Հարուստն աղքատին մանր է փրթում։ Այսպես սկսեց իր ելույթն այսօր ԱԺ-ում «Լուսավոր Հայաստան» խմբակցության պատգամավոր Էդմոն Մարուքյանը։ «ՀՀ 2020 թվականի պետական բյուջեի մասին օրենքում փոփոխություն եւ լրացումներ կատարելու մասին» օրենքի նախագծի քննարկման ժամանակ Մարուքյանն ասաց, որ այս նախագծով խորհրդարանի լիազորությունները պետք է զիջեն Կառավարությանը, սակայն եւ պնդեց, որ դա սխալ է։

«Սիրելի՛ հայրենակիցներ, Կառավարությունն ասում է, որ փող չկա եւ եթե կա էլ, ուրիշ բանի համար է․ մոտավորապես այսպես»,- ասաց Մարուքյանը՝ հավելելով, որ վերջին 2 տարիների ընթացքում ՀՀ քաղաքացիների բախտը բերել է, ու կան խնայողություններ։ Մարուքյանի խոսքով՝ այդ խնայողությունների հաշվի վրա կա 385 միլիարդ դրամ։ «Դուք ճիշտ եք ասում, որ այն ամբողջությամբ ազատ չէ, բայց մոտավորապես 200 միլիարդը Կառավարությունը կարող է ծախսել, աջակցել մեր ժողովրդին եւ սրսկել այդ միջոցով տնտեսության մեջ։ Կառավարությունն ասում է՝ քանի որ հարկերը թերակատարվելու են, մենք այս պահին կօգտագործենք, հետո կդնենք տեղը։ Մենք ասում ենք՝ քանի որ ժողովրդի ձեռքին փող չկա, եւ գազն ու լույսը գնացել անջատել եք, իսկ ով էլ հացի փող է ունեցել, դրանով գազ ու լույս է վճարել եւ սոված նստած է տանը, այս մարդկանց՝ 500 հազար ընտանիքի, տվեք 100 հազար դրամ, որն անում է 50 միլիարդ դրամ, թոշակառուներին 1 ամսվա հավելյալ թոշակ տվեք, եւ դրանք 100 միլիարդ դրամը չեն անցնում»,- ներկայացրեց պատգամավորը։ Նրա խոսքով՝ Կառավարության իրենց գործընկերներն ասում են, որ սա պոպուլիզմ է, սակայն, Մարուքյանի պնդմամբ, սա պոպուլիզմ կլիներ, եթե քաղաքացիները դրա կարիքը չունենային, իրենք ասեին՝ տվեք։ «Սա պոպուլիզմ կլիներ, եթե էդ փողը չլիներ, մենք ասեինք՝ տվեք։ Հիմա քաղաքացիները կարիքն ունեն, մարտի կեսից ով ինչ տնտեսում ուներ՝ ծախսել է, ապրիլ ամիսն ապրել է ձեր սոցիալական ծրագրերով, մայիս ամսին հազարավոր մարդիկ աշխատանք չեն ունենա»,- ասաց պատգամավորը։

Նրա խոսքով՝ 4300 բաժանորդի լույս է անջատվել, 700-ից ավելի էլ գազի համար է անջատում եղել։ Նա նաեւ հավելեց, որ ամբողջ աշխարհը մարդկանց ուղղակի փող է տվել․ առաջադեմ երկրները կարող էին 24 ծրագիր մտածել, բայց ընտրել են 1 դյուրին ծրագիր, տվել են գումար։ «Դա շատ քիչ է, բայց տվել են։ Դրա մեջ կարող է մի քանի ընտանիք կարիք չունենա, բայց ստանա այդ 100 հազար դրամը, բայց ի՞նչ կա դրա մեջ, մեր քաղաքացին չԷ՞։ Արտագնա աշխատողների հաշվին չԷ՞ մեր արտարժույթը պահպանվել, նրանք սոված նստած են, չեն կարող գնալ, աշխատանք չունեն։ Ու էս մարդկանց ասում էիք՝ եկեք քվեարկությանը մասնակցեք, որովհետեւ այդ ժամանակ ձեզ պետք էին, բայց հիմա սոված նստած են, իրենց գազն ու լույսը անջատում են, դուք էլ փող ունեք, բայց չեք տալիս այդ մարդկանց»,- ասաց Մարուքյանը։ Նա շեշտեց, որ, այո՛, ՀՀ-ն հարուստ երկիր չէ, բայց մեր բախտը բերել է՝ մենք ունենք խնայողություններ։ «Այս խնայողությունները պահել, սպասել, որ բոլորը սովի մատնվեն, հետո հանել ծախսել, ուշ է լինելու։ Պետք է ժամանակին հանել եւ ծախսել այդ փողը, սրսկել տնտեսության մեջ»,- եզրափակեց Մարուքյանը։

Տպել
711 դիտում

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով

Հունիսի 1-ից ՀՀ քաղաքացիները Չինաստան կարող են մեկնել առանց արտոնագրերի ձևակերպման, սովորական անձնագրով

Երևանի բնակարաններից մեկում 67-ամյա տղամարդու դի է հայտնաբերվել

Անցած 7 օրում հակառակորդը հրադադարի ռեժիմը խախտել է 100 անգամ, հայ դիրքապահների ուղղությամբ արձակվել է 600 կրակոց

Արտակարգ դրության պայմանների իրավախախտման 1251 դեպք է հայտնաբերվել

Պետության խնդիրը «կայուն իմունիտետ» ձեռք բերելն է

Ինքնասպանության փորձ Բաղրամյան պողոտայում. 14-ամյա աղջիկը սպառնացել է ցած նետվել

Այսօր՝ իմ ծննդյան օրը, ես քեզ հողին պիտի հանձնեմ. մահացել է Հայկ Կոնջորյանի հայրը

Արմեն Սարգսյանը շնորհավորել է Խորվաթիայի նախագահ Զորան Միլանովիչին՝ Պետականության օրվա առիթով

ՀՀ խոտածածկ տարածքներում հրդեհներ են բռնկվել

Արցախում կորոնավիրուսից առողջացել է 26 մարդ. մեկուսացված է 67-ը

Քարինջի սկզբնամասում իրականացվել է հարկադիր քարաթափման աշխատանք

ԿԳՄՍ նախարարն այսօր կանցկացնի համադպրոցական ժողով

Հաստատվել է կորոնավիրուսի 251 նոր դեպք, թիվը հասել է 8927-ի, գրանցվել է մահվան 7 նոր դեպք

Հրդեհ Ախուրյան գյուղում. վնասը նյութական է

ՃՏՊ Իոսիֆյան փողոցում. տուժածի վիճակը կայուն ծանր է

Արտակարգ դրությամբ պայմանավորված, Ստեփանծմինդա-Լարս ավտոճանապարհը բաց է միայն բեռնատարների համար