հաճախում. նա ստիպված է աշխատել

ԱԺ նախագահը կառավարության ներկայացուցչին հորդորեց պահպանել ԱԺ ներքին հարցերին չմիջամտելու ավանդույթը

Հայտարարվում է Պետական աջակության 17-րդ միջոցառման երրորդ՝ Համաֆինասնավորման դրամաշնորհների ծրագրի մեկնարկի մասին