«Դա կյանքի առանձնահատակությունն է, պարո՛ն Թորոսյան, ահազանգում են ոչ թե լուծված, այլ չլուծված խնդիրների մասին»․ վարչապետ

ՀՀ կառավարությունն այսօրվա նիստում որոշեց ավելացնել պետպատվերի շրջանակներում զինծառայողներին եւ նրանց ընտանիքի անդամներին մատուցվող բժշկական օգնությունը:

Հարցը ներկայացրեց առողջապահության նախարար Արսեն Թորոսյանը՝ նշելով, որ վերջին 2 տարիների բարեփոխումների արդյունքում ստացվել էր այնպես, որ ժամկետային զինծառայողների ծնողներն իրենց բարդ ու թանկարժեք վիրահատությունների համար պետությունից ստանում էին 100 տոկոս փոխհատուցում, իսկ պայմանագրային զինծառայողները եւ սպայական անձնակազմը օգտվում էին միայն համավճարային փոխհատուցումից. «Խոսքը սրտի, գլխուղեղի եւ այլ 16 վիրահատությունների մասին է: Ստացվել էր անհավասար իրավիճակ, որը փորձում ենք այս որոշումով շտկել»:

Վարչապետ Նիկոլ Փաշինյանը հստակեցրեց, որ սրանով սպայական կազմին եւ զինծառայողներին ներառում են այն փաթեթի մեջ, որը ստեղծել էին ժամկետային զինծառայողների ծնողների համար: Նա Թորոսյանից հետաքրքրվեց, թե արդյոք սրա մեջ ներառվո՞ւմ են բոլոր տեսակի բժշկական ծառայությունները, թե՞ կան բացառություններ։

Ի պատասխան՝ նախարարն ասաց՝ գրեթե բոլոր․ «Օրինակ՝ եթե կոնքազդրային հոդի պրոթեզավորում է կատարվելու, պրոթեզի գումարը հատկացնում է հիվանդը, նաեւ ատամնաբուժական ծառայությունների մասով չի փոխհատուցվում»:

Վարչապետը նշեց, որ փաստորեն աջակցության շրջանակն անսահմանափակ չէ, եւ, ցավոք, երբ որեւէ բան պետպատվերից դուրս է մնում, մարդիկ ընկալում են, որ պետպատվերը իրականում չի գործում:

Արսեն Թորոսյանն ասաց, որ քայլ առ քայլ պարզեցնում են ամեն ինչ, որ հարցեր չառաջանան։ «Բայց այդ խնդիրը դրված է մեր առաջ, ու մենք շարունակական իրականացնում ենք թե՛ տեղերում՝ հիվանդանոցներում, թե՛ ԶԼՄ-ներով»,- ասաց նախարարը։

Արձագանքելով Թորոսյանին՝ վարչապետն ասաց․ «Դա կյանքի առանձնահատակությունն է, պարո՛ն Թորոսյան, ահազանգում են ոչ թե լուծված, այլ չլուծված խնդիրների մասին։ Լրատվամիջոցների առաջին էջերին երբեք չեն լինի վերնագրեր, որ ամեն ինչ կարգին է, որովհետեւ եթե ամեն ինչ կարգին է, որեւէ բան գրելու անհրաժեշտություն չկա: Մենք հաղորդակցության խնդիր ունենք, ակնկալիքները պետք է ճշգրիտ ձեւակերպենք, որ հետո մարդիկ չմտածեն, թե պետական մակարդակով իրենց խաբում են: Սա շատ կարեւոր է»։

Տպել
569 դիտում

«Մեյմանդարի» շուկան փակված է, ձերբակալվել են մի քանի տասնյակ մարդիկ, հարուցվել է քրեական գործ

Դժբախտաբար ունենք Կավասակիի սինդրոմի առաջին դեպքը 4 տարեկան երեխայի մոտ, ով ունեցել է կորոնավիրուս. նախարար

Չարենցավան քաղաքում հրդեհվել է վագոն-տնակ. տուժածներ չկան

Հենց հիմա Վանաձորի ծննդատան բակում. վարչապետը լուսանկար է հրապարակել

Ակունք գյուղի մոտ հայտնաբերվել է հրթիռ․ փրկարարները սահմանազատել են տարածքը

ՀՀ տարածքում բոլոր ավտոճանապարհները անցանելի են. Լարսը բաց է միայն բեռնատարաների համար

Հրդեհ Աշտարակ քաղաքում. այրվել են շինության տանիքն ու գազի հաշվիչներ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 3 հա տարածք

Քաղաքացիների ուղարկած խախտումների լուսանկարներն ու տեսանյութերը վարչապետը հրապարակել է ֆեյսբուքյան իր էջում

Կապանի գործով տուժողի նկատմամբ անվտանգության միջոց է կիրառվել. պաշտպանական կողմը աննախադեպ է որակում

Բժիշկները պայքարում են արդեն 50 օր թոքերի արհեստական օդափոխության սարքով շնչող պացիենտի կյանքի համար. Գևորգ Սիմոնյան

Եվրամիությունն այնքան էլ ուրախ չէ G7-ի կազմում Ռուսաստանին հետ կանչելու Թրամփի առաջարկով

Պարետի որոշմամբ ՀՀ-ում կարգելվեն շղթայական ռեակցիայի (ՊՇՌ) մեթոդով լաբորատոր հետազոտությունները

Դժգոհ չենք լինի, եթե այս տարի ՀՀ-ում ներքին զբոսաշրջության 150 տոկոս աճ ունենանք, 2019-ին 41 տոկոս ունեինք. վարչապետ

Խնդրում եմ հակահամաճարակային կանոնների խախտման դեպքերը նկարահանեք եւ ուղարկեք իմ ֆեյսբուքյան էջին. վարչապետ

Վանաձորի «Գլորիա» ֆաբրիկան պարետի որոշմամբ վաղը առավոտից կփակվի 72 ժամով. վարչապետ

Այրվել են Թումանյան եւ Նալբանդյան խաչմերուկում տեղադրված 4 աղբամանները. հրդեհողները 26-ամյա տղա ու 23-ամյա աղջիկ են

Երկրում դե յուրե շատ խիստ ռեժիմ է սահմանված այսօր, խնդիրը դե ֆակտոյի մեջ է. վարչապետ

Վանաձորի «Գլորիա» ֆաբրիկայի աշխատողները տեղափոխվում են գերբեռնված ավտոբուսով. վարչապետը լուսանկար է հրապարակել

Sputnik-ի պրոդյուսերից բացի, ԱՄՆ-ում տուժել են այլ ԶԼՄ-ների աշխատակիցներ. նահանգապետը ներողություն է խնդրել (տեսանյութ)